logo

ҳуқуқ

КӮЛОБ. ҶИНОЯТ МЕАФЗОЯД, ЧАРО?

Соли 2013 дар шаҳру навоҳии минтақаи Кӯлоб 1325 ҷиноят: 184 ҷинояти вазнин, 138 қаллобӣ, 415 дуздӣ, 65 авбошӣ,  4 ҳолати муомилоти ғайриқонунии маводи мухаддир ва ғайра ба қайд гирифта шуда буд, ки нисбат ба соли пеш  263 адад зиёд аст. Чӣ боиси афзоиши ҷиноят гардид?
Абдулваҳҳоб Искандаров, сардори қисми минтақавии Раёсати вазорати корҳои дохилии вилояти Хатлон дар минтақаи Кӯлоб, зимни нишасти матбуотӣ ба хабарнигорон тавзеҳ дода буд, ки тибқи дастури Вазорати корҳои дохилии ҷумҳурӣ соли 2013 ягон ҷиноят пинҳон намонд. Асоси боло рафтани нишондод маҳз дар ин амал аст.
Дар ду моҳи аввали соли ҷорӣ 274 ҷиноят рӯй дод, ки нисбат ба ҳамин давраи соли рафта 19 адад зиёд мебошад. Коршиносон яке аз сабабҳои болоравии ҷиноятро дар Кӯлоб дар кам гузарондани ҷамъомад ва вохӯриҳо аз ҷониби нозирони минтақавии мақомоти милитсия ва дигар мутасаддиён дар маҳаллаҳою кӯчаҳо миёни сокинон маънидод мекунанд. Саҳлангорӣ дар фаъолияти нозирони минтақавӣ эҳсос мешавад.
Ду сол муқаддам, 30 июни соли 2012, Фармони Президенти мамлакат «Дар бораи тадбирҳои баланд бардоштани нақши нозирони минтақавии милитсия дар таъмини тартиботи ҷамъиятӣ ва тавсеаи ҳамкории онҳо бо аҳолӣ» ба тасвиб расида буд. Фармон нозиронро водор месозад, ки ҳамкории зичро бо мардум мустаҳкам созанд. Ҳамзамон, Сарвари давлат, соли 2012 зимни суханронии хеш дар маҷлиси ботантана ба муносибати Рӯзи милитсияи тоҷик изҳор намуда буд, ки  нақши нозирони минтақавӣ дар таъмини тартиботи  ҳуқуқӣ баланд бардошта шуда, вобаста ба он мақомоти иҷроияи маҳаллии ҳокимияти давлатӣ барои фаъолияти муназзами онҳо тамоми шароитро муҳайё намоянд. Мутаассифона, раванди иҷрои супоришҳо дар ин самти муҳими фаъолияти мақомоти милитсияи шаҳру ноҳияҳо қонеъкунанда набуда, татбиқи пурраи фармон низ назаррас нест. Дар баъзе маҳаллаҳо нафароне ҳастанд, ки ҳатто нозирро надидаанд ва намешиносанд. Дар чунин ҳолат чӣ гуна метавон умед ба ҳамкории сокинон баст?
Саидаҳмад Азизов, роҳбари қабулгоҳи ҷамъиятии Ваколатдор оид ба ҳуқуқу озодии инсон дар шаҳри Кӯлоб, оид ба ҳалли ин мушкилии ҷиддӣ тазаккур дод, ки бояд маърифати ҳуқуқии сокинон баланд бардошта шавад. Кормандони ҳифзи ҳуқуқ низ бояд қонунҳои амалкунандаи ҷумҳуриро дар сатҳи олӣ донанд. Фаъолияти хешро дар доираи қавонин ба роҳ монанд. Ҷиноятро пеш аз ба вуқӯъ саркӯб намоянд. Муҳим муомилаю муошират, рафтору кирдори дағалона ба сокинон раво диданро ҷурми азим шуморанд. Аммо мушоҳидаҳо собитгаранд, ки дар фаъолияти бархе ҳомиёни қонун нуқс ҷой дорад. Гоҳо аз шахси бегуноҳ ҷинояткор тарошиданӣ мешаванд. Чунин амал боиси коста шудани боварии мардум ба мақомот ва афзун гаштани ҷиноят мегардад.  
Мубориза бар зидди ҷинояткорӣ кори басо мураккаб буда, ҳамкории дастаҷамъонаро тақозо менамояд. Ба ин амали ба ҷомеа хавфнок дар ҳамбастагӣ бояд зарба зад. Зеро аз як даст садо намебарояд.
  
