logo

қонунҳои ҶТ

Қонуни Ҷумҳурии Тоҷикистон ДАР БОРАИ ВОРИД НАМУДАНИ ТАҒЙИРУ ИЛОВАҲО БА КОДЕКСИ ГРАЖДАНИИ ҶУМҲУРИИ ТОҶИКИСТОН (ҚИСМИ ЯКУМ)

Моддаи 1. Ба Кодекси граждании Ҷумҳурии Тоҷикистон (қисми якум), ки бо Қонуни Ҷумҳурии Тоҷикистон аз 30 июни соли 1999 қабул карда шудааст (Ахбори Маҷлиси Олии Ҷумҳурии Тоҷикистон, с. 1999, №6, мод. 153; мод. 154; с. 2001, №7, мод. 508; с. 2002, №4, қ. 1, мод. 170; с. 2005, №3, мод. 125; с. 2006, №4, мод. 193; с. 2007, №5, мод. 356; с. 2010, №3, мод. 156; №12, қ. 1, мод. 802; с. 2012, №7, мод.700; №12 қ. 1 мод 1021), тағйиру иловаҳои зерин ворид карда шаванд:
1. Дар банди якуми қисми 2 моддаи 48 калимаҳои "истеҳсолӣ ва матлубот" ба калимаҳои "тиҷоратӣ ва кооператсияи матлубот" иваз карда шаванд.
2. Дар моддаи 50:
- дар қисми 2 калимаи "истеҳсолӣ" ба калимаи "тиҷоратӣ" иваз карда шавад;
- ба қисми 3 баъд аз калимаи "кооперативҳои" калимаҳои "ғайритиҷоратӣ, кооператсияи" илова карда шаванд.
3. Ҷумлаи якуми қисми 3 моддаи 56 дар таҳрири зерин ифода карда шавад:
"Намояндагию филиалҳо шахси ҳуқуқӣ набуда, бо қарори мақоми дахлдори шахси ҳуқуқӣ, ки онро қонунгузории Ҷумҳурии Тоҷикистон ва оинномаи шахси ҳуқуқӣ муайян намудаанд, таъсис дода мешаванд.".
4. Дар қисми 4 моддаи 62 калимаи "матлубот" ба калимаи "ғайритиҷоратӣ" иваз карда шавад.
5. Дар қисмҳои 1 ва 2 моддаи 71, қисми 2 моддаи 99, қисми 2 моддаи 115 калимаи "истеҳсолӣ" ба калимаи "тиҷоратӣ" иваз карда шавад.
6. Дар номи §3 боби 4 калимаи "ИСТЕҲСОЛӢ" ба калимаи "ТИҶОРАТӢ" иваз карда шавад.
7. Дар моддаи 118:
- дар номи модда калимаи "истеҳсолӣ" ба калимаи "тиҷоратӣ" иваз карда шавад;
- қисми 1 дар таҳрири зайл ифода карда шавад:
"1. Кооператив - иттиҳодияи мустақил ва ихтиёрии бо тартиби муқарраргардида бақайдгирифташуда мебошад, ки дар асоси узвияти шахсон бо мақсади қонеъ намудани талаботи муштараки иқтисодӣ, иҷтимоӣ, фарҳангӣ ва дигар талаботи онҳо, инчунин саъю кӯшиши шахсони мазкур тавассути муттаҳидкунии молу мулк (аъзоҳаққии саҳмӣ) ва таъсиси ташкилоти ба таври демократӣ идорашавандаи молу мулки якҷоя таъсис дода мешавад.
Кооперативи тиҷоратӣ ташкилоти тиҷоратӣ буда, мутобиқи оиннома асосан ба шахсони сеюм хизмат мерасонад. Даромади софи кооперативи тиҷоратӣ метавонад дар байни аъзои он тибқи тартиби  муқаррарнамудаи Қонуни Ҷумҳурии Тоҷикистон "Дар бораи кооперативҳо" ва оинномаи кооператив тақсим карда шавад.";
- дар қисми 2 калимаҳои "истеҳсолӣ", "қонун дар бораи кооперативҳои истеҳсолӣ" ва "масъулияти иловагӣ" мутаносибан ба калимаҳои "тиҷоратӣ", "Қонуни Ҷумҳурии Тоҷикистон "Дар бораи кооперативҳо" ва "масъулият" иваз карда шаванд;
