logo

президент

Ҷаласаи Шӯрои миллии рушд

11 декабр дар бӯстонсарои Ҳукумати Ҷумҳурии Тоҷикистон таҳти раёсати Эмомалӣ Раҳмон, Президенти кишвар, ҷаласаи навбатии Шӯрои миллии рушд баргузор гардид.
Дар ҷаласаи навбатии Шӯрои миллии рушди назди Президенти Ҷумҳурии Тоҷикистон аъзои шӯро, аз ҷумла Сарвазири кишвар, Раиси Маҷлиси намояндагони Маҷлиси Олӣ, роҳбарони вазорату идораҳои бахшҳои иқтисод, молия, сармоягузорӣ, адлия ва ҳамчунин роҳбарони дигар вазорату идораҳои масъул ширкат намуданд.
Дар ин ҷаласа, ҳамчунин шумораи зиёди шарикони хориҷии рушди Тоҷикистон, аз ҷумла Ҷаҳан Султаноглу, ноиби директори минтақавии Барномаи рушди Созмони Милали Муттаҳид оид ба масъалаҳои Аврупои Шарқӣ, Осиёи Марказӣ ва ИДМ, Киёши Кодера, ноиби президенти Агентии Ҷопон оид ба рушди байналмилалӣ, Масару Хонма, директори бахши Бонки аврупоии таҷдид ва рушд оид ба Осиёи Марказӣ ва Муғулистон ва дигарон ширкати фаъол доштанд.
Дар ҷаласаи навбатии Шӯрои миллии рушд ҷараёни татбиқи Стратегияи миллии рушд, Стратегияи паст кардани сатҳи камбизоатӣ барои солҳои 2010-2012, санади дигари ба тозагӣ маъқулдонистаи Ҳукумати Тоҷикистон - Стратегияи баланд бардоштани сатҳи некӯаҳволии мардуми Тоҷикистон барои солҳои 2013-2015  ва  саҳми  шарикони байналмилалии рушд дар ин раванд баррасӣ гардид.
Эмомалӣ Раҳмон, Президенти кишвар, ҷаласаи Шӯрои миллии рушдро ифтитоҳ намуда, нахуст бо хушнудӣ аз қабул шудани Тоҷикистон ба Созмони Умумиҷаҳонии Савдо мужда расонд ва бори дигар ба роҳбарият ва ҳамаи сохторҳои дахлдори ин созмон ва кулли давлатҳои ҷаҳон, ки Тоҷикистонро дар раванди 11-солаи омодашавӣ ба ин кор дастгирӣ намуданд, арзи сипос кард. Эмомалӣ Раҳмон, Сарвари давлат, ҳамчунин аз дастгирии самимӣ ва таманниёти неки намояндагони давлатҳои зиёди ҷаҳон, аз ҷумла давлатҳои абарқудрати ҷаҳон, дар маросими қабули Тоҷикистон ба узвияти Созмони Умумиҷаҳонии Савдо ёдовар шуда, ба онҳо низ изҳори сипос кард.
Дар сухани ифтитоҳии худ Эмомалӣ Раҳмон, Президенти кишвар, натиҷагирӣ аз татбиқи Стратегияи паст кардани сатҳи камбизоатӣ барои солҳои 2010-2012 ва хулосабарорӣ барои татбиқи босамари Стратегияи баланд бардоштани сатҳи некӯаҳволии мардуми Тоҷикистон барои солҳои 2013-2015 - ро ҳадафи асосии ҷаласаи имрӯзаи Шӯрои миллии рушд номид. Дар сатҳи на кам аз 7% таъмин гардидани рушди иқтисоди миллӣ дар солҳои 2010-2012 яке аз натиҷаҳои назаррас дар ин давра маънидод гардид.
