logo

суханрониҳо

Изҳороти матбуотии Эмомалӣ Раҳмон, Президенти Ҷумҳурии Тоҷикистон, баъди мулоқот бо Нийнистё Саули, Президенти Финляндия, 24 октябри соли 2012

Муҳтарам намояндагони васоити ахбори омма,
Хонумҳо ва ҷанобон,
Пеш аз ҳама мехостам, ки қаноатмандиамонро аз натиҷаи гуфтушуниду мулоқотҳои навакак анҷомёфта, ки дар вазъияти барои муносибатҳои Тоҷикистону Финляндия хоси амалию ҳамфикрӣ баргузор шуданд, баён намоям.
Мо онҳоро чун идомаи муколамаи эҷодкоронаи байни кишварҳоямон дар сатҳи олимақом арзёбӣ мекунем. Мо бо ҷаноби Президенти Финляндия вазъи ҳозираи муносибатҳо ва самтҳои ояндаи имконпазири мушаххасгардонии ҳамкории ду давлатро муҳокима намудем. Мо ҳамчунин имкон доштем, ки аз рӯи масоили мубрами ҳаёти байналмилалӣ, ки диққати тарафайнро ба худ ҷалб мекунанд, табодули афкор намоем. Мо қайд намудем, ки Тоҷикистон Иттиҳоди Аврупо ва давлатҳои аъзои онро шарикони муҳими байналмилалии худ мешуморад.
Дар робита бо ин, мо таваҷҷуҳи хосаи худро ба рушди ҳамкорӣ бо Финляндияи дӯст, ки дар умури иқтисодӣ, сиёсӣ ва иҷтимоии Аврупо мақоми муҳимро касб мекунад, иброз доштем. Ҳамзамон қайд шуд, ки дар муносибатҳои Тоҷикистону Финляндия неруи зиёди истифоданашуда мавҷуд аст.
Ҷониби Тоҷикистон аҳамияти ба марҳилаи ташаккули фаъолона ворид шудани муносибатҳои дуҷонибаи Тоҷикистону Финляндияро қайд карда, ба ҷонибдории истифодаи пурраи ин неру изҳори ақида намуд.
Мо дар мавриди манфиатамон дар амри бо амалияи мушаххас пурра гардонидани ҳамкориамон дар соҳаҳои асосӣ ва бахши воқеии иқтисодиёт сухан рондем. Чунин соҳаҳо, аз қабили гидроэнергетика, полиграфия, саноати сабук, хӯрокворӣ, коркард ва истихроҷи маъдан, бахши кишоварзӣ, сайёҳиро чун самтҳои ояндадор маънидод кардем.
Бо назардошти имконият мо ҳамчунин изҳор намудем, ки ҷонибдори афзун намудани ҳаҷми муомилоти мол, ҷалби сармояю технологияҳои Финляндия барои роҳандозии ҳамкории зичтар ҷиҳати истихроҷи захираҳои ғании минералиамон мебошем. Зикр шуд, ки ҷониби Тоҷикистон мехоҳад, ҳамкориро бо Финляндия дар бахши фарҳангию гуманитарӣ густариш диҳад.
Мо дар қиёси сиёсӣ баҳри идома бахшидани ҳамкории амалии кишварҳоямон ба манзури пайдо намудани роҳҳои ҳалли масоили мубрами минтақавию байналмилалӣ изҳори ақида намудем. Ба масъалаҳои таъмини амният ва пурзӯр намудани муборизаи зидди хавфу хатари имрӯза таваҷҷуҳ зоҳир гардид.
Мо ҳангоми баррасии масъалаи ҳамкории минтақавӣ дар атрофи вазъияти Афғонистон мубодилаи афкор намудем, ки он як ё наздик будани мавқеъҳоямонро дар масъалаҳои муҳимтарин ва тамоюлҳои рушди ҷаҳони имрӯза нишон дод.
Дар робита бо ин, мо қайд намудем, ки вазъияти ҳозираи Афғонистон давом додани танзими амалии саъю кӯшишҳои давлатҳои минтақа ва тамоми ҷомеаи ҷаҳонро ба манзури истиқрори сулҳ ва таҳкими суботи ин кишвар тақозо мекунад. Аҳамияти дидани чораҳои амалӣ барои эҳёи иқтисодиёти кишвар зикр гардид.
Дар ин замина изҳор доштем, ки ба давом ёфтани рушду густариши ҳамкории амалӣ дар ҳошияи созмонҳои байналмилалӣ, минтақавӣ ва универсалӣ, аз ҷумла СММ ва САҲА манфиатдорем.
Ҷонибҳо саъю кӯшиши мутақобиларо баҳри рушди робитаҳояшон иброз дошта, қайд намуданд, ки ҳамкориро дар масъалаҳои татбиқи Стратегияи Иттиҳоди Аврупо барои кишварҳои Осиёи Марказӣ таҳким бахшиданианд.
Мо дар ҳошияи ин ҳамчунин аҳамияти ба мавқеи иҷро расидани Созишномаи мушорикату ҳамкории байни Ҷумҳурии Тоҷикистон ба Иттиҳоди Аврупоро зикр намудем. Ҷониби Тоҷикистон изҳор намуд, ки хоҳони иштироки фаъолонатари Финляндия дар татбиқи ин санад мебошад.
Ман ба манзури давом додани муколамаи судманди байни ду кишвар ҳамтоям, Президенти муҳтарами Ҷумҳурии Финляндияро даъват намудам, ки дар вақти барояш қулай ба кишвари мо ташриф орад.
Дар хотима мехостам, ки миннатдории самимонаамонро ба ҷониби Финляндия барои эҳдои шарафи меҳмони азизи сарзамини зебои Суоми буданамон, барои зуҳуроти меҳмоннавозию меҳрубонӣ иброз дорам.


