logo

ҳуқуқ

МУФАТТИШИ ПОРАХӮР

Муфаттиши шуъбаи тафтишотии Прокуратураи ҳарбии гарнизони Душанбе Фозилҷон Азизуллоев бо гумони даст доштан ба гирифтани ришва дар ҳаҷми махсусан калон боздошт шуд.

Дар ин бора ба «Ҷумҳурият» аз маркази матбуоти Агентии назорати давлатии молиявӣ ва мубориза бо коррупсияи Ҷумҳурии Тоҷикистон хабар доданд. Номбурда 3 феврали соли 2014 нисбат ба марги сарбози қисми ҳарбии 5453 РКД ВКД Ҷумҳурии Тоҷикистон Ҷамолиддин Раҳмонов бо моддаи 387 қисми 2 Кодекси ҷиноятии Ҷумҳурии Тоҷикистон парвандаи ҷиноятӣ оғоз намуда буд.
Дар марҳалаи аввали тафтиш Фозилҷон Азизуллоев бо баҳонаи пурсиш ба наздаш  сарбози ҳамин қисм Абдуқодир Ҳотамовро, ки дар ҷойи ҳодиса қарор дошт, даъват карда, таҳдид намудааст, ки ӯро ҳамчун ёвари сардори нигаҳбонон барои беназоратӣ аз болои сарбоз  Ҷ. Раҳмонов ба ҷавобгарии ҷиноятӣ хоҳад кашид. Муфаттиш бо мақсади ситондани  ришва ба воситаи роҳбарияти қисми ҳарбӣ бо падари сарбоз - Саймуддин  Ҳотамов  вохӯрда, масъалаи  ба ҷавобгарии ҷиноятӣ накашидани фарзандашро ба миён гузошт ва аз ӯ 2500 доллар талаб кард.
Ҳамин тавр, 17 феврали соли 2014 Ф. Азизуллоев дар назди Фурудгоҳи байналмилалии шаҳри Душанбе аз С. Ҳотамов 500 доллари амрикоӣ гирифта, ҳарчи зудтар овардани маблағи боқимондаро қатъан дархост намуд. 21 феврали соли 2014 муфаттиши шуъбаи тафтишотии Прокуратураи ҳарбии гарнизони Душанбе дар қисми ҳарбии 5453 аз С. Ҳотамов боз 700 доллари дигар ситонд.
Дар ин хусус, 23 феврали соли 2014 нисбат ба ӯ бо банди “в” қисми 4, моддаи 319 Кодекси ҷиноятии Ҷумҳурии Тоҷикистон парвандаи ҷиноятӣ оғоз гардид. Худи ҳамон рӯз кормандони Агентии назорати давлатии молиявӣ ва мубориза бо коррупсия зимни гузарондани чораҳои фаврӣ-тафтишотӣ, номбурдаро дар вақти гирифтани маблағи боқимондаи пора -  1300 доллар дастгир ва аз бордончаи автомашинааш 1200 доллари қаблан ситондаашро ёфта, мусодира карданд.
26 феврали соли 2014 бо қарори Суди ҳарбии гарнизони Душанбе нисбат ба Ф. Азизуллоев чораи пешгирӣ дар намуди ба ҳабс гирифтан татбиқ гардид. Гумонбаршуда вобаста ба далелҳои холисона ва раднашавандаи дар рафти тафтишот ҷамъоварда, нишондодҳои худиқрорӣ дод ва аз кирдори содирнамудааш пушаймонӣ зоҳир намуд.
Фозилҷон Азизуллоев аз 16 сентябри соли 2011 то рӯзи ба ҳабси пешакӣ гирифтан ба ҳайси муфаттиши шуъбаи тафтишотии Прокуратураи ҳарбии гарнизони Душанбе ифои вазифа дошт. Амали номатлуби ӯ боиси таассуф буда, доғест ношустанӣ. Ва, шояд ин кирдор барои онҳое, ки минбаъд ҳамин гуна нақшаҳои зиштро тарҳрезӣ менамоянд, дарси ибрат гардад. Охир, айб аст ба ҳомиёни қонун, ки ба мардум чунин муносибатро раво мебинанд.                                   
                      
 Д. РӮЗИЕВ, «Ҷумҳурият» 


