logo
Омодагии «Хайр» ба бозӣ бо қаҳрамони футболи Бангладеш                                                                                                                                                                                                                   Рӯнамоии «Таърихи адабиёти тоҷик»                                                                                                                                                                                                                   Саида Ғаффорова – омӯзгори беҳтарини Тоҷикистон - 2014                                                                                                                                                                                                                   Раиси Суғд ба Комроншоҳ хона ҳадя кард                                                                                                                                                                                                                   Сафорат: «Тоҷикон дар Донбасс намеҷанганд»                                                                                                                                                                                                                   Гуфтугӯ бо кормандони милитсияи Хатлон                                                                                                                                                                                                                   Ҷаласаи Шӯрои амнияти СААД дар Маскав                                                                                                                                                                                                                   Дастгирии иқдоми нави Тоҷикистон дар Маҷмаи умумии СММ                                                                                                                                                                                                                   

ҳуқуқ

ҲАР ҶИНОЯТЕ ҶАЗО ДОРАД

Салимзода Шерхони Одина,
Прокурори генералии Ҷумҳурии Тоҷикистон  

Кормандони мақомоти прокуратура баҳри таъмини волоияти қонун, ҳимояи ҳуқуқу озодиҳои инсон, манфиатҳои давлат ва ҷомеа, риояи дақиқ ва иҷрои якхелаи қонунҳо, мубориза бо ҷинояткорӣ тадбирҳои мушаххас андешида, натиҷаҳои назаррас ба даст оварданд.
Баррасии холисонаи муроҷиатҳои шаҳрвандон, қабули онҳо аз ҷониби роҳбарияти мақомоти прокуратура беҳтар гардида, дар вилоятҳо ва шаҳру ноҳияҳо бо иштироки дигар ниҳодҳои давлатӣ  қабули сайёри шаҳрвандон роҳандозӣ шуд, ки самараи хуб дод. Дар натиҷа ба мақомот беш аз 15 700 нафар муроҷиат кард, ки аз он 12 700 муроҷиат  бевосита аз ҷониби мақомот баррасӣ гашт. Наздик ба 2000 ё 15 фоизи муроҷиатҳо асоснок буда, талаби шаҳрвандон қонеъ ва ҳуқуқҳои поймолгаштаи онҳо барқарор карда шуданд. Вале ҳанӯз дар ин самт, бахусус дар фаъолияти вазорату идораҳо, мақомоти иҷроияи маҳаллии ҳокимияти давлатии шаҳру ноҳияҳо ва ташкилоту муассисаҳо камбудию қонуншиканиҳо пурра аз байн нарафтаанд. Масалан, 610 нафар, ки баррасии холисона ва ҳаматарафаи муроҷиатҳоро таъмин накардаанд, ба ҷавобгариҳои интизомию  маъмурӣ кашида, нисбат ба ашхоси гунаҳгор 41 парвандаи ҷиноятӣ оғоз карда шуд.
