logo

президент

Машварати корӣ дар ҳузури Сарвари давлат

26 апрел, нимаи дуюми рӯз таҳти раёсати Президенти Ҷумҳурии Тоҷикистон, Раиси Ҳукумати кишвар Эмомалӣ Раҳмон машварати корӣ доир ба баррасии вазъи иҷтимоию иқтисодии ҷумҳурӣ дар семоҳаи аввали соли равон ва вазифаҳои оянда баргузор гардид.

Дар он доир ба мавзӯи асосӣ нахуст ахбори вазири рушди иқтисод ва савдо Шариф Раҳимзода шунида шуд. Тавре зикр гардид, маҷмӯи маҳсулоти дохилӣ дар ин муҳлат ба 6,7 миллиард сомонӣ расида, нисбат ба ҳамин давраи соли гузашта 7,3% афзудааст. Даромади воқеии аҳолӣ бошад 19,8% афзун гардидааст.
Сарвари  давлат  Эмомалӣ  Раҳмон аз фаъолияти нокифояи минтақаҳои озоди иқтисодӣ изҳори норозигӣ карда, доир ба ҷоннок намудани кори онҳо супоришҳои мушаххас дод. Тавре зикр гардид, то андозае корҳои ибратбахш танҳо дар минтақаи озоди иқтисодии Суғд ба назар мерасаду бас.
Зимни ахбори вазири молия Сафаралӣ Наҷмиддинов иттилоъ дода шуд, ки нақшаи даромадҳо ба Буҷети давлатӣ 101,6% иҷро шуда, ба он 2,5 миллиард сомонӣ ворид гардидааст. Ин маблағ нисбат ба нақша 40 миллион ва нисбат ба ҳамин давраи соли гузашта 550 миллион сомонӣ зиёд аст. Ғайр аз ин, дар се моҳи аввали соли равон 5 созишномаи қарзию грантӣ бо маблағи умумии 360 миллион сомонӣ ба имзо расида, лоиҳаи 6 созишномаи дигар бо маблағи 500 миллион сомонӣ дар арафаи ба имзо расидан қарор доранд.
Дар ахбори вазири энергетика ва саноат Гул Шералӣ, аз ҷумла зикр гардид, ки маҷмӯи маҳсулоти саноатӣ дар се моҳ қариб ба 2 миллиарду 300 миллион сомонӣ расид. Дар муҳлати ҳисоботӣ дар ҷумҳурӣ 79 корхонаи саноатӣ бо 1340 ҷойи корӣ ба кор даромад.
Ба роҳбарони тамоми шаҳру ноҳияҳо дастур дода шуд, ки дӯхти либоси мактабӣ пурра дар дохили ҷумҳурӣ ба роҳ монда шавад ва таъкид гардид, ки дар ин сурат, бо ҳисоби камтарин, беш аз 250 миллион доллари амрикоӣ, ки ба воридоти ин маҳсулот аз хориҷи кишвар равона мегардад, дар дохил аз худ карда мешавад. Супоришҳои мушаххаси дигар, ҳамчунин доир ба бунёди корхонаҳои коркарди ашёи хоми ватанӣ, аз ҷумла меваю сабзавот, пӯст, пашм, пахта, алюминийи аввалия, металҳо ва сангҳои қиматбаҳо ва муҳайёсозии ҷойҳои нави корӣ дода шуд.
Роҳбарияти ширкати "Барқи Тоҷик" вазифадор шуд, ки барои коҳиш додани талафоти техникӣ ва таъмини ҷамъоварии маблағи истифодаи неруи барқ чораҳои муассир андешанд.
Вазири кишоварзӣ Қосим Қосимов гузориш дод, ки зимни кишти тирамоҳӣ дар маҷмӯъ дар 320 ҳазор га ғалладона кишт шудааст ва 133 ҳазори он заминҳои обӣ аст. Кишти пахта бошад, ба андозаи 76% иҷро шуда, барои ба 1 миллион тонна расондани ҳосили картошка замина муҳайё гардидааст. Тавре зикр ёфт, беҳшавии нишондодҳо, ҳамчунин дар кишти дигар зироатҳо ва дар бахшҳои боғутокпарварӣ, чорводорӣ ва парандапарварӣ ба назар мерасад.
Доир ба нишондодҳои рушд, ҳамчунин муовини Сарвазири кишвар Муродалӣ Алимардон, вазири мелиоратсия ва захираҳои об Раҳмат Бобокалонов, раиси вилояти Хатлон Ғайбулло Афзал, раиси вилояти Суғд Қоҳир Расулзода, раиси Вилояти Мухтори Кӯҳистони Бадахшон Қодири Қосим, раиси шаҳри Душанбе Маҳмадсаид Убайдуллоев ва раисони шаҳру ноҳияҳои дигар гузориш доданд.
Ба роҳбарони сохторҳои қудратӣ ва ҳифзи ҳуқуқу тартибот доир ба таъмини амнияти миллӣ, тартиботи ҳуқуқию ҷамъиятӣ, волоияти қонун ва тақвияти омодагии ҳарбии Қувваҳои Мусаллаҳ супоришҳои мушаххас дода шуданд.
Дар охири машварат Сарвари давлат Эмомалӣ Раҳмон суханронӣ намуда, ба роҳбарони мақомоти ҷумҳуриявию маҳаллӣ, пеш аз ҳама доир ба татбиқи амалии супоришҳои дар Паёми Президенти Ҷумҳурии Тоҷикистон ба Маҷлиси Олӣ баёнгардида, супоришҳои мушаххас дод.
Дастуру ҳидоятҳо, ҳамчунин доир ба вусъат додани кишти баҳории зироатҳо, омодагӣ ба кишти такрорӣ, рӯёндани ду ва зиёда ҳосил аз заминҳои обӣ, бо истифода аз тухмиҳои беҳтарин ва дастовардҳои пешқадами илмӣ афзун намудани ҳосилнокии зироатҳо ва омодагии ҷиддӣ ба зимистони оянда дода шуд. Таъкид гардид, ки таваҷҷуҳи ҷиддӣ ба омодасозии шабакаҳои нақлиётию энергетикӣ зоҳир карда шавад. Таъкид гашт, ки шабакаи гармидиҳии шаҳри Душанберо барои қабули гармӣ аз Маркази нави барқугармидиҳӣ, ки тирамоҳи имсол навбати аввалаш бо иқтидори 50 мегаватт бояд ба кор дароварда шавад, омода созанд.


