logo

маориф

Низоми нави имтиҳон - таъмини шаффофият

Чанде қабл дар доираи озмоиши калони низоми нави имтиҳонҳои марказонидашудаи дохилшавӣ ба муассисаҳои таҳсилоти олии касбии Тоҷикистон дар 7 маркази имтиҳонӣ, ки аз тарафи Муассисаи давлатии "Маркази миллии тестӣ" дар чор минтақаи ҷумҳурӣ - шаҳрҳои Душанбе, Қурғонтеппа, Хоруғ ва Хуҷанд таъсис дода шудааст, имтиҳонҳо баргузор гардиданд. Озмоиши мазкур дар асоси амалӣ намудани банди 12 Қарори Ҳукумати Ҷумҳурии Тоҷикистон аз 19 январи соли 2013 №23 "Дар бораи аз соли 2014 ба таври мутамарказ ба роҳ мондани қабули довталабон дар муассисаҳои таҳсилоти олии касбӣ" ва иҷрои Фармоиши вазири маорифи Ҷумҳурии Тоҷикистон аз 24 январи соли 2013 № 161 "Оид ба озмоиши низоми имтиҳонҳои марказонидашудаи қабул ба муассисаҳои таҳсилоти олии касбӣ" сурат гирифт.
Роҷеъ ба вижагиҳои низоми нав ва дар бораи он маълумоти бештар пайдо намудани аҳолии кишвар суҳбате доштем бо Савзалӣ Ҷаъфаров, директори Маркази миллии тестӣ.


- Низоми нави имтиҳонҳои марказонидашудаи дохилшавӣ кай ва чӣ гуна ба роҳ монда мешавад?
- Низоми мазкур дар доираи лоиҳаи грантии "Барномаи ҳамкории рушди таҳсилоти Федератсияи Русия", ки аз тарафи Бонки ҷаҳонӣ татбиқ мегардад, ба роҳ монда шудааст. Барои амалисозии ин низом маблағҳои муайян низ ҷудо шудаанд. Васоити техникӣ, омода намудани иқтидори кадрӣ тибқи лоиҳа аз ҷониби Ҳукумати ҷумҳурӣ, Вазорати маорифи Тоҷикистон ва Институти Ҷомеаи кушода  дастгирӣ ёфтанд.
Маркази миллии тестӣ бо роҳандозии лоиҳаи мазкур дар шаҳрҳои Қурғонтеппа, Хуҷанд, Хоруғ ва Душанбе раёсатҳои худро боз намуд. Имтиҳонҳои қабули довталабон ба муассисаҳои олии кишвар дар ҳамаи минтақаҳо ташкил карда мешавад ва зарурати барои супурдани имтиҳон аз дигар минтақа ба шаҳри Душанбе омадани довталабон аз байн меравад. Бо сабаби он ки аксарияти донишгоҳҳои олӣ дар пойтахти кишвар ҷойгиранд, довталаб ҳангоми дохилшавӣ ба Душанбе омада, имтиҳон месупурд ва бо амалӣ гардидани низоми нав ин мушкил аз байн меравад.
- Низоми нави санҷиши дониши довталабон аз низоми анъанавӣ чӣ фарқ дорад?
- Низоми нав аз низоми анъанавӣ фарқи зиёд дорад. То ба имрӯз довталаб барои дохил шудан ба муассисаҳои олӣ 2 имтиҳон месупорид.
Дар низоми нав он аз рӯи як стандарти муайян, дар асоси барномаҳои таълимии мактаби миёна омода мегардад ва аз якчанд намуд иборат аст: тестҳое, ки дар як савол 4 ҷавоб навишта шудааст ва ҷавоби дурусташ интихоб мешавад; тестҳои шакли мутобиқатдошта; тестҳои шакли кушод, яъне савол ҳасту вариантҳои ҷавоб нест ва довталаб ҷавоби онро вобаста ба сатҳи донишаш менависад. Бартарии дигаре, ки дар низоми нав дида мешавад, ин бо  расмҳои таърихӣ тартиб додани саволномаҳои фанни таърих мебошад.
 Ҳамчунин дар низоми нав ба довталабе, ки дар марҳилаи муайяни бақайдгирӣ, яъне моҳҳои марту апрел ҳуҷҷатҳои худро ба Маркази миллии тестӣ месупорад, моҳи май аз ҷониби марказ даъватнома равон карда мешавад. Дар даъватнома макон, замон ва фанҳое, ки аз рӯи онҳо саволномаҳои тестӣ ташкил ёфтаанд, қайд гардидааст. Довталаб дар асоси он ба имтиҳон ҳозир мешавад. Варақаи ҷавоб аз ҷониби компютер - системаи иттилоотӣ омӯхтаву санҷида ва баҳогузорӣ мешавад. Яъне дар ин ҷо омили таъсири инсонӣ хеле кам аст.
- Баҳри омодасозии маъмурон марказ чӣ тадбирҳо андешидааст?
- Аз соли 2010 сар карда, марказ мутахасисони фанниро аз ҳисоби мутахассисони варзидаи кишвар  барои қабули имтиҳон  ҷалб намуд. Бо дастгирии Институти Ҷомеаи кушода, ки яке яз муассисаҳои бонуфузи ҷаҳонӣ мебошад, мутахасисони Англия, тайи 2 сол барои муаллимони тоҷик курсҳои омӯзишӣ гузаронданд. Дар натиҷа миқдори муайяни мутахасисони маҳаллии мо ба татбиқи амалии ин низом омода шуданд.
Ҳадаф аз татбиқи низоми нав дар интихоби довталабон ба муассисаҳои таҳсилоти олии касбӣ таъмини шаффофият, дастрасии баробари ҳамаи хонандагон ва воқеъбинона гузарондани имтиҳонҳои марказонидашудаи қабул ба муассисаҳои олии касбӣ мебошад.