- дар қисми 3 калимаҳои "истеҳсолӣ "ё "артел"" ба калимаи "тиҷоратӣ" иваз карда шаванд;
- дар қисми 4 калимаи "истеҳсолӣ" ба калимаи "тиҷоратӣ" ва калимаҳои "қонун дар бораи кооперативҳои истеҳсолӣ" ба  калимаҳои  "Қонуни Ҷумҳурии Тоҷикистон "Дар бораи кооперативҳо" иваз карда шаванд.
8. Дар моддаи 119:
- дар номи модда ва қисми 1 калимаи "истеҳсолӣ" ба калимаи "тиҷоратӣ" иваз карда шавад;
- аз қисми 2 калимаҳои "дар бораи хусусият ва тартиби иштироки меҳнатии аъзои он дар фаъолияти кооператив ва масъулияти онҳо барои риоя накардани ӯҳдадорӣ дар мавриди иштироки шахсии меҳнатӣ;" ва "иловагии" хориҷ  карда шаванд;
- дар қисми 3 калимаи "панҷ" ба калимаи "се" иваз карда шавад.
9. Дар моддаи 120:
- дар номи модда ва қисми 1 калимаи "истеҳсолӣ" ба калимаи "тиҷоратӣ" иваз карда шавад;
- қисми 4 дар таҳрири зайл ифода карда шавад:
"4. Фоидаи кооператив дар байни аъзояш мутобиқи Қонуни Ҷумҳурии Тоҷикистон "Дар бораи кооперативҳо" ва оинномаи кооператив тақсим карда мешавад. Молу мулке, ки пас аз барҳам додани кооператив ва қонеъ гардонидани талаботи кредиторони он боқӣ мемонад, дар байни аъзои он мутаносибан бо саҳмашон тақсим карда мешавад.".
10. Дар моддаи 121:
- дар номи модда калимаи "истеҳсолӣ" ба калимаи "тиҷоратӣ" иваз карда шавад;
- дар қисми 1:
- банди якум дар таҳрири зайл ифода карда шавад:
"Дар кооперативи дорои шумораи зиёда аз сад аъзо Шӯрои нозирони кооператив таъсис дода мешавад, ки он фаъолияти раёсати кооперативро назорат мекунад.";
- дар банди дуюм ҷумлаи якум хориҷ карда, калимаи "Онҳо" ба калимаҳои "Раёсати кооператив" иваз карда шавад;
- дар банди сеюм калимаҳои ", инчунин раиси кооператив", "ё раиси" хориҷ карда шуда, калимаҳои "Шӯрои", "метавонад" ва "раёсат" мутаносибан ба калимаҳои "Аъзои шӯрои", "метавонанд" ва "раёсати" иваз карда шаванд;
- дар банди якуми қисми 3 калимаҳои "қонуни кооперативҳои истеҳсолӣ" ба калимаҳои "Қонуни Ҷумҳурии Тоҷикистон "Дар бораи кооперативҳо" иваз карда шаванд.
11. Дар моддаи 122:
- дар ном ва матни модда калимаи "истеҳсолӣ" ба калимаи "тиҷоратӣ" иваз карда шавад;
- қисми 3 дар таҳрири зайл ифода карда шавад:
"3. Узви кооператив, узви собиқ ё вориси узви фавтидаи кооператив метавонанд саҳми худро танҳо ба узви амалкунанда ё ояндаи кооператив гузашт кунанд, ба шарте ки чунин гузашткунӣ ба фоидаи кооператив бошад. Тартиби гузашт кардани саҳм тибқи оинномаи кооператив муқаррар мегардад.";
- қисми 6 хориҷ карда шавад.
12. Дар ном ва матни моддаи 123 калимаи "истеҳсолӣ" ба калимаи "тиҷоратӣ" иваз карда шавад.
