logo

ҳуқуқ

ТАВСЕАИ МУБОРИЗАИ МУШТАРАК БО МАВОДИ НАШЪАОВАР

Дар Агентии назорати маводи нашъаовари назди Президенти Ҷумҳурии Тоҷикистон ҷаласаи Шӯрои ҳамоҳангсозӣ оид ба пешгирии суистифода аз маводи нашъаовар баргузор гардид. Аз шуъбаи робита бо ҷомеаи агентӣ иттилоъ доданд, ки дар нишаст муовини Сарвазири Ҷумҳурии Тоҷикистон, раиси Шӯрои ҳамоҳангсозӣ Марҳабо Ҷабборӣ, муовини раиси шӯро Рустам Назаров, аъзо ва котиби шӯро, сафирони Русия, Беларус, Қирғизистон, Ҷопон, намояндагони сафоратҳои Олмон, Амрико, Афғонистон, роҳбарони созмонҳои байналмилалии муҳими Тоҷикистон – Барномаи рушди СММ, Хазинаи рушди «Оғохон», Раёсати СММ оид ба маводи нашъаовар ва ҷинояткорӣ, Созмони амният ва ҳамкорӣ дар Аврупо иштирок намуданд.

Муовини Сарвазири мамлакат Марҳабо Ҷабборӣ иброз дошт, ки муомилоти ғайриқонунии маводи нашъаовар ва суистифода аз он на танҳо дар кишвари мо, балки дар минтақа низ боиси нигаронӣ гардида, таҳдид ба солимии ҷомеа дорад. Ба ин масъала Ҳукумати ҷумҳурӣ таваҷҷуҳи махсус зоҳир намуда, барои ҳалли он тадбирҳои мушаххас андешидааст. Чунончи, бо Фармони Президенти кишвар Эмомалӣ Раҳмон  «Стратегияи миллии мубориза бар зидди гардиши ғайриқонунии маводи мухаддир дар Ҷумҳурии Тоҷикистон барои солҳои 2013 - 2020» қабул гардид, ки мақсади асосии он коҳиш додани ҳаҷми гардиши ғайриқонунии маводи нашъаовар ва истифодаи ғайритиббии он, инчунин таъмини бехатарии солимии аҳолӣ, ҷомеа, давлат ва таҳкими ҳамкориҳои байналмилалӣ мебошад.
Рустам Назаров, директори агентӣ, оид ба вазъи қочоқи маводи нашъаовар дар Тоҷикистон ва минтақаи Осиёи Марказӣ, роҳҳои пешгирии интиқоли он аз Афғонистон маълумот дода, гуфт, ки ҳолатҳои ба Тоҷикистон ворид шудани маводи нашъаовари синтетикӣ ошкор гардиданд. Ин боз аз он ҷиҳат нигаронкунанда аст, ки дар чанд соли охир шумораи нашъамандон, сироятёфтагони ВИЧ (СПИД) рӯ ба афзоиш овардаанд. Директори агентӣ созмонҳои байналмилалиро даъват кард, ки дар татбиқи Стратегияи миллии мубориза бар зидди гардиши ғайриқонунии маводи мухаддир мусоидат намоянд. Мавсуф ташкили курсҳои махсус оид ба омӯзондани кормандони идораҳои зиддимухаддиротӣ, таҳлили вазъи вобаста бо маводи нашъаовар дар Тоҷикистон, баргузории чорабиниҳо дар мавзӯи тарғиби тарзи ҳаёти солимро ба мақсад мувофиқ донист.
Ба гуфтаи ӯ, вақтҳои охир дар Вилояти Мухтори Кӯҳистони Бадахшон зиёд шудани шумораи нашъамандон ба назар мерасад. Бинобар ин, ба созмонҳои байналмилалӣ, махсусан Хазинаи рушди «Оғохон» пешниҳод намуд, ки дар ҳамаи маҳаллаҳои аҳолинишин оид ба пешгирии нашъамандӣ чорабиниҳои зиддимухаддиротӣ доир намоянд.
Рустам Назаров ҳалли як қатор масъалаҳои муҳим, назири бозомӯзии мутахассисони сохторҳои зиддимухаддиротии Тоҷикистон ва Афғонистон, созмон додани Маркази таълимӣ оид ба бозомӯзии мутахассисони соҳаи кинология дар заминаи Маркази кинологии агентиро мавриди баррасӣ қарор дод.
Намояндагони вазоратҳои тандурустӣ ва ҳифзи иҷтимоии аҳолӣ, меҳнат, муҳоҷират ва шуғли аҳолӣ, фарҳанг, маориф ва илм, Кумитаи ҷавонон, варзиш ва сайёҳӣ созмон додани марказҳои офиятӣ, гузарондани чорабиниҳои пешгирии нашъамандӣ дар байни ҷавонон, таҳқиқи иҷтимоии масъалаҳои нашъамандӣ, роҳандозии корҳои тарғиботию ташвиқотиро дар байни муҳоҷирони корӣ аз ҷумлаи омилҳои асосии коҳиш додани сатҳи нашъамандиву нашъаҷаллобӣ маънидод карданд.
Сафирони кишварҳои хориҷӣ ва роҳбарони созмонҳои байналмилалӣ бо итминон гуфтанд, ки якҷо бо Агентии назорати маводи нашъаовар муборизаро дар ин самт пурзӯр намуда, ҳамкориро дар доираи «Стратегияи миллии мубориза бар зидди гардиши ғайриқонунии маводи мухаддир дар Ҷумҳурии Тоҷикистон барои солҳои 2013 - 2020» тавсеа мебахшанд.
Р. Додоҷон, «Ҷумҳурият»