Гулрухсори ФАЙЗУЛЛО,
"Ҷумҳурият"


Баёни ақида (0)    Санаи нашр: 13.07.13    №: 94    Мутолиа карданд: 1603
14.08.2020


САНГВОР. ДЕҲАҲО ТАРОВАТИ ТОЗА МЕГИРАНД

ВАҲДАТ. ЭҲСОСИ ШУКӮҲИ ҶАШНИ МИЛЛӢ

ДАЪВАТИ СММ АЗ ҶОМЕАИ ҶАҲОНӢ

Ҷаҳон дар як сатр

ҶОМИ ҶАҲОН – 2022. БОЗИҲОИ МАРҲИЛАИ ИНТИХОБӢ СОЛИ 2021 БАРГУЗОР МЕШАВАНД

12.08.2020


ТОҶИКИСТОН. АЗ COVID – 19 БОЗ 39 БЕМОР ШИФО ЁФТ

ВИДЕОКОНФРОНСИ “ОСИЁИ МАРКАЗӢ + ЯПОНИЯ”

ВОХӮРИИ МУҲАММАДЮСУФ ИМОМЗОДА БО МУҲАММАД ЗОҲИР АҒБАР

ҶАМЪБАСТИ ОЗМУНИ ҶУМҲУРИЯВИИ ФОСИЛАВИИ «ТОЗАГӢ – ГАРАВИ САЛОМАТӢ»