Дар қисмати ифтитоҳии ҷаласа, ҳамчунин Ҷаҳан Султаноглу, ноиби директори минтақавии Барномаи рушди Созмони Милали Муттаҳид оид ба масъалаҳои Аврупои Шарқӣ, Осиёи Марказӣ ва ИДМ ва Киёши Кодера, ноиби президенти Агентии Ҷопон оид ба рушди байналмилалӣ, суханронӣ намуда, аз ҷумла пешсафии Тоҷикистонро дар татбиқи Ҳадафҳои Рушди Ҳазорсола барои дигар кишварҳои рӯ ба рушд ибратбахшу омӯзанда арзёбӣ намуданд. Ба иттилои Ҷаҳан Султаноглу барои татбиқи Ҳадафҳои Рушди Ҳазорсола аз соли 2000 ба ин сӯ ба Тоҷикистон беш аз 2 миллиард доллари амрикоӣ кумаки беруна ҷалб шуд. Ҳамчунин иттилоъ дода шуд, ки солҳои охир сатҳи камбизоатӣ дар Тоҷикистон аз 83 то ба 39% коҳиш дода шуд. Пешсафии Тоҷикистон дар татбиқи иқдомҳои глобалии "энергетика барои ҳама" ва "иқтисодиёти сабз" махсус таъкид гардид. Зикр гашт, ки дар натиҷаи фаъолияти хуб ҳамоҳангшуда бо шарикони байналмилалии рушд Ҳукумати Ҷумҳурии Тоҷикистон дар самти таъмини дастрасии аҳолӣ ба хизматрасонии босифати соҳаҳои тандурустию маориф ва ба оби тозаи нӯшиданӣ ба натиҷаҳои назаррас ноил шуд.
Доир ба саҳми шарикони рушд дар баланд бардоштани сатҳи некӯаҳволии мардуми Тоҷикистон Марша Олив, раиси Шӯрои ҳамоҳангсозии шарикони рушд, намояндаи доимии Бонки умумиҷаҳонӣ дар Тоҷикистон, Сусан Еллиот, Сафири фавқулодда ва мухтори Иёлоти Муттаҳидаи Амрико дар Тоҷикистон, Стефан Эрбер, роҳбари Ҷамъияти байналмилалии Олмон дар Тоҷикистон, Масару Хонма, директори Бонки аврупоии таҷдид ва рушд оид ба Осиёи Марказӣ ва Муғулистон суханронӣ намуда, омодагӣ ва ҳавасмандии шарикони рушди Тоҷикистонро ба идома ва густариш додани дастгирии рушди кишвар таъкид доштанд.
Дар охир Эмомалӣ Раҳмон, Президенти кишвар, ҷанбаҳои гуногуни рушди Тоҷикистонро дар солҳои охир, саҳми шарикони байналмилалӣ ва дурнамои инкишофи кишварро дар се соли оянда мавриди таҳлилу баррасии амиқ қарор дод. Эмомалӣ Раҳмон, Сарвари давлат, шарикони байналмилалии рушдро ба густариши ҳамкории босамар даъват намуда, изҳори боварӣ кард, ки дар натиҷаи он сатҳи некӯаҳволии мардуми Тоҷикистон дар се соли оянда 15-20 фоизи дигар баланд мегардад.
Эмомалӣ Раҳмон, Президенти кишвар, ҳамчунин аз қарорҳои Конфронси 5-уми RECCA доир ба Афғонистон, ки имсол дар шаҳри Душанбе баргузор гардида буд, ёдовар шуда, иштироки фаъоли шарикони байналмилалии рушдро дар татбиқи амалии лоиҳаҳои минтақавии зербиноӣ, аз ҷумла оид ба пайвастани шабакаҳои барқӣ ва нақлиётии Тоҷикистон бо кишварҳои Осиёи Ҷанубӣ аз тариқи Афғонистон кори ҳаётан муҳим номид. Таъкид гардид, ки бо татбиқи босамари чунин ҳадафҳо ҳам мушкилоти ҷории Тоҷикистон ҳаллу фасл мешаванд ва ҳам аз тариқи рушди иҷтимоию иқтисодии Афғонистон ба таҳкими амну субот дар ин кишвари азияткашида ва кулли минтақа мусоидати фаъол кардан имкон дорад.


