logo

ҳуқуқ

ҚОНУНГУЗОРИИ ЗАМИН ИСЛОҲТАЛАБ АСТ

Дар Маркази миллии қонунгузории назди Президенти Ҷумҳурии Тоҷикистон дар мавзӯи «Масоили ҳуқуқии ислоҳоти қонунгузории замин дар Ҷумҳурии Тоҷикистон» мизи гирд баргузор гардид.

Субҳиддин Баҳриддинов, муовини аввали директори марказ, иброз дошт, ки ҷараёни инкишофи муносибатҳои ҷамъиятӣ дар соҳаи заминистифодабарӣ дар шароити ҳозира зарурияти таҳлили қонунгузории заминро тақозо менамояд. Замин ҳамчун омили муҳими рушди сатҳи иқтисодии зиндагӣ ва манбаи асосии даромади аҳолӣ солҳои охир зери назари ҷиддии Ҳукумат қарор дорад. Сарвари давлат дар Паёми навбатии худ аз 23 апрели соли 2014 зикр кард, ки дар раванди ислоҳот ба соҳаи кишоварзӣ ҳамчун яке аз соҳаҳои муҳими иқтисоди кишвар Ҳукумати Тоҷикистон эътибори аввалиндараҷа медиҳад, зеро таъмини амнияти озуқавории мамлакат аз сатҳи рушди ин соҳа вобастагии мустақим дорад. Ислоҳоти соҳаи кишоварзӣ, инкишофи инфрасохтори он ва таъмини зиндагии шоистаи аҳолии деҳот дар солҳои  минбаъда ҳамчун ҳадафи муҳимтарин боқӣ мемонад.
Азамат Пулодов, сардори шуъбаи қонунгузорӣ оид ба масъалаҳои аграрӣ ва ҳифзи муҳити зисти Маркази миллии қонунгузорӣ, оид ба «Ҳуқуқи субъектони хоҷагидории хориҷӣ ба қитъаи замин» иброз дошт, ки дар қисми 1 моддаи 10-и Кодекси замини Ҷумҳурии Тоҷикистон омадааст: Заминистифодабарандагон шахсони воқеӣ ва ҳуқуқӣ мебошанд. Яъне, аз ибораи шахсони воқеӣ ва ҳуқуқӣ баръало бармеояд, ки дар Тоҷикистон ҳуқуқ ва истифодаи замин ҳам ба субъекти хоҷагидории ҷумҳурӣ ва ҳам ба субъекти хоҷагидории хориҷӣ тааллуқ дорад. Саволе ба миён меояд, ки оё субъекти хоҷагидории хориҷӣ ҳуқуқи истифодабарии бемуҳлати қитъаи заминро дорад?
Дар моддаи 11 Кодекси замини Ҷумҳурии Тоҷикистон омадааст, ки истифодаи бемуҳлати қитъаи замин ба шахсони воқеӣ ва ҳуқуқии Ҷумҳурии Тоҷикистон дода мешавад. Яъне, субъекти хоҷагидории хориҷӣ дар ҷумҳурӣ ҳуқуқи истифодаи бемуҳлати қитъаи заминро надорад. Назар ба гуфтаи мавсуф, мувофиқи муқаррароти қонунгузорӣ ҳуқуқи истифодаи бомуҳлати замин ба шаҳрвандони Тоҷикистон аз се то бист сол ва ба субъектҳои хоҷагидории хориҷӣ то 50 сол муайян шудааст. Аммо ҳуқуқи истифодаи якумраи заминро фақат шаҳрвандони Тоҷикистон доранд.
Муҳаммад Соҳибов, асистенти кафедраи Ҳуқуқи нақлиёт ва ҳуқуқи истифодабарии сарватҳои табиии Донишгоҳи миллии Тоҷикистон, гуфт, ки замин яке аз компонентҳои асосии табиат буда, сарвати муҳими ҷамъияту давлат мебошад. Асоси боигарии тамоми давлатҳоро замин ва сарватҳои он ташкил медиҳад, ки дар ҳолати нодуруст истифода бурдани он як қатор проблемаҳоро дар ҷомеа ба миён меорад.
Мавсуф зикр кард, ки вайроншавӣ ва татбиқи нодурусти қонунгузории замин, хариду фурӯши ғайриқонунӣ, худсарона ишғол намудан  ва зиёдшавии баҳсҳои истифодаи замин дар судҳои умумӣ, иқтисодӣ ва дигар мақомоти ваколатдори соҳа, аз ҷумлаи масоили ташвишовари қонунгузории замин ба ҳисоб мераванд.
Зикр гардид, ки дар натиҷаи омӯзиши санадҳои меъёрии ҳуқуқӣ вобаста ба соҳаи замин муайян карда шуд, ки дар баъзе қонунҳо, аз ҷумла Кодекси замини Ҷумҳурии Тоҷикистон ва «Дар бораи хоҷагии ёрирасони шахсӣ» мухолифатҳо ҷой доранд.
Баргузории мизи гирд аз ҷиҳати илмӣ ва амалӣ ба рушди соҳаи замин, ошкор намудани камбудиҳо ва мушкилоти ҷойдоштаи соҳа, баланд бардоштани маърифати ҳуқуқии заминистифодабарандагон ва самаранок истифода бурдани қитъаи замин мусоидат мекунад.
Мунаввари САФАР, «Ҷумҳурият»