Баёни ақида (0)    Санаи нашр: 30.04.13    №: 61    Мутолиа карданд: 13047

11.11.2019


Фаронса ба «ТАЛКО» таҷҳизот ва ба «Сомон Эйр» панҷ чархбол таҳвил медиҳад

Таъкиди Путин аз зарурати арҷгузории арзишҳои оилаи серфарзанд

Сарвазири Афғонистон: "Натиҷа бояд ба раъйдиҳии воқеии халқи мо асос ёфта бошад"

Чин ба шарти бастани созишномаи тиҷоратӣ бо ИМА ба мувофиқа расид

Ҷаҳон дар як сатр

САМБО. Медалҳои биринҷии гӯштигирони тоҷик

08.11.2019


Давлаталӣ Саид бо Мансур бинни Зойид оли Наҳён вохӯрд

Баргузории конференсия оид ба саҳми диаспораҳо дар рушди кишвар

Масоили ҳамкории фарҳангӣ матраҳ шуданд

МАОРИФ. Медали тиллои хонандагони точик аз Туркия

07.11.2019


Гурӯҳи мусаллаҳ безарар гардонда шуд

БОКС. Медали тиллои муштзани тоҷик дар Россия

ФОРУМИ ПАНҶУМИ МИЛЛӢ. Пойгоҳе ки ҳуқуқшиносонро ба ҳам меорад

Ба Ингушистон суриёие омад, ки аспсавор ба дидори Путин раҳсипор аст

Эрдуғон аз боздошти ҳамсари сарвари "ДИ" Ал-Бағдодӣ хабар дод

Интиқоди ҳазорҳо олим аз беэътиноии сиёсатмадорон ба тағйири иқлим

Пойтахти Тоҷикистон мизбони ҷаласаи Шӯрои ҳамкориҳои ИДМ мешавад

Ҷаҳон дар як сатр

05.11.2019


Роҳҳои баланд бардоштани ҳифзи ҳуқуқҳои истеъмолкунандагони хизматрасониҳои молиявӣ баррасӣ шуданд

Ҳамоиш доир ба нақши ҷавонон дар тарғиби арзишҳои миллӣ

ҶОМИ ТОҶИКИСТОН – 2019. «Истиқлол» ва «Регар - ТадАЗ» бори ҳафтум дар финал

Вохӯрии раҳбарони кумитаҳои амнияти Тоҷикистону Қирғизистон дар Исфара

СММ: "Дар 100 сол аз сунами беш аз 250 ҳазор нафар ҳалок гашт"

Дар Сурия хоҳари Бағдодӣ бо хонаводааш боздошт шуд

Трамп бо Россия ва Чин оид ба назорати силоҳ созишнома бастанист

Дар Ӯзбекистон таҳияи сенарияи ягонаи тӯйҳоро пешниҳод доранд

Ҷаҳон дар як сатр

04.11.2019


Вохӯрии Шукурҷон Зуҳуров бо ҳайати вакилони Парлумони Аврупо

Ҷаласаи Шӯрои миллии рушди маориф баргузор шуд

Машварати сиёсии вазоратҳои корҳои хориҷии Тоҷикистону Туркманистон

Чин ва ИМА масоили асосии созишномаи тиҷоратиро мувофиқа намуданд

Соли гузашта дар дунё 8 ҳазор амали террористӣ руй дод

Қазоқистон таъсиси Шӯро оид ба рушди иқтисоди рақамӣ дар СҲШ - ро пешниҳод кард

Барномаи ҳамкории иқтисодии кишварҳои СҲШ то соли 2035 қабул шуд


Дар сомонаҳои дигари Тоҷикистон хонед