Ҳуқуқу озодиҳои инсон, инчунин ба воситаи пурзӯр намудани назорати интизоми бақайдгирӣ ва андешидани тадбирҳои муассир оид ба ҷиноятҳо, муайян ва ошкор намудани ҷиноятҳои пинҳонмонда ҳифз карда шуданд. 
Бо дастгирии Вазорати корҳои дохилӣ ва дигар мақомоти ҳифзи ҳуқуқ дар соли 2013 18 336 ҷиноят (аз ин 5 116 аз тарафи мақомоти прокуратура) ба қайд гирифта шуд, ки 1 740 адад ё 10,5 фоиз назар ба соли 2012 ва қариб 6 000 ё 48 фоиз нисбат ба соли 2009 зиёд мебошад. Аз ин 1 114 ҷиноятҳои пинҳонкарда аз тарафи мақомоти прокуратура ошкор гардид. Ҳоло ҳам ҷиноятҳои пинҳонмонда зиёд мебошанд ва дар соли 2014 ба ин масъала диққати ҷиддӣ дода мешавад.
Мақомоти тафтишоти ҷумҳурӣ бо анҷоми тафтишоти пешакӣ 8 294, аз ҷумла мақомоти прокуратура 2 637 парвандаи ҷиноятиро ба судҳо ирсол намуданд, ки мутаносибан  626 ва 325 адад зиёд мебошад.
Бо кӯшиши мақомоти ҳифзи ҳуқуқ соли 2013 дар ҷумҳурӣ 1 250 авбошӣ муайяну ошкор ва гунаҳкорон ба ҷавобгарӣ кашида шуданд, ки 386 адад ё 46 фоиз зиёд аст. Чунин ҳолатҳо бештар дар шаҳри Душанбе – 472, вилоятҳои Суғд - 309, Хатлон - 223, Бадахшон - 3, шаҳру ноҳияҳои Ҳисор - 45, Ваҳдат - 31, Рӯдакӣ - 26 ва Турсунзода - 17 адад рух додаанд. Омили асосии зиёд шудани ҷинояткорӣ дуруст ба роҳ намондани тартиботи ҷамъиятӣ дар маҳалҳо, кори сусти мақомоти иҷроияи маҳаллии ҳокимияти давлатии шаҳру ноҳияҳо, соҳаи маориф, ҷамоатҳо ва аҳли ҷамоат мебошад.
Дар соли 2013 аз муомилоти ғайриқонунӣ 6,7 тонна маводи нашъаовар, аз ҷумла 484 килограмм героин мусодира шудааст, ки  нисбат ба соли гузашта (5 тоннаю 979 килограмм) 708 килограмм зиёд мебошад.
Дар хориҷи кишвар 191 (344) шаҳрванди Тоҷикистон дастгир ва аз онҳо 648 килограмм маводи нашъаовар мусодира карда шуд.
Зиёд сабт гардидани ҷиноятҳо аз фаъолияти самараноки мақомоти ҳифзи ҳуқуқ шаҳодат медиҳад. Лекин, афзоиши ҷиноятҳое, ки пешгирии онҳо ба мақомоти давлатӣ вобастааст, низ ба мушоҳида мерасанд. Аз ҷумла, куштор (118/106) 10,5 фоиз, қасдан расондани зарари вазнин ба саломатӣ (107/91) 17, 5, қаллобӣ (2524/2043) 23, 5, авбошӣ (1249/856) 50 фоиз зиёд шудааст, ки боиси ташвиш мебошад. Ин ҳолатҳо дар ҳамаи вилоятҳо ва шаҳру ноҳияҳо ба чашм мерасанд.
Ҳодисаҳои худкушӣ дар соли гузашта камтар шуда бошанд ҳам, ҳанӯз ташвишовар боқӣ мемонанд. Дар ин давра 567 худкушӣ содир шудааст. Мутаассифона дар 407 ҳолат ҷабрдидаҳо ҳалок шудаанд, ки аз ин 100 нафарро ноболиғон ташкил медиҳанд. Дар вилоятҳои Суғд  274 ҳолат, Хатлон 115, Бадахшон 30, шаҳри Душанбе 47, шаҳру ноҳияҳои Рӯдакӣ 21, Турсунзода 14, Ҳисор 11, Ваҳдат, Файзобод, Шаҳринав ва Ҷиргатол  8 ҳодисаӣ рух додаанд.
Боиси таассуф аст, ки соли 2013 - 264 парвандаи ҷиноятӣ нисбат ба 298  корманди мақомоти ҳифзи ҳуқуқ ва сохторҳои низомӣ оғоз шуда, гунаҳкорон ба ҷавобгарӣ кашида шуданд.
