logo

мулоқотҳо

Ифтитоҳи биноҳои истиқоматӣ ва иншооти варзишӣ

23 апрел дар шаҳри Душанбе бо иштироки Президенти кишвар Эмомалӣ Раҳмон ду бинои бисёрошёнаи истиқоматӣ ва маҷмааи варзишии Вазорати корҳои дохилӣ ифтитоҳ ёфт.

Солҳои охир бо дастуру ҳидоятҳои Сарвари давлат Эмомалӣ Раҳмон барои бо манзили зист таъмин намудани кормандони сохторҳои қудратӣ ва мақомоти ҳифзи ҳуқуқу тартибот тадбирҳои зиёди судманд амалӣ мегарданд. Ин аст, ки имрӯз аҳли оилаи қариб 200 корманди ин мақомот соҳиби хонаҳои зебои хизматӣ шуданд.
Барои ифтитоҳи биноҳо ва табрики ин оилаҳои хушбахт Сарвари  давлат Эмомалӣ Раҳмон нахуст ба кӯчаи Абдураҳмони Ҷомии пойтахт ташриф оварда, як бинои нуҳошёнаро мавриди баҳрабардорӣ қарор дод.
Дар саҳни ҳавлӣ Президенти  кишвар  Эмомалӣ  Раҳмон лентаи рамзиро бурида, ба соҳибони хуштолеи хонаҳои нав калидҳои онҳоро тақдим намуд.
Зимни шиносоӣ бо тарҳи бино ва шароити хонаҳо, аз ҷумла иттилоъ дода шуд, ки ин бино аз хонаҳои як ва дуҳуҷрагӣ иборат буда, асосан барои кормандони ҷавони соҳибтахассус пешбинӣ шудаанд. Бино ба таври зебою замонавӣ сохтаву ороиш ёфта, қисман бо мебел низ таъмин гардидааст.
Он дорои шабакаи ягона ва мустақили гармидиҳӣ буда, тавассути дастгоҳҳои каммасраф бо оби гарм ва гармӣ таъмин мешавад. Дар ҳавлии бино, ҳамчунин майдони бозӣ барои кӯдакон омода гардидааст. Ин бинои зебо дар зарфи якуним сол бо харҷи беш аз даҳуним миллион сомонӣ бунёд ёфтааст.
Бо супориши Сарвари давлат Эмомалӣ Раҳмон Дирексияи сохтмони иншооти ҳукуматии Дастгоҳи иҷроияи Президенти Ҷумҳурии Тоҷикистон бо ташкилоти пудратӣ вазифадор карда шуданд, ки дар зарфи як соли оянда боз дуто ҳамин гуна бинои истиқоматӣ барои оилаҳои кормандони сохторҳои қудратӣ ва мақомоти ҳифзи ҳуқуқу тартибот бунёд намоянд.
Сипас Сарвари давлат Эмомалӣ Раҳмон ба кӯчаи Айнии пойтахт ташриф оварда, бинои даҳошёнаи истиқоматии Корхонаи воҳиди давлатии "Роҳи оҳани Тоҷикистон"-ро ифтитоҳ намуд.
Тавре иттилоъ дода шуд, ин бинои иборат аз се қисмат бо харҷи 18 миллион сомонӣ маблағҳои Корхонаи воҳиди давлатии "Роҳи оҳани Тоҷикистон" бунёд ёфта, дорои 90 хонаи аз як то чорҳуҷрагӣ мебошад.
Аз 90 хонаи он 45 - тоаш бо супориш ва ҳидояти Сарвари давлат Эмомалӣ Раҳмон ба кормандони сохторҳои қудратӣ ва мақомоти ҳифзи ҳуқуқу тартибот, ки аксаран кормандони ҷавони баландихтисос мебошанд, ҳамчун манзили хизматӣ тақсим карда шуд.
Ҳамин тариқ, дар ду бино имрӯз аҳли оилаи қариб 200 корманди ин сохторҳо соҳиби хонаҳои зебою барҳаво гардида, ба Президенти кишвар Эмомалӣ Раҳмон барои ғамхории доимиаш арзи сипосу қадрдонӣ карданд.
