logo

маориф

МАРКАЗИ МИЛЛИИ ТЕСТӢ: «БАҚАЙДГИРИИ ДОВТАЛАБОН ИДОМА ДОРАД!»

Солҳои охир дар аксари давлатҳои ҷаҳон раванди навсозии низоми таҳсилоти касбии бисёрзинагӣ дар асоси технологияҳои инноватсионӣ босуръат идома меёбад. Вобаста ба ин, Ҳукумати Тоҷикистон низ бо мақсади баланд бардоштани сифати омодасозии мутахассисон ҷиҳати қонеъ гардонидани талаботи соҳаҳои иқтисодиёту иҷтимоиёти мамлакат бо кадрҳои баландихтисос “Барномаи давлатии рушди таҳсилоти касбӣ дар Ҷумҳурии Тоҷикистон барои солҳои 2008-2015”- ро тасдиқ намуда, дар доираи он як силсила чорабиниҳои заруриро амалӣ намуд.
Фаъолияти Маркази миллии тестӣ ҳам аз ҷумлаи чунин тадбирҳо буда,  дар ҷодаи ворид шудани соҳаи маорифи кишвар ба низоми байналмилалии таҳсилот мусоидат менамояд.
«Таҷрибаи кишварҳое, ки чунин тартиби қабули имтиҳонҳоро ҷорӣ кардаанд, нишон медиҳад, ки низоми мазкур барои интихоби шогирдони дар ҳақиқат сазовори номи донишҷӯй, баланд бардоштани сифати таҳсилот ва сатҳи азхудкунии дониш, хулоса дар ҷодаи тарбияи кадрҳои баландихтисоси миллӣ нақши муҳим мебозад. Рушди босуръати илму техникаи муосир тақозо менамояд, ки дар самти қабули имтиҳонҳои дохилшавӣ принсипҳои шаффофият ва адолату дастрасӣ барои ҳамаи хатмкардагони мактабҳои таҳсилоти миёнаи умумӣ амалӣ карда шаванд»,- изҳор карда буд Сарвари давлат зимни ифтитоҳи марказ.
Раванди қабули донишҷӯён ба мактабҳои олӣ дар шароити имрӯза иқдоми нав буда, имтиҳонҳои дохилшавӣ ба таври   мутамарказ сурат мегирад, ки ин василаи асосии баланд бардоштани сифати таҳсилот, санҷиши воқеии дониши довталабон ва паст кардани сатҳи коррупсия дар соҳаи маориф шуморида мешавад.
- Мақсаду вазифаҳои оинномавии Маркази миллии тестӣ аз он иборат аст, ки имтиҳонҳои дохилшавӣ дар нуқтаҳои ба макони зисти довталабон наздик, шаффоф, объективона ва бо таъмини иштироки баробару озодонаи ҷавонони мамлакат сурат гирад, - мегӯяд сардори шуъбаи идора ва қабули тести ММТ Маҳмадалӣ Раҳмонов. - Моҳияти асосии низоми нав аз он иборат аст, ки дар баробари санҷиши дониши фаннӣ, ба довталабон имконият дода шавад, ки онҳо дар равияҳои интихобкардаашон донишу малакаи худро биозмоянд. Мушоҳидаи ҷараёни бақайдгирии якуниммоҳаи довталабон дурустии гуфтаҳои Сарвари давлатро пурра тасдиқ кард. Пас аз таҳлилу омӯзиши натиҷаҳои бақайдгирӣ маълум шуд, ки довталабон ихтисоси ояндаи худро бештар  дар гурӯҳҳои (кластерҳои) 4  (ҷомеашиносӣ ва ҳуқуқ) ва 5  (тиббӣ, биологӣ ва варзиш) интихоб намудаанд, ки ин нисбат ба нақшаи қабул ба маротиб зиёд мебошад. Шумораи ками довталабон ба гурӯҳи  1 (табиӣ ва техникӣ) рост меояд.
Вазъияти баамаломада масъулони ММТ-ро водор намуд, ки давраи бақайдгирии иловагиро аз 16 то 30 апрели соли 2014 барои довталабоне, ки дар давраи асосии бақайдгирӣ аз қайд гузашта буданд, эълон намоянд.
- Дар ин муҳлат довталабон тавонистанд номгӯйи ихтисосҳои интихобшуда, муассисаҳои таҳсилоти олии касбӣ, шакл, намуд, забони таҳсил ва дигар маълумоти шахсии худро бо пардохти маблағ дар  филиалҳои Бонки давлатии амонатгузории “Амонатбонк” ба андозаи 14 сомонӣ иваз намоянд, - шарҳ дод тадбири мазкурро сухангӯйи ММТ Ситора Назарова. - Бақайдгирии иловагии довталаб танҳо дар нуқтаи бақайдгирие, ки қаблан дар он сабти ном кардааст, ба роҳ монда шуд. Аз  пардохти маблағи муқарраргардида фақат довталабоне, ки падар ва модари онҳо дар қайди ҳаёт нестанд, озод шуданд.
Дар сомонаи ММТ илова бар ин хабари дигаре ба таваҷҷуҳи довталабон расонда шуд, ки он боиси бештар бақайдгирии сафи довталабон гардид. «Тибқи розигии Президенти Ҷумҳурии Тоҷикистон, вобаста ба дархости Вазорати маориф ва илми Ҷумҳурии Тоҷикистон, инчунин хоҳиши шаҳрвандон, дар доираи  марҳалаи азнавбақайдгирӣ то таърихи 30 апрел бақайдгирии довталабони азқайднагузашта низ идома  ёфт».