Дар давраи ҳисоботӣ мақомоти прокуратура фаъолияти худро асосан ба баланд бардоштани самаранокии санҷишҳо равона карда, назар ба соли 2012- ум 1247 санҷиш кам гузаронданд. Аз рӯи натиҷаи санҷишҳо 19 500 нафар ба ҷавобгарии интизомӣ, моддӣ ва маъмурӣ кашида, 1900 парвандаи ҷиноятӣ оғоз карда шуд. Гузашта аз ин, 273 миллион сомонӣ маблағи зарар муайян ва аз ин 234 миллион сомонӣ барқарор гардид. Ба буҷети давлат 149 миллион сомонӣ ворид гашт. Инчунин 3 338 сар чорво ба тариқи асл барқарор карда шуд.
Дар ҷумҳурӣ вазъи истифодаи замин  беҳтар  гардида  бошад  ҳам, ҳанӯз  дар ин самт қонуншиканиҳо ҷой   доранд.  Дар  асоси   санҷишҳо   2 300 нафар ба ҷавобгарии интизомӣ, моддӣ ва маъмурӣ кашида, 587  парвандаи ҷиноятӣ оғоз ва 402 гектар замин ба ҳолати аввала баргардонда шуд. Баъзан шахсони мансабдори мақомоти иҷроияи маҳаллии ҳокимияти давлатӣ, худидоракунии шаҳраку деҳот ва комиссияҳои ҷамъиятӣ ба ҷойи пешгирӣ ва бартараф намудани қонунвайронкуниҳо, худ даст ба амалҳои ғайриқонунӣ  мезананд. Мисол, муовини якуми раиси ноҳияи Ғончӣ, дар як вақт раиси Комиссияи қонунигардонии молу мулк А. Ахмедов ғайриқонунӣ ба 167 нафар заминҳои наздиҳавлӣ тақсим намуда, дар 45 ҳолат заминҳои холиро ба номи шаҳрвандон ва хешу табораш, ки гӯё дар онҳо иморат доранд, қонунӣ мегардонад. Инчунин, мувофиқи дастури  ӯ раиси корхонаи (КДФ) “Замини Ғончӣ” Эгамбердӣ Худойбердиев барои ҷудо намудани замин аз сокинони ноҳия маблағҳои калони пулӣ ҷамъ менамояд. Вақте қарорҳои ин заминҳо бо эътироз бекор карда мешаванд, пулҳои ҷамъовардаро А. Ахмедов барнамегардонад. Э. Худойбердиев бо роҳи худкушӣ худро ба ҳалокат мерасонад ва дар хатчаи пеш аз маргаш ин ҳолатҳоро сабт кардааст.
Бо вуҷуди он ки номбурда ҷиноят содир кардааст, маҷлиси вакилони халқи ноҳияи Ғончӣ таҳти раисии  З. Исмоилов пешниҳоди мақомоти прокуратураро дар бораи гирифтани розигӣ барои ба ҷавобгарӣ кашидан ва ҳабс намудани А. Ахмедов рад менамояд. Баъдан бо дастгирии раиси вақти вилоят муҳтарам Қоҳир Расулзода розигӣ гирифта шуда, А. Ахмедов ба ҷавобгарӣ кашида шуд.
Боиси нигаронист, ки бисёр раисони шаҳру ноҳияҳо ваколати Ҳукумати Ҷумҳурии Тоҷикистонро ба худ раво дида, заминҳои кишоварзиро барои истифодаи ғайрикишоварзӣ ҷудо менамоянд. Масалан, дар ноҳияи Рӯдакӣ ба шаҳрванд Ш. Сӯфиев  5 га, шаҳри Ваҳдат ба ҶДММ “Эраҷ-К” 4,5 га ва ноҳияи Ҷаббор Расулов ба ҶДММ “Поверфил” 8,5 га заминҳои кишоварзӣ барои сохтмони заводи хишт ва карери хок ва дар шаҳри Истаравшан ба шаҳрванд А. Қутбиддинов 2,5 га замини кишоварзӣ барои сохтмони бозор дода шудааст, ки ҳамаи онҳо бо эътирози прокурорҳо бекор карда шуданд. Раисон ва аъзои комиссияҳои ҷамъиятии тақсимоти замин ба рӯйхати эҳтиёҷмандон хешу табор, шинос ва ё шахсонеро, ки аз онҳо пул гирифтаанд, ғайриқонунӣ дохил менамоянд.  Аз ҷумла, мудири бахши сохтмон ва меъмории ноҳияи Қумсангир Т. Сафаров дар як вақт котиби комиссияи ҷамъиятӣ, аз шаҳрванд И. Саймуддинов 2000 доллар гирифтааст. Сардори корхонаи лоиҳакашии шуъбаи сохтмон ва меъмории ноҳияи Вахш Т. Ҳакимов дар як вақт котиби комиссия, бо маслиҳати пешакӣ бо масъулони Ҷамоати деҳоти Рӯдакӣ худаш ва фарзандашро ба рӯйхати эҳтиёҷмандон дохил намуда, соҳиби замин шудааст. Дар ноҳияи Қубодиён ба шаҳрванди Ӯзбекистон  Т. Раҳимов замин додаанд. Гунаҳкорони ин кирдорҳо ба ҷавобгарӣ кашида шуданд.
