logo

порлумон

МУҲЛАТИ РУХСАТНОМАИ КОРӢ 3 СОЛ ТАМДИД ШУД

Дар ҷаласаи навбатии Маҷлиси намояндагони Маҷлиси Олӣ, ки таҳти раёсати Шукурҷон Зуҳуров, Раиси Маҷлиси намояндагон, баргузор гардид, ба як созишнома ва як қонун тағйиру иловаҳо ворид гашт.

МУҲОҶИРАТ МЕАФЗОЯД
Сумангул Тағоева, вазири меҳнат, муҳоҷират ва шуғли аҳолии Ҷумҳурии Тоҷикистон, зимни ба тасвиб расондани Протокол дар бораи ворид намудани тағйирот ба Созишномаи байни Ҳукумати Ҷумҳурии Тоҷикистон ва Ҳукумати Федератсияи Русия дар бораи фаъолияти меҳнатӣ ва ҳифзи ҳуқуқҳои шаҳрвандони Ҷумҳурии Тоҷикистон дар Федератсияи Русия ва шаҳрвандони Федератсияи Русия дар Ҷумҳурии Тоҷикистон, аз 16 октябри соли 2004, зикр кард, ки 5 октябри соли 2012 зимни сафари Президенти Федератсияи Русия ба Ҷумҳурии Тоҷикистон Ёддошти тафоҳум оид ба иқдомҳо байни Ҷумҳурии Тоҷикистон ва Федератсияи Русия дар бораи рушди ҳамкориҳо дар соҳаи муҳоҷират ба имзо расонда шуд.
Дар асоси муқаррароти ёддошти мазкур лоиҳаи протокол таҳия гашт. Протоколи зикршуда пас аз анҷоми расмиёти дохилидавлатӣ 29 октябри соли 2013 дар шаҳри Москва аз ҷониби роҳбарони мақомоти муҳоҷирати Ҷумҳурии Тоҷикистон ва Федератсияи Русия ба имзо расид. Лоиҳаи Қарори Маҷлиси намояндагони Маҷлиси Олии Ҷумҳурии Тоҷикистон дар хусуси тасдиқи протоколи мазкур аз ҷониби Вазорати меҳнат, муҳоҷират ва шуғли аҳолии Ҷумҳурии Тоҷикистон таҳия гардида, бо вазоратҳои адлия, молия, рушди иқтисод ва савдо, корҳои дохилӣ ва корҳои хориҷии ҷумҳурӣ мувофиқа шудааст.
Назар ба гуфтаи Сумангул Тағоева, мутобиқи маълумоти баҳисобгирии рафтуомади шаҳрвандони кишварамон тавассути гузаргоҳҳои сарҳадӣ дар соли 2013 аз ҷумҳурӣ 799698 нафар муҳоҷири меҳнатӣ ба хориҷа сафар карда, 642841 нафар ба Ватан баргаштааст.
Таҳлилҳо нишон медиҳанд, ки раванди муҳоҷирати шаҳрвандони ҷумҳурӣ ба хориҷи кишвар рӯ ба афзоиш дошта, беш аз 90 фоизи он ба Федератсияи Русия рост меояд.
Мавсуф тазаккур дод, ки дар асоси муқаррароти протоколи мазкур муҳлати амали рухсатномаи корӣ барои муҳоҷирони меҳнатӣ  -шаҳрвандони тарафҳои созишнома то се сол тамдид гардида, муҳлати будубоши онҳо тибқи рухсатномаи корӣ бе хориҷшавӣ аз қаламрави давлати будубош тамдид мешавад. Бахусус қоидаи мазкур маҳдудияти яксолаи будубошро барои шаҳрвандони ҷумҳурӣ, ки муваққатан дар Русия кору фаъолият менамоянд, аз байн бурда, имкон медиҳад, ки онҳо бе хароҷот ва ташвишҳои иловагӣ ҷои кори худро ба муддати се сол нигоҳ доранд.
Мавсуф иброз дошт, ки яке аз сабабҳои аз тариқи маъмурӣ хориҷ кардани шаҳрвандони Тоҷикистон аз қаламрави Русия ва манъи воридшавии онҳо ба ин кишвар риоя нашудани муҳлат ва тартиби будубош дар Федератсияи Русия мебошад.
Протоколи мазкур барои ҳифзи ҳуқуқу манфиатҳои муҳоҷирони меҳнатӣ мусоидат мекунад.

