logo

энергетика

Ба ҳадафи стратегии худ ноил мегардем

Пешрафти соҳаи энергетика дар солҳои истиқлолияти давлатӣ дар кишвари мо хеле назаррас аст. Махсусан, дар солҳои охир таҳти сарварии Президенти Ҷумҳурии Тоҷикистон муҳтарам  Эмомалӣ Раҳмон раванди созандагиву бунёдкорӣ таҳким ёфта, ҳадафи стратегӣ - таъмини истиқлолияти энергетикӣ, ки он ба  равнақи иқтисодии кишвар ва таъмини зиндагии шоистаи  кулли шаҳрвандон равона гаштааст, зина ба зина амалӣ мегардад.
Дар Тоҷикистон, ки кишвари дорои захираҳои фаровони обӣ-энергетикӣ  маҳсуб мегардад, ба соҳаи гидроэнергетикӣ ҳама вақт аҳамияти ҷиддӣ дода мешуд. Захираҳои азими гидроэнергетикии ҷумҳурӣ  ҳанӯз аз солҳои 20 - 30-и асри гузашта  мавриди омӯзишу тадқиқот  қарор гирифта буд. Аз ҳамон овон сохтмони нерӯгоҳҳои барқи обӣ оғоз ёфтанд ва тӯли солҳои аҳди Иттиҳоди Шӯравӣ Тоҷикистон дар қаламрави ин абарқудрат ба яке аз кишварҳои аз ҷиҳати истеҳсоли нерӯи барқ мутараққӣ табдил ёфт.  Агар соли 1959 дар Тоҷикистон солона 1 миллиард кВт.соат нерӯи барқ истеҳсол шуда бошад, алҳол ин рақам ба 17 - 18 миллиард  кВт.соат расидааст. 
Дар 22 соли Истиқлолияти давлатӣ, таҳти роҳбарии Сарвари давлат Эмомалӣ Раҳмон  ба тараққиёти  гидроэнергетика аҳамияти махсус дода шуд. Маҳз бо ташаббуси ӯ сохтмони нерӯгоҳи "Сангтӯда" бо қувваи худӣ идома ёфта, дертар он ба "Сангтӯда-1" табдил дода шуд, баъдтар сохтмони НБО-и "Сангтӯда-2", оғоз ёфту НБО-и Помир-1"-ро ба истифода доданд.
Барномаи рушди соҳаи электроэнергетикаи Тоҷикистон бо мақсади таъмини истиқлолияти энергетикии кишвар  давра ба давра    амалӣ  мегардад.  Энергетикҳои  тоҷик дар заминаи кӯмаку дастгирии Ҳукумати Ҷумҳурии Тоҷикистон солҳои охир дар ин самт ба як қатор дастовардҳо ноил гаштанд. Соли 2009  Нерӯгоҳи барқи  обии "Сангтӯда - 1" пура ба истифода дода шуд, ки он иқтидори энергетикии кишвари моро то 15 фоиз афзуд. Нерӯгоҳи "Сангтӯда-2" низ имсол пура ба кор медарояд.
Бунёди хатҳои интиқоли барқи баландшиддат, таҷдиду тақвияти иқтидори иншооти мавҷуда, ба кор оғоз намудани нерӯгоҳҳои хурди барқи обӣ дар деҳоти дурдасти кӯҳистон ва дигар тадбирҳои муҳим системаи энергетикии кишварро  мукаммал намуд. Бо бунёди  хати интиқоли барқи 500кВ "Ҷануб-Шимол" шабакаи энергетикии мо воҳид гардид. Дар зиёда аз ҳафтод соли мавҷудияти шабакаи энергетикии Тоҷикистон қисмати  ҷануб ва маркази Тоҷикистон, ки вобаста ба шароитҳои табиӣ қисми зиёди иқтидорҳои энергетикӣ дар ин ҷо воқеанд, аз шимоли кишвар ҷудо буд. Акнун имконият фароҳам омад, ки  тавассути нерӯгоҳҳои худӣ ба шимоли мамлакат барқ интиқол диҳем. Дар дигар мамолик ва кишварҳо низ хатҳои интиқоли барқ бунёд меёбанд, вале дар чунин шароит ва релефи мураккаб бунёд намудани хати интиқоли барқи баландшиддат амали хеле ҷасурона ва шоистаи таҳсин аст. Алҳол дар силсилаи нерӯгоҳҳои Варзоб ва Вахш, инчунин нерӯгоҳи Қайроққум низ корҳои таҷдиду барқарорсозӣ идома доранд.
Дар арафаи ҷашни Истиқлолияти давлатии кишвар ба Норак сафар намудан ва бевосита ба ҷараёни таҷдиду таъмири нерӯгоҳи бузургтарини кишвар мароқ зоҳир намудани Сарвари давлат як нишонаи барҷастаи дастгирии соҳа мебошад.
Ба касе пушида нест, ки дар соҳаи энергетика камбудиҳо ҳанӯз зиёданд. Мо ҳанӯз ҳам дар давраи тирамоҳу зимистон наметавонем, ки мардуми кишвар ва хоҷагии халқи мамлакатро пура бо барқ таъмин намоем. Вале як чиз мусаллам аст, ки дар вазъияте, ки кишвари мо иҷборан аз системаи электроэнергетикии давлатҳои Осиёи Марказӣ ҷудо кор мекунад ва бо давлатҳои ҳамсоя додугирифти маҳдуд дорад, агар ин тадбирҳо амалӣ намегаштанд, моро буҳрони амиқи энергетикӣ фаро мегирифт. Ёдовар мешавам, ки дар давраи истиқлолият, махсусан дар чор-панҷ соли охир истеҳсоли нерӯи барқ дар кишвар ба андозаи 1000 МВт зиёд шудааст, ки ин нишонаи рушди соҳа мебошад.
Истиқлолият дастоварди бузургтарини ҳар давлату ҳар миллат аст. Он ба осонӣ ба даст намеояд ва ҳифз намуданаш хеле душвор аст. Як рукни муҳими ҳифзи ин дастовард рушди иқтсодиёт ва иҷтимоиёт аст. Дар ин замина энергетика мавқеи аввалиндараҷаро иҷро менамояд. Аз маҷмӯи корҳои иҷрошуда ва аз нақшаву дурнамои соҳа дар заминаи сиёсати энергетикии Хукумати Ҷумҳурии Тоҷикистон метавон хулосаи аниқ баровард, ки ин сиёсат ба ҳадафҳои стратегии худ ноил мегардад.

