logo

қонунҳои ҶТ

Қонуни Ҷумҳурии Тоҷикистон ОИД БА ВОРИД НАМУДАНИ ТАҒЙИРУ ИЛОВАҲО БА ҚОНУНИ ҶУМҲУРИИ ТОҶИКИСТОН "ДАР БОРАИ ТУРИЗМ"

Моддаи 1. Ба Қонуни Ҷумҳурии Тоҷикистон аз 3 сентябри соли 1999 "Дар бораи туризм" (Ахбори Маҷлиси Олии Ҷумҳурии Тоҷикистон, с. 1999, №9, мод. 228; с. 2005, №12, мод. 641; с. 2009, №5, мод. 337) тағйиру иловаҳои зерин ворид карда шаванд:
1. Номи Қонун бо ҳарфҳои калон ифода карда шавад.
2. Дар моддаи 1:
- дар номи модда калимаи "Ҳадафҳои" ба калимаи "Мақсади" иваз карда шавад;
- дар матни модда калимаҳои "ҳамчунин қоидаҳои ягонаи" ба калимаҳои "тартиби амалӣ намудани" иваз карда шаванд.
3. Дар моддаи 2:
- сархати якум дар таҳрири зерин ифода карда шавад:
"- туризм - шуғле, ки низоми ташкили усулҳои гузаронидани истироҳатро бо мақсадҳои солимгардонӣ, шиносоӣ, зиёрат (ба истиснои ҳаҷ), тиҷоратӣ, варзишӣ, касбию хизматӣ ва дигар мақсадҳо тавассути саёҳат (тур) ва будубоши муваққатии берун аз ҳудуди ҷои истиқомати доимӣ ба роҳ мемонад;";
- дар сархатҳои дуюм, сеюм ва чорум калимаи "саёҳат" ба калимаҳои "саёҳат (тур)" иваз карда шавад; 
- дар сархати панҷум калимаҳои "саёҳате, ки аз" ба калимаҳои "саёҳате (туре), ки аз ҳисоби" иваз карда шаванд;
- дар сархати шашум калимаи "саёҳат" ба калимаҳои "саёҳат (тур)" ва калимаи "серистеъмоли" ба калимаи "фаъоли" иваз карда шаванд;
- дар сархатҳои ҳафтум ва даҳум калимаи "пайроҳаҳои" ба калимаи "хатсайрҳои" иваз карда шавад;
- сархати ёздаҳум дар таҳрири зерин ифода карда шавад:
"- маҳсулоти туристӣ - маҷмӯи хизматрасониҳои туристӣ, ки бо назардошти вазъи бозори туристӣ баҳри қонеъ гардонидани талаботи турист дар асоси шартнома дастрас мебошанд;"; 
- дар сархати дувоздаҳум калимаҳои "(минбаъд "танзимгари туризм") амалӣ мегардад" ба калимаҳои "(минбаъд - танзимгари туризм) амалӣ карда мешавад" иваз карда шаванд;
- дар сархати сенздаҳум калимаҳои "минбаъд ("агентии туристӣ") амалӣ мегардад" ба калимаҳои "(минбаъд - агентии туристӣ) амалӣ карда мешавад" иваз карда шаванд; 
- дар сархати чордаҳум калимаи "туристӣ" ба калимаҳои "туристии Ҷумҳурии Тоҷикистон" иваз карда шавад; 
- дар сархати понздаҳум калимаҳои "ки ташкили" ба калимаҳои "ташкилотҳое, ки" иваз карда шаванд; 
- дар сархати ҳабдаҳум калимаи "сохтани" ба калимаи "гардонидани" иваз карда шавад;"; 
- сархати ҳаждаҳум дар таҳрири зерин ифода карда шавад:
