logo

сиёсат

Қасри "Арбоб" - макони сарнавиштсоз

"…Маҳз дар ҳамин иморати пуршукӯҳ, ки бо обилаҳои дасти  деҳқонон ва маҳорати роҳбарии Саидхоҷа Ӯрунхоҷаев қомат  афрохтааст, дар қалби мардуми Тоҷикистон ба оянда шуълаи умед пайдо шуд…"

Эмомалӣ РАҲМОН

Қасри маданияти "Арбоб"-и хоҷагии ба номи Саидхоҷа Ӯрунхоҷаеви ноҳияи Бобоҷон Ғафуров ба шарофати баргузории Иҷлосияи 16-уми Шӯрои Олии Ҷумҳурии Тоҷикистон дар соли 1992 дар таърихи навини давлатдории тоҷик чун макони сарнавиштсози миллат, сулҳу субот ва ваҳдати тоҷикон шӯҳрат ёфт. Бо гузашти рӯзу моҳ ва солҳо аз ин ҳамоиши сиёсӣ аҳамияти таърихии қаср дар зеҳни мардуми кишвар афзун хоҳад шуд.
Дар вилояти Суғд қасри мазкур ҳанӯз аз замони бунёд ёфтанаш миёни аҳолӣ, ба вижа зиёиён бо унвони Петергофи хурд машҳур бошад ҳам, мақому манзалаташ маҳз дар даврони соҳибистиқлолӣ, баъди баргузории маҳз ҳамин иҷлосияи таърихӣ болотар рафт.
Саидхоҷа Ӯрунхоҷаев, ду карат Қаҳрамони Меҳнати Сотсиалистӣ, раиси хоҷагии машҳури "Маскав" (ҳоло ба номи Саидхоҷа Ӯрунхоҷаев) баъди  саёҳат ба шаҳри Ленинград (Санкт-Петербург) ва дидани  қасри Петергоф ба ваҷд меояд ва бо таассуроти бузург аз он ҷо баргашта қатъӣ тасмим мегирад, ки ба ҳамин монанд як иншооти бузургро дар диёри азизаш бунёд намояд. Ва дар давоми шаш сол бо ҷалби беҳтарин лоиҳакашҳои шӯравӣ ва устоҳову наққошон, кандакорони маҳаллӣ чунин як қасри зебову таърихӣ бо омезиши санъати меъмории аврупоиву шарқӣ қомат афрохта, бо силсилафаввораҳояш соли 1957, ки дар Тоҷикистон 1100 - солагии асосгузори адабиёти классикии тоҷику форс устод Абуабдуллоҳи Рӯдакӣ таҷлил шуд, аввалин меҳмононро истиқбол гирифт. Дар ин маросим пирони кор бо сарварии марди бузурги ватанпарвару миллатдӯст Саидхоҷа Ӯрунхоҷаев дасти дуо бардоштанд, ки қаср  ҳамеша дар хизмати наслҳо бошад. Воқеан ҳам дар идомаи беш аз 55 сол  "Арбоб" ба маркази баргузории  конфронсу семинар ва дигар ҳамоишҳои иқтисодиву илмӣ, фарҳангӣ табдил ёфт.
"Арбоб", ки дар  яке аз мавзеъҳои зебо ҷой гирифтааст, дар давоми мавҷудияташ боре таъмири асосӣ надидааст. Аз ин рӯ, аз тобиши офтобу боду борон то андозае фарсуда ва бомаш хароб гашт.
Бо назардошти аҳамияти сиёсӣ доштани "Арбоб" ва ба маркази  фароғативу фарҳангӣ табдил додани он раиси вилояти Суғд қароре ба тасвиб расонд, ки мутобиқи он қаср аз мувозинаи хоҷагии ба номи Саидхоҷа Ӯрунхоҷаев ба тавозуни мақомоти иҷроияи ҳокимияти давлатии вилояти Суғд гузаронида шуда, ба Муассисаи давлатии вилоятии Қасри маданияти "Арбоб" табдил ёфт.
