logo

порлумон

БА ҚОНУНИ ИНТИХОБОТ ТАҒЙИРУ ИЛОВА ВОРИД ШУД

Дар ҷаласаи Маҷлиси намояндагони Маҷлиси Олии Ҷумҳурии Тоҷикистон, ки таҳти раёсати Шукурҷон Зуҳуров, Раиси Маҷлиси намояндагон, гузашт, даҳ масъала баррасӣ гардид. Зимни ворид намудани тағйиру илова ба Қонуни конститутсионии Ҷумҳурии Тоҷикистон «Дар бораи интихоботи Маҷлиси Олии Ҷумҳурии Тоҷикистон», Муҳиддин Кабиров, узви Кумитаи Маҷлиси намояндагон оид ба корҳои байналмилалӣ, иттиҳодияҳои ҷамъиятӣ ва иттилоот, иброз дошт, ки мақсад аз ворид намудани тағйиру иловаҳо бартараф намудани мухолифатҳо байни қонуни амалкунанда ва Конститутсияи Ҷумҳурии Тоҷикистон бо дар назар гирифтани тавсияҳои нозирони байналмилалӣ ва миллӣ пешниҳод шудааст. Назар ба гуфтаи мавсуф, ду пешниҳод аз лоиҳаи пешниҳоднамудаи онҳо қабул шудааст.
Галия Рабиева, муовини раиси Кумитаи Маҷлиси намояндагон оид ба сохтори давлатӣ ва худидоракунии маҳаллӣ, сабабҳои қабул нагардидани дигар пешниҳодҳоро шарҳу тавзеҳ дод.
Дар баробари ин, ду пешниҳод - яке дар бораи баргардондани гарави интихоботӣ ба номзад дар сурати соҳиб шудани ӯ ба 10 дарсади овози интихобкунандагон ва дигаре бо қалами худкори рангӣ пур кардани протокол дар бораи натиҷаҳои овоздиҳӣ аз тарафи се кумита дастгирӣ ёфт ва аз ҷониби ду кумита ва Ҳукумати ҷумҳурӣ эрод гирифта нашуд. Бинобар ин, саркумита ин ду пешниҳодро дастгирӣ намуда, лоиҳаи қонунро такмил дод.
Дар натиҷа аз 62 эроду таклифҳои воридшда 52 - тоаш қабул, 4 - тоаш қисман қабул ва 6 - тоаш бо сабаби тағйир додани лоиҳаи қонун қабул нашуд. Зикр гардид, ки ҳаҷми гаравпулӣ аз 200 нишондиҳанда барои ҳисобҳо ба 100 нишондиҳанда расид.
Ҳамчунин ба қонунҳои Ҷумҳурии Тоҷикистон «Дар бораи боҷи давлатӣ», «Дар бораи Бонки миллии Тоҷикистон», «Дар бораи фаъолияти оперативӣ - ҷустуҷӯӣ», «Дар бораи муқовимат ба қонунигардонии (расмикунонии) даромадҳои бо роҳи ҷиноят бадастоварда ва маблағгузории терроризм», «Дар бораи низоми иҷозатдиҳӣ» ва Кодекси ҳуқуқвайронкунии маъмурии Ҷумҳурии Тоҷикистон тағйиру иловаҳо ворид гардиданд.
Лутфулло Саидмуродов, раиси Кумитаи Маҷлиси намояндагон оид ба илм, маориф, фарҳанг ва сиёсати ҷавонон, зимни баррасии лоиҳаи Қонуни Ҷумҳурии Тоҷикистон «Дар бораи адабиёти таълимӣ» гуфт, ки ҳадафи асосии он танзими муносибатҳои ҷамъиятӣ дар самти таҳия, экспертиза, нашр, таъмину дастрасии адабиёти таълимӣ ва афзун намудани талабот ба сатҳи мазмуну муҳтавои адабиёти таълимист.
Мавсуф зикр кард, ки бо рушди муносибатҳои бозорӣ ва ба вуҷуд омадани дигаргуниҳои куллӣ дар раванди усулҳои дарк кардани олам ва ҳаёти ҷомеа, инчунин ба тарзи васеъ истифода намудани низомҳои нави таҳсилот, ба монанди низоми таълимии кредитӣ ва таҳсилоти фосилавӣ, талаботи миқдорӣ ва сифатии раванди таҳсилот ба адабиёти таълим дучанд меафзояд.
Санҷишҳои Вазорати маориф ва илми ҷумҳурӣ дар соли таҳсили 2012-2013 нишон дод, ки азхудкунии барномаҳои таълимӣ дар маҷмӯъ дар ҷумҳурӣ 69 дарсадро ташкил мекунад. Бинобар ин, нашри китобҳои дарсии баландсифату пурмуҳтаво барои хонандагон ва омӯзгорони муассисаҳои таълимӣ вазифаи ниҳоят муҳим барои масъулони Вазорати маориф ва илм ба ҳисоб меравад.
Назар ба гуфтаи ӯ, аз соли 2001 то 2010 Вазорати маориф ва илми Ҷумҳурии Тоҷикистон беш аз 200 номгӯи китобҳои дарсиро бо теъдоди 18,3 миллион нусха бо маблағи зиёда аз 72 миллион сомонӣ ба табъ расонд. Соли 2013 бошад, 39 номгӯи китоби дарсӣ ба миқдори 1,8 миллион нусха ба маблағи қариб 1,5 миллион сомонӣ чоп шуд. Имрӯз вақти он расидааст, тамоми адабиёти таълимӣ, ки дар ҳамаи зинаҳои таҳсилот истифода мешаванд, аз ҷониби муаллифон, олимон донишмандон бознигарӣ шуда, тибқи талаботи стандартҳои нави давлатии таълимӣ ва фаннӣ навишта ба табъ расонда шаванд.
Нуриддин Саидов, вазири маориф ва илми ҷумҳурӣ, иброз дошт, ки аз ҳисоби маблағҳои грантӣ стандартҳои фаннии ҳамаи фанҳои тадрисшавандаи муассисаҳои таҳсилоти умумиро омода кардаем. Дар назар аст, ки аз соли 2015 чопи китобҳои нав шурӯъ мегарданд.
Мунаввари Сафар,
«Ҷумҳурият»


