logo

мулоқотҳо

Мулоқоти Эмомалӣ Раҳмон бо Сайидмасъуди Миркозимӣ

5 феврал Президенти Ҷумҳурии Тоҷикистон Эмомалӣ Раҳмон вазири бозаргонии Ҷумҳурии Исломии Эрон Сайидмасъуди Миркозимиро ба ҳузур пазируфт.
Дар мулоқот масоили вобаста ба густариши ҳамкориҳои иқтисодию тиҷоратии миёни ду кишвар баррасӣ шуданд.

Нахуст Сайидмасъуди Миркозимӣ даъвати расмии Президенти Ҷумҳурии Исломии Эрон Маҳмуди Аҳмадинажодро  ба Президенти Ҷумҳурии Тоҷикистон Эмомалӣ Раҳмон оид ба иштирок дар ҷаласаи навбатии сарони давлатҳои аъзои Созмони ҳамкории иқтисодӣ (ЭКО)  расонд.
Ҳамчунин таъкид гардид, ки то баргузории ҷаласаи навбатии сарони давлатҳои аъзои ЭКО, ки ба наздикӣ дар шаҳри Теҳрон баргузор мегардад, ба Тоҷикистон ҳамчунин вазири дифоъ ва пуштибонӣ аз нерӯҳои мусаллаҳи  Ҷумҳурии Исломии Эрон Мустафо Муҳаммади Наҷҷор ва раиси садо ва симои ин кишвар Иззатуллои Зарғомӣ ташриф меоранд.
Бо қаноатмандӣ зикр гардид, ки баҳри рушди ҳамкориҳои Тоҷикистону Эрон дар соҳаҳои сиёсат, иқтисод,  фарҳанг ва ғайра беш аз 70 санади қарордодию ҳуқуқӣ дар сатҳу зинаҳои гуногун ба имзо расидааст.
Чунонки дар сӯҳбат зикр ёфт, ҳаҷми савдои миёни ду кишвар дар соли 2008 маблағи  216,2 миллион доллари амрикоиро ташкил додааст, ки ин нисбат ба ҳамин нишондоди соли 2007 қариб 80 миллион зиёд аст.
Мусоҳибон тавсеаи муносибатҳои тиҷоратии сеҷонибаи миёни Тоҷикистону Эрон ва Афғонистонро низ зарур шумурданд.
Таъкид гардид, ки ҳамкорӣ дар бунёди Нерӯгоҳи барқи обии «Сангтӯда-2», нақбҳои мошингарди «Истиқлол»-у Чормағзак, истеҳсоли муштараки тракторҳо ва комбайнҳои ғалладарав, мошинҳои сабукрав ва дар барқарорсозию рушди минбаъдаи бахши парандапарварии Тоҷикистон миёни ду кишвар заминаи мусоид барои густариши ҳамкориҳои гуногунҷанбаи иқтисодӣ муҳайё намудааст.
Ҳамкорӣ дар ташкили дурусти кори минтақаҳои озоди иқтисодии Тоҷикистон низ мувофиқи мақсад дониста шуд.
Зимни сӯҳбати пурмӯҳтаво ҳар ду ҷониб ҳавасмандии худро баҳри таҳкиму густариши минбаъдаи муносибатҳои тиҷоратӣ таъкид намуд.

