logo

маориф

МАҚОМИ ОМӮЗГОР БАЛАНДТАР МЕГАРДАД

Ҳамасола дар Паёми Президенти Ҷумҳурии Тоҷикистон Эмомалӣ Раҳмон ба Маҷлиси Олии кишвар муҳимтарин нуктаҳо оид ба рушди соҳаи маориф баён мешуданд. Инчунин вобаста ба он Ҳукумати ҷумҳурӣ вазифадор мегардид, ки барои беҳтар намудани таъминоти иҷтимоии аҳли маориф бештар аз пештар маблағ ҷудо намояд. Аз ин рӯ, дар чанд соли охир маоши мо – омӯзгорон зиёд гардид. Ҷавобан ба ғамхориҳои Сарвари давлат бо эҳсоси баланди масъулиятшиносӣ дар таълиму тарбияи насли наврас, мутахассисони ояндаи мамлакат, саҳми арзанда мегирифтем.
Ҳанӯз фаромӯш  нашудааст, ки дар оғози соҳибистиқлолии кишвар бар асари хуб набудани таъминоти иҷтимоӣ шумораи зиёди омӯзгорон тарки пеша намуда, ба муҳоҷирати меҳнатӣ рафта буданд. Насли нав ба ин соҳа он қадар таваҷҷуҳ надошт. Дар натиҷа нарасидани омӯзгорону мутахассисон дар мактабҳои таҳсилоти миёнаи умумии кишвар бараъло эҳсос мешуд. Аз рӯи зарурат ба таълим нафароне ҷалб мегардиданд, ки маълумоти омӯзгорӣ надоштанд. Ин то ҷойе ба раванди таълиму тарбия таъсири манфии худро гузошт.
Шукр, ки вазъ рӯ ба беҳбудӣ овардааст. Омӯзгорон ба такмили ихтисос фаро гирифта шуданд. Муҳаббат ба ин пешаи пуршараф дар ҳоли афзудан мебошад. Ба сифати таълиму тарбия ҷиддӣ назорат бурда мешавад.
Махсусан, қабули Қонуни Ҷумҳурии Тоҷикистон «Дар бораи маориф» дар таҳрири нав мақоми омӯзгорро расману қонунан муайян кард. Дар ин асос барои омӯзгорон имтиёзҳои зиёд пешбинӣ гардид.
Дар Паёми имсола Президенти кишвар махсусан вобаста ба иҷрои ин қисмати қонун чунин таъкид карданд: «… ман аз тамоми масъулини Ҳукумат ва мақомоти иҷроияи маҳаллии ҳокимияти давлатӣ талаб менамоям, ки иҷрои бечунучарои муқаррароти қонуни мазкурро таъмин созанд».
Чунин таъкид, албатта, моро умедвор месозад, ки иҷрои қонуни мазкур зери назорати махсуси Сарвари давлат мебошад. Дар ин сурат шукуфоӣ ва пешрафти соҳа бо дилпурӣ метавон умед баст.
Мусаллам аст, ки ин соҳа ҳамеша дар маркази диққати Сарвари давлат Эмомалӣ Раҳмон ҳанӯз аз оғози фаъолияташон қарор дошт. Чаро? Ба ин пурсиш бори дигар посухи дурусту қотеъро аз Паёми имсола дармеёбем: «Мо минбаъд низ барои ҳалли масъалаҳои иҷтимоии соҳаи маориф ва баланд бардоштани мақому манзалати омӯзгор дар ҷомеа ҳамаи чораҳои заруриро амалӣ мегардонем, зеро такроран хотирнишон месозам, ки омӯзгорон тарбиятгарони наслҳои ояндасози миллат ва давомдиҳандагони анъанаву суннатҳои пурифтихори миллии мо мебошанд».
Воқеан, бо тамоми масъулият наслҳои ояндасози миллат бояд дуруст таълиму тарбия дода шаванд, то онҳо давомдиҳандагони асили анъанаву суннатҳои пурифтихори миллиамон гарданд. Инчунин барои пойдории миллату давлат, рушди тамоми соҳаҳои кишвар донишу таҷрибаҳои андӯхтаашонро бехато истифода бурда тавонанд. Барои ин тамоми имконот фароҳам оварда мешавад. Тавре Президенти кишвар дар Паём изҳор доштанд: «Маҳз  ба  ҳамин хотир, ки маориф соҳаи ояндасози ҳаёти кишвар мебошад, мо ба нақша гирифтаем, ки бо мақсади ҳалли масъалаҳои таълиму тарбияи насли навраси халқамон ва умуман ҷиҳати таъмин намудани рушди соҳаи маориф ва беҳтар гардонидани таъминоти иҷтимоии аҳли маориф дар 7 соли оянда 27 миллиард сомонӣ ҷудо намоем».
Фикр мекунам, ки аз ин пештар ҳеҷ вақт ба рушди ин соҳа ҷудо намудани чунин маблағи зиёд пешбинӣ нашуда буд. Яъне соҳаи мазкур ба тағйироту пешрафти фараҳбахшкунанда рӯ ба рӯст. Ва мо - омӯзгорон ҷавобан ба ин ғамхориҳо бо шинохти масъулияти бештару беҳтар аз пештар бояд фаъолият намоем, донишу таҷрибаамонро такмил дода, ба сифати таълиму тарбия аҳамияти махсус бидиҳем.

