logo

маориф

ГИРАНДАГОНИ СТИПЕНДИЯИ «ДУРАХШАНДАГОН» 300 НАФАРАНД, АММО…

Теъдоди духтарони донишҷӯ нисбат ба писароне, ки гирандаи стипендияи байналмилалии Президенти Тоҷикистон «Дурахшандагон»-анд, дар донишгоҳҳои хориҷи кишвар бамаротиб кам буда, донишҷӯёни бидуни квота таҳсил мекарда ниёз ба дастгирии молии Ҳукумати ҷумҳурӣ доранд.
Айни ҳол аз ҳисоби квотаҳои Ҳукумати ҷумҳурӣ ва кишварҳои хориҷӣ ҷудошуда аз Тоҷикистон 2 441 донишҷӯ дар хориҷа таҳсил доранд, ки 300 - нафари онҳо стипендияи байналмилалии Президенти Тоҷикистон «Дурахшандагон»-ро мегиранд.

Ивазшавии кадрҳо - ислоҳоти ҷомеа
Бозгашти кадрҳои ҷавон аз хориҷа ва фаъолияти онҳо дар ҷомеа  рағбати ҷавононро барои таҳсил дар хориҷи кишвар   зиёд гардонидааст. Самариддин Афғонов, директори Маркази барномаҳои байналмилалии Вазорати маориф ва илм, гуфт, ки «соли 2013 барои «Дурахшандагон» 6 миллиону 200 ҳазор сомонӣ ҷудо карда шуд. Моҳи феврали соли ҷорӣ  ду нафар ба донишгоҳҳои Аврупо, яке ба Венгрия ва дигаре ба Чехия барои таҳсил мераванд. Имсол барои таҳсил дар Амрико ҳам стипендияи байналмилалии Президенти Тоҷикистон «Дурахшандагон» ҷудо карда шудааст»,-зикр кард Самариддин Афғонов.

Панҷ соли кори ҳатмӣ дар мақомот
Нусрат Тешаев, мудири бахши Аврупо ва Амрикои Маркази барномаҳои байналмилалии Вазорати маориф ва илм, мегӯяд, ки ҳоло 30 донишҷӯи тибқи квотаи президентӣ дар донишгоҳҳои кишварҳои хориҷӣ таҳсилкарда ба ватан баргашта, дар мақомоти гуногуни давлатӣ фаъолият доранд.
«Роҳкирои ононе, ки аз тариқи квотаи президентии «Дурахшандагон» таҳсил доранд, як маротиба аз ҳисоби маблағҳои президентӣ пардохт мегардад. Дар сурати набудани  хобгоҳ маблағи иҷорапулиро ҳам Тоҷикистон пардохт мекунад. Ҳатто маблағи суғурта ҳам дода  мешавад»,- зикр кард ҳамсуҳбатам.
Ҳоло 236 ҷавони тоҷик дар мактабҳои олӣ ва аспирантураи 64 кишвари хориҷӣ дар риштаи илмҳои дақиқу замонавӣ аз рӯйи 50 ихтисос таҳсил мекунанд. 

Теъдоди донишҷӯён дар хориҷа меафзояд 
Маҳмудхон Шоев, сардори маркази матуботи Вазорати маориф ва илм, мегӯяд, ки солҳои охир миқдори квотаҳои кишварҳои хориҷӣ низ барои ҷавонони тоҷик зиёд гардидааст.
Дар Русия - 1624, Қазоқистон - 128, Чин - 122, Туркия - 30, Беларус - 30, Қирғизистон - 25, Украина 20  ҷавон таҳсил карда истодаанд, - гуфт Маҳмудхон Шоев.
Ҷавононе, ки тибқи квотаи Ҳукумати ҷумҳурӣ дар донишгоҳҳо таҳсил мекунанд, бояд баъди хатми таҳсилот панҷ сол дар Тоҷикистон фаъолият намоянд.
Шоҳин Самадов, котиби сеюми  раёсати иттилоот, матбуот, таҳлил ва тарҳрезии сиёсати хориҷии Вазорати корҳои хориҷӣ, ҳам дар хориҷи кишвар таҳсил кардааст.
Ӯ мегӯяд, ки таҳсил дар хориҷа барояш ду маротиб муяссар шудааст. Бо дастгирии молии  Вазорати корҳои хориҷӣ Академияи дипломатии Русия ва Анҷумани хабарнигорони Иттиҳоди Давлатҳои Мустақили Донишгоҳи давлатии Маскавро хатм кардааст.
Нилуфари Азиз, ҳамсуҳбати дигари мо, унвонҷӯи риштаи аспирантураи Донишгоҳи давлатии Беларус мебошад. Ӯ изҳор медорад, ки бо дастгирии молиявии Маҷлиси намояндагони Маҷлиси Олии кишвар таҳсил дорад. 
Ҳар ду ҳамсуҳбатам гуфтанд, ки агар дастгирии Ҳукумати кишвар намешуд, ин бахт ба рӯяшон намехандид. Донишҷӯёни дигаре, ки бидуни квота дар хориҷи кишвар таҳсил мекунанд, аз Ҳукумати Тоҷикистон дастгирии моддиро интизоранд. Ин гурӯҳи ҷавонон дар озмунҳои барномаҳои байналмилалии омӯзишӣ аз тариқи шабакаҳои иҷтимоӣ ширкат намуда, роҳхати донишҷӯиро ба даст овардаанд.

