logo

порлумон

БА ПАНҶ ҚОНУН ТАҒЙИРУ ИЛОВАҲО ВОРИД ГАШТ

Дар ҷаласаи навбатии Маҷлиси намояндагони Маҷлиси Олии Ҷумҳурии Тоҷикистон ба панҷ қонуни ҷумҳурӣ тағйиру иловаҳо ворид ва як созишнома баррасӣ шуд.

Дигаргунӣ дар таъйин ва озод намудани роҳбарони сохторҳои маориф
Нуриддин Саидов, вазири маориф ва илми Ҷумҳурии Тоҷикистон, зимни ворид намудани тағйирот ба Қонуни Ҷумҳурии Тоҷикистон «Дар бораи маориф» иброз дошт, ки лоиҳа ба мақсади мутобиқ намудани қонуни мазкур ба талаботи меъёрҳои Қонуни конститутсионии Ҷумҳурии Тоҷикистон «Дар бораи мақомоти маҳаллии ҳокимияти давлатӣ» таҳия шудааст. Дар робита ба ин дар асоси моддаи 1 лоиҳаи пешниҳодкарда хориҷ намудани сархати 21-уми моддаи 33 Қонуни Ҷумҳурии Тоҷикистон «Дар бораи маориф» ҷиҳати бартараф намудани мухолифати санадҳои қонунгузорӣ аз як тараф ва аз тарафи дигар мушаххас намудани ваколати мақомоти маҳаллии ҳокимияти давлатӣ пешниҳод гардидааст. Бо қабули ин санади қонунгузорӣ ба вазифа таъйин ва аз вазифа озод намудани роҳбарони сохторҳои маҳаллии ҳокимияти давлатӣ дар соҳаи маориф, ки аз буҷетҳои маҳаллӣ маблағгузорӣ мешаванд, аз тарафи раисони вилоят, шаҳру ноҳияҳо бо розигии хаттии Вазорати маориф ва илми ҷумҳурӣ сурат мегирад.

Гузашт барои шиносномаи биометрӣ ва корт ба маблағи 16 миллион сомонӣ
Маҳмудҷон Собиров, муовини аввали вазири корҳои хориҷии ҷумҳурӣ, оид ба ворид намудани илова ба Қонуни Ҷумҳурии Тоҷикистон «Дар бораи Буҷети давлатии Ҷумҳурии Тоҷикистон барои соли 2014» гуфт, ки он ба мақсади иҷрои саривақтии Фармони Президенти Ҷумҳурии Тоҷикистон «Дар бораи ҷорӣ намудани кортҳои индентификатсионии шаҳрвандони Ҷумҳурии Тоҷикистон» мебошад.
Бо қарори порлумон воридоти  700 ҳазор бланки шиносномаҳои биометрӣ, 600 ҳазор бланки корти индентификатсионӣ ва таҷҳизот барои чопи онҳоро ба маблағи 16 миллион сомонӣ аз пардохти андоз ва боҷи гумрукӣ озод шуд. Ба гуфтаи муовини вазир, шаҳрвандон метавонанд аз 100 нуқта шиноснома ва корти индентификатсиониро дастрас намоянд.
Ба гуфтаи Маҳмудҷон Собиров, додани кортҳои индентификатсионӣ ба ҷои шиносномаҳои дохилӣ аз 1 марти соли ҷорӣ оғоз меёбад. Гирифтани он маҷбурӣ нест. Шахсоне, ки шиноснома доранд, метавонанд то ба охир расидани муҳлаташ онро истифода баранд ва сипас корт бигиранд.
Исмоил Талбаков, вакили порлумон, иброз дошт, ки як бланки биометрӣ бо нархи 10 доллар ва бланки корти индентификатсионӣ 6,4 сомонӣ ба кишвар ворид мегардад. Вале нархи фурӯши шиноснома хеле гарон аст.
Шукурҷон Зуҳуров, Раиси Маҷлиси намояндагон, ба Исмоил Талбаков супориш дод, ки ин масъаларо таҳқиқ намуда, натиҷаашро пешниҳод намояд.

