logo

суханрониҳо

Изҳороти Президенти Ҷумҳурии Тоҷикистон Эмомалӣ Раҳмон барои матбуот оид ба натиҷаҳои мулоқоти СҲШ, Ҷумҳурии Қирғизистон, шаҳри Бишкек, 13 сентябри соли 2013

Муҳтарам намояндагони воситаҳои ахбори омма,
Пеш аз ҳама мехоҳам ба суханони миннатдоронае, ки ин ҷо ба мардум ва Ҳукумати Ҷумҳурии Қирғизистон, Президенти кишвар Алмазбек Шаршенович Атамбаев барои сатҳи олии ташкили мулоқотамон ва меҳмоннавозии анъанавӣ садо доданд, ҳамроҳ шавам.
Ҷониби Тоҷикистон аз мубодилаи афкор оид ба такмили минбаъдаи Созмони ҳамкории Шанхай, масоили муҳими минтақавию байналмилалӣ, ки дар рӯҳияи эътимодбахш ва созандагӣ доир гардид, қаноатманд аст.
Баёнияи сарони давлатҳо дар Бишкек гуфтугӯи судбахши тарафайнро, ки дар мулоқот доир шуд, ҷамъбаст намуд. Дар ин ҳуҷҷати сиёсӣ он мавқеияте ифода шудааст, ки муносиботи байналмилалӣ давраи ҷиддии тағйирёбӣ, афзоиши шумораи омилҳои номуайяниро аз сар гузаронида истодааст, сарони давлатҳо таҳкими минбаъдаи асосҳои ҳуқуқии муносибатҳои байналмилалӣ ва нақши ҳамоҳангсозии марказии СММ дар корҳои байналмилалиро ҷонибдорӣ намуданд. Дар ин замина мо бори дигар зарурати ислоҳоти СММ-ро бо мақсади баланд бардоштани самаранокии фаъолияти минбаъдаи он эътироф кардем ва бар онем, ки бояд ин раванд бидуни тезонидани он роҳҳои ислоҳоте иҷро шавад, ки ҷонибдории аксар кишварҳои Созмони Милали Муттаҳидро ба даст намеорад.
Шояд, қадами устувор дар оянда Нақшаи амалиёт дар солҳои 2013-2017 оид ба татбиқи нуктаҳои Созишнома дар бораи ҳамсоягии бардавом, дӯстӣ ва ҳамкорӣ миёни давлатҳои аъзо гардад.
Дар мулоқот Ҷумҳурии Тоҷикистон ҷонибдори зарурати таҳияи лоиҳаи Стратегияи рушди СҲШ то соли 2025 буд. Мо бовар дорем, ки ин масъала беш аз пеш муҳим аст. Воқеан, сухан дар бораи мутаносиб намудани фаъолияти Созмон меравад.
Соли гузашта дар мулоқоти Пекин мо аллакай Самтҳои асосиеро қабул намудем, ки метавонанд заминаи минбаъдаи Стратегия шаванд. Ҷалби беҳтарин олимон ва коршиносони кишварҳои аъзои СҲШ-ро ба кор оид ба таҳияи лоиҳа муҳим мешуморем.
Ҷумҳурии Тоҷикистон дар мулоқоти анҷомёфта ҳамкории мутақобилаи мақомоти босалоҳияти кишварҳои аъзоро дар соҳаҳои амният, пеш аз ҳама дар мубориза бо терроризми байналхалқӣ, экстремизм ва сепаратизм, ки сол то сол густариш меёбанд, бо қаноатмандӣ қайд намуд.
Фикр мекунам, ки ҳамкории самарабахши сохторҳои марбутаи Тоҷикистону Афғонистон дар мубориза бо истеҳсол ва гардиши ғайриқонунии маводи мухаддир ҳамчунин саҳми мушаххас ба кори якҷояи мо мебошад.
Дар рӯёрӯи ҳодисаҳои сиёсии соли 2014 дар Ҷумҳурии Исломии Афғонистон ва баровардани неруҳои байналмилалии амниятӣ аз кишвар ин давлати дӯст дастгирии моро интизор аст. Ҷумҳурии Тоҷикистон якҷоя бо давлатҳои дӯсти халқи афғон дар кори барқарор намудани иқтисодиёт ва рушди кишвари ҳамсоя гузоштани ҳиссаи амалии худро бо имконоти мавҷуда идома медиҳад.
Дар доираи Созмони мо дар соҳаи иқтисод нақшаҳо ва лоиҳаҳои умедбахш қабул гардидаанд. Муҳим аст, ки татбиқи амалии онҳо таъмин шавад.
Муҳтарам намояндагони воситаҳои ахбори омма,
Аз кори дастаҷамъона анҷомдодаамон дар мулоқоти Бишкек изҳори қаноатмандӣ намуда, мо бори дигар тасдиқ мекунем, ки Тоҷикистон амиқан ба таҳкими ҳамкориҳои гуногунҷабҳа дар доираи Созмонамон ҳавасманд аст.
Раисии Созмони ҳамкории Шанхай дар давраи оянда ба Тоҷикистон гузашт. Аз ин рӯ, барои боварӣ ва ба роҳбарии СҲШ дар давраи оянда интихоб шудани Тоҷикистон мехоҳам миннатдории самимии хешро ба ҳама давлатҳои аъзо баён дорам.
Бо кумак ва дастгирии давлатҳои аъзо, нозирон ва шарикон барои муколама кишвари мо тамоми имконотро барои рушди минбаъдаи СҲШ, кушоиши иқтидорҳои он ва табдил додани минтақаамон ба қаламрави сулҳ, дӯстӣ, ҳамгироӣ, рушди устувор ва ба ҳам мувофиқ равона хоҳад кард.


