logo

фарҳанг

ЛАҲЗАҲОИ ДИЛПАЗИР

"ХАЙРИЯТ ТАЛХАКАФ НАШУДААСТ"

Бо духтарчаам, ки андаке беш аз ду сол дошт, ба театри ба номи Лоҳутӣ ба тамошои намоишнома рафтам. Духтарам аз қаҳрамонони ҷомаву салладор ва ҳайбати бозиашон тарсида, ба гиря даромад. Ночор бозиро тарк карда, ба кӯча баромадем. Ин асно ҳунарпешаи шинохта устод Ҳабибуллоҳ Абдураззоқов дучорамон омад ва авзои духтарамро дида, пурсид:
- Ба духтарак чӣ шуд?
- Аз бозии ҳунарпешаҳо тарсид.
- Кадом намоишномаро тамошо кардед?
-  "Чархи гардон"- и Нур Табаровро.
- Хайрият талхакаф нашудааст, аз ин намоишнома ман ҳам тарсида, берун баромада будам.


ТАНҚИДИ АҶИБ

Китоби шеърҳои Салимшо Ҳалимшо аз чоп баромаду ман дар ҳузури Ҳайрат Шанбезода ӯро ба ин муносибат табрик кардам.
- Қасидаҳоятон бисёр аҷоиб, устод, аммо, ба фикрам, баъзе маъниҳоро на ҳар хонанда мефаҳмад, - андешаамро баён кардам ман.
- Атоҷон, барои фаҳмидани шеърҳои Салимшо тамоми географияро азёд донистан лозим, - гуфт дар омади гап Ҳайрати хушсухан.

ЭРОДИ МИРШАКАР

Шоир Маҳмадалишо Ҳайдаршо шеъре навишт дар бораи саге, ки ба шаҳр баромада, раҳи хонаашро гум кардааст. Шеърро барои доварӣ ба назди устод Мирсаид Миршакар бурд. Устод онро хонд ва чунин эрод гирифт:
- Э, Ҳайдаршо, ин ту ҳастӣ, ки баъзан арақ хӯрда, аз ғояти мастӣ роҳи хонаатро гум мекунӣ, саг ҳеҷ вақт роҳи хонаашро гум намекунад.
 
"ЗАБОНРО ДАР КУҶО ОМӮЗАМ?"

Китоби шеърҳои Салимшо Ҳалимшоро дар ҷаласаи Иттифоқи нависандагон ба муҳокима гузоштанд. Ҳар кас ҳар чи гуфт ва аз ҷумла, устод Муъмин Қаноат эрод гирифт, ки забонаш суст аст.
Ин сухани Муъминшо ба Салимшо сахт расид, ки дар поёни ҷаласа асабонӣ гуфт:
- Муъминшои азиз, охир, ба кор биёям, ҷаласаҳои мо ба русӣ гузаранд, бозор равам, мардум ба узбакӣ гап занад, ба хона равам, занам маро ба шуғнонӣ ҳақорат кунад, аз рӯйи инсоф бигӯед, ки забони тоҷикиро дар куҷо омӯзам?!

МАСЛИҲАТИ АҶИБ

Шоири афғонӣ Беранги Кӯҳдоманӣ шоир Нафасбек Раҳмониро бо худ ба мағоза бурд, то барояш телевизор харанд. Хеле гаштанд, Кӯҳдоманӣ дар харид диранг кард ва Нафасбек дилтанг шуд. Ниҳоят ба растае расиданд ва Беранг маслиҳат хост:
- Нафасбек соиб, кадомашро харам: ранга ё сиёҳсафедро?
- Мисли худат берангашро бихар, - маслиҳат дод Нафасбек.

МАҶЛИСИ НОЗИРӢ

Ману нависанда Маҷид Салим дар ҳафтаномаи "Адабиёт ва санъат", ки сармуҳаррираш шоир Ҳабибулло Нозирӣ буд, кор мекардем. Рӯзе дар мошини Нозирӣ сӯйи чопхона мерафтем. Банохост ба ёди сармуҳаррир чизе расиду гуфт:
- Бачаҳо, як масъалаи ниҳоят зарур пеш омадааст, ба идора рафта маҷлис даъват кардан даркор.
- Гапат бошад, дар даруни мошин гуфтан гир, ту ҳамагӣ ҳамин қадар коргар дорӣ, - гуфт Маҷид Салим.

ШОИРИ ИБЛИС

Дар Иттифоқи нависандагон панҷоҳсолагии шоире таҷлил мешуд. Султон Шоҳзода ба ин шахс ҳусни таваҷҷуҳ надошт, аммо ба хотири шеъри хубаш ба он маҳфил омада буд. Пас аз поёни ҷаласа як даста гули зебо ба соҳибҷашн дод ва ин байти Нодирпурро барояш хонд:
Иблис, эй Худои бадиҳо, ту шоирӣ,
Ман борҳо ба шоириат рашк бурдаам.

ҲАЙРАТИ ҲАЙРАТ

Дар замони Шӯравӣ азбаски котибони авввали Кумитаи марказии ҳизби коммунист, ки кӯтоҳ ЦК - аш мегуфтанд, буданд, умури роҳбарии ҷумҳурӣ ҳам дар дасти мардуми вилояти Ленинобод (Суғд) буд. Рӯзе Ҳайрат Шанбезода ба муҳаррири рӯзномае, ки дар он кор мекард, чунин киноя задаст:
- Домулло, шумо ҳарфи "ц"-ро талаффуз карда наметавонед, лекин ЦК-ро чӣ хел гирифтаед, ман ҳайрон?

