logo

мулоқотҳо

Иштироки Эмомалӣ Раҳмон дар ҷаласаи навбатии Шӯрои машваратии назди Президенти Ҷумҳурии Тоҷикистон оид ба беҳтар намудани фазои сармоягузорӣ, шаҳри Душанбе, 19 октябри соли 2012

Таҳти раёсати Эмомалӣ Раҳмон, Президенти Ҷумҳурии Тоҷикистон, ҷаласаи даҳуми Шӯрои машваратии назди Президенти Ҷумҳурии Тоҷикистон оид ба беҳтар намудани фазои сармоягузорӣ баргузор гардид.
Дар ҷаласа аъзои Шӯрои машваратӣ, масъулони вазорату идораҳо, намояндагони бахши хусусӣ ва шарикони хориҷии рушд иштирок доштанд.

Дар оғози ҷаласа ду нафар аз ҷониби бахши хусусии ватанӣ - Музаффар Саймуддинов, роҳбари Ҷамъияти дорои масъулияти маҳдуди «Кафолат» ва Баҳром Рустамов, роҳбари Ҷамъияти дорои масъулияти маҳдуди «Даврон» ба узвияти Шӯрои машваратӣ пазируфта шуданд.
Сипас гузориши Давлаталӣ Саидов, котиби масъули Шӯро, раиси Кумитаи давлатии сармоягузорӣ ва идораи амволи давлатӣ, оид ба рафти иҷрои қарорҳои қаблии Шӯрои машваратии назди Президенти Ҷумҳурии Тоҷикистон оид ба беҳтар намудани фазои сармоягузорӣ шунида шуд.
Таҳия ва қабули Кодекси нави андоз ва Қонуни Ҷумҳурии Тоҷикистон “Дар бораи шарикии давлат ва бахши хусусӣ”, ки бо ҷалби васеи сохторҳои масъули давлатӣ, соҳибкорони хусусӣ, шарикони хориҷии рушд ва аҳли ҷомеаи кишвар сурат гирифт, аз самараҳои хуби фаъолияти Шӯро дар соли равон номида шуд. Зикр гардид, ки барои татбиқи босамари Қонуни Ҷумҳурии Тоҷикистон “Дар бораи шарикии давлат ва бахши хусусӣ” Нақшаи чорабиниҳо таҳия ва пешниҳод шудааст.
Доир ба ин масъала ҳамчунин Улф Ҳиндстром - намояндаи Бонки аврупоии таҷдид ва рушд ва Масъуда Тӯраева, роҳбари Иттифоқи ассотсиатсияҳои соҳибкории вилояти Суғд, сухан гуфта, аз пешрафти ботадриҷи корҳо дар самти беҳсозии фазои соҳибкорию сармоягузорӣ изҳори қаноат карданд.
Муаррифии лоиҳаи Қонуни Ҷумҳурии Тоҷикистон «Дар бораи санҷиши фаъолияти субъектҳои соҳибкорӣ» дар таҳрири нав масъалаи дуюми рӯзномаи ҷаласа буд. Ин кор аз ҷониби Миралӣ Қодиров, роҳбари Маркази дастгирӣ ва рушди соҳибкории шаҳри Душанбе, анҷом ёфт.
Эмомалӣ Раҳмон, Сарвари давлат, ба ин масъала таваҷҷуҳи хос зоҳир намуда, аз ҷумла изҳор дошт, ки дар ин самт тадбирҳои зиёд анҷом ёфтаанд, вале онҳо ҳанӯз нокифояанд, зеро то ҳол санҷиши субъектҳои хоҷагидор, аз ҷумла барои соҳибкорон мураккаб ва гарон боқӣ мондааст.
Дар ин бора ҳамчунин Штефан Эрбер, намояндаи Агентии Олмон оид ба ҳамкории байналмилалӣ, изҳори андеша намуд.
Доир ба беҳтар намудани фазои сармоягузорӣ ва соҳибкорӣ дар вилояти Суғд, ки масъалаи сеюми ҷаласа буд, Қоҳир Расулзода, раиси ин вилоят, гузориш дод. Бунёди 66 корхонаи хурди хусусии истеҳсолӣ дар соли 2011 ва 100 адади дигар бо 6 ҳазор ҷойи кор дар соли 2012 натиҷаи ҳамкории хуби сохторҳои давлатӣ ва бахши хусусӣ дар вилояти Суғд номида шуд.
Зимни муҳокимаи лоиҳаи рӯзномаи ҷаласаи ояндаи Шӯро масъалаи беҳсозии фазои сармоягузорӣ ва соҳибкорӣ дар бахши сайёҳӣ ба он ворид карда шуд.
Дар фароварди ҷаласа Эмомалӣ Раҳмон, Сарвари давлат, суханронӣ намуда, ба сохторҳои масъули давлатӣ доир ба беҳсозии минбаъдаи фазои соҳибкорию сармоягузорӣ, ташкили дурусти шарикии миёни давлат ва бахши хусусӣ, сода намудани расмиёти соҳаҳои андоз, гумрук, иҷозатдиҳӣ, санҷишҳои молиявӣ, содироту воридоти молу маҳсулот ва ғайра дастуру ҳидоятҳои мушаххас дод. Аз ҷумла дастур дода шуд, ки Фонди дастгирии давлатии соҳибкории хурди хусусии истеҳсолӣ таъсис дода шавад. Таъкид гардид, ки ба ҷаласаи ояндаи Шӯрои машваратӣ ахбори раиси Шӯрои минтақавӣ оид ба беҳтар намудани фазои сармоягузорӣ ва соҳибкорӣ дар Вилояти Мухтори Кӯҳистони Бадахшон пешниҳод карда шавад.


