logo

илм

Эътирофи тибби тоҷик

Дар Донишгоҳи давлатии тиббии Тоҷикистон ба номи Абуалӣ ибни Сино бахшида ба 85-солагии Аъзам Пулодов, доктори илми тиб, профессор, узви вобастаи Академияи илмҳои Тоҷикистон, узви Иттиҳоди байналмилалии ҷарроҳон, узви фахрии ҷарроҳони кӯдакона дар Федератсияи Русия ва Ҷамъияти ҷарроҳони Маскав ва вилояти Маскав, конфронси байналмилалии илмию амалӣ таҳти унвони "Дастовардҳо ва пешравиҳои ҷарроҳии кӯдакона" баргузор гардид. Онро Убайдулло Қурбонов, ректори ДДТТ ба номи Абуалӣ ибни Сино, бо суханони муқаддимавӣ ва табрикотӣ ифтитоҳ намуда, олимон ва шогирдони Аъзам Пулодовро, ки аз Федератсияи Русия, Қазоқистон, Қирғизистон ва Ӯзбекистон ташриф оварда буданд, хайра мақдам гуфт.
Саида Ҷобирова, муовини вазири тандурустии ҷумҳурӣ, иброз дошт, ки соҳаи тандурустии кишвар таҳти таваҷҷуҳи Ҳукумати мамлакат қарор дорад ва ба мақсади ҳифзи саломатии мардум андешидани чораҳои заруриро барои боз ҳам беҳтар ба роҳ мондани фаъолияти муассисаҳои тандурустӣ минбаъд низ идома медиҳад. Назар ба гуфтаи муовини вазири тандурустӣ 43 дарсади аҳолии Тоҷикистонро кӯдакону наврасон ташкил медиҳанд.
Нусратулло Файзуллоев, президенти Академияи илмҳои тибби Вазорати тандурустии Ҷумҳурии Тоҷикистон зимни ёдоварӣ аз ҳаёт ва фаъолияти Аъзам Пулодов гуфт, ки ӯ соли 1949 баъди хатми факултаи муолиҷавии Донишкадаи ба номи Сеченови шаҳри Маскав ба ДДТТ ба номи Абуалӣ ибни Сино омада, аз ординатор то ба зинаи профессорӣ расид. Таҳти роҳбариаш соли 1964 хадамоти ҷарроҳии кӯдаконаи Тоҷикистон ва кафедраи ҷарроҳии кӯдаконаи донишгоҳи мазкур таъсис ёфт. Солҳои тӯлонӣ сармутахассиси Вазорати тандурустӣ буд ва дар тарбияи шогирдон саҳми босазое гузошт.
Александр Разумовский, мудири кафедраи ҷарроҳии кӯдаконаи Донишгоҳи давлатии тиббии Русия ба номи Пирогов, зимни баёни таассуроташ гуфт,  ки "Новобаста ба он ки як муддат робитаҳо заиф гардида, табодули таҷрибаҳои мо минбаъд дар соҳаи тандурустӣ қавӣ мегардад, зеро  ба ҳамдигар ниёз дорем".
Аманкул Ҷумаев, муовини директори Маркази миллии ҷарроҳии кӯдаконаи Қирғизистон, таъкид кард, ки шогирдони Аъзам Пулодов дар аксар ҷумҳуриҳои собиқ Шӯравӣ бомуваффақият фаъолият доранд. Яке аз онҳо Елена Криленко мебошад, ки дар Донишгоҳи тиббии Қирғизистон ба ҳайси мудири кафедраи ҷарроҳии кӯдакона кор мекунад ва нисбат ба устоди хеш ва тоҷикону тоҷикистониён муҳаббати беандоза дорад. Ӯ зикр кард, ки мардуми қирғизу тоҷик на танҳо ҳамсоя, балки бародаранд, зеро ҳамсари Манаси афсонавӣ тоҷик буд ва мо қирғизҳо аз авлоди онҳоем.
Воқеан, боиси ифтихор аст, вақте ки олимони кишварҳои хориҷӣ нисбат ба тоҷикону тоҷикистониён бо меҳру садоқат ва муҳаббати самимӣ ҳарф мезананду ситоиш мекунанд.

