logo

туризм

Сингапур – шаҳре дар чорсӯи роҳҳои баҳрӣ

Шаҳр-давлат дар Осиёи ҷануби шарқӣ, яке аз пешрафтатарин пойтахтҳои ҷаҳон, ки омехтаи нодири шукӯҳи аврупоӣ ва анъанаҳои осиёӣ мебошад. Сингапур дорои инфраструктураи мураккаб ва сатҳи баландтарини зиндагӣ дар ҷаҳон аст. Ин ҷо намояндагони якчанд халқ ҳамзистии осоиштае доранд ва омезиши динҳо (ҳукмронашон буддоизм ва даосизм), забонҳо ва фарҳангҳо ба мушоҳида мерасад. Имрӯз дар Сингапур беш аз 3 миллион одам зиндагӣ ба сар мебарад – ин дар ҷаҳон ягона кишварест, ки теъдоди сайёҳонаш (беш аз 7 миллион дар як сол) дар қиёс ба сокинонаш ба маротиб зиёд мебошад. Сайёҳонро маъмулан баҳамоии анъанаҳои фарҳангҳои ҳазорсола ва дастовардҳои технологияи навтарини муосир тасхир мекунанд. Тозагии ҳайратовари Сингапур, комфорт, номгӯйи зиёди ҷашну фестивалҳои ҷолиб, мағозаҳо ва марказҳои савдои олиҷаноб, таъомҳои лазиз ва амнияти тамом ин мустамликаи собиқи Британияро ба биҳиште барои сайёҳон мубаддал сохтаанд.
Сингапур аз як ҷазираи калон ва 63 ҷазираи хурд иборат аст. Дар қисмати шимол шаҳр бо Малайзия тавассути дамбароҳи яккилометра пайванд пайдо кардааст. Дар ҷануб аз байни шаҳр ва Индонезия гулӯгоҳи Сингапур мегузарад, ки уқёнуси Ҳинд ва баҳри Чини Ҷанубиро мепайвандад.
Мегӯянд шаҳр дар асри XIX ҳамчун мустамликаи бритонӣ дар чорсӯи муҳимтарин роҳҳои тиҷоратӣ ва нақлиётӣ бунёд ёфтааст. Дар асл ин пораи заминро ҳанӯз дар садаи сеи милодӣ чиниҳо ҷохуш кардаанд. (Онҳо то имрӯз қисмати аъзам ва доротарини аҳолии Сингапурро такшил медиҳанд.) Баъди чанд аср дар ин ҷо шаҳраке сохтанд, ки барои киштиҳои байни Чин, Ҳиндустон ва ҷазираи Суматра ҳаракаткунанда хидмати лангаргоҳро анҷом медод. Аҳолии он чиниҳо, зодагони Ҳиндустону Малайзия буданд. Ва пойтахти имрӯзаи давлатро ҳам маҳз ҳиндуҳо бунёд ва номгузорӣ кардаанд. Аз садаи XII ин шаҳр ба худ номи Сингапур (Шаҳри шер)-ро гирифтааст. (Қаблан Темасек ном доштааст).
Бритониҳо дар тақдири Сингапур нақши мусбат бозидаанд. Охир, он шаҳри осиёӣ, ки сокинони аввалинаш бунёд карда буданд, 600 сол муқаддам  ба дасти лашкари шоҳигарии Суматра ғорату хароб гашта буд. Баъд аз он ин ҷо муддати зиёде танҳо моҳигирҳои малай ва роҳзанҳои баҳрӣ будубош доштанд. Дар натиҷа гулӯгоҳ ҳамчун ҷойи хеле хатарнок ном баровард.
Сэр Раффлз Стамфорд, губернатори заминҳои Британия дар Малайзия, соли 1819 ба азхудкунии Сингапур пардохт. Чанд муддат Сингапур ба ҳайати федератсияи Малайзия шомил карда шуд. Ин шаҳр -давлат танҳо соли 1965 истиқлолият ба даст овард. Ва дар 40 сол роҳеро тай кард, ки баъзе давлатҳо онро дар садҳо сол пушти сар намудаанд.
Метрополиси ҳинду-чину-малайӣ ё худ шаҳри оянда, ки Стамфорд сохтааст, ҳамчун маркази молиявӣ, нақлиётӣ ва сайёҳӣ торафт нашъунамо меёбад ва аз он бузургмарди англис, ки дар Лондон дар рӯзҳои охири ҳаёташ гадоӣ мекард, ба хушӣ ёд меорад. Ҳайкали ӯ дар соҳили дарёи Сингапур қомат афрохтааст.
Имрӯз ин шаҳр-давлат яке аз кишварҳои аз нигоҳи иқтисодӣ бомаром рушдёбанда ва хеле пешрафтаи Осиё маҳсуб меёбад. Ва ин дар ҳоле, ки захираҳои табиӣ надорад (ҳатто оби нӯшиданиро ба Сингапур ворид месозанд). Шаҳр ба ғайр аз сайёҳӣ ва сохтмон аз корхонаҳои саноати сабук, электронӣ, кимиёвӣ, корхонаҳои тиҷоративу молиявӣ, киштисозӣ даромади зиёд мегирад.
Шарикони асосии хориҷии Сингапур кишварҳои пешрафтае чун ИМА, Ҷопон, Малайзия ва Курё мебошанд. Майдони ҳавоии байналмилалии муосиртарини Чанҷи, ки яке аз беҳтаринҳо дар ҷаҳон шинохта шудааст ва бандари азим, ки аз рӯи гардиши мол дар ҷаҳон чаҳорум маҳсуб меёбад, нақши пулро миёни Сингапур ва боқимондаи дунё иҷро мекунанд. Кишвар қарзи беруна надорад ва сатҳи муҷаҳҳазии техникии аҳолӣ аз бисёр давлатҳои пешрафтаи ҷаҳон болотар аст.
Мардуми Сингапур дар муносибат бо дигарон хеле ботамкин ва таҳаммулпазир мебошад.
Вале ҳамзамон онҳоеро, ки ба тозагӣ риоя намекунанд ё шохи дарахтеро мешикананд, ё парандаеро мекушанд, ҷаримаҳои миёншикан мебанданд.
Мавзеъҳои асосии Сингапур асосан дар округи тиҷоратии марказӣ, ҷазираҳои Сентоза ва Ҷуронг ҷойгиранд. Округи тиҷоратӣ (маркази шаҳр) дорои меҳмонсароҳои муосиртарини осмонбӯс, марказҳои муосири тиҷоратӣ, клубҳои шабона ва тарабхонаҳои зиёде мебошад. Элитаи Сингапур дар ҳамин округ зиндагӣ мекунад.
Дар ҷазираи Сентоза осоишгоҳи беҳтарине ҷойгир аст, ки дорои порки олиҷаноб ва аттраксион барои ҳамаи синну сол, аквариуми зеботарин ва иншооти варзиш мебошад. Дар ин ҷазира шуморо фаввораҳои оҳандор ва се осорхона  истиқбол мегирад.
Дар Ҷуронг, ки асоси иқтисодиёти Сингапур маҳсуб меёбад, аз ҳама ҷолибтар Боғи парандаҳо мебошад. Ин ҷо беш аз 8000 намояндаи болдорон аз тамоми кунҷу канори замин гирд омадаанд (беш аз 600 намуд). Барои ҳамаи онҳо шароити табиии мусоид фароҳам сохта шудааст.
Аз ноҳияҳои шаҳр беҳтаринҳояш Чайнатаун, «Ҳиндустони хурд» ва кӯчаи Араб ба шумор мераванд.
Вақте дар кӯчаи Араб садои азон аз масҷиди Султон (калонтарин масҷиди шаҳр) баланд мешавад, ҳамаи сокинони он барои адои намоз мешитобанд. Онҳо дари хона ва дӯконҳои худро кушода мемонанд. Таърихи ин кӯча ҳодисаи дуздиро ёд надорад.