"- квотаи туристӣ - маҳдудияти миқдории ташриф ба объектҳои туристию сайёҳӣ ё хатсайрҳо, ки ба таркиби захираҳои туристии Ҷумҳурии Тоҷикистон дохил буда, бо зарурати нигоҳдорӣ аз вайроншавӣ ва дигар шартҳои истифодаи он алоқаманд мебошанд;";
- сархатҳои бистум, бисту якум ва бисту дуюм дар таҳрири зерин ифода карда шаванд:
"- истироҳат - барқарорсозӣ ва инкишофи қувваи ҷисмонию маънавии инсон дар шароити табиӣ тавассути дамгирӣ, аз ҷумла туризм;
- роҳхати туристӣ - ҳуҷҷати инфиродии тасдиқкунандаи ҳуқуқ ба гирифтани хизматрасониҳои сайёҳӣ;
- шикори байналмилалӣ - яке аз намудҳои фаъолияти туристӣ, ки бо тартиб ва шартҳои пешбининамудаи қонунгузории Ҷумҳурии Тоҷикистон бо иштироки шаҳрвандони хориҷӣ аз ҷониби субъектони фаъолияти туристии дорои иҷозатномаи дахлдор ташкил карда мешавад;";
- сархати бисту сеюм бо мазмуни зерин илова карда шавад:
"- хизматрасонии туристӣ - амалӣ гардидани фаъолияти танзимгари туристӣ ё агенти туристӣ аз рӯи салоҳдиди худ ва ё талаботи аниқи дархосткунанда, ки барои таъмин ва барқароркунии қувваи ҷисмонии турист, нигоҳдории фаъолияти ҳаёти мӯътадил, барқароркунии робитаҳои корӣ, инчунин қонеъ гардонидани талаботи маънавӣ ва зеҳнии ӯ равона шудааст.".
4. Дар моддаи 4:
- дар қисми 1 калимаи "қайди" ба калимаҳои "бақайдгирӣ ва" иваз карда шавад;
- ба қисми 2 баъд аз калимаи "давлатии" калимаҳои "захираҳои туристии" илова карда шаванд.
5. Дар моддаи 5:
- дар номи модда калимаи "усул" ба калимаи "самтҳо" иваз карда шавад;
- дар сархатҳои якум ва чоруми қисми 1 калимаи "саёҳат" ба калимаҳои "саёҳат (тур)" иваз карда шавад; 
- қисми 2 дар таҳрири зерин ифода карда шавад:
"2. Самтҳои афзалиятноки танзими давлатии фаъолияти туристӣ дастгирӣ ва инкишофи туризми дохилӣ, воридотӣ, иҷтимоӣ ва худфаъолиятӣ мебошанд.";
- дар қисми 3:
- дар сархати якум калимаҳои "эҷод намудани санадҳои меъёрию ҳуқуқӣ" ба калимаҳои "таҳияи санадҳои меъёрии ҳуқуқӣ" иваз карда шаванд;
- дар сархати дуюм калимаи "манфиати" ба калимаи "манфиатҳои" иваз карда шавад;
- дар сархати сеюм калимаи "бехатарии" ба калимаи "амнияти" иваз карда шавад;
- дар сархати чорум калимаи "стандартизатсия" ба калимаи "стандартонӣ" иваз карда шавад;
- сархати шашум дар таҳрири зайл ифода карда шавад:
"- фароҳам овардани имкониятҳои баробар барои субъектҳои фаъолияти соҳибкорӣ, новобаста аз шакли ташкилию ҳуқуқӣ, дар бозори хизматрасонии туристӣ, дастгирии инкишофи рақобат, таъмини риояи қонунгузорӣ дар соҳаи мазкур;"; 
