logo

энергетика

Суғд. 100 НБО-и хурду миёна бунёд мешавад

Мо бунёди неругоҳҳои барқи обиро калиди ҳалли мушкилоти иқтисодиву иҷтимоӣ ва афзоиши неруи содиротии кишвар арзёбӣ мекунем.

Аз Паёми Эмомалӣ Раҳмон, Президенти Ҷумҳурии Тоҷикистон,
ба Маҷлиси Олии Ҷумҳурии Тоҷикистон, 26 апрели соли 2013

Ба бунёди Неругоҳи барқи обии "Дӯстии халқҳо"-и шаҳри Қайроққум  57 сол пур шуда бошад ҳам, ҳамоно фаъол аст ва дар рушди соҳоти гуногуни хоҷагии халқ, таъмини сокинони вилоят бо неруи барқи арзону аз лиҳози экологӣ тоза нақши муҳим мебозад.
Неругоҳи мазкур дар ин муддат 34 миллиард киловатт қувваи барқ истеҳсол кардааст. Маҳз ба шарофати он шаҳри саноатии Қайроққум, ҶСК "Қолинҳои Қайроққум", Корхонаи маҳсулоти сохтмонӣ рушд намуданд.
- Неругоҳи Қайроққум аз ҷиҳати сохти технологӣ дар ҷаҳон нодир буда, агрегатҳо зери  замин насб шудаанд, - мегӯяд Файзуллоҷон Авезов, директори неругоҳ.
Мутахассисони лоиҳасози соҳаи энергетикаи Австрия аз ин неругоҳ дидан карда, аз кори бомарому бенуқсонаш ба ваҷд омаданд ва ба фаъолияти мутахассисони бумӣ баҳои баланд доданд. Имрӯз ҳамаи шаш агрегат бо иқтидори 115 ҳазор кВт қувваи барқ тавлид мекунанд.
Дар ин ҷо шурӯъ аз соли 2014 маҷмӯи корҳои таҷдиди неругоҳ мутобиқи  лоиҳаҳои Бонки рушди Осиё ва Бонки рушди Аврупо оғоз гашта, барои навбати аввали он 167 миллион евро ҷудо шудааст. Бино ба иттилои Файзуллоҷон Авезов навсозӣ то ҳафт сол идома ёфта, кулли таҷҳизот сад дар сад иваз шуда, нерумандии он аз 126 то 179 мегаватт афзоиш меёбад.
Дар фасли тирамоҳу зимистон вилояти Суғд дар як шабонарӯз ба 10-12 миллион киловатт - соат неруи барқ ниёз дорад, ки 30 дарсади онро НБО-и Қайроққум, миқдори хеле камро Қирғизистон ва наздики 70 дарсадро тавассути хати баландшиддати "Ҷануб- Шимол" НБО-и Норак таъмин менамояд. Бо дарназардошти дурнамои афзоиши аҳолии вилоят, бунёди иншооти гуногуни истеҳсоливу маишӣ, фароғатию варзишӣ  ва талабот ба неруи барқ бо дастур ва супориши Сарвари давлат таҳияи чандин барномаву лоиҳаҳо идома дорад. Яке аз роҳҳои беҳтар ва муътадили таъмини истеҳсолот ва аҳолӣ бо неруи барқ, ин мутобиқи барномаҳои кӯтоҳ, миёна ва дарозмуддат бунёди НБО-ҳои хурду миёна мебошад. Бино ба иттилои Набиҷон Ҷабборов, сармутахассиси идораи саноат ва энергетикаи мақомоти иҷроияи ҳокимияти давлатии вилояти Суғд, феълан дар қаламрави шимоли мамлакат дар баробари фаъолияти доимии НБО-и "Дӯстии халқҳо"-и шаҳри Қайроққум боз дар ноҳияҳои  Кӯҳистони Мастчоҳ, Айнӣ, Панҷакент, Ғончӣ, Ҷаббор Расулов  89 неругоҳи хурду миёна сохта шуданд, ки 8,6 ҳазор кВт қувваи барқ истеҳсол менамоянд. Дар назар аст, ки солҳои 2015-2020 бо истифода аз ҳамаи сарчашмаҳо дар вилоят зиёда аз 20 неругоҳи хурду миёна сохта ба истифода дода шуда, бо ҷалби ширкатҳои хориҷӣ дар дарёи Зарафшон неругоҳи пуриқтидоре бунёд ёбад.

