logo

мулоқотҳо

Қабули эътимоднома аз сафирони нав

19 октябр, нимаи дуюми рӯз Эмомалӣ Раҳмон, Президенти Ҷумҳурии Тоҷикистон, аз сафирони нави Иёлоти Муттаҳидаи Амрико, Украина ва Нидерландия эътимоднома қабул намуд.

Ба Эмомалӣ Раҳмон, Сарвари давлати Тоҷикистон, Сюзен Мари Эллиот, Сафири нави фавқулодда ва мухтори Иёлоти Муттаҳидаи Амрико, Никитюк Виктор Олегович аз Украина ва Ван Левен Ретер аз Нидерландия, барои намояндагии дипломатӣ кардан аз давлатҳои худ эътимоднома супурданд.
Эмомалӣ Раҳмон, Президенти кишвар, онҳоро бо оғози фаъолияти дипломатӣ дар Тоҷикистон табрику таҳният гуфта, изҳори боварӣ намуд, ки барои рушди минбаъдаи ҳамкории мутақобилан судманд нақши намоён мегузоранд.
Эмомалӣ Раҳмон, Сарвари давлат, аз сатҳи баланди ҳамёрии пурмазмуни Тоҷикистону Амрико дар соҳаҳои сиёсат ва амният изҳори қаноатмандӣ карда, ҳамзамон зарурати густариши ҳамкорӣ дар бахшҳои муҳими иқтисодиро таъкид намуд.
Эмомалӣ Раҳмон, Президенти ҷумҳурӣ, Украинаро шарики муҳими Тоҷикистон дар фазои афзалиятноки пасошӯравӣ номида, бо қаноатмандӣ ёдовар шуд, ки дар тӯли 21 соли рушди мустақил ду кишвар густариши зина ба зинаи робитаҳои сиёсию иҷтимоӣ, иқтисодию тиҷоратӣ ва фарҳангии худро таъмин намуда, босамар идома медиҳанд.
Шоҳигарии Нидерландия бошад аз ҷониби Эмомалӣ Раҳмон яке аз шарикони асосии тиҷоратии Тоҷикистон дар Аврупо номида шуд. Изҳори умед карда шуд, ки Тоҷикистону Нидерландия дар чаҳорчӯби муносиботи дуҷониба ва ҳам дар доираи Иттиҳоди Аврупо ва дигар созмонҳои байналмилалӣ ҳамгироии боз ҳам босамар ба роҳ мемонанд.
Сафирони нави Иёлоти Муттаҳидаи Амрико, Украина ва Нидерландия дар навбати худ изҳор доштанд, ки барои рушди босуботи муносиботи дӯстӣ ва ҳамкории судманди кишварҳои худ бо Тоҷикистон ҷаҳду талош мекунанд.

www.president.tj


Сафирони нави Иёлоти Муттаҳидаи Амрико, Украина ва Нидерландия баъд аз супурдани эътимоднома ба Эмомалӣ Раҳмон, Президенти Ҷумҳурии Тоҷикистон, дар ҳузури хабарнигрон суҳбат карданд.
Сюзен Мари Эллиот, Сафири фавқулода ва мухтори Иёлоти Муттаҳидаи Амрико дар Тоҷикистон, сатҳи кунунии ҳамкориҳои гуногунҷанбаи Тоҷикистону Амрикоро тавсиф намуд. Ӯ изҳор дошт, ки дар суҳбат бо Сарвари давлати Тоҷикистон доираи васеи ҳамкориҳои ба ҳарду ҷониб судманд баррасӣ шудааст. Дар гуфтугӯи тарафайн ба сатҳи ҳамкориҳои амниятии ду давлат баҳои баланд дода шуда, густариши равобити минбаъда дар бахшҳои иқтисодӣ, маориф ва фарҳанг таъкид гардидааст.
Сюзен Мари Эллиот, ки дар ин мақом Кеннет Гроссро иваз намуд, изҳор дошт, ки ба сифати намояндаи дипломатии Амрико барои таҳкими ҳарчи бештари ҳамкориҳои кишвараш бо Тоҷикистон талош хоҳад кард.
Дар ҳамин ҳол, Никитюк Виктор Олегович, Сафири фавқулода ва мухтори Украина дар Тоҷикистон, аз он ки нахустин намояндаи дипломатии ин кишвар дар мамлакати мост, изҳори хушҳолӣ кард. Ба қавли ӯ, Тоҷикистону Украина шарикони боэътимод буда, равобити деринаи дӯстию ҳамгироӣ доранд. Дипломати украин итминон дод, ки татбиқи санаду созишномаҳои ҳамкории ду давлат, ки  дар сатҳи олӣ ба имзо расидаанд, меҳвари фаъолият қарор дода, бо истифода аз имконоти мавҷуда ҷиҳати вусъат бахшидани равобити ду кишвар аз худ нақше боқӣ хоҳад гузошт.
Ван Левен Ретер, Сафири нави Нидерландия дар Тоҷикистон, ба хабарнигорон гуфт, ки дар мулоқот бо Эмомалӣ Раҳмон, Президенти Ҷумҳурии Тоҷикистон, бештар рӯи масоили тиҷорат, тавсеи ҳамкориҳои иқтисодӣ ва кишоварзӣ табодули назар шудааст. Ин дар ҳолест, ки Тоҷикистон Шоҳигарии Нидерландияро дар қораи Аврупо шарики асосии тиҷоратии худ эътироф мекунад. Зикр шуд, ки ин кишвар аз нигоҳи содироти маҳсулоти кишоварзӣ дар ҷаҳон мақоми дуюмро ба худ ихтисос додааст. Аз ин рӯ, ҷонибҳо густариши ҳамкориҳои ду давлат дар ин самт ва табодули таҷрибаи кишоварзонро таъкид намудаанд.
Ёдовар мешавем, ки Ван Левен Ретер, аз замони истиқрори муносиботи дипломатии Тоҷикистону Нидерландия бори дувум ба мақоми сафири ин кишвар дар ҷумҳурии мо таъйин шуд.