Аҳду амалиёти шубҳанок зери санҷиш қарор мегиранд
Вакилон баромади Абдуҷаббор Ширинов, раиси Бонки миллии Ҷумҳурии Тоҷикистонро оид ба ворид намудани тағйиру иловаҳо ба Қонуни Ҷумҳурии Тоҷикистон «Дар бораи бозори коғазҳои қиматнок» шуниданд. Ӯ зимни ташреҳи лоиҳа гуфт, ки он ҷиҳати мутобиқгардонии қонуни мазкур ба Қонуни Ҷумҳурии Тоҷикистон «Дар бораи муқовимат ба қонунигардонӣ, расмикунонии даромадҳои бо роҳи ҷиноят бадастомада ва маблағгузории терроризм» таҳия шудааст. Тибқи лоиҳа ба Қонуни Ҷумҳурии Тоҷикистон «Дар бораи бозори коғазҳои қиматнок» иловаҳо ворид шуда, пешбинӣ мегардад, ки субъектҳои бозори коғазҳои қиматнок уҳдадоранд оид ба аҳдҳо ва амалиёти шубҳанок ба мақоми ваколатдор дар самти муқовимат ба қонунигардонии даромадҳои бо роҳи ҷиноят бадастоварда ва маблағгузории терроризм хабар диҳанд. Ҳамчунин пешбинӣ мегардад, ки санҷиши он дар фаъолияти бозори коғазҳои қиматнок аз ҷониби мақоми ваколатдори давлатӣ оид ба танзими Бозори коғазҳои қиматнок дар якҷоягӣ бо мақоми ваколатдори муқовимат ба қонунигардонӣ, расмикунонии даромадҳои бо роҳи ҷиноят бадастомада ва маблағгузории терроризм гузаронда шавад.

Созишнома ба бозгашти 277 ноболиғ мусоидат кард
Икром Умаров, муовини вазири корҳои дохилии Ҷумҳурии Тоҷикистон, зимни баррасии Созишнома оид ба ҳамкории давлатҳои иштирокчии Иттиҳоди Давлатҳои Мустақил дар масъалаҳои баргардондани ноболиғон ба давлатҳои истиқомати доимии онҳо гуфт, ки он 7 октябри соли 2002 дар шаҳри Кишинёви Ҷумҳурии Молдова аз тарафи ду давлати узви ИДМ ба имзо расидааст. Мақсади созишнома ҳамкории мутақобилаи давлатҳои узви ИДМ вобаста ба рушди фаъолияти ҳамкорӣ дар самти ҳифзи ҳуқуқи ноболиғон ва масоили баргардондани онҳо ба давлатҳои истиқомати доимиашон мебошад.
Созишнома аз муқаддима ва 17 модда иборат аст.
Амалӣ намудани талаботи созишномаи мазкур, барои пешгирии қонунвайронкунӣ ва ҷинояткорӣ дар байни ноболиғон мусоидат намуда, тартиби нигоҳдории муваққатӣ ва ҷойгиркунонии онҳоро, ки бепарастор мондаанд, ё ба қонуншиканӣ роҳ додаанд, инчунин хароҷот оид ба нигаҳдорӣ ва баргардондани онҳо ба ҷойи  истиқоматии доимиашон пешбинӣ шудааст.
Муовини вазир зикр кард, ки дар раванди татбиқи талаботи созишнома аз соли 2008 то инҷониб дар ҳамбастагӣ бо мақомоти корҳои дохилии давлатҳои узви ИДМ 277 нафар ноболиғ, ки дар муассисаҳои нигоҳдории муваққатии ноболиғони дигар давлатҳои иштирокчии созишномаи мазкур қарор доштанд, ба Тоҷикистон баргардонда шуданд.
Вакилон, ҳамчунин ба Кодекси ҳуқуқ-вайронкунии маъмурии Ҷумҳурии Тоҷикистон ва Кодекси мурофиаи ҳуқуқвайронкунии маъмурии Ҷумҳурии Тоҷикистон иловаҳо ворид карданд.

