logo

маориф

Зимистон дар мекӯбад! Чӣ омодагӣ дорем?

Моҳи марти соли ҷорӣ Қарори Ҳукумати ҷумҳурӣ "Дар бораи сари вақт омода намудани соҳаҳои иқтисодиёт ва иҷтимоиёти ҷумҳурӣ барои фаъолияти мунтазам ва самарабахш дар давраи тирамоҳу зимистони солҳои 2013 - 2014"  қабул гардид.
 Иҷрои он омодагии махсусро тақозо мекунад. Чун солҳои гузашта дар ин мавсим соҳаи маориф ба мушкилоти норасоии маводи сӯхт ва гарм набудани синфхонаҳо набояд дучор гардад, ки он ба раванди таълим монеъ мешавад. Пӯшида нест, ки солҳои пеш ҳатто хонандагон барои қатъ нашудани таълим дар рӯзҳои сармо аз хонаҳояшон ба мактаб ҳезум меоварданд. Мактаб ва соҳа ба ин ниёз дошт. Аммо солҳои охир чунин ниёзи мактаб аз байн рафт.

ХАТЛОН: МУШКИЛОТИ
ГУЗАШТА САБАҚИ
ИМСОЛ

 Дар раёсати маорифи вилояти Хатлон аз хабарнигори "Ҷумҳурият" мушкилоти соли гузашта дар фасли зимистон ба вуҷуд омадаро пинҳон накарданд. Соли ҷорӣ мудирони шуъбаҳои маорифи мақомоти иҷроияи маҳаллии ҳокимияти давлатии шаҳру ноҳияҳои вилоят аз камбудиҳои дар мавсими сармои солҳои 2012-2013 ҷойдошта, хулосаи даркорӣ бароварда, бо истифода аз имкониятҳои мавҷуда, дар ҳамкорӣ бо масъулини мақомоти иҷроияи маҳаллии ҳокимияти давлатӣ, кумитаи падару модарон, раисони маҳаллаҳо, сарпарастон, шахсони эҳсонкору саховатпеша, ҷиҳати муҳайё намудани шароити мусоид ба таҳсил, баланд бардоштани сатҳи дониши хонандагон, таъмири бомҳо, шишабандии тирезаҳои мактаб, таъмини муассисаҳои таълимӣ бо ангишт чораҳои мушаххас андешидаанд.
Хоналӣ Қурбонзода, сардори раёсати маорифи вилоят, гуфт, ки "дар шаҳру ноҳияҳои вилоят 1 306 мактабҳои таҳсилоти ибтидоӣ, асосӣ ва миёнаи умумӣ фаъолият дошта, талаботи онҳо барои фаъолияти мунтазам дар давраи тирамоҳу зимистони солҳои 2013-2014 захира намудани 10 054 тонна ангишт, 31 113 метри кубӣ ҳезум ба нақша гирифта шудааст. Алҳол дар муассисаҳои таълимии шаҳру ноҳияҳои вилоят  мувофиқи нақшаи пешбинишуда 10 134 тонна ангишт (102,2 фоиз), 31 869 метри кубӣ ҳезум(102,4 фоиз) захира шудааст".