Фирӯзи РАҲМОНИЁН,
«Ҷумҳурият»


Баёни ақида (0)    Санаи нашр: 25.10.12    №: 135    Мутолиа карданд: 587

18.03.2019


ГРАНД СЛЕМИ ЕКАТЕРИНБУРГ. Беҳрӯз мақоми сеюмро гирифт

Tesla дар Қазоқистон нуқтаҳои нерудиҳӣ месозад

Аз фурӯравии биноҳо дар Чин 10 нафар ҷон бохт

Иттиҳоди иқтисодии АвруОсиё дар фикри бунёди биржаи меҳнат шуд

Сиёсатмадори олмонӣ лағви таҳримоти зиддирусиро зарур мешуморад

Ҷаҳон дар як сатр

13.03.2019


Парвиз Давлатзода бо Чэн Гуопин вохӯрд

Имконияти таҳсил дар ДДУК тавсеа меёбад

Маҷмааи меъмории рамзи «Истиқлолият ва Озодӣ» интихоб гардид

06.03.2019


Назорати фаъолияти ширкатҳои букмекирӣ пурзӯр мешавад

Бунёди маҷмааи корхонаҳои нассоҷӣ дар назар аст

Форуми якуми иттилоотонии ҷомеаи шаҳрвандӣ баргузор мегардад

ҶОМИ "ФФТ" "Истиқлол" бори панҷум онро соҳиб шуд

Варзишгарони тоҷик 5 медал ба даст оварданд

Ҷаҳон дар як сатр

Нилуфар Рофиева дар озмуни нозанинҳои Россия ғолиб омад

Лондон муносибаташро бо Москва ба эътидол овардан мехоҳад

Покистон ба гуфтушунид бо Ҳиндустон шурӯъ мекунад

Андешаи Лукашенко оид ба яхи обнашудаи муносибот бо Иттиҳоди Аврупо

Соли 2019 ду ҷоизаи Нобел дар соҳаи адабиёт супурда мешавад

05.03.2019


СУҒД. Авлавият ба кишти картошка

04.03.2019


Хуҷанд ба даҳгонаи шаҳрҳои беҳтарини сайёҳӣ ворид гардид

Сертификати армуғони сайёҳӣ таъсис ёфт

ҶОМИ "ФФТ". "Истиқлол" ва "Кӯктош" дар финал

Осиёи Марказӣ. Камтарин теъдоди маҳбусон дар Тоҷикистон аст

Москва ва Вашингтон нархи раводидро арзон карданд

Қазоқистон ба воридоти меваю сабзавоти Қирғизистон роҳ мекушояд

Лавров: «Вазъият дар Сурия ба эътидол омад»

Ҳалокати 29 нафар аз обхезӣ дар ҷануби Афғонистон

Ҷаҳон дар як сатр

01.03.2019


ФУТБОЛ. «Хуҷанд» бо «Аҳал» мубориза мебарад

Бори нахуст дар таърих якбора ду зан ба кайҳони кушод мебароянд

Пекин дар фикри эъмори Девори бузурги чинӣ шуд

Испания солимтарин кишвари дунё эътироф гардид


Дар сомонаҳои дигари Тоҷикистон хонед