logo

номаҳо

«ДИЛСАРДӢ АЗ ДЕР ПАРДОХТАНИ МАОШ»

Раёсати молияи ноҳияи Б. Ғафуров ба маълумоти Шумо мерасонад, ки нашри навбатии рӯзномаи «Ҷумҳурият» № 34 (22339) аз 18 феврали соли 2014 бо сабаби дер дастрас гардидан аз тарафи шуъбаи почтаи ноҳиявӣ мақолаи «Дилсардӣ аз дер пардохтани маош», ки ба қалами рӯзноманигор Ҳарамгули Қодир дахл дорад, зуд баррасӣ нашуд.
Вале онро, хонда ба ҳайрат омадем, ки дар он  маълумотро насанҷида, зикр намудааст, ки «Мавсуф ҷой доштани мушкилоти сари вақт пардохт нагардидани маоши кормандони соҳаи тиб ва маорифро дар ноҳияҳои Шаҳринав, Мастчоҳ, Бобоҷон Ғафуров ва шаҳри Душанбе иброз дошта, аз чунин ҳол изҳори нигаронӣ кард».
Ҳамзамон омадааст, ки «тасарруфи маблағҳои буҷетӣ дар соҳаи маорифи ноҳияи Б. Ғафурови вилояти Суғд ташвишовар ба назар мерасад, зеро зиёда аз 1 миллион сомонӣ дуздида шудааст».
Инчунин қайд гардидааст, ки «нисбати сардори Раёсати молия ва муҳосиботи ноҳияи Б. Ғафуров парвандаи маъмурӣ кушода шудааст». Бояд гуфт, ки тафтиши маҷмӯи ташаккул ва иҷроиши қисми даромад ва хароҷоти буҷети маҳаллии ноҳияи Б. Ғафурови вилояти Суғд дар давраи аз моҳи октябри соли 2011 то октябри соли 2013, ки аз тарафи Раёсати Агентии назорати давлатии молиявӣ ва мубориза бо коррупсияи Ҷумҳурии Тоҷикистон дар вилояти Суғд гузаронда шуд, камбудиҳои дар рӯзнома зикргардида ошкор нагардидааст ва ҳамзамон дар ноҳияи Б. Ғафуров қарздории музди маоши кормандони соҳаи буҷетӣ ҷой надорад, зеро музди маоши моҳи январи соли ҷорӣ пурра пардохт шудааст.
Аз ин лиҳоз хоҳиш менамоям, ки дурустии маводи чопгардидаи рӯзноманигор Ҳарамгули Қодирро санҷида бароед ва дар нашри минбаъдаи рӯзнома вокуниш намоед.

З. ҲОДИБОЕВ,  сардори раёсат   

БА ВАЗОРАТ МУРОҶИАТ КУНЕД
Дар моддаи 23-и Қонуни Ҷумҳурии Тоҷикистон  «Дар бораи матбуоти даврӣ ва дигар воситаҳои ахбори омма» омадааст, ки «Воситаҳои ахбори омма ҳуқуқи аз мақомоти давлатӣ, ташкилотҳо ва шахсони мансабдори онҳо тибқи тартиби муқаррарнамудаи қонунгузории Ҷумҳурии Тоҷикистон, гирифтани ахборро доранд».
Бо истифода аз ин талаботи қонун ва ҳуқуқҳои касбӣ, зимни нишасти матбуотӣ аз вазири молия оид ба ноҳияҳое, ки мушкилоти пардохти маоши омӯзгоронро доранд, суол кардем.  Вазири молия посух дод, ки дар ноҳияи Бобоҷон Ғафуров ҳолати аз худ кардани яку ним миллион сомонии маоши омӯзгорон ё пули буҷет ба қайд гирифта шудааст. Дар моддаи 34-и ҳамин қонун оид ба ҳолатҳои озод кардан аз ҷавобгарӣ омадааст: «Журналист барои дар воситаҳои ахбори омма паҳн кардани маълумоте, ки ба воқеият мувофиқат намекунад, аз ҷавобгарӣ озод карда мешавад: агар маълумот дар суханрониҳои расмии шахсони мансабдори давлатӣ садо дода бошад».
Мӯҳтарам З. Ҳодибоев, барои муқоисаи маълумоти ироагашта, ки аз забони вазири молия оварда шудааст, бояд ба вазорати номбурда муроҷиат мекардед.

Ҳарамгули ҚОДИР, «Ҷумҳурият»


Баёни ақида (0)    Санаи нашр: 12.03.2014    №: 49    Мутолиа карданд: 626

19.09.2018


ТОҶИКИСТОН ВА ӮЗБЕКИСТОН. Аввалин тамринҳои муштараки низомӣ

Таъсиси 57 корхонаи нав

Намоиши дастовардҳо ба муносибати Рӯзи шаҳри Хуҷанд

Зуҳро Саидова – соҳиби шоҳҷоиза

Таҳаммул аз амалҳои террористӣ норавост

Баргузории ҳамоиши маъмурони роҳи оҳани кишварҳои СҲШ дар Ӯзбекистон

Дар Ироқ 27 ҳазор нафар аз об заҳролуд гашт

Тӯли 40 соли ислоҳот дар Чин ҷои кор 346 дарсад афзуд

Остона ҳамоиши ҳаштуми глобалии туризми шаҳриро пазироӣ мекунад

Ҷаҳон дар як сатр

18.09.2018


САМБО. Дурахши варзишгари навраси тоҷик дар Аврупо

Иди асал дар Душанбе

КӮЛОБ. Боз ду меҳмонхонаи нав ба истифода дода шуд

Ҷаҳон дар як сатр

ӮЗБЕКИСТОН. Оғози машқҳои низомии муштарак

Теъдоди қурбонии тӯфони «Мангхут» аз 60 нафар гузашт

Дифои Вазорати ҳуқуқи инсони Покистон аз ҳуқуқи занҳо

Таҳсили фосилавӣ ба ҳар хонандаи ҷопонӣ дастрас шуд

Дар Остона ба хариди партов шурӯъ карданд

17.09.2018


НОҲИЯИ РӮШОН. Сарҳадбонон соҳиби бинои наву замонавӣ шуданд

Баргузории фестивали шаҳрии эҷодиёти кӯдакон

“КӮКНОР-2018”. Мусодираи беш аз 550 килограмм маводи нашъаовар дар Хатлон

ФУТБОЛ. "Хуҷанд" ба пеш баромад

11.09.2018


ДУШАНБЕ МИЗБОНИ СОҲИБКОРОНИ ҶАҲОН

ДЕВАШТИЧ. БУНЁДКОРИҲОИ НОҲИЯ НАМУНАИ ИБРАТАНД

МАРЗ. Боздошти қочоқбарон

КӮЛОБ. ИФТИТОҲИ БОҒЧАИ НАВ

05.09.2018


БӮСТОН. Бунёди чор иншооти нав

ФУТБОЛ. Дар Тоҷикистон мусобиқаҳои байналмилалӣ доир мегарданд

Ориф Алвӣ 13-умин президенти Покистон интихоб гашт

Дар Арабистони Саудӣ барои маводи тахрибӣ дар интернет зиндонӣ мекунанд

Дар Гуҷарат сохтмони баландтарин ҳайкали дунё анҷом меёбад

Ҳиндустон барномаи нави кайҳониро амалӣ месозад

04.09.2018


Боздиди Сарвазири мамлакат аз иншооти гармидиҳии шаҳри Душанбе


Дар сомонаҳои дигари Тоҷикистон хонед