Ба хотири сазовор истиқбол гирифтани 20 - умин солгарди Иҷлосияи 16-уми сарнавиштсози Шӯрои Олии Ҷумҳурии Тоҷикистон шурӯъ аз соли гузашта дар ин мавзеи таърихӣ корҳои таъмиру тармим ва ҳамзамон сохтмони чойхонаи миллӣ барои 1200 ҷои нишаст идома дорад. Барои боз ҳам сарсабзу хуррам нигоҳ доштани мавзеи қасри "Арбоб" дар оғози фасли баҳор зиёда аз 1000 бех ниҳоли сояафкану мевадиҳанда, гулу буттаҳои ороишӣ шинонида шуданд, ки имрӯз бо нашъунамояшон басо ҷолиб гаштаанд.
- Ҷараёни корҳои сохтмонӣ  дар 2,5 баст сурат гирифта, тибқи нақша идома дорад, - иброз медорад Дадоҷон Ғойибов, директори  Муассисаи давлатии вилоятии Қасри маданияти "Арбоб". - Корҳои таъмиру тармим ба дӯши ширкати сохтмонии ҶДММ "Раҳмониён" буда, сохтмони чойхонаи миллиро  ширкати ҶДММ "Евростройсервис" ба уҳда гирифтааст. Барои вусъати корҳои сохтмонӣ феълан зиёда аз 500 мутахассис ҷалб карда шудааст. 
Оқил Оқилов,  Сарвазири мамлакат, аз рафти корҳои таъмиру тармим ва сохтмони чойхонаи миллӣ дидан карда, ҷиҳати бо сифат анҷом додани кор ба масъулони соҳа супоришҳои қатъӣ дод. Чойхонаи боҳашамати миллӣ дуошёна буда, аз толорҳои қабули меҳмонон, гуфтушунид, дафтарҳои фарҳангӣ ва пешайвони барҳаво иборат аст, ки онҳоро устоҳои машҳури Исфара, Истаравшан ва Хистеварз бо санъати қадимии ниёгон нақшу нигору кандакорӣ намудаанд.
- Бо тақозои таърих пойдевори асосии давлатдории навини тоҷикон, сулҳу  рафоқат, ҳамдилӣ ва ягонагии мардуми кишвар дар ҳамин бинои муқаддас гузошта шуд, - таъкид дошт Сарвазири мамлакат. - Аз ин хотир насли наврас ва ояндагон бо арзи эҳтирому арҷгузорӣ аз ин бинову толори осорхонаҳояш дарс бигиранду ҳикмате бардоранд.
- Баъди таъмиру тармим  қасри "Арбоб" пурра ба осорхонаи иборат аз се толори муҳташам табдил меёбад,- иброз медорад Дадоҷон Ғойибов ва меафзояд. -  Толори аввал ба бунёди қаср, фаъолияти хоҷагидории Саидхоҷа Ӯрунхоҷаев бахшида мешавад. Дар толори дувум бошад ҳуҷҷатҳои хеле зиёд, аксҳо, наворҳои телевизионӣ аз ҷараёни Иҷлосияи 16-уми Шӯрои Олии Ҷумҳурии Тоҷикистон ҷой мегиранд. Ва ниҳоят толори сеюм ба даврони соҳибистиқлолии Тоҷикистон бахшида мешавад.
- Толорҳо дар асоси талаботи муосири осорхонаҳои ҷаҳонӣ  тарҳрезӣ шудаанд, - мегӯяд Акбарҷон Маҳмудов, раиси бахши суғдии Иттифоқи ороишгарони Тоҷикистон. - Ҳадаф  ба насли наврас шарҳу эзоҳ додани рӯйдодҳои таърихии кишвар ва ба ин васила дар рӯҳияи ифтихор аз арзишҳои миллӣ ба воя расонидани онҳо мебошад.
Дар ҷараёни азнавсозии бинои асосии қаср мутахассисони бахши меъморию шаҳрсозӣ арзишҳои бузурги меъморию анъанаҳои таърихии офаридаҳои қаблиро нигоҳ дошта, кӯшиш доранд, ки нақшу нигор ва рангубори аслии сақф ва деворҳои онро  барқарор намоянд.
Интизор меравад, ки дар рӯзҳои тантанаи иди Истиқлолият қасри "Арбоб" бо тарҳи тоза, бо биноҳои нави фарҳангиву иҷтимоӣ дарҳои худро ба рӯи ҳамдиёрону меҳмонон боз хоҳад кард.