ЛИГАИ АВРУПО. ҶУФТҲОИ ДАВРИ НИМНИҲОӢ МАЪЛУМ ГАРДИДАНД

10.08.2020


КОРОНАВИРУС. ШУМОРАИ ШИФОЁФТАГОН БА 6 ҲАЗОРУ 573 КАС РАСИД

ЁРИИ НАВБАТИИ ПЕШВОИ МИЛЛАТ БА СОКИНОНИ ЭҲТИЁҶМАНДИ БАДАХШОН

САФАРИ МУОВИНИ САРВАЗИРИ МАМЛАКАТ ШИРИН ИСМАТУЛЛОЗОДА БА ШАҲРУ НОҲИЯҲОИ ҶУМҲУРӢ

«СУҒД ТЕКСТАЙЛЗ» ФАЪОЛИЯТАШРО ТАВСЕА МЕБАХШАД

ЛИГАИ ОЛӢ. "ИСТИҚЛОЛ", "ХУҶАНД" ВА "ХАТЛОН" ДАВРИ ДУЮМРО БО ПИРӮЗӢ ОҒОЗ КАРДАНД

БАДАХШОН. АВЛАВИЯТ БА ТАВСЕАИ МАЙДОНИ КИШТ

АГЕНТИИ НАШЪАОВАР. МУСОДИРАИ БЕШ АЗ 1 ТОННА МАВОДИ НАШЪАОВАР ВА МАҲВИ 26 ГУРӮҲИ ҶИНОЯТӢ

07.08.2020


ТОҶИКИСТОН. 6 ҲАЗОРУ 443 БЕМОРИ COVID-19 ШИФО ЁФТ

ВМКБ. ШИНОСОИИ АЗИМ ИБРОҲИМ БО ҶАРАЁНИ КОР ДАР ИНШООТИ ҶАШНӢ

КМИР. НАҚШАИ ТАҚВИМИИ ЧОРАБИНИҲОИ ИНТИХОБОТИ ПРЕЗИДЕНТИ ҶУМҲУРИИ ТОҶИКИСТОНРО ТАСДИҚ КАРД

ЛИГАИ БОНУВОН. «ХАТЛОН» ҒОЛИБИ МАРҲИЛАИ АВВАЛ

ҶАҲОН ДАР ЯК САТР

06.08.2020


ТОҶИКИСТОН. 6 ҲАЗОРУ 399 ГИРИФТОРИ БЕМОРИИ COVID-19 ШИФО ЁФТ

СУҒД. МАҲСУЛОТИ АРЗОН ЗИНДАГИРО БАРАКАТ МЕБАХШАД

АГЕНТӢ. ШУМОРАИ ХИЗМАТЧИЁНИ ДАВЛАТӢ АЗ ҲИСОБИ ЗАНОН КОҲИШ ЁФТААСТ. ЧАРО?

СЕРИЯ ПРО. МУБОРИЗАИ "СОРО - КОМПАНИЯ" ВА "СИПАР" ШИДДАТ МЕГИРАД

05.08.2020


ТОҶИКИСТОН. 6 ҲАЗОРУ 356 ГИРИФТОРИ БЕМОРИИ COVID – 19 ШИФО ЁФТ

АЗ «АМОНАТБОНК» СИПОСГУЗОРЕМ

ЛИГАИ ОЛӢ. МАРҲИЛАИ ДУЮМ 8 АВГУСТ ОҒОЗ МЕЁБАД

04.08.2020


ТОҶИКИСТОН. 6 ҲАЗОРУ 317 БЕМОРИ COVID – 19 ШИФО ЁФТ

ОМОДАГИҲО ҶИҲАТИ БАРӮЙХАТГИРИИ АҲОЛӢ ВА ФОНДИ МАНЗИЛ ИДОМА ДОРАНД

АГЕНТИИ СОДИРОТ. СОДИРОТИ МАҲСУЛОТИ КИШОВАРЗӢ АФЗУД

83 КОРХОНАИ НАВИ САНОАТӢ МАВРИДИ БАҲРАБАРДОРӢ ҚАРОР ГИРИФТ

ВКД. САТҲИ ҶИНОЯТ КОҲИШ ЁФТ

SARS – CoV – 2. ТАДҚИҚОТИ ОЛИМОН ХАТАРИ НАВИ ОНРО ОШКОР СОХТ


Дар сомонаҳои дигари Тоҷикистон хонед