Тарҷума аз китоби «50 великих городов мира»,
Харков, ФОЛИО, 2006


Баёни ақида (0)    Санаи нашр:    №:    Мутолиа карданд: 1090

12.06.2019


ХУҶАНД. "Зирвеко" ба фаъолият мепардозад

Муаррифии асари Си Ҷинпин «Дар бораи идоракунии давлатӣ»

Баргузории конфронси сайёҳӣ дар Рашт

Масоили низоми бонкӣ матраҳ гардид

Дар Чин аз обхезии тобистона 6,75 миллион нафар зарар дид

Дар Ӯзбекистон рӯйхати идҳои касбиро Рӯзи китобдор афзуд

Дар Ҷопон ба солхӯрдаҳо шаҳодатномаи вижаи ронандагӣ медиҳанд

Сокини Британия дар лотерея Ј123 миллион бурд намуд

Ҷаҳон дар як сатр

11.06.2019


Песков: «Путин ба Тоҷикистон ва Қирғизистон сафар мекунад»

Иштироки роҳбарони 11 кишвар дар ҳамоиши Бишкек

Президенти Қазоқистон аз хусуси роҳҳои ҳалли мушкилоти иҷтимоӣ ҳарф зад

Ҷаҳон дар як сатр

ФАРХОР. Бонувон ба ҳунаромӯзӣ ҳавасманд мешаванд

"Куллиёт" - и Миробид Саййидои Насафӣ

04.06.2019


Лукашенко: "Эмомалӣ Раҳмонро оммаи мардум интизор аст"

Бунёдкорони роботтехникаи Россия ва Чин дар Владивосток ҷамъ омаданд

Ҷаҳон дар як сатр

Машварати сиёсии вазоратҳои корҳои хориҷии Тоҷикистон ва Белгия

Муаррифии портали хизматрасониҳои электронӣ барои андозсупорандагон

Дар ноҳияи Рашт конфронси минтақавӣ баргузор мегардад

ФУТБОЛ. Ду бозии рафиқона бо мунтахаби Ӯзбекистон

03.06.2019


Дар Тоҷикистон баландтарин афзоиши теъдоди сайёҳон ба қайд гирифта шуд

Гармои тоқатфарсо дар Ҳиндустон

Тасдиқи барнома оид ба бозомӯзии касбии кормандони соҳаи маориф

Иди саиди Фитр 5 июн таҷлил мешавад

Форуми байналмилалии сармоягузории «Кӯлоб – 2019» баргузор мегардад

Ёқубҷон Абдуманнонзода - соҳиби дипломи озмуни «Килки тиллоӣ»

Ҷаҳон дар як сатр

29.05.2019


Путин бо нахустпрезиденти Қазоқистон вохӯрд

Раиси Шӯрои Аврупо Доналд Туск ба Тоҷикистон меояд

Мусофири ҳавопаймо аз фурӯбарии 1,5 кг кокаин ба ҳалокат расид

Ҷаҳон дар як сатр

28.05.2019


Дар Қазоқистон ба бунёди ширкатҳои давлатӣ мораторий ҷорӣ карданд


Дар сомонаҳои дигари Тоҷикистон хонед