13. Дар моддаи 128:
- дар номи модда калимаи "матлубот" ба калимаи "ғайритиҷоратӣ" иваз карда шавад;
- қисми 1 дар таҳрири зайл ифода карда шавад:
"1. Кооперативи ғайритиҷоратӣ ташкилоти ғайритиҷоратӣ буда, мутобиқи оинномаи кооператив асосан ба аъзои худ хизмат мерасонад. Даромади софи кооперативи ғайритиҷоратӣ, ки дар натиҷаи хизматрасониҳо ба шахсони сеюм ба даст оварда шудааст, дар байни аъзои он тақсим карда намешавад ва ин даромад ҷиҳати рушди минбаъдаи он сарф карда мешавад. Дар сурати асосан ба шахсони сеюм хизмат расондани кооперативи ғайритиҷоратӣ, он бояд ба кооперативи тиҷоратӣ табдил дода шавад.";
- дар қисми 2 калимаи "матлубот" ба калимаи "ғайритиҷоратӣ" иваз карда шавад;
-  дар қисми 3 калимаи "матлубот" ба калимаи "ғайритиҷоратӣ" иваз карда шуда, калимаҳои "ва ё калимаҳои "иттиҳоди матлубот" ё "ҷамъияти матлубот""  хориҷ карда шаванд;
- қисми 4 дар таҳрири зайл ифода карда шавад;
"4. Вазъи ҳуқуқии кооперативҳо, ҳуқуқу ӯҳдадориҳои аъзои онҳо бо Кодекси мазкур ва Қонуни Ҷумҳурии Тоҷикистон "Дар бораи кооперативҳо" ба танзим дароварда мешаванд.";
- қисмҳои 5 ва 6 хориҷ карда шаванд.
14. Ба Кодекс моддаи 1281 бо мазмуни зайл илова карда шавад:
"Моддаи 1281. Кооператсияи матлубот
1. Иттиҳоди ихтиёрии шаҳрвандон дар асоси узвият бо мақсади қонеъ гардонидани талаботи моддии саҳмдорон бо роҳи муттаҳид сохтани аъзоҳаққии онҳо кооператсияи матлубот эътироф карда мешавад.
2. Асосҳои ҳуқуқии ташкили фаъолият, вазъи ҳуқуқии кооператсияи матлубот ва ҳуқуқу ӯҳдадориҳои саҳмдорон мутобиқи Қонуни Ҷумҳурии Тоҷикистон "Дар бораи кооператсияи матлубот дар Ҷумҳурии Тоҷикистон" муқаррар карда мешаванд.".
15. Дар қисми 4 моддаи 242 калимаи "матлуботи" ба калимаи "ғайритиҷоратии" иваз карда шавад.
16. Дар моддаи 246:
- аз қисми 1 калимаҳои "ва бинокорӣ" хориҷ карда шаванд;
- қисми 3 дар таҳрири зерин ифода карда шавад:
"3. Ҳуқуқи моликии шахси сохтмони худсаронаро анҷомдода аз ҷониби суд ба шарте эътироф карда мешавад, агар қитъаи замин мутобиқи тартиби пешбининамудаи қонунгузории Ҷумҳурии Тоҷикистон ба ин шахс барои сохтмони иморат дода шуда бошад.
Агар нигоҳ доштани сохтмони худсарона ҳуқуқ ва манфиатҳои қонунан ҳифзшавандаи дигар шахсонро вайрон кунад ё ба ҳаёт ва саломатии онҳо ё бехатарии иншооти дар атрофи ин сохтмон ҷойгиршуда таҳдид намояд, ҳуқуқи моликии ин шахс эътироф карда намешавад.".
17. Дар қисми 1 моддаи 307 калимаҳои "кооперативи истеҳсолӣ" ба калимаи "кооператив"  иваз карда шаванд.
Моддаи 2. Қонуни мазкур пас аз интишори расмӣ мавриди амал қарор дода шавад.