ПУЛИ МУФТ

Шоир Эмом Алӣ дар ҳузури ман ба устод Салимшо садсомоние дод. Ман бо шӯхӣ гуфтам:
- Устод, ба ин пул маро ресторан мебаред?
- Албатта, пули муфт ғалтидаст, рафтем.
Эмом Алӣ ҳам аз шӯхӣ намонд:
- Ин хел бошад, ман ҳам бо шумо меравам.

БЕАҚЛӢ

Рӯзе дар кӯча устод Салимшоро дучор омадам. Табъаш хеле хуш буд. Сабаб пурсидам. Гуфт:
- Нафақа гирифтам.
- Чи кори хубе, - гуфтам ман, - акнун зиёфат мехӯрем гӯй.
- Не, ман дар умрам ин хел беақлӣ накардаам ва нахоҳам кард, - гуфт бо қатъият Салимшо.

ШЕЪРИ АСИЛ

Шоир Абдулқодири Раҳим нақл кард, ки корманди телевизон буду устод Нодир Шанбезодаро ба студия даъват кард, то шеърҳояшро бихонад. Қаблан устодро огоҳ карда буд, ки азбар бигӯяд. Аммо Шанбезода ҳар бор мисраъеро гум мекард ва коргардон корро аз сар мегирифт. Абдулқодир ба танг омад ва ӯро сарзаниш кард:
- Аҷиб одам будаед Шумо, устод, тамоми "Шоҳнома", осори Ҳофиз, Лоҳутӣ, Эраҷ Мирзоро азбар медонеду наход чор шеъратонро аз бар карда натавонед?!
- Писарам, охир онҳо шеъранд, шеър! Агар навиштаи мо ҳам шеър мебуд, азбар мекардем, - посух медиҳад Шанбезодаи ростқавл.

БОАҚЛ

Шоир Салимшо Ҳалимшо аз пеши хонаи ҳамсояаш мегузашт. Писараки хурдсоле пеши дари хонааш нишаста буд, бо камоли одоб ба устод салом гуфт ва ба хона даъват кард. Салимшо пурсид:
- Ту писари кистӣ?
- Писари фалон шоир.
- Кош ҳамин ақлатро падарат медошт, - гуфт Салимшо ва роҳашро давом дод.

Ато МИРХОҶА


Баёни ақида (0)    Санаи нашр: 19.10.13    №: 138-139    Мутолиа карданд: 854

24.06.2019


Президенти Филиппин моҳи октябр ба Россия меояд

Трамп бо Эрон омодаи гуфтушунид буданашро тасдиқ намуд

Дар Ҳиндустон афтидани хайма боиси марги 14 нафар шуд

СУҒД. Оғози мусобиқаи байналмилалӣ

"ФИЛОСОФИЯ ОТДЫХА" имкониятҳои сайёҳии Тоҷикистонро таҳлил намуд

Ҷаҳон дар як сатр

21.06.2019


Мулоқоти Хайринисо Юсуфӣ бо Валериу Кивер

Ҳамоиш бахшида ба таъмини устувории макроиқтисодӣ

Муаррифии натиҷаҳои фаъолият дар самти безараргардонии башардӯстонаи минаҳо

20.06.2019


Гумерова: «Омӯзгорони рус дар Тоҷикистон мондан мехоҳанд»

СММ: «Ҳиндустон дар нуфуси аҳолӣ баъди 8 сол аз Чин мегузарад»

Пекин тавсеаи ёрии иқтисодӣ ва башарӣ ба Сурияро зарур мешуморад

Дар Ҷопон ҷазои ҷисмонии кӯдаконро манъ карданд

Ҷаҳон дар як сатр

19.06.2019


Дар Кӯлоб Фестивали ҷумҳуриявии дӯстии ҷавонон баргузор шуд

Баррасии вазъ ва дурнамои ҳамкориҳо

Боздид аз Муассисаи давлатии «Боғи миллии Ваҳдат”

ПАНҶАКЕНТ. Омодагиҳо ба ҷашни фархунда

Писарбачаи тоҷик дар Хабаровск дӯсташро аз чоҳи оби ҷӯш наҷот дод

Тоҷикистону Беларус: «Муҳокимаи тақвияти ҳамкориҳои низомӣ»

Си Ҷинпин азми сафари Ҷумҳурии Халқии Демократии Корея дорад

Ҷаҳон дар як сатр

12.06.2019


ХУҶАНД. "Зирвеко" ба фаъолият мепардозад

Муаррифии асари Си Ҷинпин «Дар бораи идоракунии давлатӣ»

Баргузории конфронси сайёҳӣ дар Рашт

Масоили низоми бонкӣ матраҳ гардид

Дар Чин аз обхезии тобистона 6,75 миллион нафар зарар дид

Дар Ӯзбекистон рӯйхати идҳои касбиро Рӯзи китобдор афзуд

Дар Ҷопон ба солхӯрдаҳо шаҳодатномаи вижаи ронандагӣ медиҳанд

Сокини Британия дар лотерея Ј123 миллион бурд намуд

Ҷаҳон дар як сатр

11.06.2019


Песков: «Путин ба Тоҷикистон ва Қирғизистон сафар мекунад»

Иштироки роҳбарони 11 кишвар дар ҳамоиши Бишкек

Президенти Қазоқистон аз хусуси роҳҳои ҳалли мушкилоти иҷтимоӣ ҳарф зад


Дар сомонаҳои дигари Тоҷикистон хонед