logo

маориф

«МАКТАБҶАНГ»: КӢ ГУНАҲГОР?

Ҳарчанд ашхоси нуктафаҳм «Хабари нохушро то тавонӣ, дертар расон» гӯянд ҳам, имрӯз он зуд паҳн шуда, инсонҳоро андӯҳгин месозад. Яке аз ин хабарҳои шум, воқеаи рӯзи 17 феврал дар кӯчаи Маяковскийи шаҳри Душанбе рух дода аст. Ду гурӯҳ  хонандагони мактабҳои № 59 ва 32-и ин маҳалла бо ҳам занозанӣ карда, чанд нафар аз онҳо ҷароҳат бардоштааст. Нафаре аз онҳо бо зарби чанд корд дар беморхона бистарист. Шаш нафар иштирокчии ин ҳодиса аз ҷониби кормандони ҳифзи ҳуқуқ дастгир шуда, мавриди пурсиш қарор доранд.
Ин воқеаи нохушро аз рӯзномае мутолиа намудаму суҳбати телефонии қариб як сол пеши як марде дар дафтари идора ба ёдам омад. Он мард ба шахси ҳамсуҳбати худ аз кӯчаи Маяковский чанд бор ёдовар шуда, афсӯс мехӯрд, ки бача ҳайф шуд. Мард ба ҳамсуҳбаташ ҳикоят мекард, ки писари як дӯсташро дар рӯзи рӯшан, 50 метр дуртар аз мактаб куштанду дар ҷанозааш будааст. Падари марҳум чунон мегирист, ки моро ҳам гирён кард. Чанд хонанда писари мактабхонашро доштаанду як нафари дигар ба қафаси синаи ӯ задаст. Як ронандаи таксиро хоҳиш кардаанд, ки маҷруҳро ба беморхона барад, аммо ӯ «дар бало мемонам», гуфта хоҳиши онҳоро рад кардааст. То ба беморхона расондан хуни бисёр рехта, писарбача дар он ҷо фавтидааст. Мард мегуфт, ки агар сари вақт ба беморхона мебурданд, шояд зинда мемонд. Як писари 16-сола гуле аз зиндагӣ начида, умраш хазон шуд.
Чӣ бояд кард, чӣ чора бояд андешид, ки пеши роҳи ин гуна ҳодисаҳо гирифта шавад? Ба ин амали нангини ҷомеа кӣ гунаҳгор аст? Агар холисона бигӯем,  мо ҳама, аз ҳар хонадон сар карда, то мактабу мақомоти кафили амнияти шаҳрвандон гунаҳгорем. Ба ин амал он наврасу ҷавононе даст мезананд, ки падару модарон бобати дар куҷо ва ба чӣ кор машғул будани фарзандонашон бепарвоянд. Назорату  насиҳат нест, таъкиду сиёсати волидайн суст аст. Дар мактаб ҳам иллати авбошии хонандагонро бори дӯши падару модар мекунанд, ки ин ҳам дуруст нест. Агар вазифаи мактаб фақат таълим мебуд, муаллимро тарбиятгари насли наврас гуфтан мантиқ надошт. Пас чаро таълиму тарбия мегӯем? Алоқаи тавъами оилаю мактаб ки нест, натиҷааш чунин хоҳад шуд. Дарсҳои тарбиявӣ ҳам, ки сар сарӣ мегузаранд, чандон асар надоранд. Ку муаллимҳои ҷоннисору сарсупурда, ки ба манзили чунин хонандаҳои гарданшах  рафта, бо волидайни онҳо роҳи дурусти тарбияро пайдо кунанд? Талаба ҳам талабаи пешин нест, ки насиҳатро гӯш кунад.
Чаро нозирони минтақавӣ, ки аз авзои маҳали зери назари худ бояд бохабар бошанд, ин ҳодисаро пешгирӣ накарданд? Агар кормандони милитсияе, ки шумораашон чандон кам нест, тибқи талаботи қонун хизмат кунанд, чунин ҳодисаҳо рух намедиҳанд. Рух диҳанд ҳам, пешгирӣ мешаванд.
Мегӯянд, ки ҳар инсон дар тӯли зиндагии худ бояд се кори хайр: манзиле  бунёд кунад, ниҳоле парвариш намояд ва фарзанде ба воя расонад.
Хуб, фарз кардем, хонаи бароҳат дорем, ниҳол ҳам парвариш карда онро боровар намудаем. Агар фарзанди худро солеҳ ба воя нарасонда бошем, ӯ ноқобилу шӯрапушт бошад, ин манзили озодаю боғу бӯстон ба кӣ даркор аст? Оё бовар дорем, ки ин хона ободу ин боғ боровар хоҳад монд?