Мунаввари САФАР, "Ҷумҳурият"


Баёни ақида (0)    Санаи нашр: 1.06.13    №: 76-77    Мутолиа карданд: 1658

22.07.2019


МЕЪМОРӢ ВА СОХТМОН. Қонуншиканиҳо ҳанӯз зиёданд

ТАҲСИЛОТИ САЛОҲИЯТНОК ТАТБИҚ МЕГАРДАД

ЗАМИН. Камбуди оби полизӣ мушкили ҳалталаб боқӣ мемонад

Гилерми: «Тоҷикон соҳиби кишвари афсонавианд»

Швейтсария дар Тоҷикистон бонк мекушояд

Ҷаҳон дар як сатр

19.07.2019


ПАЛАТАИ ҲИСОБ. 88,З миллион сомонӣ зарари молиявӣ ошкор гашт

УМЕД БОБОЗОДА: "Аксари муроҷиатҳо оид ба адолати судиянд"

Кӯдакони аз Ироқ овардашуда ба зиндагии муқаррарӣ бармегарданд

"EXPO 2019 BEIJING". Гӯшаи Тоҷикистонро беш аз як миллион нафар тамошо кард

НИГАРОНӢ. Ҷудошавии 6065 оила дар ним сол

18.07.2019


ХАДАМОТИ ЗИДДИИНҲИСОРӢ. Болоравии нархи барқ ба қарзи он марбут аст

Азим Иброҳим Ким Тэ Сонгро ба ҳузур пазируфт

Ба ташкили корхонаҳои муштарак ҳавасмандӣ зоҳир гардид

Ҳамоиши «Ваҳдат – омили ягонагӣ ва суботи ҷомеа» доир шуд

Ҳамкорӣ бо Қатар густариш меёбад

Саридораи геология. 2810 харитаи геологӣ рақамӣ шуд

121 шахси масъул ба ҷавобгарии маъмурӣ кашида шуд

Роҳи нави сесатҳаи Душанбе ба истифода дода мешавад

Президенти Қазоқистон Шӯрои миллии эътимоди ҷомеаро созмон дод

Дар Ӯзбекистон аввалин IT-технопарк бунёд мегардад

Ҷаҳон дар як сатр

17.07.2019


Музокироти ҳайатҳои расмии Тоҷикистон ва Корея

КУМИТАИ МУҲИТИ ЗИСТ. Нигаронӣ аз набудани партовгоҳҳо дар деҳот

ПРОКУРАТУРАИ ГЕНЕРАЛӢ. 5774 гектар қитъаи замин ба ҳолати аввала баргардонда шуд

ИЗЗАТУЛЛО САТТОРӢ: "Истеҳсоли гӯшти мурғ 9 маротиба зиёд мегардад"

ВАЗОРАТИ АДЛИЯ. Хулосаи ҳуқуқӣ ба 1936 лоиҳаи санадҳои меъёрии ҳуқуқӣ

ТАЭКВОН – ДО. Муниса медали тилло ба даст овард

Суръати рушди ММД Тоҷикистон миёни кишварҳои ИДМ баландтарин шуд

Тоҷикистон ба сохтмони лӯлаи гази «Осиёи Марказӣ — Чин» шурӯъ мекунад

Дар ҷанубу ғарби Чин аз хушксолӣ 7,4 миллион нафар зарар дид

Ҷаҳон дар як сатр

Нашрияи расмии Ҷумҳурии Тоҷикистон – рӯзномаи «Ҷумҳурият» якҷо бо мақомоти иҷроияи ҳокимияти давлатии вилояти Хатлон бахшида ба Ҷашни 30 - солагии Истиқлолияти давлатии Ҷумҳурии Тоҷикистон таҳти унвони «ТОҶИКИСТОН – ХОНАИ УМЕДИ МО» озмун эълон менамояд.

16.07.2019


ХАДАМОТИ АЛОҚА. Корти ID симкорти муштариро ба расмият медарорад


Дар сомонаҳои дигари Тоҷикистон хонед