logo

порлумон

СОЗИШНОМАИ БАЙНИ ТОҶИКИСТОНУ БАТР БА ТАСВИБ РАСИД

Дар ҷаласаи навбатии иҷлосияи панҷуми Маҷлиси намояндагони Маҷлиси Олии Ҷумҳурии Тоҷикистон, ки таҳти раёсати Амиршо Миралиев, муовини якуми Раиси Маҷлиси намояндагон, баргузор шуд, Созишнома дар бораи пешниҳоди кафолат байни Ҷумҳурии Тоҷикистон ва Бонки аврупоии таҷдид ва рушд (БАТР) ба тасвиб расид.

Мақсади асосии созишнома ҷудо намудани қарзи имтиёзнок ва пешниҳоди грант барои татбиқи Лоиҳаи идоракунии партовҳои сахти маишии шаҳри Турсунзода аз тарафи БАТР ба Муассисаи коммуналии «Шуъбаи манзилию коммуналӣ ва хоҷагидорӣ дар назди мақомоти иҷроияи ҳокимияти давлатии шаҳри Турсунзода» аст.
Арзиши умумии Лоиҳаи идоракунии партовҳои сахти маишии шаҳри Турсунзода 4,9 миллион доллари амрикоӣ арзёбӣ шуд. Аз ин миқдор 2 миллион доллар қарзи имтиёзнок, 2 миллион доллар грант, 750 ҳазор евро ё 900 ҳазор доллари ИМА барои гузарондани корҳои машваратӣ ва таҳияи барномаи рушди корпоративӣ ба нақша гирифта шудааст.
Ҷамолиддин Нуралиев, муовини якуми вазири молияи ҷумҳурӣ, ҳангоми шарҳи мавзуъ афзуд, ки ҳадафи созишномаи мазкур ҷудо намудани қарз баҳри насби технологияҳои муосири идоракунии партовҳои маишӣ, усулҳои нави ҷамъоварӣ ва баровардани партовҳои сахти маишӣ, баланд бардоштани сифати хизматрасонию вазъи санитарӣ ва экологии шаҳри Турсунзода мебошад. Дар сурати татбиқи лоиҳаи мазкур баланд гаштани сифати хизматрасонӣ, бехатарии санитарӣ ва экологии шаҳри Турсунзода ва беҳтар намудани сатҳи саломатии сокинони ин минтақа таъмин хоҳад шуд.
Ба гуфтаи мавсуф, дар шаҳри Турсунзода 144 нуқтаи ҷамъоварии партов мавҷуд буда, тозакунӣ ва баровардани онҳо бо истифодаи техникаи кӯҳна ба роҳ монда шудааст. Ҷамъоварии партовҳо бо истифодаи 41 адад техникаи замони шӯравӣ сурат мегирад, ки аксари онҳо таъмирталабанд. Аз ин лиҳоз роҳандозии лоиҳаи мазкур ба мақсад мувофиқ дониста шуд.
Зикр гашт, ки ҷамъоварии маблағҳои хизматрасонӣ ва баровардани партовҳои сахти маишӣ пурра ба уҳдаи шуъбаи манзилию коммуналӣ ва хоҷагидории шаҳри Турсунзода гузошта шудааст, ки ин хавфи пардохти қарзро аз ҳисоби буҷети давлатӣ пешгирӣ менамояд. Қарзи лоиҳаи мазкур имтиёзнокии баланд дошта, давраи пардохти қарзи асосӣ се сол, меъёри он 1 фоиз буда, маҷмуан 15 солро дар бар мегирад.
Дар асоси Созишнома Ҷумҳурии Тоҷикистон кафолат медиҳад, ки ҳангоми барнагардондани қарз аз ҷониби Корхонаи воҳиди давлатии хоҷагии манзилию коммуналӣ уҳдадориҳои баргардондани маблағҳои қарзӣ аз ҳисоби буҷети давлатӣ амалӣ мешавад.
Шарофиддин Сироҷов, вакили Маҷлиси намояндагон, иброз дошт, ки тибқи созишнома қарзгиранда дар доираи маблағҳои лоиҳа аз пардохти андоз ва боҷ барои хариди мол, хизматрасониҳо, аз ҷумла  корҳои  сохтмонӣ озод мегардад. Татбиқи лоиҳаи  идоракунии партовҳои  сахти маишии шаҳри Турсунзода соли 2014 оғоз гашта, то  соли 2016  идома  хоҳад  ёфт.
Дар ҷаласа ҳамчунин силсилаи санадҳо, аз ҷумла Созишномаи қарзӣ (Лоиҳа оид ба идоракунии партовҳои сахти маишии шаҳри Турсунзода) байни Муассисаи коммуналии «Шуъбаи манзилию коммуналӣ ва хоҷагидорӣ дар назди мақомоти иҷроияи ҳокимияти давлатии шаҳри Турсунзода» ва Бонки аврупоии таҷдид ва рушд, Созишнома дар бораи пешниҳод намудани грант байни Ҷумҳурии Тоҷикистон, Муассисаи коммуналии «Шуъбаи манзилию коммуналӣ ва хоҷагидорӣ дар назди мақомоти иҷроияи ҳокимияти давлатии шаҳри Турсунзода» ва Бонки аврупоии таҷдид ва рушд оид ба Лоиҳаи «Идоракунии партовҳои сахти маишии шаҳри Турсунзода» баррасӣ ва тасдиқ гардиданд.
Шаҳнози ҚУРБОН, «Ҷумҳурият»