Баёни ақида (0)    Санаи нашр: 1.11.12    №: 136-137    Мутолиа карданд: 619

22.09.2019


Ҷаҳон дар як сатр

Душанбе пойтахти фарҳангии ИДМ дар соли 2021 интихоб шуд

ММД Тоҷикистон 7,4 дарсад боло рафт

Путин бо шоҳзодаи саудӣ ҳамла ба иншооти нафтиро баррасӣ намуд

Сӯхтор дар Малайзия боиси бастани яку ним ҳазор мактаб гашт

Дар Ӯзбекистон сабти телефонҳои мобилӣ пулакӣ мешавад

18.09.2019


Харбузаҳои 25 - килограмма

Суиқасд ба ҷони Президенти Афғонистон Ашраф Ғанӣ

Дар Душанбе ба ифтитоҳи масҷиди калонтарин дар Осиёи Марказӣ омодагӣ мебинанд

Вохӯрии нахустини Путин ва Зеленский мумкин аст моҳи октябр баргузор шавад

Медведев давраи нави муносиботи Москва ва Пекинро эълом дошт

Низомиёни Ироқ ба марҳилаи нави мубориза алайҳи «Давлати исломӣ» шурӯъ карданд

17.09.2019


“ДУШАНБЕ – ҚАЛБИ ТОҶИКИСТОН”. САЗОВОРИ ҶОЙИ АВВАЛ

16.09.2019


Мулоқоти Маҳмадсаид Убайдуллоев бо Муҳаммадтақии Собирӣ

Ҳамкориҳо бо Созмони ҷаҳонии гумрук густариш меёбанд

Дар шаҳри Хоруғ маркази нави хизматрасонии ширкати Тсеll кушода шуд

ЧЕМПИОНАТИ ҶАҲОН

ҚАЛЪАИ ҲУЛБУК. Бозёфти таърихии мансуб ба асрҳои IX – X

Ҷаҳон дар як сатр

Тоҷикистону Британия Палатаи савдо таъсис доданд

Сарвазири Шӯрои давлатии Чин Россияро барои кишвараш шарики калидӣ хонд

Пристайко: «Дар муносиботи Киев ва Москва «ях об мешавад»

05.09.2019


Ҷаҳон дар як сатр

СОҲИБКОР СОҲИБВАТАН АСТ

НОҲИЯИ АЙНӢ. Зиндагӣ ранги тоза мегирад

03.09.2019


Россия ба пешниҳоди ҳамкорӣ ба Макрон посух дод

Миллион нафар амрикоӣ ба ҷойҳои бехавф кӯчонда хоҳанд шуд

Ҳалокати 20 сарбози неруҳои амниятӣ дар вилояти Қундуз

ИМА ва Чин ба молҳои якдигар боҷҳои нав ҷорӣ карданд

ТАЭКВОН – ДО. Дурахши варзишгарони тоҷик дар чемпионати ҷаҳон

Ҷаҳон дар як сатр

РОFУН. Таъсиси хатсайрҳои нави сайёҳӣ

29.08.2019


Раҳмон Озода Эмомалӣ сафири Созмони байналмилалии «Занони сиёсатмадори роҳбар» дар Тоҷикистон таъйин гардид

Вохӯрии Сироҷиддин Муҳриддин бо Ҷейми Флай


Дар сомонаҳои дигари Тоҷикистон хонед