logo

мулоқотҳо

Бонки ҷаҳонӣ дар садади тавсеаи ҳамкориҳои энергетикист

Эмомалӣ Раҳмон, Президенти Ҷумҳурии Тоҷикистон, Сароҷ Кумар Ҷа, директори минтақавии Бонки ҷаҳонӣ оид ба Осиёи Марказиро ба ҳузур пазируфт.
Бино ба иттилои Хадамоти матбуоти Президенти ҷумҳурӣ, баррасии рафти корҳои тадқиқотию баҳодиҳии лоиҳаи бунёди Неругоҳи барқи обии Роғун ва натиҷаҳои вохӯрии машваратии минтақавӣ дар шаҳри Алмаатои Қазоқистон дар меҳвари суҳбати ҷонибҳо қарор гирифтааст.

Дар мулоқот Сарвари давлат воқеъбинона, мустақил ва шаффоф боқӣ мондани мавқеи Бонки ҷаҳонӣ ва коршиносони онро доир ба лоиҳаи сохтмони неругоҳи Роғун муҳим унвон кард. Изҳори боварӣ шудааст, ки имконсанҷии техникию иқтисодӣ ва баҳодиҳии иҷтимоию экологии тарҳи сохтмони неругоҳ дар сатҳу сифати байналмилалӣ анҷом хоҳад шуд.
Сароҷ Кумар Ҷа, директори минтақавии Бонки ҷаҳонӣ оид ба Осиёи Марказӣ, ки баъд аз дидору мулоқот бо Президенти мамлакат дар ҳузури хабарнигорон суҳбат мекард, аз натиҷаи ҳамкориҳои бонк бо Тоҷикистон, бахусус оид ба рушди иҷтимоию иқтисодӣ ситоиш кард. Мавсуф изҳор дошт, ки дар зарфи чанд соли охир ба манзури дастгирии рушди иҷтимоию иқтисодии Тоҷикистон аз ҷониби Бонки ҷаҳонӣ 800 миллион доллари амрикоӣ ихтисос дода шудааст. Ин ниҳоди бонуфузи молиявӣ тасмим гирифтааст, ки дар соли охири молиявӣ (аз моҳи июли соли 2012 то июли 2013), ҷиҳати татбиқи тарҳҳои  гуногун 130 миллион доллар ҷудо намояд.
Номбурда ба Президенти Ҷумҳурии Тоҷикистон итминон додааст, ки Бонки ҷаҳонӣ ҷонибдори амиқи иҷрои барномаҳои энергеткии Тоҷикистон аст ва дар ин замина талошҳо ба харҷ хоҳад дод. Аз ҷумла ба манзури сарфаи неруи барқ дар кишвар навсозии шабакаҳои барқрасон, ислоҳот дар системаи  ШСХК  "Барқи тоҷик"  ва таъмин намудани истифодаи самарноки неруи барқ дар Ширкати алюминийи тоҷик мавриди таваҷҷуҳ қарор дорад.
- Мо бовар дорем, ки дар ин замина ба дастовардҳои назаррас ноил хоҳем шуд, - изҳор дошт Сароҷ Кумар Ҷа.

Фирӯзи РАҲМОНИЁН,
"Ҷумҳурият"


Баёни ақида (0)    Санаи нашр: 21.02.13    №: 24    Мутолиа карданд: 501

15.02.2019


ШАМШЕРБОЗӢ. ИШТИРОКИ ВАРЗИШГАРОНИ МО ДАР ЧЕМПИОНАТИ КУШОДИ ОСИЁИ МАРКАЗӢ

ҶАҲОН ДАР ЯК САТР

Дар Душанбе ташкили низоми муттаҳидаи мудофиаи зиддиҳавоӣ баррасӣ шуд

Дар чор сол муомилоти мол байни Тоҷикистону Ӯзбекистон 19 маротиба афзуд

Медведев: «Таҳримоти ИМА ба иқтисоди Россия таъсири чандон бузург расонда наметавонад»

Пентагон. ИМА аз Афғонистон ҳамроҳи иттифоқчиёнаш меравад

13.02.2019


2018. Сиёсати хориҷии Тоҷикистон пурбарор буд

КОРРУПСИЯ. 2047 ҷиноят ошкор гардид

САНОАТ. Беш аз 10 миллиард сомонӣ маҳсулот содирот шуд

САРМОЯИ МУСТАҚИМ. Воридот дар ҳоли афзоиш аст

ОБ. Таъминоти аҳолӣ рӯ ба беҳбудӣ дорад

АВҶИ ОБОДКОРИҲО ДАР ШАҲРИ ТУРСУНЗОДА

12.02.2019


АКАДЕМИЯИ ИЛМҲО АЗ КАШФИЁТИ НАВ ТО САНОАТИ ДОРУСОЗӢ

КӮЛОБ. Содироти 825 тонна маҳсулоти кишоварзӣ

ДАНҒАРА. Саноатикунонӣ вусъат мегирад

ФУРУДГОҲҲОИ БАЙНАЛМИЛАЛӢ. Сатҳи хизматрасонӣ рӯ ба беҳбудӣ дорад

ДДК. Авлавият ба сатҳи касбият ва таълим

САДА. Тантанаи ҷашни миллӣ дар ноҳияи Шамсиддини Шоҳин

11.02.2019


ВАЗОРАТИ ФАРҲАНГ. 2018 - соли муваффақиятҳо буд

КУМИТАИ РУШДИ САЙЁҲӢ. Беш аз 1 миллион сайёҳ ба Тоҷикистон омад

МТС. Ҳамкориҳо бо Ӯзбекистон густариш меёбанд

ВМКБ. Гумрукчиён ба буҷет 16,9 миллион сомонӣ ворид карданд

ҲИСОР. Саҳми назарраси соҳибкорон дар ободонии шаҳр

НОҲИЯИ РӮДАКӢ. Ҳаҷми истеҳсоли маҳсулот ба 1 миллиард сомонӣ расид

ВАРЗОБ. Таваҷҷуҳи сайёҳон ба нуқтаҳои истироҳатӣ афзудааст

08.02.2019


Вазорати меҳнат, муҳоҷират ва шуғли аҳолӣ. Музди миёнаи меҳнат - 1220 сомонӣ

КУМИТАИ ТЕЛЕВИЗИОН ВА РАДИО. Сифати кори шабакаҳо беҳтар мешавад

КҲФМГ. Офатҳои табиат 34 миллион самонӣ хисорот овард

Саноатикунонӣ дар Шаҳринав

Меъёри бозтамвил ба 14 дарсад поён фаромад

ШАҲРИ ВАҲДАТ. Иҷрои барзиёди андози иҷтимоӣ

ТАНЗИМ. Қонуншиканӣ коҳиш ёфтааст

СОҲИЛ. Корҳои мустаҳкамсозӣ вусъат меёбанд

ДДСТДТ. Авлавият ба рушди ҳунарҳои мардумӣ


Дар сомонаҳои дигари Тоҷикистон хонед