Баёни ақида (0)    Санаи нашр: 12.04.2014    №: 68    Мутолиа карданд: 699

12.11.2018


Дар Париж ҳамоиши сулҳ ифтитоҳ ёфт

Бо эҳтимоми ҳукумати Ҳиндустон нархи сӯзишворӣ арзон мешавад

ЭКСПО дар Шанхай: шартномаҳо ба маблағи қариб $60 миллиард ба тасвиб расиданд

Сӯхтори ҷангал дар Калифорния боиси ҳалокати 25 нафар гашт

Ҷаҳон дар як сатр

ВАХШ. Суратҳисоби бонкӣ барои ятимон

ОЛИМПИАДАИ “GENIUSKIDS – 2018” 35 медали хонандагони тоҷик

САМБО. Хушқадам Хусравов – қаҳрамони ҷаҳон

09.11.2018


Ҳамоишҳои ҷавонон бахшида ба Рӯзи Президент

Баррасии масоили рушди ҳамкориҳо

Мулоқоти Юсуф Раҳмон бо Кристофер Рэй

Таъсиси гурӯҳи корӣ баҳри иҷрои «Барномаи рушди иҷтимоию иқтисодии шаҳри Душанбе барои давраи то соли 2025»

Давлаталӣ Саид дар Корея

20-умин конфронси расонаҳои Осиёи Марказӣ дар Остона баргузор шуд

«Толибон» рӯйхати иштирокдорони мушовараи Москваро интишор дод

Таърихшиноси фаронсавӣ ба Макрон нақши Россияро дар наҷоти Аврупо хотиррасон кард

Ҷаҳон дар як сатр

"TASHKENT GRAND PRIX" ИШТИРОКИ ПАҲЛАВОНОНИ ТОҶИК ДАР ОН

"Истиқлол" бори ҳафтум чемпиони Тоҷикистон шуд!

08.11.2018


ШАҲРИСТОН. Бунёди 68 иншооти нав

ГУЛИСТОН. Бунёди майдони Парчами давлатӣ ва навсозии кӯдакистони “Дилноз”

Вусъати созандагӣ дар ноҳияи Бобоҷон Ғафуров

ХУҶАНД. Ифтитоҳи маҷмааи фитнеси занона

НОҲИЯИ АБДУРАҲМОНИ ҶОМӢ. Муассисаҳои таълимӣ ба фасли сармо омодаанд

“АРБОБОНИ ИЛМИ ТОҶИК”

Бо хоҳиши Макрон вохӯрии муфассали Путин ва Трамп баргузор намешавад

Толибон нияти иштирок дар музокироти сулҳи Москваро доранд

Дар 40 соли ислоҳот савдои берунаи Чин 670 маротиба афзуд

Деҳлӣ ҳавои ифлосро бо борони сунъӣ тоза карданист

Ҷаҳон дар як сатр

МАРҲИЛАИ ИНТИХОБИИ ЧЕМПИОНАТИ ОСИЁ – 2020. Ҳарифони мунтахаби Тоҷикистон (U-23) муайян шуданд

07.11.2018


Маҷлиси тантанавӣ бахшида ба Рӯзи Конститутсия

Мулоқоти Рамазон Раҳимзода бо Абдулазиз ибни Сауд

Пулҳои миллӣ бо такмили унсурҳои ҳимоя


Дар сомонаҳои дигари Тоҷикистон хонед