logo

туризм

Рағбати сайёҳон ба Тоҷикистон меафзояд

Ёдгориҳои бостоншиносию таърихӣ, меъморию шаҳрсозӣ, санъати монументалию тасвирӣ, кандакорию наққошӣ вилояти Суғдро ҳамчун  яке аз минтақаҳои  бостонии Осиёи Марказӣ  муаррифӣ мекунанд.  Шаҳрҳои Хуҷанд, Панҷакент, Исфара  ва ноҳияи Айнӣ марказҳои рушди сайёҳии ин минтақа ба шумор мераванд. Бо мақсади равшанӣ андохтан ба вазъи кунунии соҳаи сайёҳӣ дар минтақа хабарнигори рӯзнома бо чанд тан аз масъулони соҳа ҳамсуҳбат гардид.
Аҳрорхон Хоҷаев, мутахассиси  пешбари Раёсати ҷавонон, варзиш ва сайёҳии вилояти Суғд,  гуфт, ки дар вилоят 18 ширкати сайёҳӣ барои фаъолият иҷозатнома гирифта, дар самти туризми экологӣ, фарҳангӣ, тиҷоратӣ, таърихӣ - этнографӣ, табобатӣ, экскурсионӣ, мусоидат барои гирифтани раводид, шиносномаи хориҷӣ ва дастрас намудани чиптаҳои ҳавопаймоӣ фаъолияти худро ба роҳ мондаанд. Давоми соли 2012 ба вилоят 3095  сайёҳ ворид гардида, аз ин ҳисоб  ба буҷети вилоят зиёда аз 1 млн. сомонӣ ворид шуд.  Дар мусобиқаи варзишии кӯҳнавардӣ,  ки  аз ҷониби ширкати  "Вертикал" - и шаҳри Маскав   дар мавзеи Заминқарори деҳаи Марғеби ноҳияи Айнӣ баргузор гардид,  76  кӯҳнавард  аз 14 давлат  иштирок намуд. Соли 2012 бештари сайёҳон аз Қирғизистон, ИМА, Фаронса,  Русия, Олмон, Украина, Ҷопон, Чин ташриф намуданд ва иқомати онҳо аз 1 то 45 рӯз идома ёфт. 
Мирзоҳаким Рустамов, директори кулли ширкати "Суғдиён - Помир - Тур",  иброз дошт, ки  баста будани сарҳади Узбекистон садди роҳи омадани сайёҳон ба минтақа шудааст. Гароннархии  чиптаи Хуҷанд - Маскав ва Маскав - Хуҷанд низ ба рушди сайёҳӣ дар вилоят  монеа эҷод мекунад, танҳо харҷи яктарафа 500 - 600 долларро ташкил медиҳад. Сайёҳон бештар ба тамошои кӯҳистон майл доранд. Чанде қабл ду сайёҳи миллиондори араб ба кишвар ташриф оварда буданд ва  аз сайри кӯҳҳои Фон серӣ надоштанд. Кушода шудани  хатсайрҳои Хуҷанд - Дубай, Хуҷанд - Деҳлӣ низ ба нафъи кор аст. Айни замон танҳо хатсайри Урумчӣ - Хуҷанд фаъол аст, ки ин ҳам ба кишвари Чин тааллуқ дорад. Аз ин рӯ, барои сайёҳони кишварамон автобусҳои "Митсубисӣ" ташкил кардем, ки 28 касро бо ҷойи нишаст ва хоб таъмин карда, дар 2 рӯз ба Чин мерасонанд. Ин  сайрхат 6 моҳ боз  фаъолият дорад.
 Аксари  сайёҳон аз назорати гумрукӣ меноланд, тафтишоти зиёд онҳоро руҳафтода мекунад. Барои назорат кормандони мақомоти гумрук метавонанд аз тариқи кофтукови  таҷҳизоти худкор истифода кунанд. Сайёҳон бештар ба ҷойҳои таърихию фарҳангӣ мароқ зоҳир мекунанд. Сайёҳони ватанӣ тамошои Амороти Муттаҳидаи Араб, Туркия ва Чинро меписанданд.
Шодмонқул Сангинов, директори  ширкати сайёҳии "Ҳафт кӯл", мегӯяд, барои рушди сайёҳӣ дар ин мавзеъ мушкилиҳо зиёданд, ҳатто дар роҳҳо ҳоҷатхонаҳои барои сайёҳон мувофиқ нест. Мушкилии дигар он аст, ки ҳамватанони мо бештар берун аз ватан сафар мекунанд, вале намедонанд, дар кишвари худ мисли Ҳафткӯл мавзеъҳои зиёд дорем, ки ҳаловату таассуроте камтар аз сайргоҳҳои хориҷӣ надоранд.
Ширкати сайёҳии "Ҳафт кӯл"  дар соҳили рудхонаи Марғузори деҳаи Рашнаи ноҳияи Панҷакент воқеъ буда, дорои 5 адад коттеҷ аст ва  якбора 20  сайёҳро қабул карда метавонад. Аз манзараҳои зебои диёри худ ҳаловат бурдан низ арҷгузорӣ ба меҳани хеш аст, - мегӯяд ӯ.
Эраҷ Муҳамммадҷонзода, сарвари ширкати сайёҳии Пойгоҳи кӯҳнавардию сайёҳии "Артуч", гуфт, ки  дар ду соли охир  муҳлати фароғати сайёҳон дар ин сайргоҳ 10 - 15 рӯз аст. Рӯз ба рӯз хоҳишмандони дидани Тоҷикистон меафзоянд. Аммо гирифтани раводид барои сайёҳон мушкил аст, онро бевосита аз шаҳри  Душанбе дастрас менамоем, ки вақти зиёдро мегирад. Агар Вазорати корҳои хориҷӣ дар шаҳри Хуҷанд шуъбаи консулӣ кушояд, як мушкили соҳаро то андозае ҳал менамояд.  
Бо бартараф кардани монеаҳои мавҷуда сафи сайёҳон афзуда, ба буҷаи давлат бештар ворид гардидани фоида имконпазир мешавад.  Мақомоти дахлдор бояд барои ҳалли ин мушкилиҳо талош варзанд.

