logo

қарорҳои ҳукумат

Қарори Ҳукумати Ҷумҳурии Тоҷикистон аз 31 декабри соли 2008, № 669, ш. Душанбе Дар бораи ба муомилот баровардани Вомбаргҳои давлатии дохилии бурдноки Ҷумҳурии Тоҷикистон соли 2009

Мутобиқи моддаи 5 Қонуни Ҷумҳурии Тоҷикистон «Дар бораи қарзгирӣ ва қарзе, ки аз ҷониби давлат кафолат дода мешавад» барои таъмини нигоҳдорӣ ва даромаднокии пасандозҳои аҳолӣ, ҷалби маблағҳои шахсони воқеӣ ва ҳуқуқӣ ба соҳаи буҷету молия Ҳукумати Ҷумҳурии Тоҷикистон қарор мекунад:
1. Вазорати молияи Ҷумҳурии Тоҷикистон:
- аз 1 марти соли 2009 ба аҳолӣ пардохти маблағҳои бурди Вомбаргҳои давлатии дохилии бурдноки Ҷумҳурии Тоҷикистон соли 2002 ва аз аҳолӣ харида гирифтани Вомбаргҳои давлатии дохилии бурдноки Ҷумурии Тоҷикистон соли 2002-ро аз ҳисоби маблағҳои буҷети ҷумҳуриявӣ, ки барои хизматрасонии қарзи дохилӣ пешбинӣ шудаанд, таъмин намояд;
- аз 1 марти соли 2009 бар ивази Вомбаргҳои давлатии дохилии бурдноки Ҷумҳурии Тоҷикистон соли 2002 Вомбаргҳои давлатии дохилии бурдноки Ҷумҳурии Тоҷикистон соли 2009-ро ба маблағи 10 (даҳ) миллион сомонӣ ба мӯҳлати 10 сол барорад.
2. Қоидаҳои замимагардидаи ба муомилот баровардани Вомбаргҳои давлатии дохилии бурдноки Ҷумҳурии Тоҷикистон соли 2009 тасдиқ карда шаванд.
3. Бонки давлатии амонатгузории Ҷумҳурии Тоҷикистон «Амонатбонк» ҳамчун агенти нигоҳдорӣ, ҷойгиронӣ ва хизматрасонии Вомбаргҳои давлатии дохилии бурдноки соли 2009 Ҷумҳурии Тоҷикистон муайян карда шавад.
4. Муқаррар карда шавад, ки соҳибони Вомбаргҳои давлатии дохилии бурдноки Ҷумҳурии Тоҷикистон барориши соли 2002 бо хоҳиши худ барои иваз намудани вомбаргҳои барориши соли 2002 ба вомбаргҳои  барориши соли 2009 ё барои гирифтани маблағи номиналии вомбаргҳои барориши соли 2002 метавонанд ба Бонки давлатии амонатгузории Ҷумҳурии Тоҷикистон «Амонатбонк» вомбаргҳои худро пешниҳод намоянд.
5. Маблағҳои аз фурӯши Вомбаргҳои давлатии дохилии бурдноки Ҷумҳурии Тоҷикистон барориши соли 2009 воридгардида, ба буҷети ҷумҳуриявӣ равона карда мешаванд.
6. Кумитаи телевизион ва радиои назди Ҳукумати Ҷумҳурии Тоҷикистон, идораҳои рӯзномаҳои «Ҷумҳурият», «Садои мардум» ва «Народная газета» тавзеҳоти мақсад ва шартҳои ба муомилот баровардани Вомбаргҳои давлатии дохилии бурдноки Ҷумҳурии Тоҷикистон соли 2009-ро ба таври ройгон таъмин намоянд.

Раиси Ҳукумати
Ҷумҳурии Тоҷикистон      Эмомалӣ РАҲМОН

 

Бо Қарори Ҳукумати
Ҷумҳурии Тоҷикистон
аз 31 декабри соли 2008, № 669
тасдиқ шудааст

ҚОИДАҲОИ
ба муомилот баровардани Вомбаргҳои давлатии дохилии бурдноки Ҷумҳурии Тоҷикистон соли 2009