Баёни ақида (0)    Санаи нашр: 15.12.12    №: 154    Мутолиа карданд: 12980

12.11.2019


Ифтитоҳи маҷмааи тиҷоратии «Масири олӣ»

Таҳкими ҳамкориҳои байнипарлумонӣ матраҳ гардид

Баррасии масоили рушди қонунгузорӣ оид ба моликияти зеҳнӣ

САЙЁҲӢ. Баргузории Форуми II илмии донишҷӯёни муассисаҳои олии таълимӣ

Ҷаҳон дар як сатр

Теъдоди қурбониёни тӯфони «Булбул» дар Бангладеш ба 26 нафар расид

Туркия ба истирдоди ҷангиёни «Давлати исломӣ» шурӯъ намуд

Нигаронии Лигаи кишварҳои араб аз идомаёбии зӯроварӣ дар Ироқ

Ҳиндустон дар 10 - 15 сол ММД - ро 4 маротиба боло бурданист

11.11.2019


Фаронса ба «ТАЛКО» таҷҳизот ва ба «Сомон Эйр» панҷ чархбол таҳвил медиҳад

Таъкиди Путин аз зарурати арҷгузории арзишҳои оилаи серфарзанд

Сарвазири Афғонистон: "Натиҷа бояд ба раъйдиҳии воқеии халқи мо асос ёфта бошад"

Чин ба шарти бастани созишномаи тиҷоратӣ бо ИМА ба мувофиқа расид

Ҷаҳон дар як сатр

САМБО. Медалҳои биринҷии гӯштигирони тоҷик

08.11.2019


Давлаталӣ Саид бо Мансур бинни Зойид оли Наҳён вохӯрд

Баргузории конференсия оид ба саҳми диаспораҳо дар рушди кишвар

Масоили ҳамкории фарҳангӣ матраҳ шуданд

МАОРИФ. Медали тиллои хонандагони точик аз Туркия

07.11.2019


Гурӯҳи мусаллаҳ безарар гардонда шуд

БОКС. Медали тиллои муштзани тоҷик дар Россия

ФОРУМИ ПАНҶУМИ МИЛЛӢ. Пойгоҳе ки ҳуқуқшиносонро ба ҳам меорад

Ба Ингушистон суриёие омад, ки аспсавор ба дидори Путин раҳсипор аст

Эрдуғон аз боздошти ҳамсари сарвари "ДИ" Ал-Бағдодӣ хабар дод

Интиқоди ҳазорҳо олим аз беэътиноии сиёсатмадорон ба тағйири иқлим

Пойтахти Тоҷикистон мизбони ҷаласаи Шӯрои ҳамкориҳои ИДМ мешавад

Ҷаҳон дар як сатр

05.11.2019


Роҳҳои баланд бардоштани ҳифзи ҳуқуқҳои истеъмолкунандагони хизматрасониҳои молиявӣ баррасӣ шуданд

Ҳамоиш доир ба нақши ҷавонон дар тарғиби арзишҳои миллӣ

ҶОМИ ТОҶИКИСТОН – 2019. «Истиқлол» ва «Регар - ТадАЗ» бори ҳафтум дар финал

Вохӯрии раҳбарони кумитаҳои амнияти Тоҷикистону Қирғизистон дар Исфара

СММ: "Дар 100 сол аз сунами беш аз 250 ҳазор нафар ҳалок гашт"

Дар Сурия хоҳари Бағдодӣ бо хонаводааш боздошт шуд

Трамп бо Россия ва Чин оид ба назорати силоҳ созишнома бастанист


Дар сомонаҳои дигари Тоҷикистон хонед