СУҒД: ҒАМИ
ЗИМИСТОНРО ДАР
ТОБИСТОН ХӮРДЕМ

Дар вилояти Суғд маорифчиён ба қавле ғами зимистонро дар тобистон хӯрда, омодагӣ дидаанд. Сайфулло Раҳматов, муовини сардори раёсати маорифи вилоят, дар суҳбат ба хабарнигори "Ҷумҳурият" гуфт, ки нисбат ба соли гузашта  тадбирҳои омодагӣ ба фасли зимистон дар мактабҳои таҳсилоти миёнаи умумӣ ҷоннок буда,  иҷрои нақша 111 фоиз мебошад:
"Бо назардошти мушкилиҳои пешомада дар солҳои гузашта, имсол дар ҳамкорӣ бо мақомоти иҷроияи маҳаллии ҳокимияти давлатии шаҳру навоҳии вилоят маблағ барои харидории ангишт ва ҳезум дар фасли тобистон ҷудо шуд, ки ба нафъи кор анҷом ёфт, зеро нархи маводи сӯзишворӣ, ангишт ва ҳезум нисбат ба фаслҳои тирамоҳ ва зимистон дар тобистон  бамартиб арзон аст.
Тибқи  нақша захираи 7 483 тонна ангишт ва 5  221 метри кубӣ ҳезум пешбинӣ шуда буд. Дар асл то  25 октябри соли ҷорӣ нақшаи захираи ангишт 111 фоиз ва ҳезум 105 фоиз иҷро гардид. Танҳо дар ноҳияи Мастчоҳ нақша ҳамагӣ то моҳи октябр 91,9 фоиз иҷро шудааст, ки сабаб пахтакор будани ин ноҳия мебошад. Тирамоҳ чун ҳосили пахта ҷамъоварӣ шавад, буҷаи ноҳия аз ин ҳисоб таъмин мегардад ва барои иҷрои пурраи нақша имконот фароҳам меояд".
Мактабҳои таҳсилоти миёнаи умумии вилояти Суғд ба шакли идораи сарикасӣ гузаштаанд. Мақомоти иҷроия аз ҳисоби маблағҳои буҷавӣ мустақиман ба суратҳисоби мактабҳо барои захираи маводи сӯхт ба зимистон маблағ мегузаронад. Дар вилоят 912 мактаби таҳсилоти миёнаи умумӣ фаъолият дорад, ки дар онҳо 463 945 хонанда ба таълим фаро гирифта шудааст. Бино ба иттилои  раёсати маорифи вилоят, биноҳои мактабҳо замонавӣ ва ба талабот ҷавобгӯ мебошанд. Солҳои пеш чанд мактаб дар вагон ва дар ҳолати садамавӣ қарор доштанд, ҳоло ин мактабҳо ба биноҳои навсохт кӯчонда шуданд.

МАОРИФИ РАШТ:
БА ЗИМИСТОН ОМОДАЕМ
Дар водии Рашт низ, иҷрои нақшаи  ба зимма доштаро барзиёд дар моҳи август, яъне дар фасли тобистон таъмин кардаанд.
"Тибқи нақша мебоист 876 тонна ангишт харидорӣ мешуд. Аммо бо назардошти пешбиниҳои обу ҳавосанҷҳо, ки эҳтимол зимистони имсола сард ояд, мо 880 тонна ангишти хушсифат  ва 895 метри кубӣ ҳезум захира кардем. Барои захираи маводи сӯхт ба зимистон аз ҳисоби маблағҳои буҷавии мақомоти ноҳияи Нуробод, Тавилдара, Тоҷикобод, Рашт ва Ҷиргатол  653 ҳазор сомонӣ ҷудо шуда буд".

ВАЗЪИ ТИРЕЗАҲОИ
ШИКАСТАИ МАКТАБҲО
Масъалаи шишабандии тирезаҳо дар мактабҳо ба дастгирии молӣ ниёз дошт. Маъмулан дар мактабҳои деҳот ба ин масъала чандон таваҷҷуҳи ҷиддӣ намедоданд ва бо "клёнка" кардани тирезаҳо, масъаларо ҳал мекарданд. Аммо имсол ба шишабандии тирезаҳои мактабҳо диққати асосӣ додаанд. Дар раёсати маорифи вилояти Хатлон ба "Ҷумҳурият" гуфтанд, ки ин мушкилот ҳал шудааст. Раёсати маорифи вилояти Суғд мегӯяд, ки тибқи нақша бояд 4 494 метри квадратӣ шишабандӣ мегардид, аммо 4 973 метри квадратӣ шишабандӣ шудааст. Дар раёсати маорифи Рашт аз 68 метри квадратӣ шишабадии мактабҳо иттилоъ доданд.

ЛИМИТИ БАРҚ ВА
ДАРСҲОИ КОМПЮТЕРӢ
Дар фаслҳои тирамоҳ ва зимистон дар бархе аз минтақаҳо лимити барқ ҷорӣ мешавад. Табиист, ки ин маҳдудият ба раванди таълим бетаъсир нест. Мақомоти иҷроияи шаҳру навоҳӣ ва раёсатҳои маориф бо назардошти ин ҳолати мавҷуда барои гузарондани дарсҳои компютерӣ ва печкаҳои бухорӣ миқдори муайяни маводи дизелӣ, бензин ва солярка, Рашт -1 тоннаву 180 литр-100 фоизи нақша, Суғд - 7 тоннаву 733 литр -100 фоиз иҷро шудааст.
Сайфулло Раҳматов, муовини сардори раёсати маорифи вилоят мегӯяд, ки 410 муассисаҳои таълимӣ бо хати озоди барқ дар тамоми рӯзҳои фасли зимистон таъмин аст, аз ин рӯ танҳо барои мактабҳои деҳот ва ноҳияҳои гирду атроф наздик ба 8 тонна маводи дизелӣ захира кардаанд. Аммо дар Хатлон -121 тоннаву 6 литр, яъне 92 фоизи нақшаро захира кардаанд.  Ҳол он, ки тибқи нақша дар муассисаҳои маорифи Хатлон захираи 131 тоннаву 6 литр сӯзишвории дизелӣ пешбинӣ шудааст.