Баёни ақида (0)    Санаи нашр: 4.03.2014    №: 43    Мутолиа карданд: 670

17.07.2019


Музокироти ҳайатҳои расмии Тоҷикистон ва Корея

КУМИТАИ МУҲИТИ ЗИСТ. Нигаронӣ аз набудани партовгоҳҳо дар деҳот

ПРОКУРАТУРАИ ГЕНЕРАЛӢ. 5774 гектар қитъаи замин ба ҳолати аввала баргардонда шуд

ИЗЗАТУЛЛО САТТОРӢ: "Истеҳсоли гӯшти мурғ 9 маротиба зиёд мегардад"

ВАЗОРАТИ АДЛИЯ. Хулосаи ҳуқуқӣ ба 1936 лоиҳаи санадҳои меъёрии ҳуқуқӣ

ТАЭКВОН – ДО. Муниса медали тилло ба даст овард

Суръати рушди ММД Тоҷикистон миёни кишварҳои ИДМ баландтарин шуд

Тоҷикистон ба сохтмони лӯлаи гази «Осиёи Марказӣ — Чин» шурӯъ мекунад

Дар ҷанубу ғарби Чин аз хушксолӣ 7,4 миллион нафар зарар дид

Ҷаҳон дар як сатр

Нашрияи расмии Ҷумҳурии Тоҷикистон – рӯзномаи «Ҷумҳурият» якҷо бо мақомоти иҷроияи ҳокимияти давлатии вилояти Хатлон бахшида ба Ҷашни 30 - солагии Истиқлолияти давлатии Ҷумҳурии Тоҷикистон таҳти унвони «ТОҶИКИСТОН – ХОНАИ УМЕДИ МО» озмун эълон менамояд.

16.07.2019


ХАДАМОТИ АЛОҚА. Корти ID симкорти муштариро ба расмият медарорад

ЭНЕРГЕТИКА. 2,5 миллиард сомонӣ қарзи дебитории "Барқи тоҷик" муаммои ҳалталаб боқӣ мемонад

15.07.2019


Сарвазири Корея ба Тоҷикистон меояд

Баррасии масъалаҳои ҳамгироии САҲА, СҲШ ва ИА дар минтақаи Осиёи Марказӣ

Нахустин шумораи маҷаллаи «Осиё ва Аврупо» аз чоп баромад

ДТТ. Изҳори нигаронӣ аз вазъи бо кор таъмин шудани хатмкардаҳо

ТИБ. 288 номгӯи доруи ғайристандартӣ ошкор шуд

11.07.2019


Шиносоии Қоҳир Расулзода бо сохтмон ва навсозии шоҳроҳи Душанбе – Бохтар

10.07.2019


Нодиртарин "Девон" - и Навоӣ дар Хуҷанд

Бунёди нахустин пойгоҳи ҷаҳонии шабакаи атмосферии Тоҷикистон дар Осиёи Марказӣ

Иттиҳоди Аврупо барои кишварҳои Осиёи Марказӣ 72 миллион евро ҷудо мекунад

Матвиенко: "Дар бозори Россия қариб тамоми об қалбакӣ будааст"

Ҷаҳон дар як сатр

08.07.2019


Баррасии ҷараёни иҷрои Барномаи давлатии тарбияи ватандӯстӣ ва таҳкими ҳувияти миллии ҷавонон

"Душанбе - қалби Тоҷикистон"

Ҳамоиш оид ба таҳияи маҳсулоти сайёҳӣ

Россия нахусткайҳоннаварди арабро бо ғизои махсус таъмин месозад

Зиёни иқтисодии Гурҷистон аз коҳиши сайёҳони рус беш аз $700 миллион хоҳад шуд

Дар Қазоқистон то соли 2021 нияти ифтитоҳи 20 мактаби олӣ ва 180 коллеҷро доранд

СММ: "Қирғизистон нахустин кишварест, ки мушкили бешаҳрвандиро ҳал кард"

Зеленский пурра иҷро кардани созишномаи Минскро ваъда дод

Ҷаҳон дар як сатр

04.07.2019


Ҷаласаи Комиссияи муштараки ҳамкории иқтисодию тиҷоратии Тоҷикистону Покистон


Дар сомонаҳои дигари Тоҷикистон хонед