logo

маориф

"Омодагии дифои ҳарбӣ" ҷавобгӯи талабот нест

Агар мақсад аз роҳандозии фанни "Омодагии дифои ҳарбӣ" дар макотиби таҳсилоти миёна ба хидмати ҳарбӣ ва ҳимояи  марзу буми Ватан омода намудани наврасон бошад, ба он тарзе ки имрӯз ин соатҳои дарсиро мегузаранд, ба мақсад нахоҳем расид. Вазорати маориф ва илм таълими онро ду сол муқаррар намудааст ва ба он толибилмони синфҳои болоӣ, яъне синфҳои 10 - 11 ҷалб мешаванд. Воқеан, он беҳтарин фурсатест барои омода намудани афсарони оянда-муҳофизони Ватан. Аммо ба ин масъала  қариб дар аксари макотиби таҳсилоти миёнаи умумии кишвар таваҷҷуҳи ҷиддӣ намедиҳанд ва дар ин росто мушкилии зиёде ҳам доранд. Нарасидани омӯзгорони касбӣ, маводи таълимии фаннӣ аз мушкили асосӣ мебошанд.
Солҳои пеш ба ин масъала диққати ҷиддӣ медоданд, ки натиҷаи он ҳангоми даъвати хизмати ҳарбӣ маълум мегардид. Ҳеҷ кас аз даъват сар намепечид. Мактабҳо  бо лавозимоти зарурӣ низ муҷаҳҳаз буданд. Наврасони он замон, ки имрӯз ба синни 50-60 расидаанд, он дарсҳоро хело хуб ёдоварӣ мекунанд.
Сайфулло Азимов, истиқоматкунандаи ноҳияи Фархор, мегӯяд, ки " замони мактабхонӣ  устод Нодиршо Шарифов ба мо дарси "Омодагии дифои ҳарбӣ"-ро меомӯхт. Ба дарс ҳамеша бо либоси ҳарбӣ меомад. Дарсҳои "Омодагии дифои  ҳарбӣ" дар синфхонаи махсус, ки ба  лавозимоти зарурӣ муҷаҳҳаз буд, мегузашт. Дарси ӯро бесаброна интизор мешудем. Мутахассиси соҳибтаҷриба буд. Ҳангоми дарс аз таҷрибаҳояш мисолҳо меовард. Дар симои ӯ марди нотарсу далер ва муҳофизи асили Ватанро  медидем. Аз ин рӯ, ҳама мехостем, ки мисли устоди худ бошем". 
Аммо имрӯз  чунин муаллимон хело каманд ва табиист, ки ин мушкил дар тайёр намудани афсари оянда, ватандӯсту ҷонфидо бе таъсир намемонад. Дар бештари мактабҳо  мушкили нарасидани муаллимони касбиро бо ҷалби устодони ғайриихтисос "ҳал" намудаанд. Вале Исломиддин Табаров, мутахассиси раёсати томактабӣ ва миёнаи умумии Вазорати маориф ва илм  мегӯяд, ки фанни "Омодагии дифои ҳарбӣ"-ро танҳо устодоне ҳуқуқи дарс гуфтан доранд, ки хатмкардаи мактаби ҳарбӣ ҳастанд ё унвони ҳарбӣ доранд ва дар рӯйхати комиссариати ҳарбианд.