Ҷовиди АШТӢ,
«Ҷумҳурият»


Баёни ақида (0)    Санаи нашр: 23.08.12    №: 109    Мутолиа карданд: 4327

21.01.2019


Фестивали байналмилалии «Наврӯз – мероси фарҳангии сайёҳӣ» баргузор хоҳад шуд

"Парасту - 2019" – ҷашнвораи ҷумҳуриявии театрҳои касбӣ

ҶАҲОН ДАР ЯК САТР

Баргузории ҷашнвораи байналмилалии «Рӯзи барф» дар Калуга

Дар Арабистони Саудӣ ҷалби бонувон ба корҳои ҷамъиятӣ меафзояд

Соли 2018 прокуратураи Қазоқистон ба буҷети кишвар $90 миллион талофӣ кард

Дар Тошканд хазинаи қадима ёфт шуд

Дороии 26 шахси сарватмандтарини дунё ба даромади 3,8 миллиард ниёзманд баробар аст

18.01.2019


Таҳдидҳои асосӣ ба иқтисоди ҷаҳонӣ номбар шуданд

Гумонбари омодасозии ҳамла ба Қасри сафед ба даст афтод

Дар Чин қаллобонро барои фиреб ҳабси абад карданд

29 миллион сом зарари собиқадорони сохта

Ҷаҳон дар як сатр

17.01.2019


Тамдиди шартномаи ФФТ бо "Сомон Эйр"

60 ДАРАҶА ХУНУКӢ ВА ДАВИ 50 - КИЛОМЕТРАИ ЭКСТРЕМАЛИ МОЛДАВӢ

16.01.2019


Пирӯзии мунтахаби Тоҷикистон бар Эрон

ҶАҲОН ДАР ЯК САТР

Роҳандозии моратории дусола дар Тоҷикистон

Нақшаи Brexit дар парламенти Британия рад карда шуд

Кремл роҳи ҳалли буҳрони Украинаро пешниҳод намуд

Ифтитоҳи онлайн-донишгоҳ барои гурезаҳо дар Италия

15.01.2019


Ҷаласаи ҷамъбастӣ таҳти раёсати муовини Сарвазири мамлакат

Вохӯрии Сироҷиддин Муҳриддин бо Абдулазиз Комилов

Ёдгор Файзов: «Соли 2018 соли таҳкими волоияти қонун дар Бадахшон буд»

ХУҶАНД. 1548 медали варзишгарон дар як сол

ҶАҲОН ДАР ЯК САТР

Созишномаи сулҳ – мавзӯи асосии мулоқоти Путин ва Абэ хоҳад шуд

Савдои хориҷии Чин соли 2018 натиҷаи рекордӣ нишон дод

Дар Алмаато гурӯҳи хориҷиёни террорист боздошт шуд

То соли 2024 аҳолии Қирғизистон бо оби ошомиданӣ пурра таъмин мешавад

10.01.2019


Дар Саразм осорхона ва меҳмонхонаи замонавӣ бунёд мешаванд

Вохӯрии Парвиз Давлатзода бо Владимир Норов

Ҷаласаи Шӯрои кор бо ҷавонон

“ГАНҶИ СУХАН” – маҳфили адибпарвар


Дар сомонаҳои дигари Тоҷикистон хонед