Назорати давлатии истифода ва ҳифзи замин ба зиммаи Кумитаи давлатии идораи замин ва геодезӣ вогузор шуда бошад ҳам, пешгирию бартарафсозии қонуншиканиҳо дар маҳалҳо таҳти назорати воқеӣ қарор надоранд. Ҳолатҳои дар вазифаҳои масъули мақомоти заминсозӣ шахсони чандин маротиба барои ҷиноятҳо дар соҳаи замин ба ҷавобгарӣ кашидашуда, адои вазифа менамоянд. 
Чунончи, С. Қосимов дар солҳои 2006 - 2012 чор маротиба барои ҷиноятҳои коррупсионӣ бо ҳукмҳои судӣ гунаҳкор дониста шуда бошад ҳам, боз бо фармони директори корхонаи “Марказ-замин”- и Кумитаи заминсозӣ аз 4 июни соли 2012 ба вазифаи  директори корхонаи “Замини Роғун” таъйин мешавад. (Баъд ӯ тавассути чораҳои таъсиррасонии прокурорӣ аз вазифа озод карда шуд).
Дар ин давра ба риояи қонунҳо дар фаъолияти мақомоти иҷроияи маҳаллии ҳокимияти давлатӣ ва худидоракунии шаҳраку деҳот таваҷҷуҳи хос зоҳир гашта, ба 554 қарори раисони шаҳру ноҳияҳо, бинобар ғайриқонунӣ буданашон, эътироз оварда шуд, ки аз он 452 қарор оид ба замин мебошад.
Бе риояи талаботи қонунгузорӣ ҳолатҳои аз ҷониби судҳо эътироф намудани ҳуқуқи соҳибмулкӣ ба сохтмонҳои худсарона дар заминҳои ғайриқонунӣ ғасбшуда, то ҳол аз байн нарафтааст. 
Санҷишҳои прокурорӣ нишон доданд, ки истифодаи самараноки маблағҳои давлатӣ, хусусан буҷетӣ на дар ҳама ҳолатҳо таъмин карда мешаванд. Ҳодисаҳои азхудкунии ин маблағҳо ҷой доранд.
Аз ҷумла дар филиалҳои БДА “Амонатбонк” дар шаҳрҳои Қӯрғонтеппа, Кӯлоб, Конибодом ва дигар филиалҳои ноҳиявӣ ба маблағи  қариб 6,3 миллион сомонӣ, дар КВД “Навъҳои тухмии сабзавот” 1,8 миллион сомонӣ маблағҳои буҷетӣ, ки барои хариди тухмии картошка ҷудо шудааст, дар мактаби  № 42-и ноҳияи Қубодиён 101 ҳазор сомонӣ маблағҳои буҷетӣ, дар хоҷагии “Ҳулбук”-и  ноҳияи Восеъ 174 сар чорво ба маблағи 103 ҳазор сомонӣ, “Россия”-и  ноҳияи Айнӣ 70 сар чорво ба маблағи 124 ҳазор сомонӣ ва “Заргар”-и  шаҳри Ваҳдат 178 ҳазор сомонӣ, маблағҳои барои кишт ҷудошуда, ошкор ва парвандаҳои ҷиноятӣ оғоз карда шуданд. Мақомоти прокуратура дар ҳамкорӣ бо Кумитаи андоз оид ба пинҳонкунии андозҳо 36 парвандаи ҷиноятӣ ба маблағи зиёда аз 40 миллион сомонӣ оғоз кардааст, ки дар 18 ҳолат маблағи ошкоргардида бо ҳар яки онҳо зиёда аз 1 миллион сомониро ташкил медиҳад. Аз маблағи зарари ошкоршуда 12 миллион сомонӣ барқарор шудааст.
Вобаста ба гирифтан ва додани пора мақомоти прокуратура 66 ҳолатро ошкор ва парвандаҳои ҷиноятӣ оғоз намудааст, ки маблағ аз рӯи онҳо зиёда аз 650 ҳазор сомониро ташкил медиҳад. Аз ҷумлаи инҳо 22 нафар, ки ба кормандони прокуратура ва дигар мақомот пора додаанд, ошкор ва ба ҷавобгарӣ кашида шуданд. Ин, албатта, ба пешгирии коррупсия дар фаъолияти кормандони мақомоти ҳифзи ҳуқуқ мусоидат мекунад.
Бинобар риоя накардани қоидаҳои ҳифзи меҳнат ва техникаи бехатарӣ 115 ҳодисаи нохуши истеҳсолӣ рух додааст, ки дар 41 ҳолат бо фавти кормандон анҷом ёфта, нисбат ба шахсони гунаҳгор 56 парвандаи ҷиноятӣ оғоз карда шудааст.