Президенти  кишвар  Эмомалӣ Раҳмон зимни суҳбат бо кормандони ин мақомот ва аҳли оилаи онҳо аз ҳодисаи нопадидшавии духтарчаҳои хурдсол - Малика ва Сабина Араловаҳо, ки аз ҳамин маҳаллаанд, ёдовар шуда, аз роҳбарият ва кормандони мақомоти масъул талаб намуд, ки барои ҳарчи зудтар ошкор намудани ин ва дигар ҷиноятҳои доғдоркунандаи номи давлату миллат ва мақомоти ҳифзи ҳуқуқи он тадбирҳои судбахш амалӣ намоянд. Кормандони ин мақомот, ҳамчунин ба муомилаю муоширати хуб бо мардум ва кору фаъолияти мутобиқ ба қонунияту тартиботи ҳуқуқӣ ҳидоят карда шуд.
Дар ин бино, ҳамчунин аҳли оилаи 45 корманди пешқадами Корхонаи воҳиди давлатии  "Роҳи оҳани Тоҷикистон" соҳиби хонаҳои нав шуданд. Аксарияти онҳо низ кормандони ҷавони баландихтисос мебошанд, ки дар мактабҳои хориҷи кишвар таҳсили илм намудаанд. Тавре зикр гардид, Корхонаи воҳиди давлатии "Роҳи оҳани Тоҷикистон" донишҷӯёни хешро дар хориҷи кишвар пурра аз ҳисоби худ хононда, ба онҳо ҳамчунин дусад долларӣ идрорпулӣ медиҳад. Ба донишҷӯёни аълохон, ҳамчунин чорсад долларӣ идрорпулии президентӣ дода мешавад.
Худи  ҳамин  рӯз бо иштироки  Президенти кишвар Эмомалӣ Раҳмон, ҳамчунин маҷмааи варзишии Вазорати корҳои дохилӣ пас аз тармиму навсозии кул-лӣ дубора мавриди баҳрабардорӣ қарор гирифт.
Дар саҳни ҳавлии маҷмаа Сарвари давлат Эмомалӣ Раҳмонро варзишгарони маъруфи кишвар, ки аксаран ғолибон ва ҷоизадорони мусобиқоти сершумори ҷумҳуриявӣ, минтақавӣ ва байналмилалӣ мебошанд, истиқбол гирифтанд.
Ин маҷмааи варзишӣ пас аз навсозӣ дорои толори муҷаҳҳази вазнбардорӣ, толори намудҳои гуногуни гӯштин, толори калони бозиҳои гуногуни варзишӣ ба мисли футболи хурд, волейбол, баскетбол, гандбол, ки дорои 200 ҷойи нишаст барои тамошобинон аст ва ҳамчунин толори намудҳои гуногуни варзиши обӣ мебошад.
Ҳавзи шиноварии болопӯшидаи он 25х8 метр дарозию паҳноӣ дошта, дорои таҷҳизоти поксозӣ ва гармкунии об мебошад. Дар атрофи ҳавзи калон, ҳамчунин беш аз 100 ҷойи нишаст барои тамошобинон омода аст. Ҳамаи толорҳои маҷмааи варзишӣ дорои утоқҳои алоҳида барои шустушӯйи бадан ва ивази либос буда, ба талаботи стандартҳои баланд ҷавобгӯй мебошанд.
Президенти  кишвар  Эмомалӣ Раҳмон зимни суҳбатҳои озоду самимӣ варзишгарони номдори имрӯза ва насли наврасу ояндаро ба машқу тамрини мудом, обутоби тану рӯҳ ва фатҳи қуллаҳои баланд дар ҷодаи варзиши ватанию байналмилалӣ ҳидоят намуд. Тавре таъкид гардид, дар ин ҷо барои тарбияти қаҳрамонони мусобиқоти ҷаҳонию олимпӣ шароити зарурӣ муҳайё аст ва барои расидан ба ин ҳадафи воло танҳо ҷаҳду талош бояд кард.


