logo

сафарҳо

Тоҷикистон ва Туркманистон: такони ҷиддӣ дар муносиботу ҳамкорӣ

Барномаи сафари расмии Эмомалӣ Раҳмон, Президенти Тоҷикистон, ба Туркманистон субҳи 23 август бо маросими бошукӯҳи истиқболи расмӣ дар назди қасри Оғузхони Президенти Туркманистон оғоз ёфт.
Меҳмони олимақомро Гурбонгулӣ Бердимуҳаммадов, Президенти Туркманистон, истиқбол гирифта, ба болои минбари фахрӣ даъват намуд.
Ба ифтихори ташрифи расмии Президенти Ҷумҳурии Тоҷикистон дар ин ҷо горди фахрии Туркманистон, оркестри ҳарбии асбобҳои нафасӣ, корпуси дипломатии муқими Ашқобод ва ҳайатҳои расмии ҳарду ҷониб саф оростанд.
Маросими истиқболи расмӣ бо гузориши фармондеҳи горди фахрӣ ба Президенти Ҷумҳурии Тоҷикистон, гузашти сарони ду давлат аз назди сафи горд, арзи эҳтиром ба парчами давлатии Туркманистон ва шиносоӣ бо ҳайатҳои расмии ду ҷониб, корпуси дипломатӣ ҷараён гирифт.
Сипас мулоқоти хосаи сарони ду давлат Эмомалӣ Раҳмон ва Гурбонгулӣ Бердимуҳаммадов баргузор шуд, ки дар он маҷмӯи васеи масоили ҳамкории дуҷониба ва минтақавию байналмилалии Тоҷикистону Туркманистон баррасӣ гардид.
Изҳори боварӣ карда шуд, ки ин сафар ба рушди муносиботи дӯстона ва ҳамкории судбахши ду кишвар такони ҷиддӣ мебахшад.
Муҳокимаи васеи масоили ҳамкории ду кишвар дар музокироти расмии сатҳи олӣ бо иштироки ҳайатҳои ҳарду ҷониб сурат гирифт.
Аз густариши робитаҳои сиёсӣ, рушди ҳамкории иқтисодию тиҷоратӣ, илмию техникӣ ва фарҳангии ду кишвар изҳори қаноатмандӣ шуд.
Таъкид гардид, ки барои боз ҳам афзун намудани нишондиҳандаҳои ҳамкории иқтисодию тиҷоратӣ бояд имкону захираҳои фаровони ҳамгироӣ дар бахшҳои гуногуни соҳаи энергетика, ба мисли истихроҷ ва коркарди нафту газ, рушди гидроэнергетика ва ҳамчунин густариши робитаҳои нақлиётию транзитӣ зарур шумурда шуд.
Гурбонгулӣ Бердимуҳаммадов ба афзун намудани ҳаҷми содироти маҳсулоти нафту газ ба Тоҷикистон, густариши робитаҳои нақлиётию транзитӣ ва дар маҷмӯъ афзоиши нишондодҳои ҳамкории иқтисодию тиҷоратӣ ҳавасмандии худро таъкид намуд.
Эмомалӣ Раҳмон бо ишора ба ягонагӣ ва ё наздикии мавқеи Тоҷикистону Туркманистон доир ба аксари масоили минтақавию байналмилалӣ ва ҳамчунин имкону захираҳои фаровони рушди ҳамгироӣ изҳори боварӣ намуд, ки ҳаҷми мубодилоти молу маҳсулот миёни ду кишвар тайи солҳои наздик метавонад ба маротиб афзун гардад.
Аз рӯи натиҷаҳои мулоқоту музокироти расмӣ 8 санади нави ҳамкорӣ ба имзо расид:
