logo

мулоқотҳо

Эмомалӣ Раҳмон бо медали "60 - солагии ЮНЕСКО" сарфароз гардонда шуд

20 август Президенти кишвар Эмомалӣ Раҳмон Мудири кулли ЮНЕСКО хонум Ирина Боковаро ба ҳузур пазируфт.
Дар оғози мулоқот Ирина Бокова ба Сарвари давлати Тоҷикистон Эмомалӣ Раҳмон медали "60 - солагии ЮНЕСКО" - ро тақдим намуд. Дар паёми расмии ЮНЕСКО дар ин хусус, аз ҷумла омадааст: "Бо эътирофи ҳамбастагии амиқ ба ҳадафҳои поягузории сулҳи устувор ва мусоидат ба рушди босубот, аз ҷумла тавассути ташаббусҳо барои рушди ҳамкорӣ дар соҳаи об, муколамаи байналмилалӣ, табодули дастовардҳои илмӣ ва татбиқи босуръати Ҳадафҳои Рушди Ҳазорсола ва Ҳадафҳои аз ҷониби ҷомеаи байналмилалӣ пазируфташудаи рушд Созмони маориф, илм ва фарҳанги Созмони Милали Муттаҳид Ҷаноби Олӣ Эмомалӣ Раҳмон, Президенти Ҷумҳурии Тоҷикистонро бо медалии ҷашнии "60 - солагии ЮНЕСКО" сарфароз мегардонад.
Президенти кишвар Эмомалӣ Раҳмон сарфароз гардидан бо ин мукофоти боэътиборро боиси шарафмандӣ номида, изҳор дошт, ки онро "пеш аз ҳама самараи заҳмату талошҳои пайвастаи тамоми мардуми куҳантамаддуни Тоҷикистон дар роҳи эъмору таҳкими пояҳои давлати навин ва эътибори он дар арсаи байналмилалӣ медонам".
Ба Ирина Бокова, ҳамчунин барои ташриф ба Тоҷикистон ва иштирок дар Конфронси байналмилалии сатҳи баланд доир ба ҳамкорӣ дар соҳаи об арзи сипос карда шуд.
Бо ёдоварӣ аз таърихи 20-солаи ҳамкорӣ бо ЮНЕСКО қаноатмандона таъкид гардид, ки тайи ин давра дар Тоҷикистон як силсила лоиҳаҳои муҳим дар соҳаҳои маориф ва илм, ҳифзи ёдгориҳои таърихӣ ва осори ғайримоддӣ мавриди татбиқ қарор гирифт.
Аз баргузорсозии Ҳамоиши байналмилалии иҷрокунандагони мусиқии классикии "Шашмақом", ворид намудани ҷашни 1150-солагии асосгузори адабиёти тоҷику форс Абуабдуллоҳи Рудакӣ ба Феҳристи ҷашнҳои ЮНЕСКО, ворид кардани шаҳраки қадимаи Саразм ба феҳристи мусаввараҳои мероси фарҳангии умумиҷаҳонии ЮНЕСКО ва ба феҳристи Мероси табиии умумиҷаҳонии ЮНЕСКО ворид гардидани "Боғи миллии Тоҷикистон - кӯҳҳои Помир" арзи хушнудӣ карда шуд.
Ҳамчунин изҳори боварӣ шуд, ки барномаву ташаббусҳои дигари пешниҳоднамудаи Тоҷикистон низ дастгирӣ меёбанд. Аз ҷумла ба зарурати таъсиси Бунёди Фонди байналмиллалии ЮНЕСКО оид ба наҷоти пиряхҳо дар Тоҷикистон, ташкил ва гузарондани экспедитсияи 3-юм ба қаторкӯҳҳои Помир ва ворид намудани 3 - ҳазорсолагии Ҳисор ба Феҳристи ЮНЕСКО дар соли 2015 таъкид гардид.
Сарвари давлат Эмомалӣ Раҳмон аз имконот ва ҳавасмандии Тоҷикистон ба иштирок дар Барномаи байналмилалии гидрологии ЮНЕСКО ёдовар шуда, изҳор дошт, ки "мо метавонем мавзӯи обро дар сохтори асосии он босамар ва фаъолтар пешбарӣ намоем". Дар робита ба ин мавзӯъ пешниҳод гардид, ки бо мусоидати ЮНЕСКО дар назди Академияи илмҳои Тоҷикистон Кумитаи миллӣ доир ба масъалаҳои гидрология таъсис дода шавад.