Вазири бозаргонии Ҷумҳурии Исломии Эрон Сайидмасъуди Миркозимӣ пас аз мулоқот бо Эмомалӣ Раҳмон, Президенти Ҷумҳурии Тоҷикистон, назари хешро ба хабарнигорон чунин иброз дошт:
-Бисмиллоҳир-раҳмонир-раҳим.  Дар вохӯрӣ бо Ҷаноби Олӣ Президенти Ҷумҳурии Тоҷикистон Эмомалӣ Раҳмон як қатор масоили мубрами рӯз, ба шумули тавсеаи равобити иқтисодӣ, тиҷорӣ, бонкӣ, гумрукӣ, ҳамлу нақл, минтақаҳои озоди тиҷорӣ, сармоягузорӣ ба лоиҳаҳои инвеститсионии Тоҷикистон ва рафти корҳои дар пружаҳое, ки аз тарафи ширкатҳои эронӣ сохта мешаванд, ба вижа «Сангтӯда-2», матраҳ шуд.
Ман ба Ҷаноби Президент даъвати Президенти Ҷумҳурии Исломии Эрон оғои Маҳмуди Аҳмадинажодро барои ширкат дар ҷаласаи навбатии сарони кишварҳои узви Созмони ҳамкории иқтисодӣ (ЭКО), ки моҳи март дар Теҳрон баргузор мегардад, расондам.
Дар нишасти Теҳрон умдатарин масъалаҳои рушди муносибатҳои иқтисодиву тиҷории дуҷониба ва бисёрҷониба, аз ҷумла ҳамлу нақли ҷодаӣ байни кишварҳои Эрон, Афғонистон ва Тоҷикистон, бо мақсади ба роҳ мондани транзити Шимолу Ҷануб ва эҳёи муҷаддади Ҷодаи бузурги абрешим мавриди баррасӣ қарор мегиранд ва, иншооллоҳ, ба як натиҷа мерасем. Дар ин робита тавофуқ байни Тоҷикистону Эрон вуҷуд дорад.
Вазири бозаргонии Ҷумҳурии Исломии Эрон иброз дошт, ки дар мулоқот ҳамзамон дар мавриди минтақаҳои озоди тиҷоратии Тоҷикистону Эрон ва тавсеаи ҳамкориҳо дар ин самт мубодилаи афкори судманд сурат гирифт. Мувофиқа ҳосил шуд, ки сармоягузорони эронӣ дар Тоҷикистон ҳузури бештар дошта бошанд ва сармояи худро барои рушди иқтисодиёти Тоҷикистон бештар ворид созанд. Ҷониби Эрон дар ҷануби кишвар – бандари Аббос маҳаллеро дар ихтиёри фаъолини иқтисодӣ ва туҷҷори Тоҷикистон қарор медиҳад, то онҳо битавонанд молу маҳсулоти худро ба кишварҳои халиҷи Форс ва бо дастрасӣ ба обҳои озод ба соири мамлакатҳои ҷаҳон содир намоянд.
Дар ҷавоби саволи хабарнигорон «Оё ҷониби эронӣ дар бунёди НБО-и Роғун иштирок карда метавонад?» Алиасғари Шеърдӯст, Сафири фавқулодда ва мухтори Ҷумҳурии Исломии Эрон дар Тоҷикистон, ки дар брифинг ширкат дошт, андешаҳояшро ба таври зайл баён кард: - Дар бунёди НБО-и Роғун дар марҳилаи аввал бахши хусусии Эрон саҳмгузор хоҳад буд ва дар марҳилаи дувум ин масъаларо давлат мавриди баррасӣ қарор хоҳад дод. Вале ба ҳар ҳол дар пружаи Роғун Ҷумҳурии Исломии Эрон ҳузур хоҳад дошт. Сафир инчунин иттилоъ дод, ки сафари қарибулвуқӯъи Мустафо Муҳаммади Наҷҷор, вазири дифои Эрон, ба Тоҷикистон дар назар аст. Ва чанд рӯзе баъд аз он раиси садо ва симои кишвари мо Иззатуллои Зарғомӣ ба Тоҷикистон ташриф меорад. Ин ду сафар бо таъйиди мақомоти Тоҷикистон пеш аз сафари Президенти Ҷумҳурии Тоҷикистон ба Эрон барои иштирок дар иҷлосияи сарони кишварҳои узви ЭКО сурат хоҳанд гирифт.

Додоҷон Рӯзиев, «Ҷумҳурият»


Баёни ақида (0)    Санаи нашр:    №:    Мутолиа карданд: 994
07.08.2020


ТОҶИКИСТОН. 6 ҲАЗОРУ 443 БЕМОРИ COVID-19 ШИФО ЁФТ

ВМКБ. ШИНОСОИИ АЗИМ ИБРОҲИМ БО ҶАРАЁНИ КОР ДАР ИНШООТИ ҶАШНӢ

КМИР. НАҚШАИ ТАҚВИМИИ ЧОРАБИНИҲОИ ИНТИХОБОТИ ПРЕЗИДЕНТИ ҶУМҲУРИИ ТОҶИКИСТОНРО ТАСДИҚ КАРД

ЛИГАИ БОНУВОН. «ХАТЛОН» ҒОЛИБИ МАРҲИЛАИ АВВАЛ

ҶАҲОН ДАР ЯК САТР

06.08.2020


ТОҶИКИСТОН. 6 ҲАЗОРУ 399 ГИРИФТОРИ БЕМОРИИ COVID-19 ШИФО ЁФТ

СУҒД. МАҲСУЛОТИ АРЗОН ЗИНДАГИРО БАРАКАТ МЕБАХШАД

АГЕНТӢ. ШУМОРАИ ХИЗМАТЧИЁНИ ДАВЛАТӢ АЗ ҲИСОБИ ЗАНОН КОҲИШ ЁФТААСТ. ЧАРО?

