logo

илм

Нури хирад

Фатҳия Икромова аз зумраи донишмандони соҳибкитоб, хушсухан, кордон, нуктасанҷ, ҷӯянда ва эҷодкор ба шумор меравад. Доираи фаъолияти илмию эҷодии муаллима фарох ва гуногунҷабҳа буда, таълиму тадриси забони модарӣ ва тарбияву ташаккули шогирдонро дар бар мегирад. Муаллима шаст соли умри бобаракат ва пурсамари худро ба ҷавонон  баҳри таълиму илмомӯзӣ бахшидааст. Дар Тоҷикистон ва берун аз он мактабе нест, ки муаллимону шогирдонаш  номи Фатҳия Икромоваро надонанд ва аз китобҳои дарсиву маводи илмию методии ӯ истифода набурда бошанд.
Фаъолияти омӯзгорӣ, таҳқиқотӣ ва ҷамъиятии муаллима Фатҳия Икромова куллиётест пур аз саҳифаҳои рӯҳафзо  ва ибратбахшу омӯзанда. Месазад муаррифиро аз он шурӯъ намоем, ки муаллима миёни олимони соҳа шахсе ҳастанд, ки тавассути рисолаҳо, китобҳои дарсӣ, мақолаҳо ва дастурҳои таълифнамудаи худ, ба монанди «Муаллима-маслиҳатчӣ», «Роҳи равшан», «Китоби хониш» барои синфи 2, «Забони модарӣ»  барои синфи 2, «Дарсҳои хониш ва инкишофи нутқ  дар синфи 1», «Зебо Ватани мо», «Материалҳои дидактикӣ оид ба таълими савод», «Дарсҳои хониш ва инкишофи нутқ» барои синфи 2 соҳиби мавқеи хоса ва обрӯю эҳтиром гардидааст.
Зимни таълифи китобу дастурҳо бо шоирону нависандагон ҳамкорӣ намуда, дар асарҳояш масоили ахлоқӣ, нақши зарбулмасалу мақол ва каломи ҳикматдорро зикр сохта, ба мавзӯи сулҳу дӯстӣ, тавсифи кору кӯшиш, ситоиши некӣ, тарғиби ватанпарастиву меҳнатдӯстӣ аҳамияти хоса дода, ки дар таълиму тарбияи хонандагони хурдсол  ва тайёр намудани кадрҳои омӯзгорӣ нақши арзанда доранд.
Муаллима ҳунари омӯзгориро дар тарбияи омӯзгорони оянда тавсеа медиҳад. Байни олимони соҳа нафарони зиёде аз кору пайкори муаллима ибрат ва илҳом гирифта, ин соҳаи илмро идома мебахшанд.
Дар рисолаи «Инкишофи нутқи хонандагони синфҳои якум дар мактабҳои тоҷикӣ»  Фатҳия Икромова роҳу усулҳои самараноки инкишоф додани нуқти мактабиёни хурдсолро пешниҳод менамояд, ки он барои баланд бардоштани сифати фаъолияти таълимии  омӯзгорони синфҳои ибтидоӣ ва донишандӯзии хурдсолон мусоидат менамояд. Дар маводи иловагии таълимӣ, хрестоматия барои инкишофи нутқи хонандагони синфҳои ибтидоӣ бо номи «Зебо Ватани мо» намунаҳои назму насрро аз эҷодиёти шоирону нависандагон барои хонандаи хурдсол мураттаб намудааст, ки ҳангоми мутолиа дар баробари инкишоф додани нақли гуфторӣ ҳисси ватандӯстӣ, хештаншиносӣ, зебоипарастӣ ва инсондӯстии онҳо ташаккул меёбад.
Дар ҳар нашри китобҳои дарсие, ки муаллима Ф.Икромова таълиф намудааст, ҳамеша навовариҳои зиёд, тарзу усулҳои самараноки таълим, тесту муаммоҳо, ребусҳо, саволу супоришҳои консептуалӣ ворид мешаванд, ки диққати хонандаи хурдсолро ба хондан ҷалб месозанд. Китоби дарсии «Забони модарӣ» барои синфи 2, дар ҳаммуаллифӣ бо И.Абдуллоев дар нашриёти «Маориф» аз соли 1997  то соли 2012 шаш маротиба нашр гардид. Имрӯз аз ин китоби муаллима омӯзгорони мактабҳои  тоҷикзабони Ӯзбекистон низ ҳамчун беҳтарин воситаи таълим истифода мебаранд.
Ф.Икромова ба донишҷӯён аз фанни методикаи таълими забони модарӣ дар синфҳои ибтидоӣ дар Донишгоҳи давлатии омӯзгории Тоҷикистон ба номи Садриддин Айнӣ таълим медиҳад, ки подоши он маҳбубият дар байни ҳамкасбон ва шогирдон аст. Солҳои зиёд маҳорату малакаи худро сайқал дод, таҷрибаи пешқадами педагогҳои ҷаҳон ва муаллимони синфҳои ибтидоии кишварро омӯхта, таҳлил намуд ва  онҳоро бо илми муосири педагогӣ алоқаманд кард. Бо кӯшишу заҳмати беандоза дар пешрафт ва такмили технологияи навини таълими забони тоҷикӣ саҳми назаррас гузошт. Ҳамчун методисти шинохта ва омӯзгори ғамхор роҳбарии таҷрибаи омӯзгории донишҷӯёнро дар мактабҳои таҳсилоти миёнаи умумӣ ба зимма дошта, дар ин кори пурмасъулият ба тайёрии касбии онҳо диққати  махсус медиҳад. Ба донишҷӯён воқеъбинона баҳо дода, ҳамеша кӯшиш ва таъкид менамояд, ки ҳамкасбону шогирдон дар тайёрии касбии онҳо устодони воқеъгаро, меҳрубон ва ҳам сахтгиру серталаб бошанд.
Муаллима пайваста мутолиа мекунад, менависаду менависад, гӯиё хастагии худро эҳсос намесозад. Асарҳои ҷолибу хонданбобе, ки хонанда аз мутолиаи онҳо як ҷаҳон маъниро аз бар менамояд, таълиф намудааст. Шахсе мебошад заҳматкаш, ботаҳаммул ва масъулиятшинос, суҳбаторо, санҷидагӯй.
Олимаи сермаҳсул барои хизматҳояш дар соҳаи маориф бо медали “Барои меҳнати шоён», нишонҳои «Аълочии маорифи ИҶШС»,  «Аълочии маорифи Тоҷикистон», ифтихорномаҳои Вазорати маорифи ИҶШС, Вазорати маорифи Ҷумҳурии Тоҷикистон, унвони ифтихории Корманди шоистаи Тоҷикистон сарфароз гаштааст.
Фатҳия Икромова дар баробари омӯзгор, устоди устодон, олиму методисти шинохта буданаш, ҳамсари вафодор ва модари меҳрубон аст.