Баёни ақида (0)    Санаи нашр: 26.04.2014    №: 78    Мутолиа карданд: 735

17.07.2019


Музокироти ҳайатҳои расмии Тоҷикистон ва Корея

КУМИТАИ МУҲИТИ ЗИСТ. Нигаронӣ аз набудани партовгоҳҳо дар деҳот

ПРОКУРАТУРАИ ГЕНЕРАЛӢ. 5774 гектар қитъаи замин ба ҳолати аввала баргардонда шуд

ИЗЗАТУЛЛО САТТОРӢ: "Истеҳсоли гӯшти мурғ 9 маротиба зиёд мегардад"

ВАЗОРАТИ АДЛИЯ. Хулосаи ҳуқуқӣ ба 1936 лоиҳаи санадҳои меъёрии ҳуқуқӣ

ТАЭКВОН – ДО. Муниса медали тилло ба даст овард

Суръати рушди ММД Тоҷикистон миёни кишварҳои ИДМ баландтарин шуд

Тоҷикистон ба сохтмони лӯлаи гази «Осиёи Марказӣ — Чин» шурӯъ мекунад

Дар ҷанубу ғарби Чин аз хушксолӣ 7,4 миллион нафар зарар дид

Ҷаҳон дар як сатр

16.07.2019


ХАДАМОТИ АЛОҚА. Корти ID симкорти муштариро ба расмият медарорад

ЭНЕРГЕТИКА. 2,5 миллиард сомонӣ қарзи дебитории "Барқи тоҷик" муаммои ҳалталаб боқӣ мемонад

15.07.2019


Сарвазири Корея ба Тоҷикистон меояд

Баррасии масъалаҳои ҳамгироии САҲА, СҲШ ва ИА дар минтақаи Осиёи Марказӣ

Нахустин шумораи маҷаллаи «Осиё ва Аврупо» аз чоп баромад

ДТТ. Изҳори нигаронӣ аз вазъи бо кор таъмин шудани хатмкардаҳо

ТИБ. 288 номгӯи доруи ғайристандартӣ ошкор шуд

11.07.2019


Шиносоии Қоҳир Расулзода бо сохтмон ва навсозии шоҳроҳи Душанбе – Бохтар

10.07.2019


Нодиртарин "Девон" - и Навоӣ дар Хуҷанд

Бунёди нахустин пойгоҳи ҷаҳонии шабакаи атмосферии Тоҷикистон дар Осиёи Марказӣ

Иттиҳоди Аврупо барои кишварҳои Осиёи Марказӣ 72 миллион евро ҷудо мекунад

Матвиенко: "Дар бозори Россия қариб тамоми об қалбакӣ будааст"

Ҷаҳон дар як сатр

08.07.2019


Баррасии ҷараёни иҷрои Барномаи давлатии тарбияи ватандӯстӣ ва таҳкими ҳувияти миллии ҷавонон

"Душанбе - қалби Тоҷикистон"

Ҳамоиш оид ба таҳияи маҳсулоти сайёҳӣ

Россия нахусткайҳоннаварди арабро бо ғизои махсус таъмин месозад

Зиёни иқтисодии Гурҷистон аз коҳиши сайёҳони рус беш аз $700 миллион хоҳад шуд

Дар Қазоқистон то соли 2021 нияти ифтитоҳи 20 мактаби олӣ ва 180 коллеҷро доранд

СММ: "Қирғизистон нахустин кишварест, ки мушкили бешаҳрвандиро ҳал кард"

Зеленский пурра иҷро кардани созишномаи Минскро ваъда дод

Ҷаҳон дар як сатр

04.07.2019


Ҷаласаи Комиссияи муштараки ҳамкории иқтисодию тиҷоратии Тоҷикистону Покистон

Масъалаи татбиқи ҳамгироии сиёсати давлатии ҷавонон баррасӣ гардид


Дар сомонаҳои дигари Тоҷикистон хонед