Эмоми НАЗАРИЁН, «Ҷумҳурият»


Баёни ақида (0)    Санаи нашр: 29.04.2014    №: 79    Мутолиа карданд: 790

23.04.2019


ДЗЮ – ДО. Медали нуқраи Темур Раҳимов аз Чемпионати Осиё

Тиб. Муваффақияти камназири ҷарроҳони рус

Пирӯзии Зеленский дар интихоботи Украина

Фоҷиа дар Шри-Ланка Теъдоди қурбониён ба 300 нафар расид

Лукашенко Россияро ҳомии истиқлолияти Беларус номид

Ёрии низомию техникии Қазоқистон ба Тоҷикистон

Ҷаҳон дар як сатр

22.04.2019


НИММАРАФОНИ БАЙНАЛМИЛАЛИИ ДУШАНБЕ. Фенти Тилахан дар мақоми аввал

Ваҳдат ҳусни тоза мегирад

ХОРУҒ. Бунёди бинои шабакаи ёрии таъҷилӣ

19.04.2019


Вохӯрии Сироҷиддин Муҳриддин бо Жан - Батист Лемуан

Пойтахт ба таҷлили Рӯзи Ғалаба омодагӣ мебинад

Масоили рушди соҳаи маориф матраҳ гардид

Дар Донишгоҳи давлатии Данғара конфронси ҷумҳуриявӣ доир мешавад

Душанбе варзишгарони 15 кишварро ба ҳам меорад

Ҷаҳон дар як сатр

18.04.2019


ҶОМИ АФК. Пирӯзии "Хуҷанд" ва мусовии "Истиқлол"

МУЪМИНОБОД. 221 иншоот дар се сол

РАШТ. Боғистон доман паҳн мекунад

17.04.2019


БУҶЕТИ ДАВЛАТӢ . Ба қонун иловаҳо ворид шуданд

ДМТ. Як нишасти муҳим

Хонандагони Душанбе пешсафи олимпиадаҳои ҷумҳуриявӣ

Армуғон барои дӯстдорони ҷуғрофия

ҶОМИ ОСИЁ. Паҳлавонони тоҷик соҳиби 5 медал

Ҷаҳон дар як сатр

16.04.2019


Вохӯрии Саидзода Зоҳир Озод бо Аскар Таҷибаев

Баррасии масоили мубрам

Ҳамоиш бахшида ба оғози расмии Солҳои рушди деҳот, сайёҳӣ ва ҳунарҳои мардумӣ

Калонтарин тайёра дар дунё ба ҳаво хест

Дар Қазоқистон онлайн-қаллобон фаъол мешаванд

Дар СММ аз манфиати лоиҳаи «Камарбандҳо ва роҳҳо» сухан рафт

Аз таркиш дар Афғонистон ҳафт кӯдак ҳалок гашт

Филмҳои ду коргардони тоҷик барои Фестивали кинои мусалмонӣ интихоб шуданд

Ҷаҳон дар як сатр


Дар сомонаҳои дигари Тоҷикистон хонед