logo

сафарҳо

САФАРИ КОРИИ ЭМОМАЛӢ РАҲМОН БА НОҲИЯИ ФАЙЗОБОД

10 апрел Президенти кишвар Эмомалӣ Раҳмон барои иштирок дар оғози бунёди боғи нав ва мулоқот бо мардум ба ноҳияи Файзобод сафар кард.

Иштирок дар оғози бунёди боғи нави себу нок дар мавзеи хушобуҳавои Дашти Марзои Ҷамоати деҳоти Қалъаи Дашт ва мулоқот бо роҳбарону фаъолони ноҳияи Файзобод аз ҳадафҳои асосии боздиди кории Сарвари давлат Эмомалӣ Раҳмон аз ноҳияи Файзобод номида шуд. Чунонки зикр гардид, ин боғ ба таври намунавӣ дар майдони беш аз 120 гектар доман паҳн хоҳад кард. Ба бунёд ва нигоҳубини боғ 60 хоҷагии деҳқонӣ машғул мешавад, ки ба ҳисоби миёна ба ҳар яки он 2 гектар рост меояд. Дар ин мазеи зебо, ки обу хок ва иқлимаш барои парвариши боғи себу нок басо мусоид аст, беш аз 250 нафар бо кор таъмин шуда, ризқу рӯзӣ ҳосил хоҳанд кард.
Тавре зикр гардид, ин заминҳо тайи солҳои охир бо сабаби корношоям гардидани заҳкашҳои сунъӣ ва баланд шудани обҳои зеризаминӣ аз истифодаи кишоварзӣ дур монда буданд. Акнун тибқи супоришҳои Сарвари давлат Эмомалӣ Раҳмон доир ба дубора ба гардиши кишоварзӣ баргардондани заминҳои партову бекор ва ҳам доир ба бунёди боғҳои нав ин заминҳо дубора обод шуда, ба бӯстони зебо табдил мегарданд.
Чунонки иттилоъ доданд, нишондодҳои Фармони Президенти Ҷумҳурии Тоҷикистон аз 27 августи соли 2009 «Дар бораи тадбирҳои иловагӣ доир ба рушди соҳаи боғу токпарварӣ барои солҳои 2010 - 2014» дар ноҳияи Файзобод пурра иҷро гардидааст. Дар соли равон, тибқи нақша бояд дар майдони 50 гектар боғҳои нав бунёд ёбанд.
Президенти кишвар Эмомалӣ Раҳмон дастур дод, ки ба ҳамаи хонаводаҳои хоҳишманди бунёди боғ замин дода шавад, то ки ин кор ривоҷу равнақ пайдо кунад. Ба роҳбарияти ноҳия ва масъулони соҳаи кишоварзии кишвар дастур дода шуд, ки дар ноҳияи Файзобод минбаъд дар масоҳати 4 ҳазор гектар боғҳои намунавӣ барои истеҳсоли меваҳои содиротӣ бунёд намоянд.
Сарвари давлат Эмомалӣ Раҳмон аз намоишгоҳи маҳсулоти кишоварзӣ ва ҳунарҳои зебои мардумии ноҳия дидан карда, доир ба таъмини рушди босуботи ин ва дигар бахшҳои иқтисодию иҷтимоии ноҳияи Файзобод ба масъулон дастуру ҳидоятҳо дод. Тавре таъкид гардид, рушди ҳунарҳои зебои мардумӣ низ метавонад аз манбаъҳои муҳими даромади хонаводагии ҳар фарди ҳунарманд бошад.
Дар ҳамин ҷо лоиҳаи бунёди марҳалаи дуюми корхонаҳои мурғпарварии ҶДММ «Мурғи ҳилол» муаррифӣ шуд. Тибқи иттилоъ дар ин марҳала 61 мурғхонаи нав барои парвариши мурғи гӯштӣ бунёд мешавад. Дар 29 - тои он ҳамасола то 6 миллион сар парандаи гӯштӣ парвариш хоҳад ёфт. Мутобиқи нақша ҳар сол аз корхона 12 ҳазор тонна гӯшти мурғ ба бозор бароварда хоҳад шуд. Барои таъмини босамари ҳадаф дар ин ҷо ҳамчунин инкубатор фаъол мегардад, ки ҳар сол 8 миллион сар чӯҷа бояд барорад. Чӯҷаҳо дар 12 мурғхонаи махсус муҷаҳҳазшуда парвариш хоҳанд ёфт. 20 мурғхонаи дигар барои мурғоне пешбинӣ шудааст, ки тухми онҳо ҷиҳати баровардани чӯҷаҳои гӯштӣ истифода хоҳанд шуд.
Хотиррасон бояд намуд, ки дар марҳалаи якуми корхонаи «Мурғи ҳилол» 32 мурғхона барои парвариши парандаи тухмгузор омода шуда буд ва ҳоло дар онҳо тақрибан 500 ҳазор сар мурғ парвариш меёбад ва ҳамарӯза аз 250 то 300 ҳазор тухм ба бозор бароварда мешавад. Дар корхона наздик ба 600 нафар, асосан занону духтарони маҳаллӣ, бо кори доимӣ таъмин гардидаанд. Дар назди корхона, инчунин 12 мурғхонаи иловагӣ барои чӯҷаҳои мурғҳои тухмгузор бунёд меёбад. Тавре аён мегардад, дар ин сурат ин корхона қариб пурра худкифо мегардад. Ҳоло бошад, чӯҷаи мурғ аз хориҷи кишвар ворид мешавад.
Дар назди ҶДММ «Мурғи ҳилол» корхонаи инноватсионии биогаз низ бунёд меёбад, ки дар он аз поруи мурғ гази табиӣ, неруи барқ ва нуриҳои органикӣ истеҳсол хоҳад шуд. Дар корхона ҳамарӯза 120 тонна пору мавриди коркард қарор гирифта, аз он дар як шабонарӯз 12 ҳазор метри мукааб газ ва 1,2 мегаваттсоат нерӯи барқ тавлид хоҳад шуд. Дар як сол ин ҷо 9 миллиону 100 киловатт/соат нерӯи барқ истеҳсол хоҳад шуд. Ҳаҷми солонаи истеҳсолии нурии органикӣ бошад, ба 20 ҳазор тонна хоҳад расид. Барои бунёди корхонаҳои нави ҶДММ «Мурғи ҳилол» 63 миллион доллари амрикоӣ қарзи имтиёзнок аз Бонки рушди АвруОсиё ҷалб шудааст.
Сарвари давлат Эмомалӣ Раҳмон дар назди роҳбарияту фаъолони ноҳия ва мардуми сершумори деҳоти атрофи ин мавзеи зебо суханронӣ намуда, доир ба таъмини рушди босубот ва босуръати ин минтақаи кӯҳистон андешаҳои ҷолиб баён намуд. Таъкид гардид, ки ноҳияи Файзобод оянда бояд ба беҳтарин ва бузургтарин ноҳияи боғпарвар табдил ёбад. Нишондодҳои картошкапарварӣ низ бояд афзун гарданд. Бо итминон таъкид гардид, ки ноҳияи Файзобод мавқеи худро чун аз таъминкунандагони асосии ҷумҳурӣ бо маҳсулоти паранда, пеш аз ҳама тухм ва гӯшти мурғ бояд устувор гардонад.