Мунаввари САФАР, «Ҷумҳурият»  


Баёни ақида (0)    Санаи нашр: 1.02.2014    №: 24    Мутолиа карданд: 937

17.07.2019


Музокироти ҳайатҳои расмии Тоҷикистон ва Корея

КУМИТАИ МУҲИТИ ЗИСТ. Нигаронӣ аз набудани партовгоҳҳо дар деҳот

ПРОКУРАТУРАИ ГЕНЕРАЛӢ. 5774 гектар қитъаи замин ба ҳолати аввала баргардонда шуд

ИЗЗАТУЛЛО САТТОРӢ: "Истеҳсоли гӯшти мурғ 9 маротиба зиёд мегардад"

ВАЗОРАТИ АДЛИЯ. Хулосаи ҳуқуқӣ ба 1936 лоиҳаи санадҳои меъёрии ҳуқуқӣ

ТАЭКВОН – ДО. Муниса медали тилло ба даст овард

Суръати рушди ММД Тоҷикистон миёни кишварҳои ИДМ баландтарин шуд

Тоҷикистон ба сохтмони лӯлаи гази «Осиёи Марказӣ — Чин» шурӯъ мекунад

Дар ҷанубу ғарби Чин аз хушксолӣ 7,4 миллион нафар зарар дид

Ҷаҳон дар як сатр

16.07.2019


ХАДАМОТИ АЛОҚА. Корти ID симкорти муштариро ба расмият медарорад

ЭНЕРГЕТИКА. 2,5 миллиард сомонӣ қарзи дебитории "Барқи тоҷик" муаммои ҳалталаб боқӣ мемонад

15.07.2019


Сарвазири Корея ба Тоҷикистон меояд

Баррасии масъалаҳои ҳамгироии САҲА, СҲШ ва ИА дар минтақаи Осиёи Марказӣ

Нахустин шумораи маҷаллаи «Осиё ва Аврупо» аз чоп баромад

ДТТ. Изҳори нигаронӣ аз вазъи бо кор таъмин шудани хатмкардаҳо

ТИБ. 288 номгӯи доруи ғайристандартӣ ошкор шуд

11.07.2019


Шиносоии Қоҳир Расулзода бо сохтмон ва навсозии шоҳроҳи Душанбе – Бохтар

10.07.2019


Нодиртарин "Девон" - и Навоӣ дар Хуҷанд

Бунёди нахустин пойгоҳи ҷаҳонии шабакаи атмосферии Тоҷикистон дар Осиёи Марказӣ

Иттиҳоди Аврупо барои кишварҳои Осиёи Марказӣ 72 миллион евро ҷудо мекунад

Матвиенко: "Дар бозори Россия қариб тамоми об қалбакӣ будааст"

Ҷаҳон дар як сатр

08.07.2019


Баррасии ҷараёни иҷрои Барномаи давлатии тарбияи ватандӯстӣ ва таҳкими ҳувияти миллии ҷавонон

"Душанбе - қалби Тоҷикистон"

Ҳамоиш оид ба таҳияи маҳсулоти сайёҳӣ

Россия нахусткайҳоннаварди арабро бо ғизои махсус таъмин месозад

Зиёни иқтисодии Гурҷистон аз коҳиши сайёҳони рус беш аз $700 миллион хоҳад шуд

Дар Қазоқистон то соли 2021 нияти ифтитоҳи 20 мактаби олӣ ва 180 коллеҷро доранд

СММ: "Қирғизистон нахустин кишварест, ки мушкили бешаҳрвандиро ҳал кард"

Зеленский пурра иҷро кардани созишномаи Минскро ваъда дод

Ҷаҳон дар як сатр

04.07.2019


Ҷаласаи Комиссияи муштараки ҳамкории иқтисодию тиҷоратии Тоҷикистону Покистон

Масъалаи татбиқи ҳамгироии сиёсати давлатии ҷавонон баррасӣ гардид


Дар сомонаҳои дигари Тоҷикистон хонед