Ёқуби СОДИҚ, «Ҷумҳурият»


Баёни ақида (0)    Санаи нашр: 11.04.2014    №: 67    Мутолиа карданд: 727
01.06.2020


ХУШХАБАР. ДАР ТОҶИКИСТОН БЕШ АЗ 2000 СИРОЯТЁФТА ШИФО ЁФТ

РОҶЕР ФЕДЕРЕР. ГАРОНАРЗИШТАРИН ВАРЗИШГАРИ САЙЁРА

29.05.2020


ТОҶИКИСТОН. АЗ COVID - 19 БОЗ 423 НАФАРИ ДИГАР ШИФО ЁФТ

28.05.2020


ТОҶИКИСТОН. БОЗ 385 НАФАР АЗ КОРОНАВИРУС ШИФО ЁФТ

ВМКБ. ҲАМОВОЗӢ БА ИҚДОМИ НЕКИ ПЕШВОИ МУАЗЗАМИ МИЛЛАТ

ХИЗМАТИ ҲАРБӢ. НАҚШАИ ДАЪВАТ ПЕШ АЗ МУҲЛАТ ИҶРО ШУД

ВАРЗОБ. ҶОЙҲОИ КОРӢ БЕШТАР МЕГАРДАНД

БУНДЕСЛИГА. РАҚОБАТИ "БАВАРИЯ" БО "БОРУССИЯ" БАРОИ ПОЙГАИ ҚАҲРАМОНӢ

ШАҲРВАНДОНИ ТОҶИКИСТОН БО ПАРВОЗИ МАХСУС АЗ ДЕҲЛӢ ВА ДУБАЙ БА ВАТАН БАРМЕГАРДАНД

ҶАҲОН ДАР ЯК САТР

27.05.2020


436 НАФАРИ ДИГАР АЗ БЕМОРИИ COVID – 19 ШИФО ЁФТ

ҶАЛАСАИ ШӮРОИ ВАЗИРОНИ КОРҲОИ ХОРИҶИИ СААД

ТАҚВИЯТИ ҲАМКОРИҲОИ ТОҶИКИСТОНУ ӮЗБЕКИСТОН ДАР МУБОРИЗА АЛАЙҲИ COVID – 19

ДАР РӮИ ҒИЗО ЗАРРАҲОИ COVID-19 НЕСТ!

НОҲИЯИ САНГВОР. МУБОРИЗА АЛАЙҲИ COVID-19 БО УСУЛИ “ХОНА БА ХОНА”

ТАШВИҚОТИ ҲИЗБИ ПЕШОҲАНГ ДАР ПАРТАВИ ҲИДОЯТИ ПЕШВОИ МИЛЛАТ

ЛИГАИ ЧЕМПИОНҲО. МУАЛЛИФИ БЕҲТАРИН ГОЛ БЕҲТАРИН МУРАББӢ ШИНОХТА ШУД

ГАРМО МЕТАВОНАД СИРОЯТИ COVID-19-РО ДАР ӮЗБЕКИСТОН КОҲИШ ДИҲАД

ҶАҲОН ДАР ЯК САТР

26.05.2020


ТОҶИКИСТОН. АЗ БЕМОРИИ COVID – 19 1395 НАФАР ШИФО ЁФТ

НОҲИЯИ ЛАХШ. МУБОРИЗА АЛАЙҲИ COVID-19 ТАҲКИМ МЕЁБАД

КУМАКИ ЧИН БАРОИ ПЕШГИРӢ АЗ ПАҲНШАВИИ COVID – 19

БЕЭҲТИЁТИИ МУХЛИСОН - МӮҶИБИ ГИРИФТОРӢ БА КОРОНАВИРУС

ОЛИМОНИ РУС ВАКСИНАИ ЗИДДИ КОРОНАВИРУСРО МУВАФФАҚОНА ОЗМУДАНД

ҶАҲОН ДАР ЯК САТР

22.05.2020


ЁРИИ БАШАРДӮСТОНАИ ТОҶИКИСТОН БА ӮЗБЕКИСТОН

КУМАКИ ПРЕЗИДЕНТ БА ВИЛОЯТИ СУҒД

1008 НАФАР АЗ БЕМОРИИ COVID – 19 ШИФО ЁФТ

ВМКБ. ЁРИИ САРВАРИ ДАВЛАТ ФАЪОЛИЯТИ МУАССИСАҲОИ ТАБОБАТИРО БОЗ ҲАМ БЕҲТАР НАМУД

21.05.2020


ОЛИМИ ТОҶИК БОБОҶОН НАЗАРОВ ДАР БРИТАНИЯ ДОРУИ COVID-19 МЕСОЗАД

МИШУСТИН: «АФЗОИШИ ПАҲНШАВИИ КОРОНАВИРУС ДАР РОССИЯ БОЗДОШТА ШУД»

ЧИН БА КИШВАРҲОИ АЗ КОРОНАВИРУС ЗАРАРДИДА $2 МИЛЛИАРД МЕДИҲАД

МЕРКЕЛ: «ЯГОН ДАВЛАТ БА ТАНҲОӢ ИН ЭПИДЕМИЯРО УҲДА КАРДА НАМЕТАВОНАД»

МУЗОКИРОТИ БРИТАНИЯ ВА ФРАНСИЯ ОИД БА ЛАҒВИ КАРАНТИНИ МУСОФИРОНИ ВОРИДШУДА

ТАЙСОН ВА ҲОЛИФИЛД БА РИНГ БАРМЕГАРДАНД


Дар сомонаҳои дигари Тоҷикистон хонед