Созишномаи ҳамкорӣ миёни палатаҳои савдо ва саноати Тоҷикистону Туркманистон;
Созишнома миёни Бонки миллии Тоҷикистон ва Вазорати молияи Туркманистон дар бораи ҳамгироӣ дар мубориза бо қонунигардонӣ ва расмикунонии даромадҳои бо роҳҳои ҷиноӣ ва маблағгузории терроризм бадастомада;
Созишномаи ҳамкорӣ миёни Академияи илмҳои Тоҷикистон ва Академияи илмҳои Туркманистон;
Барномаи ҳамкорӣ миёни Ҳукумати Ҷумҳурии Тоҷикистон ва Ҳукумати Туркманистон дар соҳаи фарҳанг ва санъат барои солҳои 2013-2014;
Барномаи ҳамкории вазоратҳои корҳои хориҷии Тоҷикистону Туркманистон барои солҳои 2013-2014;
Созишномаи байниҳукуматӣ оид ба мутақобилан ҷудо намудани қитъаи замин барои ҷойгир намудани Сафорати Тоҷикистон дар Туркманистон ва Сафорати Туркманистон дар Тоҷикистон;
Маросими имзои санадҳо бо имзои Баёнияи муштараки Тоҷикистону Туркманистон аз ҷониби сарони ду давлат Эмомалӣ Раҳмон ва Гурбонгулӣ Бердимуҳаммадов ба поён расид.
Зимни изҳороти матбуотӣ сарони ду давлат Эмомалӣ Раҳмон ва Гурбонгулӣ Бердимуҳаммадов аз натиҷаҳои мулоқоту музокироти расмӣ изҳори қаноатмандӣ карда, таъкид бар он доштанд, ки имкону захираҳои фаровони рушди ҳамкорӣ миёни Тоҷикистону Туркманистон бояд мавриди баҳрабардории ҳамаҷониба ва судманд қарор дода шавад.
Эмомалӣ Раҳмон, Президенти Ҷумҳурии Тоҷикистон, дар шаҳри Ашқобод аз ҷониби Гурбонгулӣ Бердимуҳаммадов, Президенти Туркманистон, дар фазои тантанавӣ бо мукофоти олии давлатӣ - ордени Президенти Туркманистон «Битараплик» («Бетарафӣ») сарфароз гардонда шуд.
Тавре  зикр  гардид,  Эмомалӣ  Раҳмон, Сарвари давлати Тоҷикистон, барои саҳми шоистаи шахсии худ дар таҳкими амнияту суботи минтақавӣ, рушди муносибатҳои дӯстӣ ва ҳамкории гуногунпаҳлӯи судбахши миёни Тоҷикистону Туркманистон ва дастгирии мавқеи бетарафии ин кишвар дар арсаи ҷаҳонӣ бо ин мукофоти олии давлатӣ қадрдонӣ гардид.
Хотиррасон  шуд,  ки Эмомалӣ Раҳмон чорумин шахсият аст, ки бо ин мукофоти олии давлатӣ сарфароз мегардад.
То ин вақт бо ин мукофот Сафармурод Ниёзов, Президенти нахустини Туркманистон, Гурбонгулӣ Бердимуҳаммадов, Президенти кунунии ин давлат ва Овезгелди Атаев, собиқ раиси Парлумони Туркманистон, мушарраф гардидаанд.
Эмомалӣ Раҳмон, Сарвари давлати Тоҷикистон, ба Гурбонгулӣ Бердимуҳаммадов, Президенти Туркманистон,  барои чунин қадрдонии баланд арзи сипос карда, онро мукофоти арзандаи кулли мардуми Тоҷикистон номид.