Баёни ақида (0)    Санаи нашр: 17.09.13    №: 121    Мутолиа карданд: 555

19.09.2018


ТОҶИКИСТОН ВА ӮЗБЕКИСТОН. Аввалин тамринҳои муштараки низомӣ

Таъсиси 57 корхонаи нав

Намоиши дастовардҳо ба муносибати Рӯзи шаҳри Хуҷанд

Зуҳро Саидова – соҳиби шоҳҷоиза

Таҳаммул аз амалҳои террористӣ норавост

Баргузории ҳамоиши маъмурони роҳи оҳани кишварҳои СҲШ дар Ӯзбекистон

Дар Ироқ 27 ҳазор нафар аз об заҳролуд гашт

Тӯли 40 соли ислоҳот дар Чин ҷои кор 346 дарсад афзуд

Остона ҳамоиши ҳаштуми глобалии туризми шаҳриро пазироӣ мекунад

Ҷаҳон дар як сатр

18.09.2018


САМБО. Дурахши варзишгари навраси тоҷик дар Аврупо

Иди асал дар Душанбе

КӮЛОБ. Боз ду меҳмонхонаи нав ба истифода дода шуд

Ҷаҳон дар як сатр

ӮЗБЕКИСТОН. Оғози машқҳои низомии муштарак

Теъдоди қурбонии тӯфони «Мангхут» аз 60 нафар гузашт

Дифои Вазорати ҳуқуқи инсони Покистон аз ҳуқуқи занҳо

Таҳсили фосилавӣ ба ҳар хонандаи ҷопонӣ дастрас шуд

Дар Остона ба хариди партов шурӯъ карданд

17.09.2018


НОҲИЯИ РӮШОН. Сарҳадбонон соҳиби бинои наву замонавӣ шуданд

Баргузории фестивали шаҳрии эҷодиёти кӯдакон

“КӮКНОР-2018”. Мусодираи беш аз 550 килограмм маводи нашъаовар дар Хатлон

ФУТБОЛ. "Хуҷанд" ба пеш баромад

11.09.2018


ДУШАНБЕ МИЗБОНИ СОҲИБКОРОНИ ҶАҲОН

ДЕВАШТИЧ. БУНЁДКОРИҲОИ НОҲИЯ НАМУНАИ ИБРАТАНД

МАРЗ. Боздошти қочоқбарон

КӮЛОБ. ИФТИТОҲИ БОҒЧАИ НАВ

05.09.2018


БӮСТОН. Бунёди чор иншооти нав

ФУТБОЛ. Дар Тоҷикистон мусобиқаҳои байналмилалӣ доир мегарданд

Ориф Алвӣ 13-умин президенти Покистон интихоб гашт

Дар Арабистони Саудӣ барои маводи тахрибӣ дар интернет зиндонӣ мекунанд

Дар Гуҷарат сохтмони баландтарин ҳайкали дунё анҷом меёбад

Ҳиндустон барномаи нави кайҳониро амалӣ месозад

04.09.2018


Боздиди Сарвазири мамлакат аз иншооти гармидиҳии шаҳри Душанбе


Дар сомонаҳои дигари Тоҷикистон хонед