logo

суханрониҳо

Суханронии Эмомалӣ Раҳмон, Президенти Ҷумҳурии Тоҷикистон, дар ҷаласаи кушодаи иҷлосияи Шӯрои амнияти дастаҷамъии давлатҳои аъзои СААД, шаҳри Сочии Федератсияи Русия, 23 сентябри соли 2013

Ҳамтоёни муҳтарам,
Аъзои муҳтарами ҳайатҳо,
Боиси сарфарозист, ки ба мизбонони меҳмоннавозамон ва ба Президенти Русия Владимир Владимирович Путин барои фароҳам овардани шароити беҳтарин ҷиҳати гузаронидани мулоқотамон изҳори миннатдорӣ намоям.
Мулоқоти имрӯзаи мо бо назардошти манфиати умумиамон дар амри бо истифода аз неруи СААД мустаҳкам намудани қитъаи тоҷикистонию афғонистонии сарҳади хориҷии Созмон барои мубодилаи афкор аз рӯи тамоми маҷмӯи масоили бароямон ҷолиб имконияти хубу саривақтиро фароҳам меорад.
Тавре ки шумо медонед, мо барои рушду таҳкими ҳамаҷонибаи ҳамкории стратегӣ дар доираи СААД ҳамеша ба таври ҷиддӣ кӯшиш менамудем ва кӯшиш менамоем.
Чанде пеш ба кишвари мо омадани гурӯҳи коршиносони СААД имкон дод, ки масъалаи муҳими расондани кумаки ҳарбию техникӣ ба қӯшунҳои сарҳадии Тоҷикистонро барои таҳкими ҳифзи қитъаи тоҷикистонию афғонистонии сарҳади хориҷии Созмон ва ба сатҳи фаъолияти амалӣ гузаронидани он баррасӣ намоем.
Намояндагони СААД тайи моҳи августи соли ҷорӣ дар кишвари мо буданашон имконият пайдо намуданд, ки бо фаъолияти қӯшунҳои сарҳадии Тоҷикистон ҷиҳати ташкилу татбиқи ҳифзи сарҳади Тоҷикистону Афғонистон мустақиман шинос шаванд. Ба гурӯҳи СААД имкон дода шуд, ки аз баъзе қитъаҳои сарҳад дидор намуда, бо вазъи ҳифзу ҷиҳозонидани сарҳадбонони Тоҷикистон шинос шаванд ва ба фикри мо, мушорикони созмонамон ин вазъиятро ба таври муайян арзёбӣ намуда, хулосаю пешниҳодҳо ироа кардаанд.
Ҳамтоёни муҳтарам,
Имрӯз аҳамияти таҳким бахшидани ҳифзи сарҳади Тоҷикистону Афғонистон, ки дар ҳошияи аз қаламрави Афғонистон баровардани қувваҳои ҳарбии байналмилалӣ ба маротиб меафзояд, комилан равшан аст. Раванди ҷараёни вазъияти ин кишвари ҳамсояи мо баъди соли 2014 шаклҳои бисёрҷониба дорад, бинобар ин мо бояд ба ҳамаи онҳо омода бошем.
Воқеияти имрӯзаи минтақа на фақат масъалаи бо намудҳои муосири аслиҳаю техника аз нав таҷҳизонидани артиши мо, балки масъалаи ҳамкории фаъолу судманд дар доираи СААД ба манзури зуд ва таври ҷиддӣ таҳким бахшидани ҳифзи моддию техникии қитъаи тоҷикистонию афғонистонии сарҳадро низ бароямон басо муҳим мегардонад.
Ба шумо маълум аст, ки вазъияти фаврии ин қитъаи сарҳад чун пештара мураккаб аст. Барои хилофи қонун ба қаламрави Тоҷикистон гузаронидани гурӯҳҳои террористӣ ва маводи нашъаовар мунтазам кӯшиш карда мешавад.
Дар ин шароит Ҳукумати ҷумҳурӣ ва мақомоти дахлдори он бояд дар ояндаи наздиктарин барои таҳким бахшидани сарҳади Тоҷикистону Афғонистон як силсила вазифаҳои тағйирнопазирро ҳал намоянд.
Сохтмони биноҳои нави бунгоҳу комендатураҳои сарҳадӣ, аз нав барқарор намудани воситаҳои мавҷудаи хабардиҳӣ, таъмини қӯшунҳо бо воситаҳои посбонии ҳавоӣ, мушоҳида ва бунгоҳҳои радиолокатсионӣ аз ҷумлаи ҳамин вазифаҳоянд.
Табиист, ки мо барои ҳалли ин мушкилот фаъолона чора мебинем. Вақтҳои охир беш аз 40 иншооти нави инфрасохтори сарҳадӣ мавриди истифода қарор дода, 90 иншоот таъмири асосӣ шудааст. Қӯшунҳо бо техникаи иловагӣ ва лавозимоти гуногун ҷиҳозонида мешаванд. Вале масоҳати калони сарҳади мо, ки 60 фоизи собиқ сарҳади Шӯравию Афғонистонро ташкил медиҳад, саъю кӯшиш ва маблағҳои боз ҳам зиёдтарро талаб мекунад.
Мо маҳз дар ҳамин кор ба ёрии дӯстонамон ва, пеш аз ҳама, ба мадади моддию техникии СААД умед мебандем.
Мехоҳам ба ҳамтоёнамон барои баррасии муфассали масоили марбут ба таҳким бахшидани сарҳади Тоҷикистону Афғонистон дар ҷаласаи пӯшида изҳори миннатдорӣ намуда ва умедвор бошам, ки он оғози ҳамкории воқеию зичи кишварҳоямон ҷиҳати муқовимат ба таҳдиду хатарҳои имрӯза, намунаи ҳамкории иттиҳодамон дар самтҳои асосӣ мегардад.


