logo

паёмҳо

Паёми табрикотии Эмомалӣ Раҳмон, Президенти Ҷумҳурии Тоҷикистон ба муносибати Рӯзи ғалаба, шаҳри Душанбе, 8 майи соли 2013

Муҳтарам собиқадорони ҷангу меҳнат!
Ҳамватанони азиз!

Фардо мардуми кишвари соҳибистиқлоли мо 68 - умин солгарди Ғалаба дар Ҷанги Бузурги Ватаниро таҷлил менамоянд ва бо шукргузорӣ аз фазои сулҳу осоиш аз корномаҳои неки иштирокчиёни ин набарди бесобиқаи таърихӣ ёд мекунанд.
Дар ин айёми муборак ҳамаи собиқадорони ҷангу меҳнат ва мардуми шарифи Тоҷикистонро ба ифтихори Рӯзи ғалаба табрик гуфта, ба ҳамаи шумо зиндагии шоиста, хотири ҷамъ ва сиҳатмандиву саодати рӯзгор орзу менамоям.
Мо имрӯз шукргузор аз он ҳастем, ки шумо - собиқадорони муҳтарам дар ҷабҳаҳои ҷанги шадиду хунини солҳои 1941-1945 далерона размида, ҳоло бо таҷрибаи ибратомӯзи худ дар ободу зебо гардонидани Ватани азизамон ва тарбияи насли наврас дар рӯҳияи ватандӯстӣ саҳмгузор ҳастед.
Ғалабаи беназири шумо бар фашизм ба ивази корнамоиҳои бемислу монанд, ҷасорату далерӣ ва шуҷоату мардонагӣ ба даст омада, самараи дӯстии халқҳо ва муборизаи муштараки онҳо мебошад, ки дар саҳифаҳои таърих ҳамчун Иди зафар нақш бастааст.
Мардуми Тоҷикистон ин санаи фархундаро ҳамасола ҳамчун натиҷаи азму талоши фарзандони бонангу номуси худ дар роҳи озодӣ ва ҳимояи Ватан ҷашн мегиранд.
Садҳо кӯчаву хиёбон ва лавҳаҳои ёдгорӣ ба ифтихори сарбозону афсароне, ки дар ҷабҳа матонату мардонагӣ нишон додаанд, инчунин онҳое, ки аз майдони набард барнагаштаанд, номгузорӣ гардида, ба зиёратгоҳ ва ба василаи тарбияи ватандӯстии ҷавонону наврасони кишвар табдил ёфтаанд.
Дарвоқеъ, нақши фарзандони далеру ғамхори халқамон, яъне онҳое, ки дар он солҳои мудҳиш ба хотири сулҳу оромӣ сина сипар кардаанд, дар густариши ҳисси ватандӯстӣ, баланд бардоштани масъулиятшиносии ҷавонон нисбат ба ҳифзи марзу буми Ватан ҳамчун як рукни барномаи амали ташаккули фарҳанги ватандӯстии ҷавонони кишварамон бисёр муҳиму арзишманд аст.
Ҷанги дуюми ҷаҳон воқеан аз ҷумлаи мудҳиштарин фоҷеаҳои аҳли башар дар асри гузашта буда, дар замони он Тоҷикистони мо низ ба мушкилоти сахту сангин ва хисороти ниҳоят зиёди моддӣ рӯбарӯ гардид, ки азияташ то имрӯз идома дорад.
Вазнинтарин талафоти ин воқеаи мудҳиш, ки доимо пеши назарамон меояд, ин қариб аз 300 ҳазор нафар фарзандони ба ҷабҳаи набард фиристодашуда барнагаштани 100 ҳазор нафари онҳо мебошад, ки ҷои онҳо то имрӯз холист, вале номи некашон дар қалбҳои мардуми сарзаминамон зинда мебошад.