СЕРИЯ ПРО. МУБОРИЗАИ "СОРО - КОМПАНИЯ" ВА "СИПАР" ШИДДАТ МЕГИРАД

05.08.2020


ТОҶИКИСТОН. 6 ҲАЗОРУ 356 ГИРИФТОРИ БЕМОРИИ COVID – 19 ШИФО ЁФТ

АЗ «АМОНАТБОНК» СИПОСГУЗОРЕМ

ЛИГАИ ОЛӢ. МАРҲИЛАИ ДУЮМ 8 АВГУСТ ОҒОЗ МЕЁБАД

04.08.2020


ТОҶИКИСТОН. 6 ҲАЗОРУ 317 БЕМОРИ COVID – 19 ШИФО ЁФТ

ОМОДАГИҲО ҶИҲАТИ БАРӮЙХАТГИРИИ АҲОЛӢ ВА ФОНДИ МАНЗИЛ ИДОМА ДОРАНД

АГЕНТИИ СОДИРОТ. СОДИРОТИ МАҲСУЛОТИ КИШОВАРЗӢ АФЗУД

83 КОРХОНАИ НАВИ САНОАТӢ МАВРИДИ БАҲРАБАРДОРӢ ҚАРОР ГИРИФТ

ВКД. САТҲИ ҶИНОЯТ КОҲИШ ЁФТ

SARS – CoV – 2. ТАДҚИҚОТИ ОЛИМОН ХАТАРИ НАВИ ОНРО ОШКОР СОХТ

ФАЙЗРЕЗ Ё СЕСАД ХАРБУЗА АЗ ЯК КАФ ЗАМИН

ҶОМИ ТОҶИКИСТОН – 2020. ҶУФТҲОИ ДАВРИ 1/4 - ФИНАЛӢ МУАЙЯН ГАРДИДАНД

03.08.2020


ТОҶИКИСТОН. АЗ КОРОНАВИРУС 83,7 ДАРСАДИ СИРОЯТЁФТАГОН СИҲАТ ШУДАНД

АКАДЕМИЯИ ИДОРАКУНИИ ДАВЛАТӢ ДОНИШҶӮЁНИ ХОРИҶИРО БА ТАҲСИЛ ҶАЛБ КАРДАНИСТ

ҲИСОР. БУНЁДИ ИНШООТИ ҶАШНӢ ИДОМА ДОРАД

ГУМРУК. СОДИРОТИ МОЛУ МАҲСУЛОТИ ВАТАНӢ 19,1 ДАРСАД АФЗУД

КУМИТАИ АНДОЗ. ПАНДЕМИЯ БА ИҶРОИ НАҚША БЕТАЪСИР НАМОНД

ТОҶИКИСТОН. 6 ҲАЗОРУ 103 БЕМОРИ COVID - 19 СИҲАТ ШУД

СУҒД. РӮНАМОИИ КИТОБНОМАИ ҲАШТҶИЛДАИ “ПЕШВОИ МИЛЛАТ - ЭМОМАЛӢ РАҲМОН”

САРҲАД. ДАР НОҲИЯИ МИР САЙИД АЛИИ ҲАМАДОНӢ 127 ҶИНОЯТ БА ҚАЙД ГИРИФТА ШУД

ИҶРОИ НАҚШАИ АНДОЗИ ИҶТИМОӢ 101 ДАРСАД ТАЪМИН ГАШТ

БАЛҶУВОН. ҲАҶМИ ИСТЕҲСОЛИ МАҲСУЛОТИ КИШОВАРЗӢ КОҲИШ ЁФТ

МАҲАЛ. ҶАЛБИ НИЁЗМАНДОН ВА ТИҶОРАТИ КИШОВАРЗӢ

ВМКБ. БОЗДИДИ РАМАЗОН РАҲИМЗОДА АЗ РАФТИ БУНЁДИ ИНШООТИ ҶАШНӢ

МОЛИЯ. МАБЛАҒГУЗОРИИ СОҲАҲОИ ИҶТИМОӢ АФЗУД

ФУТБОЛ. ТИМИ МИЛЛӢ МОҲИ СЕНТЯБР ДУ БОЗИИ САНҶИШӢ МЕГУЗАРОНАД

ЧИН ВАКСИНАИ АЛАЙҲИ КОРОНАВИРУСРО ДАР БРАЗИЛИЯ ВА АМА МЕОЗМОЯД


Дар сомонаҳои дигари Тоҷикистон хонед