Баёни ақида (0)    Санаи нашр: 22.04.2014    №: 74    Мутолиа карданд: 608

22.07.2019


МЕЪМОРӢ ВА СОХТМОН. Қонуншиканиҳо ҳанӯз зиёданд

ТАҲСИЛОТИ САЛОҲИЯТНОК ТАТБИҚ МЕГАРДАД

ЗАМИН. Камбуди оби полизӣ мушкили ҳалталаб боқӣ мемонад

Гилерми: «Тоҷикон соҳиби кишвари афсонавианд»

Швейтсария дар Тоҷикистон бонк мекушояд

Ҷаҳон дар як сатр

19.07.2019


ПАЛАТАИ ҲИСОБ. 88,З миллион сомонӣ зарари молиявӣ ошкор гашт

УМЕД БОБОЗОДА: "Аксари муроҷиатҳо оид ба адолати судиянд"

Кӯдакони аз Ироқ овардашуда ба зиндагии муқаррарӣ бармегарданд

"EXPO 2019 BEIJING". Гӯшаи Тоҷикистонро беш аз як миллион нафар тамошо кард

НИГАРОНӢ. Ҷудошавии 6065 оила дар ним сол

18.07.2019


ХАДАМОТИ ЗИДДИИНҲИСОРӢ. Болоравии нархи барқ ба қарзи он марбут аст

Азим Иброҳим Ким Тэ Сонгро ба ҳузур пазируфт

Ба ташкили корхонаҳои муштарак ҳавасмандӣ зоҳир гардид

Ҳамоиши «Ваҳдат – омили ягонагӣ ва суботи ҷомеа» доир шуд

Ҳамкорӣ бо Қатар густариш меёбад

Саридораи геология. 2810 харитаи геологӣ рақамӣ шуд

121 шахси масъул ба ҷавобгарии маъмурӣ кашида шуд

Роҳи нави сесатҳаи Душанбе ба истифода дода мешавад

Президенти Қазоқистон Шӯрои миллии эътимоди ҷомеаро созмон дод

Дар Ӯзбекистон аввалин IT-технопарк бунёд мегардад

Ҷаҳон дар як сатр

17.07.2019


Музокироти ҳайатҳои расмии Тоҷикистон ва Корея

КУМИТАИ МУҲИТИ ЗИСТ. Нигаронӣ аз набудани партовгоҳҳо дар деҳот

ПРОКУРАТУРАИ ГЕНЕРАЛӢ. 5774 гектар қитъаи замин ба ҳолати аввала баргардонда шуд

ИЗЗАТУЛЛО САТТОРӢ: "Истеҳсоли гӯшти мурғ 9 маротиба зиёд мегардад"

ВАЗОРАТИ АДЛИЯ. Хулосаи ҳуқуқӣ ба 1936 лоиҳаи санадҳои меъёрии ҳуқуқӣ

ТАЭКВОН – ДО. Муниса медали тилло ба даст овард

Суръати рушди ММД Тоҷикистон миёни кишварҳои ИДМ баландтарин шуд

Тоҷикистон ба сохтмони лӯлаи гази «Осиёи Марказӣ — Чин» шурӯъ мекунад

Дар ҷанубу ғарби Чин аз хушксолӣ 7,4 миллион нафар зарар дид

Ҷаҳон дар як сатр

Нашрияи расмии Ҷумҳурии Тоҷикистон – рӯзномаи «Ҷумҳурият» якҷо бо мақомоти иҷроияи ҳокимияти давлатии вилояти Хатлон бахшида ба Ҷашни 30 - солагии Истиқлолияти давлатии Ҷумҳурии Тоҷикистон таҳти унвони «ТОҶИКИСТОН – ХОНАИ УМЕДИ МО» озмун эълон менамояд.

16.07.2019


ХАДАМОТИ АЛОҚА. Корти ID симкорти муштариро ба расмият медарорад


Дар сомонаҳои дигари Тоҷикистон хонед