Моро дастгирӣ намоед
Шеравган Нурҷонов, шаҳрванди Тоҷи-кистон, ки ҳоло дар Малайзия дар риштаи технология таҳсил мекунад, мегӯяд, ки агар ҳадди ақал Ҳукумати кишвар моро бо стипендия ё маблағи рафту омад таъмин  мекард,  мушкилотамон кам мегардид.
Самариддин Афғонов мегӯяд, ҷавононе, ки худ мустақиман ва ё аз тариқи шабакаҳои иҷтимоӣ ба хориҷа барои таҳсил рафтаанд, имкони дастгирӣ ёфтан аз Ҳукуматро доранд. Ӯ изҳор дошт:  «Ин донишҷуён дар сурати шаш моҳ бо баҳои аъло хондан, интизоми намунавӣ нишон додан агар ба Маркази барномаҳои байналмилалии Вазорати маориф ва илм муроҷиат намоянд, ба онҳо стипендияи байналмилалии Президенти Тоҷикистон «Дурахшандагон» дода мешавад. Ёсуман Қодирӣ, донишҷӯи тоҷик дар Малайзия, ба мо муроҷиат кард, кумак расонидем».
Аммо, теъдоди духтарон миёни гирандагони  стипендияи  «Дурахшандагон» нисбат ба писарон кам аст,  чунончи дар  солҳои 2011- 6, 2012 - 6 ва 2013 духтарон ҳамагӣ 10 нафар будаанд.
Самариддин Афғонов мегӯяд, ки бо назардошти расму оини  шарқиёнаи хонаводаҳо ба духтарон камтар иҷозаи таҳсил дар Аврупо дода мешавад. Кишварҳои Осиёи Миёна, албатта, истисност.
Аммо  Ганҷина Соҳибова, як духтар, ки талош дошт ба Малайзия барои таҳсил равад, мегӯяд, ки норасоии буҷети оилавӣ монеи ин тасмимаш шуд.
«Имтиёзи дохил шудан ба яке аз донишгоҳҳои Малайзияро тавассути иштирок дар як озмун ба даст овардам. Аммо модарам иҷозат надод, зеро буҷети оилавӣ намерасид ва қарор доданд, ки бародарам ба ҷойи ман ба таҳсил равад. Зеро вай метавонад ҳам кор кунад ва ҳам таҳсил». 
Коршиносон мегӯянд, ки раванди таҳсили ҷавонон дар донишгоҳҳои кишварҳои хориҷӣ заминаи ҳамқадамӣ бо илмҳои муосирро дар Тоҷикистон фароҳам оварда, ҷалби ҷомеаро ба илмомӯзӣ метезонад.
Ҳарамгули ҚОДИР,
«Ҷумҳурият»


Баёни ақида (0)    Санаи нашр: 11.01.2014    №: 9    Мутолиа карданд: 3936
07.04.2020


ДУШАНБЕ. ҶАМЪБАСТИ ОЗМУНИ «САЙРИ ГУЛИ ЛОЛА»

БОЗИҲОИ ОЛИМПӢ. ТОҶИКИСТОН ЛИБОСИ ЯГОНААШРО ИНТИХОБ КАРД

НАМОИШИ КИТОБИ КӮДАКОНУ НАВРАСОН

АМРИ ДИЛ. ҶАВОНОНИ СУҒД ИХТИЁРАН БА ХИЗМАТИ ҲАРБӢ РАФТАНД

ДОРУИ КОРОНАВИРУС ДАР РОССИЯ ҲАФТАИ ОЯНДА ПАЙДО МЕШАВАД

ДАР ТОҶИКИСТОН БАРОИ ПЕШГИРӢ АЗ КОРОНАВИРУС СУРАТҲИСОБ КУШОДАНД

ҲАВОИ ГАРМ МЕТАВОНАД ПАНДЕМИЯРО АЗ БАЙН БАРАД?