Муҳаммади ДАВЛАТЁР,
мудири шуъбаи маорифи
ноҳияи Восеъ,
Корманди шоистаи Тоҷикистон


Баёни ақида (0)    Санаи нашр: 26.04.2014    №: 78    Мутолиа карданд: 712

29.01.2020


Вазорати кишоварзӣ. Истеҳсоли моҳӣ 83 дарсад афзуд

273 корманди муҳандисию техникӣ аз санҷиш нагузашт

28.01.2020


Иқтидори энергетикии кишвар рӯ ба афзоиш дорад

Азнавбақайдгирӣ. Ҷараёни иҷро нигаронкунанда боқӣ мемонад

Тоҷикистону Эрон. Ҳамкориҳои гумрукӣ таҳким меёбанд

Ноҳияи Рӯдакӣ. Саноатикунонӣ дар мадди аввал

СММ ИМА ва Россияро ба тамдиди созишномаи ССҲ-3 даъват намуд

Аксарияти нафароне, ки мубталои коронавирус шуданд, аз 60 - сола боло мебошанд

Дар Қазоқистон бо офияти занҳое машғул мешаванд, ки аз Сурия баргаштанд

Ҳамлаи малах ба Африқои Ҷанубӣ боиси нигаронии сахти СММ шуд

Ҷаҳон дар як сатр

27.01.2020


«ҶОМИ РУШД - 2020». Наврасони тоҷик соҳиби медалҳои нуқра гаштанд

Заминларзаи сахт дар Туркия ва ҳалокати 38 нафар

Зеленский аҳамияти музокироти бевосита бо Путинро таъкид дошт

Гуфтушуниди Лукашенко дар бораи хариди нафт бо ИМА, АМА ва Арабистони Саудӣ

Дар ИМА музокироти тиҷоратӣ бо Британияро дар як сол анҷом доданианд

Ҷаҳон дар як сатр

26.01.2020


Тасдиқи рамзи "30 - солагии Истиқлолияти давлатии Ҷумҳурии Тоҷикистон"

Тасдиқи рамзи "Солҳои рушди деҳот, сайёҳӣ ва ҳунарҳои мардумӣ" эълон гардидани солҳои 2019 - 2021

Ноҳияи Дӯстӣ. Қонуншиканиҳо коҳиш меёбанд

ТОҶИКИСТОН ВА ӮЗБЕКИСТОН. Таъсиси корхонаи муштараки истеҳсолӣ

Файзобод. Рӯ ба рушд

ОЗМУНИ ЧИНИИ "ОВОЗИ ТИЛЛОӢ". Ғолибон муайян шуданд

"ҶОМИ РУШД – 2020". Тоҷикистон дар финал

Дар Чин усули табобати коронавирусро пайдо намуданд

Путин вохӯрии панҷ аъзои доимии Шӯрои амнияти СММ - ро пешниҳод намуд

Макрон пешниҳоди Путинро дар бораи вохӯрии кишварҳои аъзои доимии Шӯрои амният хуш пазируфт

Эътилоф амалиёти низомиро дар Ироқ боздошт

Меркел дар Давос бо сарони Ироқ ва Афғонистон вохӯрд

Ҷаҳон дар як сатр

23.01.2020


ҶОМИ ФФТ. Маросими қуръакашии минтақаи Душанбе доир шуд

Озмуни «Ҳунарҳои ороишӣ аз санг» доир мегардад

Усулҳои муосири муқовимат ба ифротгароии хушунатомез миёни ҷавонон

Мубориза бо коррупсия — кори дастаҷамъона


Дар сомонаҳои дигари Тоҷикистон хонед