Баёни ақида (0)    Санаи нашр: 26.09.13    №: 126    Мутолиа карданд: 626

19.07.2019


ПАЛАТАИ ҲИСОБ. 88,З миллион сомонӣ зарари молиявӣ ошкор гашт

УМЕД БОБОЗОДА: "Аксари муроҷиатҳо оид ба адолати судиянд"

Кӯдакони аз Ироқ овардашуда ба зиндагии муқаррарӣ бармегарданд

"EXPO 2019 BEIJING". Гӯшаи Тоҷикистонро беш аз як миллион нафар тамошо кард

НИГАРОНӢ. Ҷудошавии 6065 оила дар ним сол

18.07.2019


ХАДАМОТИ ЗИДДИИНҲИСОРӢ. Болоравии нархи барқ ба қарзи он марбут аст

Азим Иброҳим Ким Тэ Сонгро ба ҳузур пазируфт

Ба ташкили корхонаҳои муштарак ҳавасмандӣ зоҳир гардид

Ҳамоиши «Ваҳдат – омили ягонагӣ ва суботи ҷомеа» доир шуд

Ҳамкорӣ бо Қатар густариш меёбад

Саридораи геология. 2810 харитаи геологӣ рақамӣ шуд

121 шахси масъул ба ҷавобгарии маъмурӣ кашида шуд

Роҳи нави сесатҳаи Душанбе ба истифода дода мешавад

Президенти Қазоқистон Шӯрои миллии эътимоди ҷомеаро созмон дод

Дар Ӯзбекистон аввалин IT-технопарк бунёд мегардад

Ҷаҳон дар як сатр

17.07.2019


Музокироти ҳайатҳои расмии Тоҷикистон ва Корея

КУМИТАИ МУҲИТИ ЗИСТ. Нигаронӣ аз набудани партовгоҳҳо дар деҳот

ПРОКУРАТУРАИ ГЕНЕРАЛӢ. 5774 гектар қитъаи замин ба ҳолати аввала баргардонда шуд

ИЗЗАТУЛЛО САТТОРӢ: "Истеҳсоли гӯшти мурғ 9 маротиба зиёд мегардад"

ВАЗОРАТИ АДЛИЯ. Хулосаи ҳуқуқӣ ба 1936 лоиҳаи санадҳои меъёрии ҳуқуқӣ

ТАЭКВОН – ДО. Муниса медали тилло ба даст овард

Суръати рушди ММД Тоҷикистон миёни кишварҳои ИДМ баландтарин шуд

Тоҷикистон ба сохтмони лӯлаи гази «Осиёи Марказӣ — Чин» шурӯъ мекунад

Дар ҷанубу ғарби Чин аз хушксолӣ 7,4 миллион нафар зарар дид

Ҷаҳон дар як сатр

Нашрияи расмии Ҷумҳурии Тоҷикистон – рӯзномаи «Ҷумҳурият» якҷо бо мақомоти иҷроияи ҳокимияти давлатии вилояти Хатлон бахшида ба Ҷашни 30 - солагии Истиқлолияти давлатии Ҷумҳурии Тоҷикистон таҳти унвони «ТОҶИКИСТОН – ХОНАИ УМЕДИ МО» озмун эълон менамояд.

16.07.2019


ХАДАМОТИ АЛОҚА. Корти ID симкорти муштариро ба расмият медарорад

ЭНЕРГЕТИКА. 2,5 миллиард сомонӣ қарзи дебитории "Барқи тоҷик" муаммои ҳалталаб боқӣ мемонад

15.07.2019


Сарвазири Корея ба Тоҷикистон меояд

Баррасии масъалаҳои ҳамгироии САҲА, СҲШ ва ИА дар минтақаи Осиёи Марказӣ

Нахустин шумораи маҷаллаи «Осиё ва Аврупо» аз чоп баромад

ДТТ. Изҳори нигаронӣ аз вазъи бо кор таъмин шудани хатмкардаҳо

ТИБ. 288 номгӯи доруи ғайристандартӣ ошкор шуд


Дар сомонаҳои дигари Тоҷикистон хонед