Баёни ақида (0)    Санаи нашр: 14.05.2014    №: 90    Мутолиа карданд: 591

17.07.2019


Музокироти ҳайатҳои расмии Тоҷикистон ва Корея

КУМИТАИ МУҲИТИ ЗИСТ. Нигаронӣ аз набудани партовгоҳҳо дар деҳот

ПРОКУРАТУРАИ ГЕНЕРАЛӢ. 5774 гектар қитъаи замин ба ҳолати аввала баргардонда шуд

ИЗЗАТУЛЛО САТТОРӢ: "Истеҳсоли гӯшти мурғ 9 маротиба зиёд мегардад"

ВАЗОРАТИ АДЛИЯ. Хулосаи ҳуқуқӣ ба 1936 лоиҳаи санадҳои меъёрии ҳуқуқӣ

ТАЭКВОН – ДО. Муниса медали тилло ба даст овард

Суръати рушди ММД Тоҷикистон миёни кишварҳои ИДМ баландтарин шуд

Тоҷикистон ба сохтмони лӯлаи гази «Осиёи Марказӣ — Чин» шурӯъ мекунад

Дар ҷанубу ғарби Чин аз хушксолӣ 7,4 миллион нафар зарар дид

Ҷаҳон дар як сатр

16.07.2019


ХАДАМОТИ АЛОҚА. Корти ID симкорти муштариро ба расмият медарорад

ЭНЕРГЕТИКА. 2,5 миллиард сомонӣ қарзи дебитории "Барқи тоҷик" муаммои ҳалталаб боқӣ мемонад

15.07.2019


Сарвазири Корея ба Тоҷикистон меояд

Баррасии масъалаҳои ҳамгироии САҲА, СҲШ ва ИА дар минтақаи Осиёи Марказӣ

Нахустин шумораи маҷаллаи «Осиё ва Аврупо» аз чоп баромад

ДТТ. Изҳори нигаронӣ аз вазъи бо кор таъмин шудани хатмкардаҳо

ТИБ. 288 номгӯи доруи ғайристандартӣ ошкор шуд

11.07.2019


Шиносоии Қоҳир Расулзода бо сохтмон ва навсозии шоҳроҳи Душанбе – Бохтар

10.07.2019


Нодиртарин "Девон" - и Навоӣ дар Хуҷанд

Бунёди нахустин пойгоҳи ҷаҳонии шабакаи атмосферии Тоҷикистон дар Осиёи Марказӣ

Иттиҳоди Аврупо барои кишварҳои Осиёи Марказӣ 72 миллион евро ҷудо мекунад

Матвиенко: "Дар бозори Россия қариб тамоми об қалбакӣ будааст"

Ҷаҳон дар як сатр

08.07.2019


Баррасии ҷараёни иҷрои Барномаи давлатии тарбияи ватандӯстӣ ва таҳкими ҳувияти миллии ҷавонон

"Душанбе - қалби Тоҷикистон"

Ҳамоиш оид ба таҳияи маҳсулоти сайёҳӣ

Россия нахусткайҳоннаварди арабро бо ғизои махсус таъмин месозад

Зиёни иқтисодии Гурҷистон аз коҳиши сайёҳони рус беш аз $700 миллион хоҳад шуд

Дар Қазоқистон то соли 2021 нияти ифтитоҳи 20 мактаби олӣ ва 180 коллеҷро доранд

СММ: "Қирғизистон нахустин кишварест, ки мушкили бешаҳрвандиро ҳал кард"

Зеленский пурра иҷро кардани созишномаи Минскро ваъда дод

Ҷаҳон дар як сатр

04.07.2019


Ҷаласаи Комиссияи муштараки ҳамкории иқтисодию тиҷоратии Тоҷикистону Покистон

Масъалаи татбиқи ҳамгироии сиёсати давлатии ҷавонон баррасӣ гардид


Дар сомонаҳои дигари Тоҷикистон хонед