ХАТЛОН: КАМБУДИЮ
НОРАСОИҲО МАВҶУД АСТ
 Аммо вазъ дар ин масъала дар вилояти Хатлон дигар аст. Тавре ки аз раёсати маорифи вилоят ба мо иттилоъ доданд,  "бо вуҷуди ин ҳанӯз дар самти мунтазаму самаранок гузарондани давраи тирамоҳу зимистони солҳои 2013-2014 дар шаҳру ноҳияҳои вилоят баъзе камбудию норасоиҳо дида мешавад:
Аз 292 адад системаҳои гармидиҳии буғии мавҷуда 29 - тоаш  дар  ҳолати корӣ буда, 263 ададаш бо  сабаби кӯҳнаю фарсуда гаштани қисмҳои эҳтиётӣ солҳои дароз аз фаъолият бозмондаанд, ки барои таъмир ва барқарор кардани онҳо маблағи калон лозим мебошад.
Нақшаи сӯзишвории дизелӣ бо сабабҳои дар чормоҳаи чорум ҷудо нагардидани маблағ аз ҷониби шуъбаҳои молияи шаҳру ноҳияҳои Вахш, Бохтар, Хуросон, Ҷалолиддини Румӣ, Абдураҳмони Ҷомӣ, Данғара, Кӯлоб, Фархор ва Шӯрообод иҷро нагардидааст.
Бо вуҷуди ин раёсати маорифи вилоят аз имконоти мавҷуда истифода карда, чораю тадбирҳои мушаххас меандешад, ки муассисаҳои таълимии вилоятро ба давраи тирамоҳу зимистони солҳои 2013-2014  сари вақт омода сохта, иҷрои талаботҳои қарори Ҳукумати ҷумҳуриро таъмин созад.

МАОРИФИ ВМКБ
ДАСТНОРАС АСТ

Талошҳои дар пайгирии ин мавзӯъ бо раёсати маорифи Вилояти Мухтори Куҳистони Бадахшон бенатиҷа монд, зеро онҳо ҳозир нашуданд, ки дар бораи омодагиҳо ба фасли зимистон ба "Ҷумҳурият" иттилоъ диҳанд.
Нашрия танҳо бо оморҳо такя карданӣ нест, ҳатман аз мактабҳои шаҳру навоҳии ҷумҳурӣ дар фасли сармо дидан намуда, то куҷо иҷро шудан ва амалӣ гаштани қарори Ҳукуматро таҳқиқ ва гузоришҳоро пешниҳод менамояд.

Ҳ.САНГОВА,
"Ҷумҳурият"


Баёни ақида (0)    Санаи нашр: 9.11.13    №: 147    Мутолиа карданд: 1783
07.08.2020


ТОҶИКИСТОН. 6 ҲАЗОРУ 443 БЕМОРИ COVID-19 ШИФО ЁФТ

ВМКБ. ШИНОСОИИ АЗИМ ИБРОҲИМ БО ҶАРАЁНИ КОР ДАР ИНШООТИ ҶАШНӢ

КМИР. НАҚШАИ ТАҚВИМИИ ЧОРАБИНИҲОИ ИНТИХОБОТИ ПРЕЗИДЕНТИ ҶУМҲУРИИ ТОҶИКИСТОНРО ТАСДИҚ КАРД

ЛИГАИ БОНУВОН. «ХАТЛОН» ҒОЛИБИ МАРҲИЛАИ АВВАЛ

ҶАҲОН ДАР ЯК САТР

06.08.2020


ТОҶИКИСТОН. 6 ҲАЗОРУ 399 ГИРИФТОРИ БЕМОРИИ COVID-19 ШИФО ЁФТ

СУҒД. МАҲСУЛОТИ АРЗОН ЗИНДАГИРО БАРАКАТ МЕБАХШАД

АГЕНТӢ. ШУМОРАИ ХИЗМАТЧИЁНИ ДАВЛАТӢ АЗ ҲИСОБИ ЗАНОН КОҲИШ ЁФТААСТ. ЧАРО?