1. Вомбаргҳои давлатии дохилии бурдноки Ҷумҳурии Тоҷикистон соли 2009 (минбаъд Вомбаргҳои бурднок) ба мӯҳлати 10 сол аз 1 марти соли 2009 то 1 марти соли 2019 бароварда мешаванд.
2. Шартҳои ҷойгиронӣ ва тартиби гузаронидани тиражҳои бурдҳоро Вазорати молияи Ҷумҳурии Тоҷикистон якҷоя бо Бонки давлатии амонатгузории Ҷумҳурии Тоҷикистон «Амонатбонк» муайян намуда, бо шартномаи дахлдор ба расмият медарорад.
3. Вомбаргҳои соли 2009 аз тарафи муассисаҳои Бонки давлатии амонатгузории Ҷумҳурии Тоҷикистон «Амонатбонк» озодона фурӯхта ва харида мешаванд.
4. Вомбаргҳои соли 2009 бо дараҷаҳои алоҳида ба маблағи 5 миллион сомонӣ дар ҳар як дараҷа бароварда мешаванд.
Ҳар як дараҷа аз 5000 силсила аз рақами 0001 то рақами 5000 иборат аст.
Вомбаргҳо дар ҳар як силсила рақамҳои аз 001 то 100 доранд.
Вомбаргҳо шакли ҳуҷҷатии бароришро доранд.
5. Вомбаргҳои соли 2009 бо арзиши 10 ва 20 сомонӣ бароварда мешаванд.
Вомбаргҳои дорои арзиши 20 сомонӣ аз вомбарги ба шакли ҳуҷҷатӣ баровардашуда, бо силсила ва ду рақам иборат мебошанд.
6. Даромад аз вомбаргҳо ба шакли бурд пардохта мешавад.
Маблағи умумии бурдҳо барои тамоми мӯҳлати амали вомбаргҳо ба ҳисоби миёна 12 фоизи солона муқаррар шудааст.
Дар давоми вақти амали вомбаргҳо 58 фоизи онҳо бурд мекунанд, 42 фоизи боқимондаи вомбаргҳо баъд аз гузаштани мӯҳлаташон бо арзиши номиналии онҳо харида мешаванд.
Вомбаргҳои бурдашон пардохташуда, аз тиражҳои минбаъда хориҷ карда мешаванд.
7. Бурдҳои вомбаргҳо ба андозаи 1500, 1000, 500, 300, 200, 100, 40 ва 20 сомонӣ барои вомбарги арзишаш 10 сомонӣ, аз ҷумла арзиши аслии он муқаррар карда мешаванд.
Ҳангоми ба яке аз рақамҳои вомбарги арзишаш 20 сомонӣ баромадани бурд дар ҳаҷми 1500, 1000, 500, 300, 200, 100, 40 сомонӣ ба рақами дуюми он дар ҳаҷми 20 сомонӣ бурд мебарояд ва ба ин гуна вомбаргҳо мутобиқан 1520, 1020, 520, 320, 220, 120 ва 60 сомонӣ пардохта мешавад.
8. Аз ҷониби Комиссияи муштараки мақомоти молия ва муассисаҳои Бонки давлатии амонатгузории Ҷумҳурии Тоҷикистон «Амонатбонк» дар ҷойҳо, пеш аз баргузории тираж феҳристи Вомбаргҳои давлатии дохилии бурдноки Ҷумҳурии Тоҷикистон соли 2009 дар депозит буда тартиб дода шуда, ба Вазорати молияи Ҷумҳурии Тоҷикистон пешниҳод карда мешавад. Хариду фурӯши Вомбаргҳои давлатии дохилии бурдноки Ҷумҳурии Тоҷикистон соли 2009 10 рӯз пеш аз баргузории тираж боздошта мешавад.
Маълумот аз рӯи бурдҳои Вомбаргҳои барориши соли 2009, ки ба аҳолӣ пардохт шудаанд, аз ҷониби Бонки давлатии амонатгузории Ҷумҳурии Тоҷикистон «Амонатбонк» ба Вазорати молияи Ҷумҳурии Тоҷикистон ҳар моҳ пешниҳод мегардад.
9. Дар муддати 10 соли муомилоти вомбарг 60 тиражи бозиҳо, яъне ҳар сол 6 тираж, дар мӯҳлатҳои муқаррарнамудаи Вазорати молияи Ҷумҳурии Тоҷикистон гузаронида мешаванд.
10.  Дар тиражҳои бозиҳо ба ҳар дараҷаи вомбарг миқдори зерини бурдҳо гузошта мешаванд:
11. Вомбаргҳое, ки ба онҳо бурд баромадааст, ҳамчунин вомбаргҳое, ки бурд накардаанду бояд бо арзиши номиналиашон харида шаванд, метавонанд то 1 марти соли 2020 барои пардохт пешниҳод карда шаванд.
12.  Фурӯши вомбаргҳо бо нархи муқаррарнамудаи Вазорати молияи Ҷумҳурии Тоҷикистон сурат гирифта, харидашон аз рӯи арзиши номиналиашон ба амал бароварда мешавад.
13.  Андозбандии бурдҳои вомбаргҳои бурдноки дохилии давлатии Ҷумҳурии Тоҷикистон соли 2009 тибқи муқаррароти Кодекси андози Ҷумҳурии Тоҷикистон анҷом дода мешавад.