Боиси ифтихор аст, ки корномаи даҳҳо ҳазор нафар ҷанговарони тоҷик бо мукофотҳои олӣ қадрдонӣ гардида, қаҳрамонии онҳо муҳтавои асосии садҳо китобу достонҳо, филмномаву ёддоштҳо ва таҳқиқоти таърихнигорон гардидааст.
Мо хотираи неки онҳоро ҳамеша пос медорем. Бо гузашти солҳо арзиши муборизаву корномаи онҳо дар қалбҳои мо боз ҳам равшантар шуда, барои наслҳои ҷавон сабақи зиндагӣ мегардад.
Давлати соҳибистиқлоли Тоҷикистон бо вуҷуди вазъи ниҳоят душвори иқтисодии рӯзҳои аввали таъсисёбии худ ба хотири ҳифзи амнияту оромии давлат ва ҷомеа, пойдории соҳибистиқлолӣ, пешрафти рукнҳои давлатдорӣ ва таъмини зиндагии осоиштаи мардум артиши миллии худро таъсис дод.
Инак бистуяк сол мешавад, ки Қувваҳои Мусаллаҳи мо, яъне сохторҳои низомӣ ва мақомоти ҳифзи ҳуқуқи кишварамон бо садоқат ба давлат ва халқи Тоҷикистон дар ҳимояи марзу буми Ватан қарор дошта, ба хотири таъмини амнияту тартиботи ҷамъиятӣ ва суботу оромии ҷомеа шабурӯз заҳмат мекашанд.
Хусусан дар шароити имрӯза, ки минтақаву кишварҳои гуногуни олам бар асари шиддат гирифтани рақобату муқовимати доираву нерӯҳои мухталиф ноором гардидаанд, масъулияти сохторҳои низомӣ ва дигар мақомоти ҳифзи ҳуқуқи мамлакати мо низ ба маротиб меафзояд. Вобаста ба ин, тарбияи рӯҳи ватандӯстиву ватанпарварии ҷавонон, ҳарчи бештар тавсеа бахшидани ҳисси худшиносиву худогоҳии миллӣ, ҳушёриву зиракӣ ва ба хизмати Ватан - модар омода намудани онҳо қарзи падару модарон, собиқадорони ҷангу меҳнат, омӯзгорону зиёиён ва умуман аҳли ҷомеа мебошад.
Яке аз самтҳои муҳими сиёсати иҷтимоии давлату Ҳукумати Тоҷикистон кумаку ғамхорӣ ба гурӯҳҳои нисбатан осебпазири аҳолӣ, пеш аз ҳама собиқадорони ҷангу меҳнат, ятимону маъюбон ва эҳтиёҷмандону оилаҳои камбизоат ба ҳисоб рафта, мо кӯшиш дорем, ки ин вазифаи инсонии худро минбаъд низ идома диҳем.
Айни замон шумораи собиқадорону маъюбони Ҷанги Бузурги Ватанӣ дар кишвари мо 1441 нафарро ташкил дода, ҳамаи онҳо пурра таҳти ғамхории давлату Ҳукумати мамлакат қарор доранд. Зеро мо ҳеҷ гоҳ хизмату ҷонбозиҳои шумо - диловарони майдони набардро фаромӯш намекунем ва таҳти ғамхории доимӣ қарор додани шуморо вазифаи аввалиндараҷаи худ меҳисобем.
Бори дигар ҳамаи шумо - собиқадорони ҷангу меҳнат ва тамоми мардуми кишвари азизамонро бо Рӯзи ғалаба самимона табрик гуфта, ба шумо, пеш аз ҳама, осмони соф, зиндагии шоиста ва дар амалӣ намудани сиёсати созандаи давлати соҳибистиқлоламон барору комёбӣ орзу менамоям.
Ҷашни ғалаба муборак, ҳамдиёрони азиз!