Рамзия БЕҲРОНОВА,
"Ҷумҳурият"


Баёни ақида (0)    Санаи нашр: 25.04.13    №: 58    Мутолиа карданд: 1191

18.01.2019


Таҳдидҳои асосӣ ба иқтисоди ҷаҳонӣ номбар шуданд

Гумонбари омодасозии ҳамла ба Қасри сафед ба даст афтод

Дар Чин қаллобонро барои фиреб ҳабси абад карданд

29 миллион сом зарари собиқадорони сохта

Ҷаҳон дар як сатр

17.01.2019


Тамдиди шартномаи ФФТ бо "Сомон Эйр"

60 ДАРАҶА ХУНУКӢ ВА ДАВИ 50 - КИЛОМЕТРАИ ЭКСТРЕМАЛИ МОЛДАВӢ

16.01.2019


Пирӯзии мунтахаби Тоҷикистон бар Эрон

ҶАҲОН ДАР ЯК САТР

Роҳандозии моратории дусола дар Тоҷикистон

Нақшаи Brexit дар парламенти Британия рад карда шуд

Кремл роҳи ҳалли буҳрони Украинаро пешниҳод намуд

Ифтитоҳи онлайн-донишгоҳ барои гурезаҳо дар Италия

15.01.2019


Ҷаласаи ҷамъбастӣ таҳти раёсати муовини Сарвазири мамлакат

Вохӯрии Сироҷиддин Муҳриддин бо Абдулазиз Комилов

Ёдгор Файзов: «Соли 2018 соли таҳкими волоияти қонун дар Бадахшон буд»

ХУҶАНД. 1548 медали варзишгарон дар як сол

ҶАҲОН ДАР ЯК САТР

Созишномаи сулҳ – мавзӯи асосии мулоқоти Путин ва Абэ хоҳад шуд

Савдои хориҷии Чин соли 2018 натиҷаи рекордӣ нишон дод

Дар Алмаато гурӯҳи хориҷиёни террорист боздошт шуд

То соли 2024 аҳолии Қирғизистон бо оби ошомиданӣ пурра таъмин мешавад

10.01.2019


Дар Саразм осорхона ва меҳмонхонаи замонавӣ бунёд мешаванд

Вохӯрии Парвиз Давлатзода бо Владимир Норов

Ҷаласаи Шӯрои кор бо ҷавонон

“ГАНҶИ СУХАН” – маҳфили адибпарвар

РӮШОН. Ифтитоҳи маркази дуошёнаи савдо

Муҳаммад Салоҳ – беҳтарин футболбози Африқо

ҶАҲОН ДАР ЯК САТР

Самарқанд мизбони нахустмулоқоти «Ҳиндустон – Осиёи Марказӣ»

Баргардондани 47 шаҳрванди Қазоқистон аз Сурия

Остона ба гузарондани Ҳамоиши ҷаҳонии туризми шаҳрӣ омодагӣ мегирад

Дар Беларус бори нахуст ҳукми қатл содир шуд

09.01.2019


Таҷлили 110 - солагии аллома Бобоҷон Ғафуров


Дар сомонаҳои дигари Тоҷикистон хонед