Вазъи пардохти музди меҳнат дар ташкилотҳои тиҷоратӣ боиси нигаронист. Аз рӯи маълумоти мавҷуда, қарзи музди меҳнат ба 1 декабри соли 2013 – 33 миллион сомониро  ташкил медиҳад. Нисбат ба ашхоси гунаҳгор 61 парвандаи ҷиноятӣ оғоз карда,  41,5 миллион сомонӣ қарзи музди меҳнати кормандон рӯёнда шудааст.
Хизматрасониҳо дар соҳаи нақлиёт ва мусофиркашонӣ  ба талабот ҷавобгӯ набуда, аз тарафи Вазорати нақлиёт, мақомоти иҷроияи маҳаллӣ, ташкилоту муассисаҳои мусофирбар ва дигар субъектҳои соҳа ғайриқонунӣ аз меъёри муқарраршуда зиёд ситондани маблағҳои роҳкиро, ба мушоҳида мерасад. Мураккаб будани ҷараёни барасмиятдарории ҳуҷҷатҳо барои  машғул шудан ба фаъолияти нақлиётӣ ва бо роҳи сохтакорӣ тайёр намудан ва истифодаи ҳуҷҷатҳои бақайдгирии давлатии ҳавопаймоҳо далели фаъолияти сусти вазорат ва фурудгоҳҳо мебошад, ки ҷиҳати пешгирӣ ва бартараф намудани онҳо чораҳои  муассир андешида шуданд.
Батаъхирандозии вақти парвози ҳавопаймоҳо дар ширкатҳои ҳавопаймоӣ ва фурудгоҳҳо ба ҳукми анъана даромадааст. Танҳо дар соли 2013 дар фурудгоҳи байналмилалии Душанбе қариб 700 ҳодисаи бо сабабҳои гуногун ба таъхир мондани парвозҳо ба қайд гирифта шудааст, ки дар натиҷа мусофирон муддатҳои тулонӣ дар фурудгоҳ сарсон гардида, ҳуқуқу манфиатҳояшон поймол шудаанд.
Назорати иҷрои қонунгузорӣ оид ба таъмини амнияти санитарию эпидемиологии аҳолиро ба роҳ монда, ҷиҳати пешгирӣ ва бартараф намудани қонуншиканиҳо 2755 нафар ба ҷавобгарии интизомӣ, моддӣ ва маъмурӣ кашида, 74  парвандаи ҷиноятӣ оғоз карда шуд.
Дар самти риояи талаботи қонунгузорӣ дар бораи ҳифзи саломатии аҳолӣ, бахусус пешгирии бемориҳои сироятӣ қонунвайронкуниҳо ошкор карда шуданд.
Ҳарчанд Вазорати тандурустӣ ва ҳифзи иҷтимоии аҳолӣ ҷиҳати пешгирӣ ва мубориза бо бемории вируси норасоии масунияти одам, бахусус баланд бардоштани маърифати аҳолӣ оид ба масъалаҳои пешгирии ин беморӣ корҳои муайянро ба сомон расонда бошад ҳам, вазъи сироятёбӣ  ба ин намуди беморӣ боиси нигаронист.  Ҳолати сироятёбӣ ба ин беморӣ дар байни кӯдакон ниҳоят ташвишовар мебошад.
Тайи соли 2013 дар миқёси ҷумҳурӣ зиёда аз 140 ҳазор маърака гузаронда шуда, мутаассифона, на дар ҳама маврид талаботи қонуни танзим риоя мешавад. Аз тарафи мақомоти прокуратура 327 ҳолати қонуншиканӣ ошкор гардид. Минбаъд дар ин самт мо фаъолиятро пурзӯр менамоем.
Иҷрои амали Қонуни Ҷумҳурии Тоҷикистон “Дар бораи масъулияти падару модар дар таълиму тарбияи фарзанд”, бахусус дар мавриди пешгирии ҳуқуқвайронкунӣ ва ҷинояткорӣ дар байни ноболиғон ва ҷавонон яке аз самтҳои афзалиятноки фаъолияти мақомоти прокуратура ба ҳисоб рафта, аз тарафи кормандони мақомот 1 400 суҳбату вохӯрӣ гузаронда,  242 маротиба тавассути воситаҳои ахбори омма мазмуну муҳтавои қонун ба мардум фаҳмонда шуд.
Дар ин самт мақомоти прокуратура санҷишҳо гузаронда, 1 560 нафарро ба ҷавобгарии интизомӣ, моддӣ ва маъмурӣ кашида, 331 парвандаи ҷиноятӣ, аз ин 114 оид ба монеъ шудан ба духтарони синни мактабӣ барои гирифтани таҳсилоти умумии ҳатмӣ оғоз карда шудааст.
Дар натиҷаи пурзӯр намудани пешгирӣ ва мубориза бо ҷинояткории ноболиғон 725 ҷиноят ошкор ва сабт шудааст, ки дар муқоиса ба соли гузашта 100 ҷиноят ё 16 фоиз зиёд мебошад.