Ҷовиди АШТӢ,
"Ҷумҳурият"


Баёни ақида (0)    Санаи нашр: 21.12.13    №: 165    Мутолиа карданд: 4732

15.02.2019


ШАМШЕРБОЗӢ. ИШТИРОКИ ВАРЗИШГАРОНИ МО ДАР ЧЕМПИОНАТИ КУШОДИ ОСИЁИ МАРКАЗӢ

ҶАҲОН ДАР ЯК САТР

Дар Душанбе ташкили низоми муттаҳидаи мудофиаи зиддиҳавоӣ баррасӣ шуд

Дар чор сол муомилоти мол байни Тоҷикистону Ӯзбекистон 19 маротиба афзуд

Медведев: «Таҳримоти ИМА ба иқтисоди Россия таъсири чандон бузург расонда наметавонад»

Пентагон. ИМА аз Афғонистон ҳамроҳи иттифоқчиёнаш меравад

13.02.2019


2018. Сиёсати хориҷии Тоҷикистон пурбарор буд

КОРРУПСИЯ. 2047 ҷиноят ошкор гардид

САНОАТ. Беш аз 10 миллиард сомонӣ маҳсулот содирот шуд

САРМОЯИ МУСТАҚИМ. Воридот дар ҳоли афзоиш аст

ОБ. Таъминоти аҳолӣ рӯ ба беҳбудӣ дорад

АВҶИ ОБОДКОРИҲО ДАР ШАҲРИ ТУРСУНЗОДА

12.02.2019


АКАДЕМИЯИ ИЛМҲО АЗ КАШФИЁТИ НАВ ТО САНОАТИ ДОРУСОЗӢ

КӮЛОБ. Содироти 825 тонна маҳсулоти кишоварзӣ

ДАНҒАРА. Саноатикунонӣ вусъат мегирад

ФУРУДГОҲҲОИ БАЙНАЛМИЛАЛӢ. Сатҳи хизматрасонӣ рӯ ба беҳбудӣ дорад

ДДК. Авлавият ба сатҳи касбият ва таълим

САДА. Тантанаи ҷашни миллӣ дар ноҳияи Шамсиддини Шоҳин

11.02.2019


ВАЗОРАТИ ФАРҲАНГ. 2018 - соли муваффақиятҳо буд

КУМИТАИ РУШДИ САЙЁҲӢ. Беш аз 1 миллион сайёҳ ба Тоҷикистон омад

МТС. Ҳамкориҳо бо Ӯзбекистон густариш меёбанд

ВМКБ. Гумрукчиён ба буҷет 16,9 миллион сомонӣ ворид карданд

ҲИСОР. Саҳми назарраси соҳибкорон дар ободонии шаҳр

НОҲИЯИ РӮДАКӢ. Ҳаҷми истеҳсоли маҳсулот ба 1 миллиард сомонӣ расид

ВАРЗОБ. Таваҷҷуҳи сайёҳон ба нуқтаҳои истироҳатӣ афзудааст

08.02.2019


Вазорати меҳнат, муҳоҷират ва шуғли аҳолӣ. Музди миёнаи меҳнат - 1220 сомонӣ

КУМИТАИ ТЕЛЕВИЗИОН ВА РАДИО. Сифати кори шабакаҳо беҳтар мешавад

КҲФМГ. Офатҳои табиат 34 миллион самонӣ хисорот овард

Саноатикунонӣ дар Шаҳринав

Меъёри бозтамвил ба 14 дарсад поён фаромад

ШАҲРИ ВАҲДАТ. Иҷрои барзиёди андози иҷтимоӣ

ТАНЗИМ. Қонуншиканӣ коҳиш ёфтааст

СОҲИЛ. Корҳои мустаҳкамсозӣ вусъат меёбанд

ДДСТДТ. Авлавият ба рушди ҳунарҳои мардумӣ


Дар сомонаҳои дигари Тоҷикистон хонед