Зимни боздид аз Донишкадаи давлатии иқтисод ва идораи Туркманистон ба Эмомалӣ Раҳмон, Президенти Ҷумҳурии Тоҷикистон, унвони профессори фахрии ин муассисаи бонуфузи таълимӣ дода шуд.
Чунонки  иттилоъ  дода  шуд,   Эмомалӣ Раҳмон бо ин унвони баланд барои саҳми намоёну арзандааш дар рушди робитаҳои илмию маърифатӣ ва фарҳангии миёни Тоҷикистону Туркманистон сарфароз мегардад. Қарор дар ин бора бо пешниҳоди Шӯрои илмии донишкада аз ҷониби Кумитаи давлатии аттестатсионии Туркманистон қабул гардидааст.

Нимаи дуюми рӯз Эмомалӣ Раҳмон, Президенти Ҷумҳурии Тоҷикистон, ба шаҳраки Қипчоқ ташриф оварда, оромгоҳи  Сапармурод Ниёзов, нахустпрезиденти Туркманистонро зиёрат намуд ва дар наздаш гулчамбар гузошт.
Худи ҳамин рӯз Эмомалӣ Раҳмон, Сарвари давлати Тоҷикистон, ҳамчунин дар назди муҷассамаи Конститутсияи Туркманистон гулчанбар гузошта, бо осорхонаи Конститутсияи ин кишвар ва масҷиди Туркманбошӣ аз наздик шинос шуд.


Баёни ақида (0)    Санаи нашр: 25.08.12    №: 110    Мутолиа карданд: 642

19.02.2019


МАКТАБИ ДАВЛАТДОРИИ ЭМОМАЛӢ РАҲМОН. ЯК ҲАМОИШИ МУҲИМ

Баррасии масъалаҳои рушди сайёҳӣ

Вохӯрии Низомиддин Зоҳидӣ бо Мазен Шамия

Дурнамои рушди муносибатҳо матраҳ гардид

ҶОМИ КУШОДАИ АВРУПО. Муҳаммадризо Қувватов медали биринҷӣ ба даст овард

Авҷи ниҳолшинонӣ

Саҳми соҳибкорон дар ободии деҳот

Ҳамкории тиҷоратию иқтисодии Чин ва Россия густурдатар мегардад

Сарвар Дониш: «Музокироти сулҳ бидуни ҳукумат қурбе надорад»

«Туҳфаи шоҳона» - и Арабистони Саудӣ ба шаҳрвандони Покистон

Дар Қазоқистон маркази амнияти иттилоотӣ ифтитоҳ меёбад

Сокини навраси Шимкент ду нафарро аз сӯхтор наҷот дод

Ҷаҳон дар як сатр

18.02.2019


Боздиди Азим Иброҳим аз ҷараёни корҳои сохтмонӣ

ВКД Ҷиноятҳо 83,6 дарсад ошкор шуданд

Вазорати молия. Барои дастгирии буҷет маблағи бештар ҷалб хоҳад гашт

«BISHKEK OPEN – 2019». Дурахши каратэ-дочиёни навраси тоҷик

«МОҲИЯТ ВА ТАЪЙИНОТИ МАТБУОТИ МАҲАЛЛӢ»

РОҒУН. Ободонӣ вусъат меёбад

АНДОЗ. Нақша 100, 6 дарсад иҷро гардид

ТОҶИКИСТОНУ ӮЗБЕКИСТОН. Гардиши савдо ду баробар афзуд

Тоҷикистон миёни кишварҳои ИДМ ба афзоиши баландтарини ММД муваффақ гашт

Дар Тошканд конфронси байналмилалӣ оид ба Осиёи Марказӣ баргузор мегардад

Қасри сафед: "Музокироти тиҷоратӣ дар Пекин ба пешравӣ мусоидат кард"

Трамп мехоҳад ҷангиёни «Давлати исломӣ» - ро ба Аврупо барои суд кардан баргардонад

Кумитаи амнияти иттилоотии Қазоқистон беш аз 90 сомонаи хавфнокро ошкор сохт

Ҷаҳон дар як сатр

15.02.2019


ШАМШЕРБОЗӢ. ИШТИРОКИ ВАРЗИШГАРОНИ МО ДАР ЧЕМПИОНАТИ КУШОДИ ОСИЁИ МАРКАЗӢ

ҶАҲОН ДАР ЯК САТР

Дар Душанбе ташкили низоми муттаҳидаи мудофиаи зиддиҳавоӣ баррасӣ шуд

Дар чор сол муомилоти мол байни Тоҷикистону Ӯзбекистон 19 маротиба афзуд

Медведев: «Таҳримоти ИМА ба иқтисоди Россия таъсири чандон бузург расонда наметавонад»

Пентагон. ИМА аз Афғонистон ҳамроҳи иттифоқчиёнаш меравад

13.02.2019


2018. Сиёсати хориҷии Тоҷикистон пурбарор буд


Дар сомонаҳои дигари Тоҷикистон хонед