Аслӣ НАЗАРОВ,
раиси ШСХК  "Барқи Тоҷик"


Баёни ақида (0)    Санаи нашр: 6.09.13    №: 117-118    Мутолиа карданд: 1073

22.02.2019


Ҷаласаи Комиссияи сетарафаи танзими муносибатҳои иҷтимоию меҳнатӣ

Забони тоҷикӣ таърихи зиёда аз чорҳазорсолаи хату алифбо дорад

ББТ барои фаъолияти оператори низоми пардохтии “Осон” иҷозатнома гирифт

МАВСИМИ НАВИ ЛИГАИ ОЛӢ МОҲИ АПРЕЛ ОҒОЗ МЕГАРДАД

Путин самтҳои асосии сиёсати хориҷии Россияро тавзеҳ дод

Хадамоти вижаи 7 кишвари ИДМ машқи "Арарат-Антитеррор" мегузаронанд

Чин дар кайҳон неругоҳи барқи офтобӣ месозад

21.02.2019


ХУҶАНД. Оғози сохтмони бинои нави «Тоҷикстандарт»

ФУТБОЛ. Тақвими бозиҳои тими мунтахаби олимпии кишвар муайян гардид

Табибон аз Тотористон бо ҳампешаҳои тоҷики худ мубодилаи таҷриба мекунанд

Роҳандозии лоиҳаҳои инноватсионӣ дар Қазоқистон

Дар Ҳиндустон 13 иштирокдори тӯй зери чархи мошини боркаш монд

Сӯхтор сабабгори марги ҳафт кӯдак дар Канада

Ҷаҳон дар як сатр

19.02.2019


МАКТАБИ ДАВЛАТДОРИИ ЭМОМАЛӢ РАҲМОН. ЯК ҲАМОИШИ МУҲИМ

Баррасии масъалаҳои рушди сайёҳӣ

Вохӯрии Низомиддин Зоҳидӣ бо Мазен Шамия

Дурнамои рушди муносибатҳо матраҳ гардид

ҶОМИ КУШОДАИ АВРУПО. Муҳаммадризо Қувватов медали биринҷӣ ба даст овард

Авҷи ниҳолшинонӣ

Саҳми соҳибкорон дар ободии деҳот

Ҳамкории тиҷоратию иқтисодии Чин ва Россия густурдатар мегардад

Сарвар Дониш: «Музокироти сулҳ бидуни ҳукумат қурбе надорад»

«Туҳфаи шоҳона» - и Арабистони Саудӣ ба шаҳрвандони Покистон

Дар Қазоқистон маркази амнияти иттилоотӣ ифтитоҳ меёбад

Сокини навраси Шимкент ду нафарро аз сӯхтор наҷот дод

Ҷаҳон дар як сатр

18.02.2019


Боздиди Азим Иброҳим аз ҷараёни корҳои сохтмонӣ

ВКД Ҷиноятҳо 83,6 дарсад ошкор шуданд

Вазорати молия. Барои дастгирии буҷет маблағи бештар ҷалб хоҳад гашт

«BISHKEK OPEN – 2019». Дурахши каратэ-дочиёни навраси тоҷик

«МОҲИЯТ ВА ТАЪЙИНОТИ МАТБУОТИ МАҲАЛЛӢ»

РОҒУН. Ободонӣ вусъат меёбад

АНДОЗ. Нақша 100, 6 дарсад иҷро гардид


Дар сомонаҳои дигари Тоҷикистон хонед