logo

илм

«ГОРИЗОНТ – 2020» ДАР ТОҶИКИСТОН

Дар Академияи илмҳои ҷумҳурӣ семинари иттилоотии «Барномаи қолабии Иттиҳоди Аврупо оид ба таҳқиқот ва инноватсия «Горизонт 2020» баргузор гардид.

Дар семинар зикр шуд, ки Барномаи «Горизонт - 2020» воситаи молиявии Иттиҳоди Аврупо барои роҳандозии Иттиҳоди инноватсионӣ, ташаббуси хеле муҳими Аврупо то соли 2020 баҳри таъмини рақобатпазирии ҳамаҷониба равона гардидааст. Барнома солҳои 2014 – 2020 - ро дар бар гирифта, маблағи пешбинишудаи он 80 миллиард еврост.
Мамадшо Илолов, академики Академияи илмҳои ҷумҳурӣ, директори Маркази инноватсионии рушди илм ва технологияҳои нав, доир ба мавзӯи «Таҳқиқоти илмӣ ва фаъолияти инноватсионӣ дар Ҷумҳурии Тоҷикистон» сухан ронда, зикр намуд, ки дар ҷаҳони имрӯза маҳаки асосии рушди устувори иқтисодиёт ва ноил гардидан ба зинаи баланди зиндагии аҳолӣ роҳи инкишофи иҷтимоии марбут ба инноватсия равона гардидаро интихоб намудан салоҳи кор аст. Инноватсия ин маҷмӯи технологияи нав, маҳсулот ва таҷҳизот, пешниҳоди хизматрасонӣ, диди нав дар ташкил ва баланд бардоштани малакаи кадрҳо буда, рақобатпазирии баланди иқтисодиётро таъмин менамояд. Дар мамлакатҳои иқтисодиёташон дар ҳоли рушд ҳиссаи афзоиши маҷмӯи маҳсулоти дохилӣ аз ҳисоби истифодаи инноватсия 70-80 дарсадро ташкил медиҳад. Бояд гуфт, ки Ҷумҳурии Тоҷикистон аз рӯи нишондодҳо, ҳолати пешрафти инноватсионӣ аз кишварҳои иқтисодии дар ҳоли рушд хеле қафо мондааст. Дар ҷумҳурӣ барои дастгирии фаъолияти инноватсионӣ 7 қонун, аз ҷумла Қонуни Ҷумҳурии Тоҷикистон «Дар бораи фаъолияти инноватсионӣ дар Ҷумҳурии Тоҷикистон» қабул шудааст. Агар маблағгузории давлат ба соҳа 2 дарсад бошад, рушди технологияро таъмин намудан мумкин аст.
Соли 2011 Ҳукумати ҷумҳурӣ Барномаи рушди инноватсиониро барои солҳои 2011-2020 қабул карда буд. Дар амал татбиқ намудани ин барнома дар ду давра - давраи якум - солҳои 2011-2014 ва давраи дуюм солҳои 2015-2020-ро дар бар мегирад.
Комила Мағзиева, корманди Барномаи қолабии Иттиҳоди Аврупо (Қазоқистон), ва Бела Кордон, намоянда аз Вазорати захираи инсонӣ (Венгрия) оид ба паҳлӯҳои гуногуни барнома изҳори назар намуданд. Аз ҷумла ба иштирокдорони семинар талаботи асосии озмунҳо, қоидаҳои иштирок дар онро фаҳмонда, паҳлӯҳои молиявӣ ва ҳамчунин дарёфти шарикҳо ва чи тарз навиштани пешниҳодоти хуби озмуниро шарҳу эзоҳ доданд.
Дар охири семинар иштирокдорон тасмим гирифтанд, ки олимони тоҷик, таҳқиқотчиён, бахусус олимони ҷавон барои ширкат кардан дар Барномаи пешниҳодкардаи Иттиҳоди Аврупо фаъол бошанд. Онҳо пешниҳодҳои худро ба комиссияи илм, таҳқиқот ва инноватсияи Иттиҳоди Аврупо пешниҳод намуда, ғолиб оянд ва дар пешрафти илмию техникии кишвар ҳиссаи худро гузоранд.
У. МУРОД, «Ҷумҳурият»


Баёни ақида (0)    Санаи нашр: 26.02.2014    №: 40    Мутолиа карданд: 892
02.04.2020