РОССИЯ БА ЧИН 80 МИЛЛИОН НИҚОБ ФАРМОИШ ДОД

БАРОИ ПЕШГИРӢ АЗ КОРОНАВИРУС ОБНӮШИИ ЗИЁД ТАВСИЯ ШУД

Ҷаҳон дар як сатр

06.04.2020


ЧЕМПИОНАТИ ТОҶИКИСТОН – 2020. ДАСТАИ «ХАТЛОН» ОНРО БО ПИРӮЗӢ ОҒОЗ КАРД

ВМКБ. ЯК ҲАМОИШИ МУҲИМ

НУРОБОД. АЗ «ЧАКОМАИ ГЕСУ» ТО “ЗАН ВА ТОЗАГӢ”

03.04.2020


ВАРЗОБ. ТАВАҶҶУҲ БА ВАРЗИШ МЕАФЗОЯД

«ЮВЕНТУС» РОНАЛДУРО БА 70 МИЛЛИОН ЕВРО ФУРӮХТАНИСТ

ТЕЪДОДИ АШХОСИ АЗ КОРОНАВИРУС ШИФОЁФТА АЗ 200 ҲАЗОР НАФАР ГУЗАШТ

ТОҶИКИСТОН БА ИСТЕҲСОЛИ НИҚОБИ ТИББӢ ВА ЛИБОСИ МАХСУС ШУРӮЪ НАМУД

СУТ: «БЕШ АЗ 95 ДАРСАДИ ҚУРБОНИЁНИ COVID-19 ДАР АВРУПО АШХОСИ КАЛОНСОЛАНД»

ПУТИН ТО ОХИРИ АПРЕЛ ИСТИРОҲАТ ЭЪЛОН КАРД

ДАР ЭРОН БЕШ АЗ 15 ҲАЗОР МУБТАЛОИ КОРОНАВИРУС СИҲАТ ШУД

Ҷаҳон дар як сатр

02.04.2020


МАШВАРАТИ КОРИИ МУОВИНИ РАИСИ МАҶЛИСИ НАМОЯНДАГОН БО ВАКИЛОНИ МАРДУМӢ

ҶАВОНОНИ ТОҶИКОБОД БА САФИ ҚУВВАҲОИ МУСАЛЛАҲ ПАЙВАСТАНД

САЙЁҲӢ. ТАШКИЛИ 12 ХАТСАЙРИ НАВ

ШИРКАТИ 42 ЛЕГИОНЕР ДАР ЧЕМПИОНАТИ НАВБАТИИ ТОҶИКИСТОН

СУТ РАСМАН ДАР ТОҶИКИСТОН НАБУДАНИ КОРОНАВИРУСРО ТАСДИҚ НАМУД

ГАРДИШИ МОЛ МИЁНИ ТОҶИКИСТОН ВА КИШВАРҲОИ СҲШ АЗ НИМ МИЛЛИАРД ДОЛЛАР БОЛО РАФТ

АРАБИСТОНИ САУДӢ: "АЗ САФАР БА ҲАҶ ХУДДОРӢ КУНЕД!"

СОКИНИ 101 - СОЛАИ НИДЕРЛАНД АЗ COVID-19 ҶОН БА САЛОМАТ БУРД

Ҷаҳон дар як сатр

01.04.2020


ХАТЛОН. ҶОИЗА БАРОИ МУҲАҚҚИҚОНИ ИЛМҲОИ ТАБИАТШИНОСӢ ВА ДАҚИҚ

СУҒД. БЕШ АЗ 30 КОРХОНАИ ИСТЕҲСОЛИ ОРДУ РАВҒАН

НУФУЗИ САЙЁҲИИ ТОҶИКИСТОН МЕАФЗОЯД

ФАЪОЛИЯТИ ҲУҚУҚЭҶОДКУНӢ БА МАРҲИЛАИ СИФАТАН НАВ ВОРИД ШУД

«ҚАҲРАМОНИ АБАДӢ - ТЕМУРМАЛИК» ДАР ҶУМҲУРИИ КОРЕЯ БА ТАБЪ РАСИД


Дар сомонаҳои дигари Тоҷикистон хонед