logo

мулоқотҳо

Сиаою Жао ба Тоҷикистон ташриф овард

9 октябр Эмомалӣ Раҳмон, Президенти кишвар, Сиаою Жао, ноиби президенти Бонки осиёии рушдро ба ҳузур пазируфт.
Дар мулоқот масоили вобаста ба ҳамкории дарозмуддати Тоҷикистон бо ин бонки соҳибнуфуз баррасӣ шуданд.

Бо қаноатмандӣ зикр гардид, ки дар солҳои гузашта бонки мазкур ба Тоҷикистон дар ҳаҷми қариб 1 миллиард доллари амрикоӣ қарзҳои имтиёзнок, грантҳо ва ёрии техникӣ пешниҳод намудааст ва ҳоло бо маблағи умумии 530 миллион доллари амрикоӣ як зумра лоиҳаҳои дигар дар бахшҳои энергетика, нақлиёт ва молияи давлатӣ мавриди татбиқ қарор дорад. Ҳамчунин хотиррасон гардид, ки тибқи Барномаи шарикии Бонки осиёии рушд ва Тоҷикистон барои солҳои 2012-2014 барои беҳтар намудани шабакаи роҳҳои нақлиётӣ, амнияти энергетикӣ, рушди бахши хусусӣ ва идоракунии минтақавӣ 200 миллион доллари амрикоӣ асосан дар шакли грант ҷудо мегардад.
Тазаккур дода шуд, ки ҳоло бо маблағгузории грантии Бонки осиёии рушд роҳи мошингарди Душанбе - Турсунзода - сарҳади Ӯзбекистон мавриди навсозӣ қарор дорад ва барои анҷом додани ҳамин кор дар роҳи мошингарди Айнӣ-Панҷакент - сарҳади Ӯзбекистон низ қарори дахлдор қабул шудааст.
Аз ин хотир Эмомалӣ Раҳмон, Сарвари давлат, ба роҳбарияти Бонки осиёии рушд арзи сипос карда, ҳамзамон изҳори боварӣ намуд, ки минбаъд ин ҳамкории мутақобилан судманд боз ҳам густариш меёбад.
Доир ба густариши ҳамкорӣ барои беҳсозии минбаъдаи шабакаҳои нақлиётию энергетикии Тоҷикистон, татбиқи лоиҳаҳои минтақавӣ доир ба бунёди роҳҳои оҳану мошингард, хатҳои интиқоли неруи барқ, кашидани лӯлаҳои газ ва дигар мавзуъҳои мавриди таваҷҷуҳ гуфтугӯи судманд сурат гирифт.

www.president.tj

* * *
Тавсеаи ҳамкориҳои Тоҷикистону Бонки осиёии рушд дар самти таҷдиди шабакаҳои нақлиётию энергетикӣ, татбиқи босамари лоиҳаҳои минтақавӣ оид ба бунёди роҳҳои оҳану мошингард, хатҳои интиқоли неруи барқ, кашидани лӯлаҳои газ ва рушди бахши хусусӣ дар меҳвари суҳбати Эмомалӣ Раҳмон - Президенти Ҷумҳурии Тоҷикистон бо Сиаою Жао, ноиби президенти Бонки осиёии рушд, қарор гирифт.
Сиаою Жао пас аз мулоқот бо Сарвари давлати Тоҷикистон ин матлабро дар ҳузури хабарнигорон баён намуда, афзуд, ки бонки мазкур ҷиҳати таҳкими ҳамкориҳои дарозмуддат бо кишвари мо ҳавасманд аст. Ӯ бо қанотамандӣ аз натиҷаҳои сафараш ба Тоҷикистон изҳор дошт, ки минбаъд низ барои идомаи ҳамкориҳои мутақобилан судманди дуҷониба талош хоҳад кард. 
Ноиби президенти Бонки осиёии рушд аз натиҷаи мулоқот бо Эмомалӣ Раҳмон изҳори хушҳолӣ намуда, итминон дод, ки ин дидор ба рушди ҳамкориҳои дуҷониба, аз ҷумла иҷрои босамари «Барномаи шарикии Бонки осиёии рушд ва Тоҷикистон барои солҳои 2012-2014» такони нав мебахшад.
Ҳайати намояндагии ин бонки бонуфуз дар доираи сафар ба Тоҷикистон,  ҳамчунин бо аъзои Ҳукумати ҷумҳурӣ, роҳбарияти бахши иқтисодии кишвар низ вохӯрӣ анҷом дода, масоили зиёди мавриди назарро баррасӣ карданд.

Фирӯзи РАҲМОНИЁН, «Ҷумҳурият»


Баёни ақида (0)    Санаи нашр: 13.10.12    №: 132    Мутолиа карданд: 633

19.06.2019


Дар Кӯлоб Фестивали ҷумҳуриявии дӯстии ҷавонон баргузор шуд

Баррасии вазъ ва дурнамои ҳамкориҳо

Боздид аз Муассисаи давлатии «Боғи миллии Ваҳдат”

ПАНҶАКЕНТ. Омодагиҳо ба ҷашни фархунда

Писарбачаи тоҷик дар Хабаровск дӯсташро аз чоҳи оби ҷӯш наҷот дод

Тоҷикистону Беларус: «Муҳокимаи тақвияти ҳамкориҳои низомӣ»

Си Ҷинпин азми сафари Ҷумҳурии Халқии Демократии Корея дорад

Ҷаҳон дар як сатр

12.06.2019


ХУҶАНД. "Зирвеко" ба фаъолият мепардозад

Муаррифии асари Си Ҷинпин «Дар бораи идоракунии давлатӣ»

Баргузории конфронси сайёҳӣ дар Рашт

Масоили низоми бонкӣ матраҳ гардид

Дар Чин аз обхезии тобистона 6,75 миллион нафар зарар дид

Дар Ӯзбекистон рӯйхати идҳои касбиро Рӯзи китобдор афзуд

Дар Ҷопон ба солхӯрдаҳо шаҳодатномаи вижаи ронандагӣ медиҳанд

Сокини Британия дар лотерея Ј123 миллион бурд намуд

Ҷаҳон дар як сатр

11.06.2019


Песков: «Путин ба Тоҷикистон ва Қирғизистон сафар мекунад»

Иштироки роҳбарони 11 кишвар дар ҳамоиши Бишкек

Президенти Қазоқистон аз хусуси роҳҳои ҳалли мушкилоти иҷтимоӣ ҳарф зад

Ҷаҳон дар як сатр

ФАРХОР. Бонувон ба ҳунаромӯзӣ ҳавасманд мешаванд

"Куллиёт" - и Миробид Саййидои Насафӣ

04.06.2019


Лукашенко: "Эмомалӣ Раҳмонро оммаи мардум интизор аст"

Бунёдкорони роботтехникаи Россия ва Чин дар Владивосток ҷамъ омаданд

Ҷаҳон дар як сатр

Машварати сиёсии вазоратҳои корҳои хориҷии Тоҷикистон ва Белгия

Муаррифии портали хизматрасониҳои электронӣ барои андозсупорандагон

Дар ноҳияи Рашт конфронси минтақавӣ баргузор мегардад

ФУТБОЛ. Ду бозии рафиқона бо мунтахаби Ӯзбекистон

03.06.2019


Дар Тоҷикистон баландтарин афзоиши теъдоди сайёҳон ба қайд гирифта шуд

Гармои тоқатфарсо дар Ҳиндустон

Тасдиқи барнома оид ба бозомӯзии касбии кормандони соҳаи маориф

Иди саиди Фитр 5 июн таҷлил мешавад


Дар сомонаҳои дигари Тоҷикистон хонед