- дар сархати ҳафтум калимаҳои "коркард" ва "ду ва чандтарафа" мутобиқан ба калимаҳои "таҳия" ва "дутарафа ва бисёртарафа" иваз карда шаванд.
6. Дар сархати дуюми моддаи 6 калимаи "завқовар" ба калимаи "шавқовар" иваз карда шавад.
7. Дар моддаи 7:
- ба модда сархатҳои якум ва дуюм бо мазмуни зерин илова карда шаванд:
"- муайян намудани сиёсати давлатӣ дар соҳаи туризм;
- муайян намудани мақоми ваколатдори давлатӣ дар соҳаи туризм;";
- дар сархати сеюм калимаҳои "баста шудани" ба калимаи "бастани" иваз карда шаванд;
- аз сархати панҷум калимаҳои "ва ҷорӣ" хориҷ карда шуда, ба он баъд аз калимаи "зарарҳои" калимаҳои "ба онҳо" илова карда шаванд;
- дар сархати ҳаштум калимаҳои "усулҳои" ва "туристӣ" мутобиқан ба калимаҳои "низоми" ва "туризм" иваз карда шаванд;
- сархати ёздаҳум хориҷ карда шавад.
8. Дар моддаи 8:
- номи модда дар таҳрири зерин ифода карда шавад:
"Моддаи 8. Мақоми ваколатдори давлатӣ дар соҳаи туризм ва ваколатҳои он";
- дар қисми 2:
- дар матни қисм калимаи "салоҳияти" ба калимаи "ваколатҳои" иваз карда шавад;
- дар сархати якум калимаҳои "ва таъмини иҷрои шартномаҳо," ба калимаҳои ", таъмини иҷрои шартномаҳо ва" иваз карда шаванд;
- сархати ҳафтум дар таҳрири зерин ифода карда шавад:
"- муқаррар намудани квотаи туристии мутаносибан баробар дар байни субъектҳои фаъолияти туристӣ барои тамошои объектҳои туристию экскурсионӣ, ки бинобар зарурияти муҳофизати онҳо аз вайроншавӣ ба Кадастри давлатии захираҳои туристии Ҷумҳурии Тоҷикистон ворид карда шудаанд;";
- дар сархати нӯҳум калимаҳои "амалӣ гардонидан, тайёр" ба калимаҳои "амалӣ намудани интихоб, тайёр кардан" иваз карда шаванд;
- сархати ёздаҳум дар таҳрири зерин ифода карда шавад:
"- амалӣ намудани дигар ваколатҳое, ки қонунгузории Ҷумҳурии Тоҷикистон пешбинӣ намудааст.".
9. Дар моддаи 10:
- дар қисми 1 калимаҳои "иқомати муваққатӣ талаботи кафолати пардохтро барои мадади тиббӣ" ва "ҷорӣ" мутобиқан ба калимаҳои "будубоши муваққатӣ талаботи кафолати пардохти ёрии тиббиро" ва "муқаррар" иваз карда шаванд;
- қисмҳои 2 ва 3 дар таҳрири зерин ифода карда шаванд:
"2. Бо талаби турист танзимгари (агенти) туристӣ барои пешниҳоди хизматрасониҳо оид ба суғуртакунии дигар хатарҳои ба саёҳат (тур) вобастабуда мусоидат менамояд.
3. Суғуртаи хатарҳо дар туризм, ки бо хавфи зиёд ба ҳаёту саломатии туристон алоқаманд буда, хароҷоти зиёдро барои наҷотдиҳӣ талаб мекунанд, аз тарафи субъекти фаъолияти туристӣ бо ризоияти туристон амалӣ мегардад.";