Санҷишҳо нишон доданд, ки автоматҳои бозӣ  бо бурди пулӣ баъди қатъ намудани фаъолияташон дар Федератсияи Русия ба ҷумҳурӣ ворид карда шуда, бо истифода аз иҷозатномаҳои Вазорати молия барои ташкилу нигоҳдории кассаҳои тотализатор, идораҳои букмекерӣ ва бозии лото ғайриқонунӣ қиморхонаҳо ташкил намуда, шаҳрвандонро ба бозӣ ҷалб намудаанд. Дар ин нуқтаҳо аксар ноболиғон ва шахсони содалавҳу сабукфикр машғули бозӣ шуда, маблағҳои калони пулӣ бой медиҳанд. Инчунин, ноболиғон филмҳои зӯроварӣ ва фаҳшро тамошо менамоянд, ки ба тарбияи онҳо таъсири манфӣ мерасонад.
Дар асоси чораҳои андешидаи мо, дар ҳамкорӣ бо Вазорати молия, то имрӯз фаъолияти 33 адад чунин нуқтаҳо қатъ карда, 8 парвандаи ҷиноятӣ оғоз карда шудааст. Бо вуҷуди ин, ҳоло ҳам ҳолатҳои зиёди бе иҷозатнома фаъолият намудани чунин нуқтаҳо дар шаҳрҳои Хуҷанд, Қӯрғонтеппа, Норак, Турсунзода, Ваҳдат, ноҳияҳои Рӯдакӣ, Бобоҷон Ғафуров, Ҳисор ва Ёвон ҷой доранд.
Мо корҳои фаҳмондадиҳиро дар самти пешгирӣ ва мубориза бо терроризм ва экстремизм вусъат дода, шахсони гумроҳшударо аз ин роҳ баргардонда истодаем. Аз рӯи маълумоти мақомоти ваколатдор аз 2625 нафар шаҳрванде, ки ғайрирасмӣ дар муассисаҳои таълимии динии шубҳаноки хориҷи кишвар таҳсил менамоянд, қисми зиёдашон баргардонда шуда, 242 нафар боқӣ мондаанд. Санҷишҳои прокурорӣ дар маҳалҳо нишон дод, ки ин рақамҳо воқеият надоранд. Мақомоти иҷроияи маҳаллии ҳокимияти давлатии шаҳру ноҳияҳо ва шуъбаҳои кор бо дини онҳо ба хотири беҳтар нишон додани кори худ, маълумоти дилхоҳро ҳамчун воқеият пешниҳод менамоянд. Мо дар шаҳру ноҳияҳо бо ҷавонони аз кишварҳои хориҷӣ баргашта суҳбату вохӯриҳо доир намудем, ки дар онҳо қисми ками ҷавонон иштирок карданд. Муайян гардид, ки дар бисёр мавридҳо онҳо бинобар ба таҳсил ва кор фаро гирифта нашуданашон ба Федератсияи Русия ё ба ҷои таҳсили пештараашон рафтаанд.
Дар охир мехоҳам таваҷҷуҳи мақомоти дахлдорро ба як масъалаи хеле муҳим ҷалб намоям. Санҷиши қонунгузориҳо дар мақомоти маориф, адлия ва идоракунии ҳарбӣ нишон дод, ки тарбияи ҷавонон дар рӯҳияи худшиносию худогоҳӣ ва ватандустӣ коҳиш ёфта истодааст. Солҳои охир даст кашидан аз тарзҳои миллии номгузорӣ зиёд ба мушоҳида расида, шахсони мансабдори мақомоти давлатӣ ба ин мусоидат менамоянд. Мисол, дар се соли охир дар Донишгоҳи давлатии тиҷорат  177 нафар,  Донишгоҳи омӯзгорӣ 113 ва Донишгоҳи давлатии тиббӣ   223 донишҷӯ аз тарзи миллии номгузорӣ, ки пеш интихоб намуда буданд, даст кашида, ба тарзи пешинаи номгузорӣ (суффиксҳои “ов” ва “вич”) гузаштаанд. Дар ҳамин давра аз ин донишгоҳҳо танҳо 2 нафар тарзи миллии номгузориро интихоб намудаанд. Чунин ҳолат дар дигар мактабҳои олии мамлакат низ дида мешавад. 
Ҳимояи ҳуқуқу озодиҳои инсон, манфиатҳои давлату ҷомеа дар соли 2014 низ дар меҳвари фаъолияти мақомоти прокуратура қарор гирифта, мо баҳри боз ҳам беҳтар намудани натиҷаҳои корӣ ва гирифтани пеши роҳи ҳар гуна қонуншиканӣ дар кишвар, инчунин риояи дақиқ ва иҷрои якхелаи қонунҳо аз тамоми имконоти  дар ихтиёр доштаамон истифода хоҳем кард.
 