Б. МАҶИДОВА,
доктори илмҳои педагогӣ, профессор,
Ш. КОТИБОВА, номзади илмҳои педагогӣ


Баёни ақида (0)    Санаи нашр: 23.04.13    №: 57    Мутолиа карданд: 1484

19.07.2019


ПАЛАТАИ ҲИСОБ. 88,З миллион сомонӣ зарари молиявӣ ошкор гашт

УМЕД БОБОЗОДА: "Аксари муроҷиатҳо оид ба адолати судиянд"

Кӯдакони аз Ироқ овардашуда ба зиндагии муқаррарӣ бармегарданд

"EXPO 2019 BEIJING". Гӯшаи Тоҷикистонро беш аз як миллион нафар тамошо кард

НИГАРОНӢ. Ҷудошавии 6065 оила дар ним сол

18.07.2019


ХАДАМОТИ ЗИДДИИНҲИСОРӢ. Болоравии нархи барқ ба қарзи он марбут аст

Азим Иброҳим Ким Тэ Сонгро ба ҳузур пазируфт

Ба ташкили корхонаҳои муштарак ҳавасмандӣ зоҳир гардид

Ҳамоиши «Ваҳдат – омили ягонагӣ ва суботи ҷомеа» доир шуд

Ҳамкорӣ бо Қатар густариш меёбад

Саридораи геология. 2810 харитаи геологӣ рақамӣ шуд

121 шахси масъул ба ҷавобгарии маъмурӣ кашида шуд

Роҳи нави сесатҳаи Душанбе ба истифода дода мешавад

Президенти Қазоқистон Шӯрои миллии эътимоди ҷомеаро созмон дод

Дар Ӯзбекистон аввалин IT-технопарк бунёд мегардад

Ҷаҳон дар як сатр

17.07.2019


Музокироти ҳайатҳои расмии Тоҷикистон ва Корея

КУМИТАИ МУҲИТИ ЗИСТ. Нигаронӣ аз набудани партовгоҳҳо дар деҳот

ПРОКУРАТУРАИ ГЕНЕРАЛӢ. 5774 гектар қитъаи замин ба ҳолати аввала баргардонда шуд

ИЗЗАТУЛЛО САТТОРӢ: "Истеҳсоли гӯшти мурғ 9 маротиба зиёд мегардад"

ВАЗОРАТИ АДЛИЯ. Хулосаи ҳуқуқӣ ба 1936 лоиҳаи санадҳои меъёрии ҳуқуқӣ

ТАЭКВОН – ДО. Муниса медали тилло ба даст овард

Суръати рушди ММД Тоҷикистон миёни кишварҳои ИДМ баландтарин шуд

Тоҷикистон ба сохтмони лӯлаи гази «Осиёи Марказӣ — Чин» шурӯъ мекунад

Дар ҷанубу ғарби Чин аз хушксолӣ 7,4 миллион нафар зарар дид

Ҷаҳон дар як сатр

Нашрияи расмии Ҷумҳурии Тоҷикистон – рӯзномаи «Ҷумҳурият» якҷо бо мақомоти иҷроияи ҳокимияти давлатии вилояти Хатлон бахшида ба Ҷашни 30 - солагии Истиқлолияти давлатии Ҷумҳурии Тоҷикистон таҳти унвони «ТОҶИКИСТОН – ХОНАИ УМЕДИ МО» озмун эълон менамояд.

16.07.2019


ХАДАМОТИ АЛОҚА. Корти ID симкорти муштариро ба расмият медарорад

ЭНЕРГЕТИКА. 2,5 миллиард сомонӣ қарзи дебитории "Барқи тоҷик" муаммои ҳалталаб боқӣ мемонад

15.07.2019


Сарвазири Корея ба Тоҷикистон меояд

Баррасии масъалаҳои ҳамгироии САҲА, СҲШ ва ИА дар минтақаи Осиёи Марказӣ

Нахустин шумораи маҷаллаи «Осиё ва Аврупо» аз чоп баромад

ДТТ. Изҳори нигаронӣ аз вазъи бо кор таъмин шудани хатмкардаҳо

ТИБ. 288 номгӯи доруи ғайристандартӣ ошкор шуд


Дар сомонаҳои дигари Тоҷикистон хонед