Баёни ақида (0)    Санаи нашр: 25.04.13    №: 58    Мутолиа карданд: 681

19.07.2019


ПАЛАТАИ ҲИСОБ. 88,З миллион сомонӣ зарари молиявӣ ошкор гашт

УМЕД БОБОЗОДА: "Аксари муроҷиатҳо оид ба адолати судиянд"

Кӯдакони аз Ироқ овардашуда ба зиндагии муқаррарӣ бармегарданд

"EXPO 2019 BEIJING". Гӯшаи Тоҷикистонро беш аз як миллион нафар тамошо кард

НИГАРОНӢ. Ҷудошавии 6065 оила дар ним сол

18.07.2019


ХАДАМОТИ ЗИДДИИНҲИСОРӢ. Болоравии нархи барқ ба қарзи он марбут аст

Азим Иброҳим Ким Тэ Сонгро ба ҳузур пазируфт

Ба ташкили корхонаҳои муштарак ҳавасмандӣ зоҳир гардид

Ҳамоиши «Ваҳдат – омили ягонагӣ ва суботи ҷомеа» доир шуд

Ҳамкорӣ бо Қатар густариш меёбад

Саридораи геология. 2810 харитаи геологӣ рақамӣ шуд

121 шахси масъул ба ҷавобгарии маъмурӣ кашида шуд

Роҳи нави сесатҳаи Душанбе ба истифода дода мешавад

Президенти Қазоқистон Шӯрои миллии эътимоди ҷомеаро созмон дод

Дар Ӯзбекистон аввалин IT-технопарк бунёд мегардад

Ҷаҳон дар як сатр

17.07.2019


Музокироти ҳайатҳои расмии Тоҷикистон ва Корея

КУМИТАИ МУҲИТИ ЗИСТ. Нигаронӣ аз набудани партовгоҳҳо дар деҳот

ПРОКУРАТУРАИ ГЕНЕРАЛӢ. 5774 гектар қитъаи замин ба ҳолати аввала баргардонда шуд

ИЗЗАТУЛЛО САТТОРӢ: "Истеҳсоли гӯшти мурғ 9 маротиба зиёд мегардад"

ВАЗОРАТИ АДЛИЯ. Хулосаи ҳуқуқӣ ба 1936 лоиҳаи санадҳои меъёрии ҳуқуқӣ

ТАЭКВОН – ДО. Муниса медали тилло ба даст овард

Суръати рушди ММД Тоҷикистон миёни кишварҳои ИДМ баландтарин шуд

Тоҷикистон ба сохтмони лӯлаи гази «Осиёи Марказӣ — Чин» шурӯъ мекунад

Дар ҷанубу ғарби Чин аз хушксолӣ 7,4 миллион нафар зарар дид

Ҷаҳон дар як сатр

Нашрияи расмии Ҷумҳурии Тоҷикистон – рӯзномаи «Ҷумҳурият» якҷо бо мақомоти иҷроияи ҳокимияти давлатии вилояти Хатлон бахшида ба Ҷашни 30 - солагии Истиқлолияти давлатии Ҷумҳурии Тоҷикистон таҳти унвони «ТОҶИКИСТОН – ХОНАИ УМЕДИ МО» озмун эълон менамояд.

16.07.2019


ХАДАМОТИ АЛОҚА. Корти ID симкорти муштариро ба расмият медарорад

ЭНЕРГЕТИКА. 2,5 миллиард сомонӣ қарзи дебитории "Барқи тоҷик" муаммои ҳалталаб боқӣ мемонад

15.07.2019


Сарвазири Корея ба Тоҷикистон меояд

Баррасии масъалаҳои ҳамгироии САҲА, СҲШ ва ИА дар минтақаи Осиёи Марказӣ

Нахустин шумораи маҷаллаи «Осиё ва Аврупо» аз чоп баромад

ДТТ. Изҳори нигаронӣ аз вазъи бо кор таъмин шудани хатмкардаҳо

ТИБ. 288 номгӯи доруи ғайристандартӣ ошкор шуд


Дар сомонаҳои дигари Тоҷикистон хонед