МАҚСАД ИСТИФОДАИ САМАРАНОКИ ЗАМИН
Қосим Роҳбар, вазири кишоварзии Ҷумҳурии Тоҷикистон, зимни баррасии лоиҳаи Қонуни Ҷумҳурии Тоҷикистон «Оид ба ворид намудани тағйиру иловаҳо ба Қонуни Ҷумҳурии Тоҷикистон «Дар бораи ҳосилхезгардонии заминҳои таъиноти кишоварзӣ» гуфт, ки вазорат ба мақсади таъмини иҷрои Қарори Ҳукумати Ҷумҳурии Тоҷикистон аз 1 марти соли 2012 таҳти рақами 94 «Дар бораи тасдиқи Барномаи давлатии татбиқи Консепсияи пешгӯии инкишофи қонунгузории Ҷумҳурии Тоҷикистон дар соҳаи аграрӣ ва ҳифзи муҳити зист барои солҳои 2012-2015», лоиҳаи мазкурро таҳия намуд.
Мавсуф зикр кард, ки зарурати ворид намудани тағйирот ба қонун такмили қонунгузорӣ ҷиҳати мутобиқ гардондани он ба санадҳои қонунгузории Ҷумҳурии Тоҷикистон, муайян намудани ваколатҳои мақоми ваколатдор, механизмҳои татбиқи беҳтаргардонии ҳолати беҳдошти заминҳо ва бо ин васила вусъат додани рушди истеҳсолоти хоҷагиҳои кишоварзӣ, баланд бардоштани ҳосилнокии заминҳо мебошад.
Ба боби дуюм, моддаи сеюми қонун барои мутобиқ намудан ба Қонуни конститутсионӣ, расидан ба нишондиҳандаҳои миқдорӣ ва сифатии ҳосилхезгардонии заминҳои таъиноти кишоварзӣ, ба моддаи чорум барои гузоштани заминаи ҳуқуқӣ ҷиҳати маблағгузории чорабиниҳо, ба монанди агротехникӣ, агрокимиёвӣ, мелиоративӣ, фитосанитарӣ ва зидди эррозия ва самти гузарондани онҳо, ҳолати ҳосилхезгардонии заминҳои таъиноти кишоварзӣ тағйирот ворид шудааст.
-Тағйиру иловаҳои воридшуда барои амалӣ гардидани ҳадафи барномаи ислоҳоти соҳаи кишоварзӣ барои солҳои 2012-2020 дар Ҷумҳурии Тоҷикистон ва муайян намудани самтҳои асосии дастгирии давлатӣ дар ҳосилхезгардонии заминҳо, истифодаи оқилонаи замин, ташкили бозори замин, нигоҳ доштани саломатии инсон ва таъмини амнияти озуқаворӣ заминаи ҳуқуқӣ фароҳам меорад.

Мунаввари САФАР, «Ҷумҳурият»


Баёни ақида (0)    Санаи нашр: 15.02.2014    №: 33    Мутолиа карданд: 956

19.07.2019


ПАЛАТАИ ҲИСОБ. 88,З миллион сомонӣ зарари молиявӣ ошкор гашт

УМЕД БОБОЗОДА: "Аксари муроҷиатҳо оид ба адолати судиянд"

Кӯдакони аз Ироқ овардашуда ба зиндагии муқаррарӣ бармегарданд

"EXPO 2019 BEIJING". Гӯшаи Тоҷикистонро беш аз як миллион нафар тамошо кард

НИГАРОНӢ. Ҷудошавии 6065 оила дар ним сол

18.07.2019


ХАДАМОТИ ЗИДДИИНҲИСОРӢ. Болоравии нархи барқ ба қарзи он марбут аст

Азим Иброҳим Ким Тэ Сонгро ба ҳузур пазируфт

Ба ташкили корхонаҳои муштарак ҳавасмандӣ зоҳир гардид

Ҳамоиши «Ваҳдат – омили ягонагӣ ва суботи ҷомеа» доир шуд

Ҳамкорӣ бо Қатар густариш меёбад

Саридораи геология. 2810 харитаи геологӣ рақамӣ шуд

121 шахси масъул ба ҷавобгарии маъмурӣ кашида шуд

Роҳи нави сесатҳаи Душанбе ба истифода дода мешавад

Президенти Қазоқистон Шӯрои миллии эътимоди ҷомеаро созмон дод

Дар Ӯзбекистон аввалин IT-технопарк бунёд мегардад

Ҷаҳон дар як сатр

17.07.2019


Музокироти ҳайатҳои расмии Тоҷикистон ва Корея

КУМИТАИ МУҲИТИ ЗИСТ. Нигаронӣ аз набудани партовгоҳҳо дар деҳот

ПРОКУРАТУРАИ ГЕНЕРАЛӢ. 5774 гектар қитъаи замин ба ҳолати аввала баргардонда шуд

ИЗЗАТУЛЛО САТТОРӢ: "Истеҳсоли гӯшти мурғ 9 маротиба зиёд мегардад"

ВАЗОРАТИ АДЛИЯ. Хулосаи ҳуқуқӣ ба 1936 лоиҳаи санадҳои меъёрии ҳуқуқӣ

ТАЭКВОН – ДО. Муниса медали тилло ба даст овард

Суръати рушди ММД Тоҷикистон миёни кишварҳои ИДМ баландтарин шуд

Тоҷикистон ба сохтмони лӯлаи гази «Осиёи Марказӣ — Чин» шурӯъ мекунад

Дар ҷанубу ғарби Чин аз хушксолӣ 7,4 миллион нафар зарар дид

Ҷаҳон дар як сатр

Нашрияи расмии Ҷумҳурии Тоҷикистон – рӯзномаи «Ҷумҳурият» якҷо бо мақомоти иҷроияи ҳокимияти давлатии вилояти Хатлон бахшида ба Ҷашни 30 - солагии Истиқлолияти давлатии Ҷумҳурии Тоҷикистон таҳти унвони «ТОҶИКИСТОН – ХОНАИ УМЕДИ МО» озмун эълон менамояд.

16.07.2019


ХАДАМОТИ АЛОҚА. Корти ID симкорти муштариро ба расмият медарорад

ЭНЕРГЕТИКА. 2,5 миллиард сомонӣ қарзи дебитории "Барқи тоҷик" муаммои ҳалталаб боқӣ мемонад

15.07.2019


Сарвазири Корея ба Тоҷикистон меояд

Баррасии масъалаҳои ҳамгироии САҲА, СҲШ ва ИА дар минтақаи Осиёи Марказӣ

Нахустин шумораи маҷаллаи «Осиё ва Аврупо» аз чоп баромад

ДТТ. Изҳори нигаронӣ аз вазъи бо кор таъмин шудани хатмкардаҳо

ТИБ. 288 номгӯи доруи ғайристандартӣ ошкор шуд


Дар сомонаҳои дигари Тоҷикистон хонед