Мактаби таҳсилоти миёнаи умумии №49-и ноҳияи Фирдавсии пойтахт низ солҳои зиёд аз ин мушкилӣ орӣ набуд. Ба шогирдон устодони беихтисос "Омодагии дифои ҳарбӣ"-ро меомӯхтанд. Аз моҳи сентябри соли равон мушкилашон рафъ гардид. Алҳол Раҳим Низомов, ки унвони ҳарбӣ дорад ва солҳои 1984 - 1986 дар Афғонистон дар қисми махсуси пиёдагард хизмат намудааст, аз ин фан ба шогирдон таълим медиҳад. Ӯ зимни суҳбат гуфт, ки машқҳои ҳарбӣ дар майдончаи ҳарбии мактаб  гузаронда мешаванд, аммо лавозимоти омӯзишӣ, мисли тапонча ё автомат дар мактаб мавҷуд нест. Ба ин хотир мо ба қисми ҳарбӣ ҳамкорӣ дорем, кӯшиш мекунем дарсҳои амалӣ дар он ҷо гузаранд, то шогирдон тарзи истифодаву бехатарии нигоҳдории силоҳ ва  дигар лавозимоти ҷангиро омӯзанд.
Чунин имкониятро, албатта, мактабҳои таҳсилоти миёнаи умумии пойтахт доранд. Аммо толибилмони деҳот бо сабаби набудани имконияту надоштани шароит дар мактаб дарсҳои амалии ҳарбиро вобаста ба талаботи мавҷуда намегузаранд ва ҳам имконияти ба қисми ҳарбӣ рафтан надоранд. Албатта, солҳои пешин дар бештари мактабҳои деҳот барои дарсҳои "Омодагии дифои ҳарбӣ " синфхонаҳои  махсус бо лавозимоти зарурӣ муҷаҳҳаз буд. Дар назди бисёре аз мактабҳо барои гузаронидани дарсҳои амалӣ ҷойҳои махсуси  тирпаронӣ низ буданд. Вале имрӯз бештари он тармиму таъмирталаб гаштаанд.
Дар робита ба ин масъала Исломиддин Табаров  гуфт, ки барои рафъи мушкил Вазорати мудофиа ба воситаи ташкилоти "Мададгори мудофиа" кӯшиш доранд дар ҳамкорӣ бо Вазорати маориф ва илм мактабҳоро бо маводи таълимии ҳарбӣ тамъин намуда, тирхонаҳоро таъмиру тармим созанд.
Мутахассисон як сабаби аз хизмати ҳарбӣ саркашӣ намудани ҷавононро омода набудани онҳо ба хизмат медонанд. Воқеан ҳам ба ин масъала дар макотиби таҳсилоти миёнаи умумии кишвар бояд эътибори ҷиддӣ дода шавад. Дар мактаб баробари таҳсил бояд ҷавононро ба ватандӯстӣ, ҷонфидоӣ, ифтихор аз ватану ватандорӣ ҳидоят намоем, чунки хизмат ба Ватан қарзи фарзандӣ ба ҳисоб меравад. Дар ин самт фанни "Омодагии дифои ҳарбӣ" нақши ҳалкунанда дорад, агар ба наврасон мутахассисони варзидаву соҳибтахассус дарс гӯянд ва мактабҳо бо маводи таълимии ҳарбӣ таъмин бошанд.

