logo

сафарҳо

Иштирок дар ҳамоиши сарони давлатҳои аъзои Созмони ҳамкориҳои иқтисодӣ дар Боку

16 октябр дар шаҳри Боку -пойтахти Ҷумҳурии Озарбойҷон бо иштироки Эмомалӣ Раҳмон, Президенти Ҷумҳурии Тоҷикистон ва роҳбарони як зумра кишварҳои дигар ҳамоиши 12-уми сарони давлатҳо ва ҳукуматҳои кишварҳои аъзои Созмони ҳамкориҳои иқтисодӣ (ЭКО) баргузор шуд.
Барои иштирок дар ин ҳамоиш ба шаҳри Боку ҳамчунин сарони давлатҳои Афғонистон, Покистон, Эрон, Сарвазири Туркия, намояндагони воломақоми Қазоқистону Қирғизистон, Туркманистону Ӯзбекистон ва фиристодагони созмонҳои дигари минтақавию байналмилалӣ ташриф оварданд.
Дар ҳамоиш масоили вобаста ба рушди ҳамкорӣ дар соҳаҳои иқтисод ва савдо, нақлиёт, энергетика, саноат, кишоварзӣ, ҳифзи муҳити зист, маориф, илму техника, тандурустӣ, фарҳанг ва ғайра баррасӣ шуданд.
Эмомалӣ Раҳмон, Сарвари давлати Тоҷикистон, аз лоиҳаҳои сершумори минтақавӣ доир ба инфрасохтори нақлиётӣ ва энергетикӣ, истифодаи захираҳои обию барқӣ, бунёди минтақаҳои тиҷорати озод, эҷоди шароити мусоид барои рафтуомади озоди одамон ва интиқоли бемамониати молу нақлиёт ёдовар шуда, изҳор дошт, ки Созмони ҳамкориҳои иқтисодӣ ва кишварҳои аъзои он бояд дар татбиқи босамари онҳо фаъолу ташаббускор бошанд.
Таъкид гардид, ки ин созмон ва кишварҳои аъзои он метавонанд ташаббусро дар татбиқи лоиҳаҳои бунёди роҳҳои оҳану мошингард, аз ҷумла роҳи оҳани Чин-Қирғизистон-Тоҷикистон-Афғонистон-Эрон, хатҳои интиқоли неруи барқ ба мисли лоиҳаи КАСА-1000, хатҳои интиқоли газ ва ғайра ба дасти худ бигиранд.
Эмомалӣ Раҳмон, Сарвари давлати Тоҷикистон, бо ёдоварӣ аз фаъолияти Хазинаи вижаи Созмони ҳамкориҳои иқтисодӣ оид ба эҳёи Афғонистон ва Нақшаи амалиёти он, изҳори боварӣ намуд, ки ин созмон аз лоиҳаи бунёди Маркази минтақавии касбию техникӣ оид ба омодасозии кадрҳо барои иқтисодиёти Афғонистон дар Тоҷикистон пуштибонӣ мекунад.
Дар фароварди сухани худ Эмомалӣ Раҳмон изҳор дошт: «Тоҷикистон ба усулҳо ва ҳадафҳои Созмони ҳамкориҳои иқтисодӣ содиқ буд ва хоҳад монд ва омода аст сатҳу сифати ширкати худро дар чаҳорчӯби фаъолияти он баландтару хубтар намояд».
Хотиррасон бояд намуд, ки Созмони ҳамкориҳои иқтисодӣ (ЭКО) соли 1985 аз ҷониби Эрон, Покистон ва Туркия таъсис ёфта, соли 1992 ба он Афғонистону Озарбойҷон, Тоҷикистон ва кишварҳои дигари Осиёи Марказӣ аъзо шуданд.


Баёни ақида (0)    Санаи нашр: 18.10.12    №: 133-134    Мутолиа карданд: 1011

15.11.2018


Ҳамоиш бахшида ба Рӯзи Президент

Нурдинҷон Исмоилов ба Тоҷикистон меояд

Мулоқоти Зубайдулло Зубайдзода бо Амал Муҷрин ал - Ҳамад

Конференсияи гиромидошти Бобоҷон Ғафуров

Путин ва Абэ дар асоси қатъномаи соли 1956 гуфтушунид хоҳанд кард

Таҳлилгарони Nomura сустшавии суръати рушди иқтисоди ҷаҳониро пешгӯӣ намуданд

Frontex: ба Аврупо омадани гурезаҳо 31 дарсад коҳиш ёфт

Назарбоев соли 2019-ро Соли ҷавонон эълом дошт

Ҷаҳон дар як сатр

14.11.2018


Вусъати корҳои ободонӣ дар ноҳияи Восеъ

Ҷамъоварии $482 миллион ба ёрии мардуми Ироқ

Назарбоев ташкили Созмони амнияти дастаҷамъии Осиёро пешниҳод дорад

Ҷонибдории Ангела Меркел аз ташкили артиши ягонаи аврупоӣ

Дар Тошканд Ҳафтаи соҳибкории глобалӣ шурӯъ шуд

Ҷаҳон дар як сатр

ЧЕМПИОНАТИ ҶАҲОН – 2018. Иштироки се бонуи муштзани тоҷик

БОНКИ МИЛЛӢ. Иқдоми наҷиб

13.11.2018


Мулоқоти Сироҷиддин Муҳриддин ва Юе Бин

Баимзорасии ёддошти тафоҳум

Нақшаи чорабиниҳои амалӣ намудани корҳои ободонию бунёдкорӣ дар давраи солҳои 2019 – 2021 тасдиқ гардид

БӮСТОН. Таҷдиди шуъбаи урология

ВАҲДАТ. 5 иншооти ҷашнӣ ба истифода дода шуд

ЁВОН СИМОИ ТОЗА МЕГИРАД

НОҲИЯИ ШАМСИДДИНИ ШОҲИН. Кӯшишҳо самар медиҳанд

"Дар ин дунё Карим Девонае буд"

Ҳузури бераводиди тоҷикистониён дар Туркия 3 баробар дароз шуд

Аврупо дар бозёбии партовҳои уран дар Тоҷикистон саҳм мегирад

Москва аз ҷумлаи даҳ шаҳри беҳтарини дунёст

Гунаҳгорони ҳалокати 52 ӯзбекистонӣ зиндонӣ шуданд

Чин дар ҷаҳон калонтарин воридкунандаи газ

Ҷаҳон дар як сатр

ҚУБОДИЁН. 48 медали варзишгарон дар нуҳ моҳ

12.11.2018


Дар Париж ҳамоиши сулҳ ифтитоҳ ёфт

Бо эҳтимоми ҳукумати Ҳиндустон нархи сӯзишворӣ арзон мешавад


Дар сомонаҳои дигари Тоҷикистон хонед