МАШВАРАТИ КОРИИ МУОВИНИ РАИСИ МАҶЛИСИ НАМОЯНДАГОН БО ВАКИЛОНИ МАРДУМӢ

ҶАВОНОНИ ТОҶИКОБОД БА САФИ ҚУВВАҲОИ МУСАЛЛАҲ ПАЙВАСТАНД

САЙЁҲӢ. ТАШКИЛИ 12 ХАТСАЙРИ НАВ

ШИРКАТИ 42 ЛЕГИОНЕР ДАР ЧЕМПИОНАТИ НАВБАТИИ ТОҶИКИСТОН

СУТ РАСМАН ДАР ТОҶИКИСТОН НАБУДАНИ КОРОНАВИРУСРО ТАСДИҚ НАМУД

ГАРДИШИ МОЛ МИЁНИ ТОҶИКИСТОН ВА КИШВАРҲОИ СҲШ АЗ НИМ МИЛЛИАРД ДОЛЛАР БОЛО РАФТ

АРАБИСТОНИ САУДӢ: "АЗ САФАР БА ҲАҶ ХУДДОРӢ КУНЕД!"

СОКИНИ 101 - СОЛАИ НИДЕРЛАНД АЗ COVID-19 ҶОН БА САЛОМАТ БУРД

Ҷаҳон дар як сатр

01.04.2020


ХАТЛОН. ҶОИЗА БАРОИ МУҲАҚҚИҚОНИ ИЛМҲОИ ТАБИАТШИНОСӢ ВА ДАҚИҚ

СУҒД. БЕШ АЗ 30 КОРХОНАИ ИСТЕҲСОЛИ ОРДУ РАВҒАН

НУФУЗИ САЙЁҲИИ ТОҶИКИСТОН МЕАФЗОЯД

ФАЪОЛИЯТИ ҲУҚУҚЭҶОДКУНӢ БА МАРҲИЛАИ СИФАТАН НАВ ВОРИД ШУД

«ҚАҲРАМОНИ АБАДӢ - ТЕМУРМАЛИК» ДАР ҶУМҲУРИИ КОРЕЯ БА ТАБЪ РАСИД

ТОКИО. САНАИ БАРГУЗОРИИ БОЗИҲОИ ОЛИМПӢ МАЪЛУМ ШУД

ТАНТАНАҲОИ НАВРӮЗӢ ДАР ЛАХШ

ҲИФЗИ МУҲИТИ ЗИСТ. ИҶРОИ БАРНОМА МУҲОКИМА ГАРДИД

СУТ: 165 ҲАЗОР БЕМОРИ COVID-19 ШИФО ЁФТ

ЧИН БАРОИ ПЕШГИРӢ АЗ КОРОНАВИРУС БА ТОҶИКИСТОН АФЗОРИ ЗАРУРӢ ФИРИСТОД

ДАР УХАН БЕШ АЗ 60 БЕМОРХОНА БА НИЗОМИ МУҚАРРАРИИ ФАЪОЛИЯТ БАРГАШТ

ТАБИБОНИ ОЛМОНӢ 16 ҲАЗОР БЕМОРРО АЗ КОРОНАВИРУС НАҶОТ ДОДАНД

ПУТИН ВА ТРАМП НАРХИ КУНУНИИ НАФТРО БА МАНФИАТИ ДУ КИШВАР СОЗГОР НАМЕШУМОРАНД

ДАР ТУРКМАНИСТОН ИСТИФОДАИ КАЛИМАИ КОРОНАВИРУС МАНЪ ГАШТ

Ҷаҳон дар як сатр

31.03.2020


РОҒУН. ВАРЗИШ РӮ БА РУШД ДОРАД

КОРРУПСИЯ РОҲБАРИ АССОТСИАТСИЯРО БА КУРСИИ АЙБДОРӢ НИШОНД

ОДАМКУШӢ. ХУШУНАТИ ОИЛАВИЕ, КИ БО МАРГ АНҶОМ ШУД

ДУЗДӢ. ГУМОНБАР БОЗДОШТ ГАРДИД

Ҷаҳон дар як сатр

РОССИЯ РОҲИ ТАБОБАТИ КОРОНАВИРУСРО ПАЙДО КАРД

ДАР ҚИРҒИЗИСТОН НАХУСТИН БЕМОРОНИ ВИРУСИ НАВ ШИФО ЁФТАНД

ПУТИН ВА ТРАМП МАСОИЛИ COVID-19 ВА НАРХИ НАФТРО БАРРАСӢ НАМУДАНД

ИНДУСТРИЯИ МӮДИ ИТАЛИЯ РӮЗЕ 1,5 МИЛЛИОН НИҚОБИ ТИББӢ ХОҲАД БАРОВАРД

30.03.2020


"АЗ НАВРӮЗ ТО НАВРӮЗ"

БӮСТОН. АВЛАВИЯТ БА РУШДИ САНОАТ


Дар сомонаҳои дигари Тоҷикистон хонед