Баёни ақида (0)    Санаи нашр: 25.10.12    №: 135    Мутолиа карданд: 445

15.11.2018


Ҳамоиш бахшида ба Рӯзи Президент

Нурдинҷон Исмоилов ба Тоҷикистон меояд

Мулоқоти Зубайдулло Зубайдзода бо Амал Муҷрин ал - Ҳамад

Конференсияи гиромидошти Бобоҷон Ғафуров

Путин ва Абэ дар асоси қатъномаи соли 1956 гуфтушунид хоҳанд кард

Таҳлилгарони Nomura сустшавии суръати рушди иқтисоди ҷаҳониро пешгӯӣ намуданд

Frontex: ба Аврупо омадани гурезаҳо 31 дарсад коҳиш ёфт

Назарбоев соли 2019-ро Соли ҷавонон эълом дошт

Ҷаҳон дар як сатр

14.11.2018


Вусъати корҳои ободонӣ дар ноҳияи Восеъ

Ҷамъоварии $482 миллион ба ёрии мардуми Ироқ

Назарбоев ташкили Созмони амнияти дастаҷамъии Осиёро пешниҳод дорад

Ҷонибдории Ангела Меркел аз ташкили артиши ягонаи аврупоӣ

Дар Тошканд Ҳафтаи соҳибкории глобалӣ шурӯъ шуд

Ҷаҳон дар як сатр

ЧЕМПИОНАТИ ҶАҲОН – 2018. Иштироки се бонуи муштзани тоҷик

БОНКИ МИЛЛӢ. Иқдоми наҷиб

13.11.2018


Мулоқоти Сироҷиддин Муҳриддин ва Юе Бин

Баимзорасии ёддошти тафоҳум

Нақшаи чорабиниҳои амалӣ намудани корҳои ободонию бунёдкорӣ дар давраи солҳои 2019 – 2021 тасдиқ гардид

БӮСТОН. Таҷдиди шуъбаи урология

ВАҲДАТ. 5 иншооти ҷашнӣ ба истифода дода шуд

ЁВОН СИМОИ ТОЗА МЕГИРАД

НОҲИЯИ ШАМСИДДИНИ ШОҲИН. Кӯшишҳо самар медиҳанд

"Дар ин дунё Карим Девонае буд"

Ҳузури бераводиди тоҷикистониён дар Туркия 3 баробар дароз шуд

Аврупо дар бозёбии партовҳои уран дар Тоҷикистон саҳм мегирад

Москва аз ҷумлаи даҳ шаҳри беҳтарини дунёст

Гунаҳгорони ҳалокати 52 ӯзбекистонӣ зиндонӣ шуданд

Чин дар ҷаҳон калонтарин воридкунандаи газ

Ҷаҳон дар як сатр

ҚУБОДИЁН. 48 медали варзишгарон дар нуҳ моҳ

12.11.2018


Дар Париж ҳамоиши сулҳ ифтитоҳ ёфт

Бо эҳтимоми ҳукумати Ҳиндустон нархи сӯзишворӣ арзон мешавад


Дар сомонаҳои дигари Тоҷикистон хонед