Президенти
Ҷумҳурии Тоҷикистон   Эмомалӣ РАҲМОН
ш. Душанбе, 22 июли соли 2013, № 976


Қарори Маҷлиси намояндагони
Маҷлиси Олии Ҷумҳурии Тоҷикистон
Оид ба қабул кардани Қонуни Ҷумҳурии Тоҷикистон
"Оид ба ворид намудани тағйиру иловаҳо ба Кодекси граждании Ҷумҳурии Тоҷикистон (қисми якум)"

Маҷлиси намояндагони Маҷлиси Олии Ҷумҳурии Тоҷикистон қарор мекунад:
Қонуни Ҷумҳурии Тоҷикистон "Дар бораи ворид намудани тағйиру иловаҳо ба Кодекси граждании Ҷумҳурии Тоҷикистон (қисми якум)" қабул карда шавад.

Раиси Маҷлиси намояндагони Маҷлиси
Олии Ҷумҳурии Тоҷикистон   Ш. ЗУҲУРОВ
ш. Душанбе, 20 феврали соли 2013,  № 1075

Қарори Маҷлиси миллии Маҷлиси Олии Ҷумҳурии Тоҷикистон
Оид ба Қонуни Ҷумҳурии Тоҷикистон "Дар бораи ворид намудани тағйиру иловаҳо ба Кодекси граждании
Ҷумҳурии Тоҷикистон (қисми якум)"

Маҷлиси миллии Маҷлиси Олии Ҷумҳурии Тоҷикистон Қонуни Ҷумҳурии Тоҷикистон "Дар бораи ворид намудани тағйиру иловаҳо ба Кодекси граждании Ҷумҳурии Тоҷикистон (қисми якум)"-ро баррасӣ намуда, қарор мекунад:
Қонуни Ҷумҳурии Тоҷикистон "Дар бораи ворид намудани тағйиру иловаҳо ба Кодекси граждании Ҷумҳурии Тоҷикистон (қисми якум)"  ҷонибдорӣ карда шавад.

Раиси Маҷлиси миллии Маҷлиси
Олии Ҷумҳурии Тоҷикистон  М. УБАЙДУЛЛОЕВ
ш. Душанбе, 4 июли соли 2013, № 508


Баёни ақида (0)    Санаи нашр: 25.07.13    №: 100-105    Мутолиа карданд: 913

19.02.2019


МАКТАБИ ДАВЛАТДОРИИ ЭМОМАЛӢ РАҲМОН. ЯК ҲАМОИШИ МУҲИМ

Баррасии масъалаҳои рушди сайёҳӣ

Вохӯрии Низомиддин Зоҳидӣ бо Мазен Шамия

Дурнамои рушди муносибатҳо матраҳ гардид

ҶОМИ КУШОДАИ АВРУПО. Муҳаммадризо Қувватов медали биринҷӣ ба даст овард

Авҷи ниҳолшинонӣ

Саҳми соҳибкорон дар ободии деҳот

Ҳамкории тиҷоратию иқтисодии Чин ва Россия густурдатар мегардад

Сарвар Дониш: «Музокироти сулҳ бидуни ҳукумат қурбе надорад»

«Туҳфаи шоҳона» - и Арабистони Саудӣ ба шаҳрвандони Покистон

Дар Қазоқистон маркази амнияти иттилоотӣ ифтитоҳ меёбад

Сокини навраси Шимкент ду нафарро аз сӯхтор наҷот дод

Ҷаҳон дар як сатр

18.02.2019


Боздиди Азим Иброҳим аз ҷараёни корҳои сохтмонӣ

ВКД Ҷиноятҳо 83,6 дарсад ошкор шуданд

Вазорати молия. Барои дастгирии буҷет маблағи бештар ҷалб хоҳад гашт

«BISHKEK OPEN – 2019». Дурахши каратэ-дочиёни навраси тоҷик

«МОҲИЯТ ВА ТАЪЙИНОТИ МАТБУОТИ МАҲАЛЛӢ»

РОҒУН. Ободонӣ вусъат меёбад

АНДОЗ. Нақша 100, 6 дарсад иҷро гардид

ТОҶИКИСТОНУ ӮЗБЕКИСТОН. Гардиши савдо ду баробар афзуд

Тоҷикистон миёни кишварҳои ИДМ ба афзоиши баландтарини ММД муваффақ гашт

Дар Тошканд конфронси байналмилалӣ оид ба Осиёи Марказӣ баргузор мегардад

Қасри сафед: "Музокироти тиҷоратӣ дар Пекин ба пешравӣ мусоидат кард"

Трамп мехоҳад ҷангиёни «Давлати исломӣ» - ро ба Аврупо барои суд кардан баргардонад

Кумитаи амнияти иттилоотии Қазоқистон беш аз 90 сомонаи хавфнокро ошкор сохт

Ҷаҳон дар як сатр

15.02.2019


ШАМШЕРБОЗӢ. ИШТИРОКИ ВАРЗИШГАРОНИ МО ДАР ЧЕМПИОНАТИ КУШОДИ ОСИЁИ МАРКАЗӢ

ҶАҲОН ДАР ЯК САТР

Дар Душанбе ташкили низоми муттаҳидаи мудофиаи зиддиҳавоӣ баррасӣ шуд

Дар чор сол муомилоти мол байни Тоҷикистону Ӯзбекистон 19 маротиба афзуд

Медведев: «Таҳримоти ИМА ба иқтисоди Россия таъсири чандон бузург расонда наметавонад»

Пентагон. ИМА аз Афғонистон ҳамроҳи иттифоқчиёнаш меравад

13.02.2019


2018. Сиёсати хориҷии Тоҷикистон пурбарор буд


Дар сомонаҳои дигари Тоҷикистон хонед