СЕРИЯ ПРО. МУБОРИЗАИ "СОРО - КОМПАНИЯ" ВА "СИПАР" ШИДДАТ МЕГИРАД

05.08.2020


ТОҶИКИСТОН. 6 ҲАЗОРУ 356 ГИРИФТОРИ БЕМОРИИ COVID – 19 ШИФО ЁФТ

АЗ «АМОНАТБОНК» СИПОСГУЗОРЕМ

ЛИГАИ ОЛӢ. МАРҲИЛАИ ДУЮМ 8 АВГУСТ ОҒОЗ МЕЁБАД

04.08.2020


ТОҶИКИСТОН. 6 ҲАЗОРУ 317 БЕМОРИ COVID – 19 ШИФО ЁФТ

ОМОДАГИҲО ҶИҲАТИ БАРӮЙХАТГИРИИ АҲОЛӢ ВА ФОНДИ МАНЗИЛ ИДОМА ДОРАНД

АГЕНТИИ СОДИРОТ. СОДИРОТИ МАҲСУЛОТИ КИШОВАРЗӢ АФЗУД

83 КОРХОНАИ НАВИ САНОАТӢ МАВРИДИ БАҲРАБАРДОРӢ ҚАРОР ГИРИФТ

ВКД. САТҲИ ҶИНОЯТ КОҲИШ ЁФТ

SARS – CoV – 2. ТАДҚИҚОТИ ОЛИМОН ХАТАРИ НАВИ ОНРО ОШКОР СОХТ

ФАЙЗРЕЗ Ё СЕСАД ХАРБУЗА АЗ ЯК КАФ ЗАМИН

ҶОМИ ТОҶИКИСТОН – 2020. ҶУФТҲОИ ДАВРИ 1/4 - ФИНАЛӢ МУАЙЯН ГАРДИДАНД

03.08.2020


ТОҶИКИСТОН. АЗ КОРОНАВИРУС 83,7 ДАРСАДИ СИРОЯТЁФТАГОН СИҲАТ ШУДАНД

АКАДЕМИЯИ ИДОРАКУНИИ ДАВЛАТӢ ДОНИШҶӮЁНИ ХОРИҶИРО БА ТАҲСИЛ ҶАЛБ КАРДАНИСТ

ҲИСОР. БУНЁДИ ИНШООТИ ҶАШНӢ ИДОМА ДОРАД

ГУМРУК. СОДИРОТИ МОЛУ МАҲСУЛОТИ ВАТАНӢ 19,1 ДАРСАД АФЗУД

КУМИТАИ АНДОЗ. ПАНДЕМИЯ БА ИҶРОИ НАҚША БЕТАЪСИР НАМОНД

ТОҶИКИСТОН. 6 ҲАЗОРУ 103 БЕМОРИ COVID - 19 СИҲАТ ШУД

СУҒД. РӮНАМОИИ КИТОБНОМАИ ҲАШТҶИЛДАИ “ПЕШВОИ МИЛЛАТ - ЭМОМАЛӢ РАҲМОН”

САРҲАД. ДАР НОҲИЯИ МИР САЙИД АЛИИ ҲАМАДОНӢ 127 ҶИНОЯТ БА ҚАЙД ГИРИФТА ШУД

ИҶРОИ НАҚШАИ АНДОЗИ ИҶТИМОӢ 101 ДАРСАД ТАЪМИН ГАШТ

БАЛҶУВОН. ҲАҶМИ ИСТЕҲСОЛИ МАҲСУЛОТИ КИШОВАРЗӢ КОҲИШ ЁФТ

МАҲАЛ. ҶАЛБИ НИЁЗМАНДОН ВА ТИҶОРАТИ КИШОВАРЗӢ

ВМКБ. БОЗДИДИ РАМАЗОН РАҲИМЗОДА АЗ РАФТИ БУНЁДИ ИНШООТИ ҶАШНӢ

МОЛИЯ. МАБЛАҒГУЗОРИИ СОҲАҲОИ ИҶТИМОӢ АФЗУД

ФУТБОЛ. ТИМИ МИЛЛӢ МОҲИ СЕНТЯБР ДУ БОЗИИ САНҶИШӢ МЕГУЗАРОНАД

ЧИН ВАКСИНАИ АЛАЙҲИ КОРОНАВИРУСРО ДАР БРАЗИЛИЯ ВА АМА МЕОЗМОЯД


Дар сомонаҳои дигари Тоҷикистон хонед