- дар қисми 4 калимаҳои "хавфҳои таваккалӣ" ва "иҷро" мутобиқан ба калимаҳои "дигар хатарҳо" ва "амалӣ карда" иваз карда шаванд;
- ба модда қисми 5 бо мазмуни зерин илова карда шавад:
"5. Туристони маҳаллӣ ва хориҷие, ки ба намудҳои ғайриоддии (экстремалии) туризм машғул мешаванд, бояд дорои полиси суғуртавии дараҷаи байналмилалӣ бошанд.".
10. Дар моддаи 11:
- дар номи модда калимаи "вазифаҳои" ба калимаи "ӯҳдадориҳои" иваз карда шавад;
- қисми 1 дар таҳрири зерин ифода карда шавад:
"1. Ҳуқуқҳои субъектҳои фаъолияти туристӣ мувофиқи қонунгузории Ҷумҳурии Тоҷикистон муайян карда мешаванд.";
- дар қисми 2:
- дар сархати якум калимаи "шуғл" ба калимаҳои "машғул будан" иваз карда шавад;
- сархати дуюм дар таҳрири зерин ифода карда шавад:
"- оид ба хизматрасонӣ ба туристон бо тартиби муқарраргардида ҳисоботи ҳуҷҷатӣ пеш баранд;";
- дар сархати сеюм калимаҳои "мақомоти идораи давлатӣ" ба калимаҳои "мақоми ваколатдори давлатӣ" иваз карда шаванд; 
- дар сархати чорум калимаи "саёҳат" ба калимаҳои "саёҳат (тур)" иваз карда шуда, баъд аз калимаи "дақиқ" аломати вергул "," хориҷ карда шавад;
- дар сархати панҷум калимаҳои "бехатарии", "амволи" ва "мувофиқи қонунҳои" мутобиқан ба калимаҳои "амнияти", "молу мулки" ва "бо тартиби муқаррарнамудаи қонунгузории" иваз карда шаванд; 
- дар сархати шашум калимаҳои "оид ба масъалаҳои" ва "бо мақомоти идораи давлатӣ" мутобиқан ба калимаҳои "масъалаҳои ба" ва "вобастаро бо мақоми ваколатдори давлатӣ" иваз карда шаванд;
- дар сархати ҳафтум калимаи "саёҳат" ба калимаҳои "саёҳат (тур)" иваз карда шавад.
11. Дар моддаи 12:
- дар қисми 1 баъд аз калимаҳои "саёҳат" калимаи "(тур)" илова карда шуда, калимаҳои "мақомоти идораи давлатӣ" ва "мешавад." мутобиқан ба калимаҳои "мақоми ваколатдори давлатӣ" ва "мешавад," иваз карда шаванд;
- дар қисми 2 калимаи "Вазифаҳои" ба калимаи "Ӯҳдадориҳои" иваз карда шавад. 
12. Дар моддаи 13:
- аз номи модда ва матни қисми 1 калимаи "(қарордод)" хориҷ карда шавад;
- қисми 2 дар таҳрири зерин ифода карда шавад:
"2. Субъекти фаъолияти туристӣ бе ҷуброни зарар шартномаро бекор карда метавонад, ба шарте ки далели бекор кардан, ҳангоми мавҷудияти ҳолатҳои рафънопазири ба иродаи ӯ вобастанабуда ва ба амалишавии саёҳат (тур) ё пешниҳоди хизматрасонӣ монеъшаванда, ба иттилои турист шахсан на дертар аз 15 рӯз то санаи оғози сафар расонида шуда бошад. Дар ин ҳолат ҳамаи маблағе, ки қаблан ҳамчун пешпардохт гирифта шудааст, ба турист баргардонида мешавад."; 