 


Баёни ақида (0)    Санаи нашр: 11.04.2014    №: 67    Мутолиа карданд: 966

18.03.2019


ГРАНД СЛЕМИ ЕКАТЕРИНБУРГ. Беҳрӯз мақоми сеюмро гирифт

Tesla дар Қазоқистон нуқтаҳои нерудиҳӣ месозад

Аз фурӯравии биноҳо дар Чин 10 нафар ҷон бохт

Иттиҳоди иқтисодии АвруОсиё дар фикри бунёди биржаи меҳнат шуд

Сиёсатмадори олмонӣ лағви таҳримоти зиддирусиро зарур мешуморад

Ҷаҳон дар як сатр

13.03.2019


Парвиз Давлатзода бо Чэн Гуопин вохӯрд

Имконияти таҳсил дар ДДУК тавсеа меёбад

Маҷмааи меъмории рамзи «Истиқлолият ва Озодӣ» интихоб гардид

06.03.2019


Назорати фаъолияти ширкатҳои букмекирӣ пурзӯр мешавад

Бунёди маҷмааи корхонаҳои нассоҷӣ дар назар аст

Форуми якуми иттилоотонии ҷомеаи шаҳрвандӣ баргузор мегардад

ҶОМИ "ФФТ" "Истиқлол" бори панҷум онро соҳиб шуд

Варзишгарони тоҷик 5 медал ба даст оварданд

Ҷаҳон дар як сатр

Нилуфар Рофиева дар озмуни нозанинҳои Россия ғолиб омад

Лондон муносибаташро бо Москва ба эътидол овардан мехоҳад

Покистон ба гуфтушунид бо Ҳиндустон шурӯъ мекунад

Андешаи Лукашенко оид ба яхи обнашудаи муносибот бо Иттиҳоди Аврупо

Соли 2019 ду ҷоизаи Нобел дар соҳаи адабиёт супурда мешавад

05.03.2019


СУҒД. Авлавият ба кишти картошка

04.03.2019


Хуҷанд ба даҳгонаи шаҳрҳои беҳтарини сайёҳӣ ворид гардид

Сертификати армуғони сайёҳӣ таъсис ёфт

ҶОМИ "ФФТ". "Истиқлол" ва "Кӯктош" дар финал

Осиёи Марказӣ. Камтарин теъдоди маҳбусон дар Тоҷикистон аст

Москва ва Вашингтон нархи раводидро арзон карданд

Қазоқистон ба воридоти меваю сабзавоти Қирғизистон роҳ мекушояд

Лавров: «Вазъият дар Сурия ба эътидол омад»

Ҳалокати 29 нафар аз обхезӣ дар ҷануби Афғонистон

Ҷаҳон дар як сатр

01.03.2019


ФУТБОЛ. «Хуҷанд» бо «Аҳал» мубориза мебарад

Бори нахуст дар таърих якбора ду зан ба кайҳони кушод мебароянд

Пекин дар фикри эъмори Девори бузурги чинӣ шуд

Испания солимтарин кишвари дунё эътироф гардид


Дар сомонаҳои дигари Тоҷикистон хонед