logo

маориф

Робитаҳои илмии донишкада бо муассисаҳои таълимии хориҷӣ тавсеа меёбанд

Ректори Донишкадаи давлатии забонҳои Тоҷикистон, доктори илми филология Марҳабо Ҷабборова дар нишасти матбуотӣ нарасидани кадрҳои омӯзгорӣ бо шумули устодони унвондор, дар ҳолати нигаронкунанда қарор доштани бинои таълимӣ ва нокифоягии синфхонаҳоро дар соли хониши гузашта аз мушкилоти умдаи ин муассисаи таълимӣ арзёбӣ кард. Барои рафъи ин камбудиҳо раёсати донишкада чораҳои амалӣ андешида, бобати пурра намудани сафи устодон теъдоди муайяни донишҷӯёни пешқадамро баргузида, аз курсии донишҷӯӣ ба фаъолияти омӯзгорӣ ҷалб кардаанд, то баъд аз хатми донишкада ҳамчун омӯзгор дар ин боргоҳи маърифат фаъолият намоянд.
Дар ҷараёни таълим таваҷҷӯҳи асосӣ ба тарбияи кадрҳои баландихтисоси забондон, омӯзгорон ва тарҷумонони оянда бо фарогирии 10 забон ва 25 ихтисос равона карда шудааст. Феълан донишҷӯёни ихтисосҳои забони англисӣ, арабӣ, олмонӣ, забон ва адабиёти рус ба низоми кредитии таҳсилот фаро гирифта шудаанд. Соли гузашта як синфхонаи нави компютерӣ бо 13 адад компютер ифтитоҳ шуда, шумори умумии синфхонаҳои компютерӣ ба 5 ва компютерҳо ба 139 адад расонида шуд. Дарсҳо дар синфхонаҳои муҷаҳҳаз бо воситаҳои лингофонӣ ва моҳвораҳои қабули мавҷи шабакаҳои телевизионии кишварҳое, ки забонашон омӯхта мешавад, баргузор гардиданд.
Робитаҳои илмии донишкада бо муассисаҳои бонуфузи илмию таълимии хориҷӣ хуб ба роҳ монда шуда, бо Донишгоҳи забоншиносии Маскав ва Донишгоҳи омӯзгории Синтсзяни Урумчӣ созишномаи ҳамкорӣ имзо гардид. Дар донишкада 12 нафар омӯзгорони хориҷӣ ва 87 нафар донишҷӯ аз кишварҳои хориҷ фаъолият ва таҳсил мекунанд, ки барои онҳо шароити хуби кориву омӯзишӣ муҳайёст.
Дар раванди корҳои илмию тадқиқотӣ низ як қатор дастовардҳо ба зуҳур омад. Дар ин давра зиёда аз 30 чорабинии илмӣ доир гардида, беш аз 200 мақолаю китоб ба нашр расид.

Фирӯз ҶУМЪАЕВ,
«Ҷумҳурият»


Баёни ақида (0)    Санаи нашр:    №:    Мутолиа карданд: 650

19.09.2018


ТОҶИКИСТОН ВА ӮЗБЕКИСТОН. Аввалин тамринҳои муштараки низомӣ

Таъсиси 57 корхонаи нав

Намоиши дастовардҳо ба муносибати Рӯзи шаҳри Хуҷанд

Зуҳро Саидова – соҳиби шоҳҷоиза

Таҳаммул аз амалҳои террористӣ норавост

Баргузории ҳамоиши маъмурони роҳи оҳани кишварҳои СҲШ дар Ӯзбекистон

Дар Ироқ 27 ҳазор нафар аз об заҳролуд гашт

Тӯли 40 соли ислоҳот дар Чин ҷои кор 346 дарсад афзуд

Остона ҳамоиши ҳаштуми глобалии туризми шаҳриро пазироӣ мекунад

Ҷаҳон дар як сатр

18.09.2018


САМБО. Дурахши варзишгари навраси тоҷик дар Аврупо

Иди асал дар Душанбе

КӮЛОБ. Боз ду меҳмонхонаи нав ба истифода дода шуд

Ҷаҳон дар як сатр

ӮЗБЕКИСТОН. Оғози машқҳои низомии муштарак

Теъдоди қурбонии тӯфони «Мангхут» аз 60 нафар гузашт

Дифои Вазорати ҳуқуқи инсони Покистон аз ҳуқуқи занҳо

Таҳсили фосилавӣ ба ҳар хонандаи ҷопонӣ дастрас шуд

Дар Остона ба хариди партов шурӯъ карданд

17.09.2018


НОҲИЯИ РӮШОН. Сарҳадбонон соҳиби бинои наву замонавӣ шуданд

Баргузории фестивали шаҳрии эҷодиёти кӯдакон

“КӮКНОР-2018”. Мусодираи беш аз 550 килограмм маводи нашъаовар дар Хатлон

ФУТБОЛ. "Хуҷанд" ба пеш баромад

11.09.2018


ДУШАНБЕ МИЗБОНИ СОҲИБКОРОНИ ҶАҲОН

ДЕВАШТИЧ. БУНЁДКОРИҲОИ НОҲИЯ НАМУНАИ ИБРАТАНД

МАРЗ. Боздошти қочоқбарон

КӮЛОБ. ИФТИТОҲИ БОҒЧАИ НАВ

05.09.2018


БӮСТОН. Бунёди чор иншооти нав

ФУТБОЛ. Дар Тоҷикистон мусобиқаҳои байналмилалӣ доир мегарданд

Ориф Алвӣ 13-умин президенти Покистон интихоб гашт

Дар Арабистони Саудӣ барои маводи тахрибӣ дар интернет зиндонӣ мекунанд

Дар Гуҷарат сохтмони баландтарин ҳайкали дунё анҷом меёбад

Ҳиндустон барномаи нави кайҳониро амалӣ месозад

04.09.2018


Боздиди Сарвазири мамлакат аз иншооти гармидиҳии шаҳри Душанбе


Дар сомонаҳои дигари Тоҷикистон хонед