- қисми 3 хориҷ карда шавад.
13. Дар моддаи 14:
- дар қисми 1 калимаи "саёҳат" ба калимаҳои "саёҳат (тур)" иваз карда шавад; 
- дар қисми 2:
- дар матни қисм калимаи "хусусиятҳои" ба калимаи "маълумоти" иваз карда шавад;
- дар сархати якум калимаи "ташкилотҳои" ба калимаи "ташкилоти" иваз карда шавад;
- дар сархати чорум калимаи "саёҳат" ба калимаҳои "саёҳат (тур)" иваз карда шавад; 
- дар сархати панҷум калимаҳои "метавонад радди сафар намояд (ҷуброн накардани зарар," ба калимаҳои "аз сафар даст кашида метавонад (бе ҷуброни зарар," ва калимаи "саёҳат" ба калимаҳои "саёҳат (тур)" иваз карда шаванд;
- дар сархати шашум калимаи "мувофиқа" ба калимаҳои "нишон дода" иваз карда шаванд;
- дар сархати ҳафтум калимаи "саёҳат" ба калимаҳои "саёҳат (тур)" иваз карда шавад.
14. Дар моддаи 15:
- дар қисми 2 калимаи "хусусиятҳои" ба калимаи "маълумоти" иваз карда шавад;
- қисми 4 дар таҳрири зайл ифода карда шавад:
"4. Маълумот дар бораи аъзои гурӯҳ дар замима (рӯйхат), ки қисми ҷудонашавандаи роҳхати умумӣ мебошад, дода мешавад. Ҳуқуқу ӯҳдадорӣ ва ҷавобгарии роҳбари гурӯҳи туристӣ бо шартномаи байни ӯ ва субъекти фаъолияти туристӣ муайян карда мешаванд.". 
15. Дар моддаи 16:
- дар номи модда калимаи "вазифаҳои" ба калимаи "ӯҳдадориҳои" иваз карда шавад;
- қисми 1 дар таҳрири зайл ифода карда шавад:
"1. Ҳуқуқҳои туристон дар ҳудуди Ҷумҳурии Тоҷикистон тибқи Қонуни мазкур, дигар санадҳои меъёрии ҳуқуқии Ҷумҳурии Тоҷикистон ва санадҳои ҳуқуқии байналмилалие, ки Тоҷикистон онҳоро эътироф кардааст, муайян карда мешаванд.";
- дар қисми 2:
- дар матни қисм калимаи "вазифадоранд" ба калимаи "ӯҳдадоранд" иваз карда шавад;
- дар сархати шашум калимаи "саёҳат" ба калимаҳои "саёҳат (тур)" иваз карда шавад;
- дар сархати ҳафтум калимаҳои "шахсии бехатариро" ва "саёҳат" ба калимаҳои "амнияти шахсиро" ва "саёҳат (тур)" иваз карда шаванд.
16. Дар моддаи 18:
- номи модда дар таҳрири зайл ифода карда шавад:
"Намояндагии мақоми ваколатдори давлатӣ дар соҳаи туризм дар хориҷа";
- дар матни модда калимаҳои "мақомоти давлатии идораи туризм", "салоҳияти" ва "ахбор" мутобиқан ба калимаҳои "мақоми ваколатдори давлатӣ дар соҳаи туризм", "ваколатҳои" ва "иттилоот" иваз карда шаванд.
Моддаи 2. Қонуни мазкур пас аз интишори расмӣ мавриди амал қарор дода шавад.