У. МУРОД, «Ҷумҳурият»   


Баёни ақида (0)    Санаи нашр: 27.02.2014    №: 41    Мутолиа карданд: 931
22.10.2020


"РАВШАН" – ҒОЛИБИ ЛИГАИ ЯКУМ

ШАҲРИ ТУРСУНЗОДА. СОЛИ ЧАРОҒОНКУНӢ

ПОМПЕО ИМА ВА РОССИЯРО БА ОҒОЗИ ҲАРЧИ ТЕЗТАРИ ГУФТУШУНИД ОИД БА МСС-3 ДАЪВАТ НАМУД

ҶАҲОН ДАР ЯК САТР

21.10.2020


90 СОЛИ ПУРБАРОР

САРАЗМ. АЗ ТАНТАНАҲОИ ҶАШНӢ ТО ТАНТАНАИ ЗИНДАГӢ

ҶАШНИ МЕҲРГОН ВА ФЕСТИВАЛИ ШОЛИЮ БИРИНҶ

19.10.2020


ҶОМИ ТОҶИКИСТОН – 2020. "РАВШАН" БАРАНДАИ ОН ГАРДИД

16.10.2020


МОЛИЯЧИЁНИ ХАТЛОН: МО ПАЙРАВИ ПЕШВОИ МИЛЛАТЕМ!

ТАСАРРУФИ 430 000 ДОЛЛАР. ПАРВАНДАИ ҶИНОЯТӢ НИСБАТ БА ҚАЛЛОБЕ, КИ ДАР АВРУПО ПАНОҲ МЕБАРАД

14.10.2020


«ҲАБДАҲ ЧАМАН»

13.10.2020


ХАТЛОН. СОДИРОТИ МАҲСУЛОТИ КИШОВАРЗӢ МЕАФЗОЯД

ТОҶИКИСТОН. 88,7 ДАРСАДИ ГИРИФТОРОНИ КОРОНАВИРУС ШИФО ЁФТАНД

ЛИГАИ ЧЕМПИОНҲО – 2020 «БАРСЕЛОНА» ҚАҲРАМОНИ ОН

ОҒОЗИ МАШҚҲОИ СААД ДАР БЕЛАРУС

ҶАҲОН ДАР ЯК САТР

ЛЕВАКАНТ. ТАҶДИДУ НАВСОЗИИ РОҲҲО

НОБОЛИҒОН. ҚОНУНШИКАНӢ ҲАНӮЗ АЗ БАЙН НАРАФТААСТ

ОЗАРБОЙҶОН ВА АРМАНИСТОН ОТАШБАС ЭЪЛОН НАМУДАНД

ҶАҲОН ДАР ЯК САТР

ФИЛМИ “ХИЁНАТ” АСРОРИ ДУШМАНИВУ ХОИНИРО ИФШО КАРД

12.10.2020


ЧЕМПИОНАТИ ОСИЁ - 2020. ФУТЗАЛБОЗОНИ ТОҶИК БАРОИ ИШТИРОК ОМОДАГӢ МЕГИРАНД

ХАЙКО МААС: "ИТТИҲОДИ АВРУПО МУКОЛАМА БО РОССИЯРО НАБОЯД ҚАТЪ КУНАД"

ҶАҲОН ДАР ЯК САТР

08.10.2020


БЕҲТАРИНҲО МУАЙЯН ШУДАНД

ҲАВЗАИ ИШКОШИМ БА ИНТИХОБОТ ОМОДА АСТ

ВОХӮРӢ БО НОМЗАДҲО

СУҒД. ҶАМЪОВАРИИ 56 654 ТОННА ПАХТА

ЗАРКОРОНИ ЛЕВАКАНТ АВВАЛИН ШУДА НАҚШАРО ИҶРО КАРДАНД

ММВЗО «СОЛОР» – ЧЕМПИОНИ ТОҶИКИСТОН БАЙНИ НАВРАСОНИ ТО 14 - СОЛА

07.10.2020


МОИ “СУҒД”. КОРХОНАИ КОРКАРДИ МЕВАИ ХУШК БУНЁД МЕГАРДАД

ҶАМЪОВАРИИ 2660 ТОННА ПАХТА ДАР НОҲИЯИ ҶАББОР РАСУЛОВ

ДАНҒАРА. ОМОДАГИҲО МУТАШАККИЛОНА ИДОМА ДОРАНД

06.10.2020


ЛИГАИ ОЛӢ. КМВА ҶОИ СЕЮМРО ГИРИФТ ВА «ЛОКОМОТИВ – ПОМИР» БА ЛИГАИ АВВАЛ РАФТ

ИНТИХОБОТИ ПРЕЗИДЕНТИИ ТОҶИКИСТОН: 122 НОЗИР ВА 258 РӮЗНОМАНИГОР АККРЕДИТАТСИЯ ГИРИФТАНД


Дар сомонаҳои дигари Тоҷикистон хонед