Баёни ақида (0)    Санаи нашр: 22.08.13    №: 113    Мутолиа карданд: 587

15.02.2019


ШАМШЕРБОЗӢ. ИШТИРОКИ ВАРЗИШГАРОНИ МО ДАР ЧЕМПИОНАТИ КУШОДИ ОСИЁИ МАРКАЗӢ

ҶАҲОН ДАР ЯК САТР

Дар Душанбе ташкили низоми муттаҳидаи мудофиаи зиддиҳавоӣ баррасӣ шуд

Дар чор сол муомилоти мол байни Тоҷикистону Ӯзбекистон 19 маротиба афзуд

Медведев: «Таҳримоти ИМА ба иқтисоди Россия таъсири чандон бузург расонда наметавонад»

Пентагон. ИМА аз Афғонистон ҳамроҳи иттифоқчиёнаш меравад

13.02.2019


2018. Сиёсати хориҷии Тоҷикистон пурбарор буд

КОРРУПСИЯ. 2047 ҷиноят ошкор гардид

САНОАТ. Беш аз 10 миллиард сомонӣ маҳсулот содирот шуд

САРМОЯИ МУСТАҚИМ. Воридот дар ҳоли афзоиш аст

ОБ. Таъминоти аҳолӣ рӯ ба беҳбудӣ дорад

АВҶИ ОБОДКОРИҲО ДАР ШАҲРИ ТУРСУНЗОДА

12.02.2019


АКАДЕМИЯИ ИЛМҲО АЗ КАШФИЁТИ НАВ ТО САНОАТИ ДОРУСОЗӢ

КӮЛОБ. Содироти 825 тонна маҳсулоти кишоварзӣ

ДАНҒАРА. Саноатикунонӣ вусъат мегирад

ФУРУДГОҲҲОИ БАЙНАЛМИЛАЛӢ. Сатҳи хизматрасонӣ рӯ ба беҳбудӣ дорад

ДДК. Авлавият ба сатҳи касбият ва таълим

САДА. Тантанаи ҷашни миллӣ дар ноҳияи Шамсиддини Шоҳин

11.02.2019


ВАЗОРАТИ ФАРҲАНГ. 2018 - соли муваффақиятҳо буд

КУМИТАИ РУШДИ САЙЁҲӢ. Беш аз 1 миллион сайёҳ ба Тоҷикистон омад

МТС. Ҳамкориҳо бо Ӯзбекистон густариш меёбанд

ВМКБ. Гумрукчиён ба буҷет 16,9 миллион сомонӣ ворид карданд

ҲИСОР. Саҳми назарраси соҳибкорон дар ободонии шаҳр

НОҲИЯИ РӮДАКӢ. Ҳаҷми истеҳсоли маҳсулот ба 1 миллиард сомонӣ расид

ВАРЗОБ. Таваҷҷуҳи сайёҳон ба нуқтаҳои истироҳатӣ афзудааст

08.02.2019


Вазорати меҳнат, муҳоҷират ва шуғли аҳолӣ. Музди миёнаи меҳнат - 1220 сомонӣ

КУМИТАИ ТЕЛЕВИЗИОН ВА РАДИО. Сифати кори шабакаҳо беҳтар мешавад

КҲФМГ. Офатҳои табиат 34 миллион самонӣ хисорот овард

Саноатикунонӣ дар Шаҳринав

Меъёри бозтамвил ба 14 дарсад поён фаромад

ШАҲРИ ВАҲДАТ. Иҷрои барзиёди андози иҷтимоӣ

ТАНЗИМ. Қонуншиканӣ коҳиш ёфтааст

СОҲИЛ. Корҳои мустаҳкамсозӣ вусъат меёбанд

ДДСТДТ. Авлавият ба рушди ҳунарҳои мардумӣ


Дар сомонаҳои дигари Тоҷикистон хонед