Президенти
Ҷумҳурии Тоҷикистон  Эмомалӣ РАҲМОН
ш. Душанбе, 28 декабри соли 2012, № 922


Қарори Маҷлиси намояндагони
Маҷлиси Олии Ҷумҳурии Тоҷикистон
Дар бораи қабул кардани Қонуни Ҷумҳурии Тоҷикистон "Оид ба ворид намудани тағйиру иловаҳо ба Қонуни
Ҷумҳурии Тоҷикистон "Дар бораи туризм"
Маҷлиси намояндагони Маҷлиси Олии Ҷумҳурии Тоҷикистон қарор мекунад:
Қонуни Ҷумҳурии Тоҷикистон "Оид ба ворид намудани тағйиру иловаҳо ба Қонуни Ҷумҳурии Тоҷикистон "Дар бораи туризм" қабул карда шавад. 

Раиси Маҷлиси намояндагони
Маҷлиси Олии Ҷумҳурии Тоҷикистон        Ш. ЗУҲУРОВ
ш. Душанбе, 24 октябри соли 2012, № 949


Қарори Маҷлиси миллии
Маҷлиси Олии Ҷумҳурии Тоҷикистон
Дар бораи Қонуни Ҷумҳурии Тоҷикистон
"Оид ба ворид намудани тағйиру иловаҳо ба Қонуни
Ҷумҳурии Тоҷикистон "Дар бораи туризм"
Маҷлиси миллии Маҷлиси Олии Ҷумҳурии Тоҷикистон Қонуни Ҷумҳурии Тоҷикистон "Оид бв ворид намудани тағйиру иловаҳо бa Қонуни Ҷумҳурии Тоҷикистон "Дар бораи туризм"-ро баррасӣ намуда, қарор мекунад:
Қонуни Ҷумҳурии Тоҷикистон "Оид ба ворид намудани тағйиру иловаҳо ба Қонуни Ҷумҳурии Тоҷикистон "Дар бораи туризм" ҷонибдорӣ карда шавад.

Раиси Маҷлиси миллии
Маҷлиси Олии Ҷумҳурии Тоҷикистон     М. УБАЙДУЛЛОЕВ
ш. Душанбе, 13 декабри соли 2012, № 445


Баёни ақида (0)    Санаи нашр: 5.01.13    №: 3-8    Мутолиа карданд: 636

25.09.2018


Тавсеаи равобити байнипарлумонии Тоҷикистону Корея

Баргузории ҷамъомад оид ба пешгирии ҷинояткорӣ

Анҷоми марҳилаи якуми амалиёти «Кӯкнор-2018»

Гутерриш ба муборизаи фаъолтар алайҳи маводи мухаддир даъват сохт

Теъдоди қурбониёни садамаи киштӣ дар Танзания ба 225 нафар расид

Сеул барои дучандсозии теъдоди сайёҳон $640 миллион харҷ карданист

Фаронса қатораи дуошёнаи тезгард месозад

Ҷаҳон дар як сатр

Ҷом насиби кӣ мешавад?

19.09.2018


ТОҶИКИСТОН ВА ӮЗБЕКИСТОН. Аввалин тамринҳои муштараки низомӣ

Таъсиси 57 корхонаи нав

Намоиши дастовардҳо ба муносибати Рӯзи шаҳри Хуҷанд

Зуҳро Саидова – соҳиби шоҳҷоиза

Таҳаммул аз амалҳои террористӣ норавост

Баргузории ҳамоиши маъмурони роҳи оҳани кишварҳои СҲШ дар Ӯзбекистон

Дар Ироқ 27 ҳазор нафар аз об заҳролуд гашт

Тӯли 40 соли ислоҳот дар Чин ҷои кор 346 дарсад афзуд

Остона ҳамоиши ҳаштуми глобалии туризми шаҳриро пазироӣ мекунад

Ҷаҳон дар як сатр

18.09.2018


САМБО. Дурахши варзишгари навраси тоҷик дар Аврупо

Иди асал дар Душанбе

КӮЛОБ. Боз ду меҳмонхонаи нав ба истифода дода шуд

Ҷаҳон дар як сатр

ӮЗБЕКИСТОН. Оғози машқҳои низомии муштарак

Теъдоди қурбонии тӯфони «Мангхут» аз 60 нафар гузашт

Дифои Вазорати ҳуқуқи инсони Покистон аз ҳуқуқи занҳо

Таҳсили фосилавӣ ба ҳар хонандаи ҷопонӣ дастрас шуд

Дар Остона ба хариди партов шурӯъ карданд

17.09.2018


НОҲИЯИ РӮШОН. Сарҳадбонон соҳиби бинои наву замонавӣ шуданд

Баргузории фестивали шаҳрии эҷодиёти кӯдакон

“КӮКНОР-2018”. Мусодираи беш аз 550 килограмм маводи нашъаовар дар Хатлон

ФУТБОЛ. "Хуҷанд" ба пеш баромад

11.09.2018


ДУШАНБЕ МИЗБОНИ СОҲИБКОРОНИ ҶАҲОН

ДЕВАШТИЧ. БУНЁДКОРИҲОИ НОҲИЯ НАМУНАИ ИБРАТАНД


Дар сомонаҳои дигари Тоҷикистон хонед