Ҳаҷми Бурдҳо
(бо сомонӣ)
Миқдори
бурдҳо дар
1 тираж
Маблағи
Бурдҳо
(бо сомонӣ)
дар 1 тираж
Дар 60 тираж
Миқдори бурдҳо
Маблағи бурдҳо
(бо сомонӣ)
1500
1
1500
60
90.000
1000
2
2000
120
120.000
500
3
1500
180
90.000
300
3
900
180
54.000
200
4
800
240
48.000
100
5
500
300
30.000
40
30
1200
1800
72.000
20
4752
95040
285120
5.702.400
Ҳамагӣ:
4800
103440
288000
6.206.400


Баёни ақида (0)    Санаи нашр:    №:    Мутолиа карданд: 1137

19.07.2019


ПАЛАТАИ ҲИСОБ. 88,З миллион сомонӣ зарари молиявӣ ошкор гашт

УМЕД БОБОЗОДА: "Аксари муроҷиатҳо оид ба адолати судиянд"

Кӯдакони аз Ироқ овардашуда ба зиндагии муқаррарӣ бармегарданд

"EXPO 2019 BEIJING". Гӯшаи Тоҷикистонро беш аз як миллион нафар тамошо кард

НИГАРОНӢ. Ҷудошавии 6065 оила дар ним сол

18.07.2019


ХАДАМОТИ ЗИДДИИНҲИСОРӢ. Болоравии нархи барқ ба қарзи он марбут аст

Азим Иброҳим Ким Тэ Сонгро ба ҳузур пазируфт

Ба ташкили корхонаҳои муштарак ҳавасмандӣ зоҳир гардид

Ҳамоиши «Ваҳдат – омили ягонагӣ ва суботи ҷомеа» доир шуд

Ҳамкорӣ бо Қатар густариш меёбад

Саридораи геология. 2810 харитаи геологӣ рақамӣ шуд

121 шахси масъул ба ҷавобгарии маъмурӣ кашида шуд

Роҳи нави сесатҳаи Душанбе ба истифода дода мешавад

Президенти Қазоқистон Шӯрои миллии эътимоди ҷомеаро созмон дод

Дар Ӯзбекистон аввалин IT-технопарк бунёд мегардад

Ҷаҳон дар як сатр

17.07.2019


Музокироти ҳайатҳои расмии Тоҷикистон ва Корея

КУМИТАИ МУҲИТИ ЗИСТ. Нигаронӣ аз набудани партовгоҳҳо дар деҳот

ПРОКУРАТУРАИ ГЕНЕРАЛӢ. 5774 гектар қитъаи замин ба ҳолати аввала баргардонда шуд

ИЗЗАТУЛЛО САТТОРӢ: "Истеҳсоли гӯшти мурғ 9 маротиба зиёд мегардад"

ВАЗОРАТИ АДЛИЯ. Хулосаи ҳуқуқӣ ба 1936 лоиҳаи санадҳои меъёрии ҳуқуқӣ

ТАЭКВОН – ДО. Муниса медали тилло ба даст овард

Суръати рушди ММД Тоҷикистон миёни кишварҳои ИДМ баландтарин шуд

Тоҷикистон ба сохтмони лӯлаи гази «Осиёи Марказӣ — Чин» шурӯъ мекунад

Дар ҷанубу ғарби Чин аз хушксолӣ 7,4 миллион нафар зарар дид

Ҷаҳон дар як сатр

Нашрияи расмии Ҷумҳурии Тоҷикистон – рӯзномаи «Ҷумҳурият» якҷо бо мақомоти иҷроияи ҳокимияти давлатии вилояти Хатлон бахшида ба Ҷашни 30 - солагии Истиқлолияти давлатии Ҷумҳурии Тоҷикистон таҳти унвони «ТОҶИКИСТОН – ХОНАИ УМЕДИ МО» озмун эълон менамояд.

16.07.2019


ХАДАМОТИ АЛОҚА. Корти ID симкорти муштариро ба расмият медарорад

ЭНЕРГЕТИКА. 2,5 миллиард сомонӣ қарзи дебитории "Барқи тоҷик" муаммои ҳалталаб боқӣ мемонад

15.07.2019


Сарвазири Корея ба Тоҷикистон меояд

Баррасии масъалаҳои ҳамгироии САҲА, СҲШ ва ИА дар минтақаи Осиёи Марказӣ

Нахустин шумораи маҷаллаи «Осиё ва Аврупо» аз чоп баромад

ДТТ. Изҳори нигаронӣ аз вазъи бо кор таъмин шудани хатмкардаҳо

ТИБ. 288 номгӯи доруи ғайристандартӣ ошкор шуд


Дар сомонаҳои дигари Тоҷикистон хонед