logo

маориф

Таҳсилоти фарогир, яъне чӣ?

Ҷалби кӯдакони маъюб ба таълим


Дар шаҳри Душанбе Конфронси дуюми байналмилалӣ бахшида ба масъалаҳои рушди таҳсилоти фарогир дарТоҷикистон баргузор гардид. Онро Вазорати маориф ва илми ҷумҳурӣ, Академияи таҳсилотиТоҷикистон ва шуъбаи ташкилоти байналмилалии Институти Ҷамъияти кушодаи «Бунёди мадад» дар Тоҷикистон, дастгирӣ намуданд. Дар конфронс раванди татбиқи "Консепсияи миллии таҳсилоти фарогир барои кӯдакони дорои имкониятҳои маҳдуд дар Ҷумҳурии Тоҷикистон барои солҳои 2011-2015" мавриди баррасӣ қарор гирифт. Иштирокдорон оид ба масъалаҳои  ҷалби  кӯдакони маъюб ба таҳсил ва роҳҳои ҳалли он, таҳсилоти фарогир табодули таҷриба намуда, принсипҳои сиёсати маорифро ҷиҳати  пешниҳоди имкониятҳои баробар барои ба даст овардани таҳсилоти босифат ва роҳҳои инкишофи қобилияти кӯдакон дар сатҳи байналмилалӣ изҳори андеша намуданд. 
Маҳз таълим усули асосии иҷтимоигардонии шахсият аст  ва таҷрибаҳо собит сохтанд, ки як қисми кӯдакон ба низоми сангини  таълим тоб наоварда, онро тарк менамоянд. Яъне онҳо дар таҳсил ба муваффақият ноил шуда наметавонанд. Чунки ин низом ба қонеъ гардонидани талаботи инфиродии таълимии чунин кӯдакон ҷавобгӯ  нест. 
Таҳсилоти фарогир ба ҳамаи кӯдакон барои дастрасӣ пайдо намудан ба таълим имкониятҳои баробар медиҳад. Ин дар навбати худ  кӯдакони дорои имкониятҳои маҳдуддоштаро  ба зиндагии фаъолона ва идомаи таҳсил ҳавасманд месозад, - зикр гардид дар конфронс. Аз ҷумла, Ҳамза Давлатов, сармутахассиси Раёсати таҳсилоти томактабӣ ва миёнаи умумии Вазорати маориф ва илми ҷумҳурӣ, таъкид кард, ки ҳоло дар кишвар зиёда аз 25 ҳазор нафар кӯдак маъюб аст, вале  дар  баъзе оилаҳо кӯдакони маъюбро  пинҳон медоранду барояшон ҳуҷҷатҳои маъюбӣ таҳия намекунанд.
Лозим ба ёдоварист, ки дар кишвар  5026 нафар кӯдаки  маъюб  ба таҳсил фаро гирифта шудааст, ки 1927 нафари онҳо духтаронанд. Аз онҳо 197 нафар нобино, 1673 нафар бо биноии суст, 485 нафар кару гунг, 1321 нафар аз ҷиҳати ақлонӣ заиф, 576 нафар фалаҷи сутунмуҳра ва 2051 нафар дигар навъ маъюбонанд.
Таҳти мафҳуми "фарогир" на танҳо имкониятҳои баробар барои ҳама, балки стратегияҳо ва тартиботи кафолатдиҳандаи таҳсилоти муваффақ барои тамоми хонандагон низ фаҳмида мешавад.
Таҳсилоти фарогир - системаи хадамоти таълимие мебошад, ки ба принсипҳои таъмини ҳаққи бунёдии кӯдак ба таҳсилот, ҳаққи таҳсил кардан дар ҷойи истиқомат асос ёфтааст ва таҳсилро дар шароитҳои мактабҳои таҳсилоти  миёна пешбинӣ менамояд. Ба мақсади фароҳам сохтани дастрасии баробар ба таҳсилоти босифат, муассисаҳои таълимии фарогир бояд барнома ва нақшаҳои таълимӣ, усулҳо ва шаклҳои таълим, захираҳои маҳаллии мавҷударо барои қонеъ намудани талаботи инфиродии кӯдакони дорои эҳтиёҷоти махсуси таҳсилӣ мутобиқ гардонанд. Муассисаҳои таълимии фарогир доираи хадамоти махсуси иҷтимоиро мувофиқи талаботи кӯдакон таъмин менамоянд.

Нигинаи РАҲМОН,
"Ҷумҳурият"


Баёни ақида (0)    Санаи нашр: 21.12.13    №: 165    Мутолиа карданд: 555

18.09.2018


САМБО. Дурахши варзишгари навраси тоҷик дар Аврупо

Иди асал дар Душанбе

КӮЛОБ. Боз ду меҳмонхонаи нав ба истифода дода шуд

Ҷаҳон дар як сатр

ӮЗБЕКИСТОН. Оғози машқҳои низомии муштарак

Теъдоди қурбонии тӯфони «Мангхут» аз 60 нафар гузашт

Дифои Вазорати ҳуқуқи инсони Покистон аз ҳуқуқи занҳо

Таҳсили фосилавӣ ба ҳар хонандаи ҷопонӣ дастрас шуд

Дар Остона ба хариди партов шурӯъ карданд

17.09.2018


НОҲИЯИ РӮШОН. Сарҳадбонон соҳиби бинои наву замонавӣ шуданд

Баргузории фестивали шаҳрии эҷодиёти кӯдакон

“КӮКНОР-2018”. Мусодираи беш аз 550 килограмм маводи нашъаовар дар Хатлон

ФУТБОЛ. "Хуҷанд" ба пеш баромад

11.09.2018


ДУШАНБЕ МИЗБОНИ СОҲИБКОРОНИ ҶАҲОН

ДЕВАШТИЧ. БУНЁДКОРИҲОИ НОҲИЯ НАМУНАИ ИБРАТАНД

МАРЗ. Боздошти қочоқбарон

КӮЛОБ. ИФТИТОҲИ БОҒЧАИ НАВ

05.09.2018


БӮСТОН. Бунёди чор иншооти нав

ФУТБОЛ. Дар Тоҷикистон мусобиқаҳои байналмилалӣ доир мегарданд

Ориф Алвӣ 13-умин президенти Покистон интихоб гашт

Дар Арабистони Саудӣ барои маводи тахрибӣ дар интернет зиндонӣ мекунанд

Дар Гуҷарат сохтмони баландтарин ҳайкали дунё анҷом меёбад

Ҳиндустон барномаи нави кайҳониро амалӣ месозад

04.09.2018


Боздиди Сарвазири мамлакат аз иншооти гармидиҳии шаҳри Душанбе

Ба иштирокчиёни ҶБВ кумаки моддӣ расонда мешавад

Нахустини Форум байналмилалии санъати мақом баргузор хоҳад гашт

ЛЕВАКАНТ. Тантанаҳои истиқлолият

ФАЙЗОБОД. Ҳиммати як соҳибкор

ИШТИРОКИ ТИМИ МИЛЛӢ ДАР МУСОБИҚАИ BANGABANDHU GOLD CUP"

«ДИ» тахрибкоронашро ба Русия, Аврупо ва Осиё мефиристад

ХФА: "Даромади «Давлати исломӣ» 10 маротиба коҳиш ёфт"

Чин барои рушди ҶАҶ $60 миллиард ёрии молиявӣ мерасонад

Таҳримоти ғарбӣ метавонанд садди барқарорсозии Сурия гарданд

ҶАҲОН ДАР ЯК САТР


Дар сомонаҳои дигари Тоҷикистон хонед