logo

сафарҳо

ДАР ҚИЗИЛҚАЛЪА БОҒИ НАВ БУНЁД МЕЁБАД

(Гузориш аз сафари кории Эмомалӣ Раҳмон ба ноҳияи Хуросони вилояти Хатлон)

13 март бо иштироки Президенти кишвар Эмомалӣ Раҳмон дар мавзеи Қизилқалъаи ноҳияи Хуросони вилояти Хатлон ба бунёди боғи нав асос гузошта шуд, ки дар майдони беш аз 600 га доман паҳн хоҳад кард.

Сарвари давлат Эмомалӣ Раҳмон ба ин мавзеи васеи ноҳияи Хуросон, ки зиёда аз 20 сол бо сабаби аз кор мондани обкашҳои барқӣ аз истифодаи кишоварзӣ дур монда буданд, ташриф оварда, ба дили ҳазорон сокинони атрофи он шуълаи умед афрохт.
Дар остони боғи нав боғдорону ниҳолпарварон ва масъулони бахшҳои дигари соҳаи кишоварзии шаҳру ноҳияҳои вилоят намоишгоҳ оростанд. Дар ин ҷо ниҳолҳои дарахтони гуногуни мевадиҳанда ва ороишию сояафкан, меваю сабзавоти тару тоза, хушк ва консервшуда дар маъраз буд.
Солҳои охир нишондодҳои рушди боғутокпарварӣ ва зироаткорӣ  дар Хатлон рӯй ба афзоиши босуръат доранд. Боғҳои анори шаҳри Норак ва ноҳияҳои Шӯрообод, Ҷиликӯл, Қумсангир ва Шаҳритузу Қубодиён барқарор шуда, анорбоғҳои нав бо навъҳои содиротии он бояд бунёд шаванд.
Дар посух ба таваҷҷуҳи Сарвари давлат Эмомалӣ Раҳмон ба вазъи мамнуъгоҳи Бешаи палангон, иттилоъ дода шуд, ки барқарорсозии муҳити экологӣ, набототу ҳайвонот ва парандагони он хуб ба роҳ монда шудааст. Ҳоло дар ин мавзеъ 285 сар гавазни бухорӣ зиндагӣ мекунанд ва шумораи мурғи даштӣ ва дигар парандагону ҳайвонот низ рӯй ба афзоиш овардааст.  
Зимни суҳбат бо мардум Сарвари давлат Эмомалӣ Раҳмон онҳоро ба истифодаи босамар аз ҳар ваҷаб замини корам, бунёди боғу токзори нав ва барқарорсозии боғоти куҳна, ривоҷ додани сабзавоткорӣ ва аз ин ҳисоб афзун кардани қудрати содиротии Тоҷикистон маслиҳатҳои муфид дод. Таъкид гардид, ки боғу токзор бояд дар заминҳои бекорхобида, партов ва талу теппаҳо бунёд гарданд.
Бунёди боғи нави 600 - гектара бо шинондани нахустин ниҳолҳо аз ҷониби Президенти кишвар Эмомалӣ Раҳмон ва пирони деҳқонию  боғпарварӣ оғоз ёфт. Зикр гардид, ки ҳамин сол дар майдони беш аз 150 га ниҳолҳои гуногун шинонда мешаванд ва 300 нафар соҳиби кор мегарданд. Дар сурати ба 600 га расидани майдони боғ дар он беш аз 1200 нафар соҳиби кор ва ризқи фарох хоҳанд шуд. Дар ин боғ асосан навъҳои содиротии олу, зардолу, нок ва  ангур шинонда мешаванд.
Мардуми деҳоти атрофи мавзеъ аз иқдоми бунёди боғ ва аз нав ободу зебо гардидани ин заминҳо басо шоду сипосгузоранд. Тайи беш аз 20 соли беобӣ қисмате аз аҳолии деҳот аз ин ҷо кӯч баста ба дигар ҷойҳо ҳиҷрат кардаанд. Акнун, ки ин мавзеъ аз нав обод мешавад, тамоюли кӯч бастани мардуми атрофи он хотима меёбад ва баръакс аҳолии он рӯ ба афзоиши бештар хоҳад овард.
 


Баёни ақида (0)    Санаи нашр: 18.03.2014    №: 52    Мутолиа карданд: 651

19.09.2018


ТОҶИКИСТОН ВА ӮЗБЕКИСТОН. Аввалин тамринҳои муштараки низомӣ

Таъсиси 57 корхонаи нав

Намоиши дастовардҳо ба муносибати Рӯзи шаҳри Хуҷанд

Зуҳро Саидова – соҳиби шоҳҷоиза

Таҳаммул аз амалҳои террористӣ норавост

Баргузории ҳамоиши маъмурони роҳи оҳани кишварҳои СҲШ дар Ӯзбекистон

Дар Ироқ 27 ҳазор нафар аз об заҳролуд гашт

Тӯли 40 соли ислоҳот дар Чин ҷои кор 346 дарсад афзуд

Остона ҳамоиши ҳаштуми глобалии туризми шаҳриро пазироӣ мекунад

Ҷаҳон дар як сатр

18.09.2018


САМБО. Дурахши варзишгари навраси тоҷик дар Аврупо

Иди асал дар Душанбе

КӮЛОБ. Боз ду меҳмонхонаи нав ба истифода дода шуд

Ҷаҳон дар як сатр

ӮЗБЕКИСТОН. Оғози машқҳои низомии муштарак

Теъдоди қурбонии тӯфони «Мангхут» аз 60 нафар гузашт

Дифои Вазорати ҳуқуқи инсони Покистон аз ҳуқуқи занҳо

Таҳсили фосилавӣ ба ҳар хонандаи ҷопонӣ дастрас шуд

Дар Остона ба хариди партов шурӯъ карданд

17.09.2018


НОҲИЯИ РӮШОН. Сарҳадбонон соҳиби бинои наву замонавӣ шуданд

Баргузории фестивали шаҳрии эҷодиёти кӯдакон

“КӮКНОР-2018”. Мусодираи беш аз 550 килограмм маводи нашъаовар дар Хатлон

ФУТБОЛ. "Хуҷанд" ба пеш баромад

11.09.2018


ДУШАНБЕ МИЗБОНИ СОҲИБКОРОНИ ҶАҲОН

ДЕВАШТИЧ. БУНЁДКОРИҲОИ НОҲИЯ НАМУНАИ ИБРАТАНД

МАРЗ. Боздошти қочоқбарон

КӮЛОБ. ИФТИТОҲИ БОҒЧАИ НАВ

05.09.2018


БӮСТОН. Бунёди чор иншооти нав

ФУТБОЛ. Дар Тоҷикистон мусобиқаҳои байналмилалӣ доир мегарданд

Ориф Алвӣ 13-умин президенти Покистон интихоб гашт

Дар Арабистони Саудӣ барои маводи тахрибӣ дар интернет зиндонӣ мекунанд

Дар Гуҷарат сохтмони баландтарин ҳайкали дунё анҷом меёбад

Ҳиндустон барномаи нави кайҳониро амалӣ месозад

04.09.2018


Боздиди Сарвазири мамлакат аз иншооти гармидиҳии шаҳри Душанбе


Дар сомонаҳои дигари Тоҷикистон хонед