Баёни ақида (0)    Санаи нашр: 11.05.13    №: 65    Мутолиа карданд: 4817

19.07.2019


ПАЛАТАИ ҲИСОБ. 88,З миллион сомонӣ зарари молиявӣ ошкор гашт

УМЕД БОБОЗОДА: "Аксари муроҷиатҳо оид ба адолати судиянд"

Кӯдакони аз Ироқ овардашуда ба зиндагии муқаррарӣ бармегарданд

"EXPO 2019 BEIJING". Гӯшаи Тоҷикистонро беш аз як миллион нафар тамошо кард

НИГАРОНӢ. Ҷудошавии 6065 оила дар ним сол

18.07.2019


ХАДАМОТИ ЗИДДИИНҲИСОРӢ. Болоравии нархи барқ ба қарзи он марбут аст

Азим Иброҳим Ким Тэ Сонгро ба ҳузур пазируфт

Ба ташкили корхонаҳои муштарак ҳавасмандӣ зоҳир гардид

Ҳамоиши «Ваҳдат – омили ягонагӣ ва суботи ҷомеа» доир шуд

Ҳамкорӣ бо Қатар густариш меёбад

Саридораи геология. 2810 харитаи геологӣ рақамӣ шуд

121 шахси масъул ба ҷавобгарии маъмурӣ кашида шуд

Роҳи нави сесатҳаи Душанбе ба истифода дода мешавад

Президенти Қазоқистон Шӯрои миллии эътимоди ҷомеаро созмон дод

Дар Ӯзбекистон аввалин IT-технопарк бунёд мегардад

Ҷаҳон дар як сатр

17.07.2019


Музокироти ҳайатҳои расмии Тоҷикистон ва Корея

КУМИТАИ МУҲИТИ ЗИСТ. Нигаронӣ аз набудани партовгоҳҳо дар деҳот

ПРОКУРАТУРАИ ГЕНЕРАЛӢ. 5774 гектар қитъаи замин ба ҳолати аввала баргардонда шуд

ИЗЗАТУЛЛО САТТОРӢ: "Истеҳсоли гӯшти мурғ 9 маротиба зиёд мегардад"

ВАЗОРАТИ АДЛИЯ. Хулосаи ҳуқуқӣ ба 1936 лоиҳаи санадҳои меъёрии ҳуқуқӣ

ТАЭКВОН – ДО. Муниса медали тилло ба даст овард

Суръати рушди ММД Тоҷикистон миёни кишварҳои ИДМ баландтарин шуд

Тоҷикистон ба сохтмони лӯлаи гази «Осиёи Марказӣ — Чин» шурӯъ мекунад

Дар ҷанубу ғарби Чин аз хушксолӣ 7,4 миллион нафар зарар дид

Ҷаҳон дар як сатр

Нашрияи расмии Ҷумҳурии Тоҷикистон – рӯзномаи «Ҷумҳурият» якҷо бо мақомоти иҷроияи ҳокимияти давлатии вилояти Хатлон бахшида ба Ҷашни 30 - солагии Истиқлолияти давлатии Ҷумҳурии Тоҷикистон таҳти унвони «ТОҶИКИСТОН – ХОНАИ УМЕДИ МО» озмун эълон менамояд.

16.07.2019


ХАДАМОТИ АЛОҚА. Корти ID симкорти муштариро ба расмият медарорад

ЭНЕРГЕТИКА. 2,5 миллиард сомонӣ қарзи дебитории "Барқи тоҷик" муаммои ҳалталаб боқӣ мемонад

15.07.2019


Сарвазири Корея ба Тоҷикистон меояд

Баррасии масъалаҳои ҳамгироии САҲА, СҲШ ва ИА дар минтақаи Осиёи Марказӣ

Нахустин шумораи маҷаллаи «Осиё ва Аврупо» аз чоп баромад

ДТТ. Изҳори нигаронӣ аз вазъи бо кор таъмин шудани хатмкардаҳо

ТИБ. 288 номгӯи доруи ғайристандартӣ ошкор шуд


Дар сомонаҳои дигари Тоҷикистон хонед