Баёни ақида (0)    Санаи нашр: 18.01.2014    №: 14    Мутолиа карданд: 1115

25.12.2014


Дастгирии иқдоми нави Тоҷикистон дар Маҷмаи умумии СММ

Ҷаласаи Шӯрои амнияти СААД дар Маскав

Гуфтугӯ бо кормандони милитсияи Хатлон

Сафорат: «Тоҷикон дар Донбасс намеҷанганд»

Раиси Суғд ба Комроншоҳ хона ҳадя кард

Саида Ғаффорова – омӯзгори беҳтарини Тоҷикистон - 2014

Рӯнамоии «Таърихи адабиёти тоҷик»

Омодагии «Хайр» ба бозӣ бо қаҳрамони футболи Бангладеш

24.12.2014


Вохӯрии Низомиддин Зоҳидӣ бо Алӣ Саряздӣ

Рушди робитаҳои иқтисодӣ бо Тотористон

Ҳамоиши зиёиёни давлатҳои ИДМ дар Маскав

Маълумотҳои нав дар бораи ҷанговарони тоҷик

Таваҷҷуҳ ба хизматрасонии нақлиёти мусофиркаш

Дастгирии занон бештар мегардад

Иқдоми соҳибкорони Роғун

Таъсиси сомонаи «Ҷавонони Тоҷикистон»

Дастаи мунтахаби кишвар дар ҷаҳон 58 - ум аст

23.12.2014


Баррасии ҳамкориҳои Тоҷикистону Британияи Кабир

Боздид бо донишҷӯёни тоҷик

Семинар оид ба ҳамкориҳои байналмилалӣ

Иқдом ҷиҳати дастгирии сокинони Бартанг

«Адабиёти халқҳои ИДМ» ба табъ расид

Истиқболи Соли нави милодӣ дар майдони «Дӯстӣ»

Қурби сомонӣ нисбат ба доллар поин рафт

19.12.2014


Вохӯрии Сироҷиддин Аслов бо Робин Орд Смит

Таваҷҷуҳ ба содироти сабзавоту меваи Тоҷикистон

Ҳамкориҳои Тоҷикистону ИМА дар бахши ҳифзи муҳити зист

Густариши ҳамкориҳо бо Бонки давлатии рушди Чин

Истихроҷи ангишт 65 дарсад афзуд

Имзои лоиҳаи «Протоколи ҳусни ният»

Вокуниши Маркази исломӣ нисбат ба ҳамлаи террористии Пешовар

Туҳфаи солинавӣ - мошини сабукрав

Рафти шудгори замин дар хоҷагиҳои ҷумҳурӣ

Ҳарифони футболбозони тоҷик дар Ҷоми Иттиҳод муайян шуданд


Дар сомонаҳои дигари Тоҷикистон хонед