Фарзонаи ФАЙЗАЛӢ,
"Ҷумҳурият"


Баёни ақида (0)    Санаи нашр: 5.12.13    №: 158    Мутолиа карданд: 1621
05.08.2020


ТОҶИКИСТОН. 6 ҲАЗОРУ 356 ГИРИФТОРИ БЕМОРИИ COVID – 19 ШИФО ЁФТ

АЗ «АМОНАТБОНК» СИПОСГУЗОРЕМ

ЛИГАИ ОЛӢ. МАРҲИЛАИ ДУЮМ 8 АВГУСТ ОҒОЗ МЕЁБАД

04.08.2020


ТОҶИКИСТОН. 6 ҲАЗОРУ 317 БЕМОРИ COVID – 19 ШИФО ЁФТ

ОМОДАГИҲО ҶИҲАТИ БАРӮЙХАТГИРИИ АҲОЛӢ ВА ФОНДИ МАНЗИЛ ИДОМА ДОРАНД

АГЕНТИИ СОДИРОТ. СОДИРОТИ МАҲСУЛОТИ КИШОВАРЗӢ АФЗУД

83 КОРХОНАИ НАВИ САНОАТӢ МАВРИДИ БАҲРАБАРДОРӢ ҚАРОР ГИРИФТ

ВКД. САТҲИ ҶИНОЯТ КОҲИШ ЁФТ

SARS – CoV – 2. ТАДҚИҚОТИ ОЛИМОН ХАТАРИ НАВИ ОНРО ОШКОР СОХТ

ФАЙЗРЕЗ Ё СЕСАД ХАРБУЗА АЗ ЯК КАФ ЗАМИН

ҶОМИ ТОҶИКИСТОН – 2020. ҶУФТҲОИ ДАВРИ 1/4 - ФИНАЛӢ МУАЙЯН ГАРДИДАНД

03.08.2020


ТОҶИКИСТОН. АЗ КОРОНАВИРУС 83,7 ДАРСАДИ СИРОЯТЁФТАГОН СИҲАТ ШУДАНД

АКАДЕМИЯИ ИДОРАКУНИИ ДАВЛАТӢ ДОНИШҶӮЁНИ ХОРИҶИРО БА ТАҲСИЛ ҶАЛБ КАРДАНИСТ

ҲИСОР. БУНЁДИ ИНШООТИ ҶАШНӢ ИДОМА ДОРАД

ГУМРУК. СОДИРОТИ МОЛУ МАҲСУЛОТИ ВАТАНӢ 19,1 ДАРСАД АФЗУД

КУМИТАИ АНДОЗ. ПАНДЕМИЯ БА ИҶРОИ НАҚША БЕТАЪСИР НАМОНД

ТОҶИКИСТОН. 6 ҲАЗОРУ 103 БЕМОРИ COVID - 19 СИҲАТ ШУД

СУҒД. РӮНАМОИИ КИТОБНОМАИ ҲАШТҶИЛДАИ “ПЕШВОИ МИЛЛАТ - ЭМОМАЛӢ РАҲМОН”

САРҲАД. ДАР НОҲИЯИ МИР САЙИД АЛИИ ҲАМАДОНӢ 127 ҶИНОЯТ БА ҚАЙД ГИРИФТА ШУД

ИҶРОИ НАҚШАИ АНДОЗИ ИҶТИМОӢ 101 ДАРСАД ТАЪМИН ГАШТ

БАЛҶУВОН. ҲАҶМИ ИСТЕҲСОЛИ МАҲСУЛОТИ КИШОВАРЗӢ КОҲИШ ЁФТ

МАҲАЛ. ҶАЛБИ НИЁЗМАНДОН ВА ТИҶОРАТИ КИШОВАРЗӢ

ВМКБ. БОЗДИДИ РАМАЗОН РАҲИМЗОДА АЗ РАФТИ БУНЁДИ ИНШООТИ ҶАШНӢ

МОЛИЯ. МАБЛАҒГУЗОРИИ СОҲАҲОИ ИҶТИМОӢ АФЗУД

ФУТБОЛ. ТИМИ МИЛЛӢ МОҲИ СЕНТЯБР ДУ БОЗИИ САНҶИШӢ МЕГУЗАРОНАД

ЧИН ВАКСИНАИ АЛАЙҲИ КОРОНАВИРУСРО ДАР БРАЗИЛИЯ ВА АМА МЕОЗМОЯД

ҶАҲОН ДАР ЯК САТР

29.07.2020


ТОҶИКИСТОН. АЗ КОРОНАВИРУС 6065 КАС ШИФО ЁФТ

ДДСТДТ. БА ДОВТАЛАБОН ИМТИЁЗҲО ПЕШБИНӢ ШУДААСТ

ДДФСТ. СИФАТИ ТАЪЛИМ ДАР МЕҲВАРИ ТАВАҶҶУҲ

КОНСЕРВАТОРИЯИ МИЛЛӢ БА ШЎРОИ ДИФОЪ НИЁЗ ДОРАД

27 МЕДАЛИ ТИЛЛО ДАР ШАШ МОҲ

100 ДАРСАДИ САҲМИЯҲОИ ҶСК «АЗОТ» БА ФУРЎШ ГУЗОШТА МЕШАВАД

44 МИЛЛИОН СОМОНӢ ЗАРАРИ МОЛИЯВӢ БАРҚАРОР ШУД

ВАЗОРАТИ САНОАТ ВА ТЕХНОЛОГИЯҲОИ НАВ. ҲАҶМИ ИСТЕҲСОЛ ДАР ДАВРАИ ПАНДЕМИЯ НИЗ ЗИЁД ГАРДИД


Дар сомонаҳои дигари Тоҷикистон хонед