logo

ҳуқуқ

ҒОРАТГАРОНИ НАШЪАМАНД

Нашъамандӣ худ ҷиноят аст ва шахсро ба содир намудани ҷиноятҳои бештар тела медиҳад. Чи қадар оилаҳо аз ин вабои аср азият мекашанд. Даҳшат аст ин, даҳшат! Гӯё чоҳи бетаг ва ё ҷаҳаннамест, ки гирифторони онро ба қаъраш мекашад.

Моҳи январи соли равон суди ноҳияи Фирдавсии шаҳри Душанбе парвандаи ҷиноятиро бо айбдории Хуршед Тоҷиддинов, сокини шаҳри Душанбе, кӯчаи Чортут ва Ҷамшед Қурбонов, сокини шаҳри Душанбе, кӯчаи Шаропов бо моддаи 244, қисми 4, банди «б»-и Кодекси ҷиноятии Ҷумҳурии Тоҷикистон баррасӣ намуд. Хуршеди 37 - сола қаблан панҷ маротиба суд шуда, бори охир бо ҳукми Суди ноҳияи Синои шаҳри Душанбе бо моддаи 201, қисми 3, банди «б» ба муҳлати 6 сол аз озодӣ маҳрум гашт. Барояш дар маҳалли адои ҷазо чораҳои маҷбурии тиббӣ аз нашъамандӣ таъйин карда шуд. Пас аз адои ҷазо 30 марти соли 2013 ба озодӣ баромад.
Вале, мутаассифона, солҳои маҳрумият аз озодӣ ба Хуршед дарси ибрат нашуд.
Ӯ бо Ҷамшед Қурбонов, ки соли 2004 бо моддаи 244, қисми 2 «а», «в», «г» Кодекси ҷиноятии Ҷумҳурии Тоҷикистон ба муҳлати 2 сол аз озодӣ маҳрум шуда буд, 25 ноябри соли 2013 бо мақсади дуздӣ ба хонаи шаҳрванд Абдулвоҳид Нурзодаев, воқеъ дар кӯчаи Ленинград, ворид шуда, ҷиҳози барқии кафшергариро, ки арзишаш 700 сомонист, тасарруф намуд. Ҳамон рӯз онро ба шаҳрванд Зоҳир Толибов ба маблағи 150 сомонӣ фурӯхта, аз шахси номаълум маводи мухаддири навъи героин харида, истеъмол карданд.
Ҳар ду аз рӯи маслиҳати пешакӣ рӯзи 11 декабри соли 2013 ба хонаи шаҳрванд Саодат Гулаҳмедова, воқеъ дар кӯчаи Севастопол, ворид шуда, аз ҳуҷраи хоб маҷмӯи ҷавоҳироти бо бриллианту зумуррад ороишёфта, аз ҷумла гӯшвору дастбанд, ангуштару гарданбандҳои тиллоӣ, як суратгираки тамғаи «Фуҷи – фил», як компютери тамғаи «Делл», корду табақчаи хотиравӣ, ду адад шиму костюм, дар маҷмӯъ ба маблағи 54355 сомонӣ ашёро ғорат намуданд. Онҳо як қисми ҷавоҳиротро дар бозорҳои «Шоҳмансур» ва «Корвон» фурӯхтанд.
Баъди се рӯз, дар натиҷаи дидани чораҳои фаврӣ аз ҷониби кормандони ШВКД-и ноҳияи Фирдавсии шаҳри Душанбе ҷинояти содиршуда ошкор ва ҳар ду дастгир шуданд.
Бо андешидани чораҳои зарурӣ аз онҳо ҳамчун далели шайъӣ як ҷуфт гӯшвор, ду адад гарданбанди тиллоӣ, як дастбанд, як костюм, компютер ёфта гирифта шуд.
Мутобиқи моддаҳои 332-336, 338 – 339, 341 – 344, 347 – 348, 350 – 351 ва 357 – 359-и Кодекси мурофиаи Ҷумҳурии Тоҷикистон суд ҳукм кард, ки Хуршед Тоҷиддинов ва Ҷамшед Қурбонов бо моддаи 244, қисми 4, банди «б»-и Кодекси ҷиноятии Ҷумҳурии Тоҷикистон гунаҳгор дониста шаванд.
Ба Хуршед Тоҷиддинов ҷазо дар намуди маҳрум сохтан аз озодӣ ба муҳлати 10 (даҳ) сол бо адо намудани ҷазо дар колонияҳои ислоҳии дорои низоми сахт, таъйин гардид.
Ба Ҷамшед Қурбонов ҷазо дар намуди маҳрум сохтан аз озодӣ ба муҳлати 8 сол бо адо намудани ҷазо дар колонияҳои ислоҳии дорои низоми пурзӯр таъйин шуд.
Диловар МИРЗОҲОМИДЗОДА,
судяи Суди ноҳияи Фирдавсии шаҳри Душанбе   


Баёни ақида (0)    Санаи нашр: 15.05.2014    №: 91    Мутолиа карданд: 509

15.07.2019


Сарвазири Корея ба Тоҷикистон меояд

Баррасии масъалаҳои ҳамгироии САҲА, СҲШ ва ИА дар минтақаи Осиёи Марказӣ

Нахустин шумораи маҷаллаи «Осиё ва Аврупо» аз чоп баромад

ДТТ. Изҳори нигаронӣ аз вазъи бо кор таъмин шудани хатмкардаҳо

ТИБ. 288 номгӯи доруи ғайристандартӣ ошкор шуд

11.07.2019


Шиносоии Қоҳир Расулзода бо сохтмон ва навсозии шоҳроҳи Душанбе – Бохтар

10.07.2019


Нодиртарин "Девон" - и Навоӣ дар Хуҷанд

Бунёди нахустин пойгоҳи ҷаҳонии шабакаи атмосферии Тоҷикистон дар Осиёи Марказӣ

Иттиҳоди Аврупо барои кишварҳои Осиёи Марказӣ 72 миллион евро ҷудо мекунад

Матвиенко: "Дар бозори Россия қариб тамоми об қалбакӣ будааст"

Ҷаҳон дар як сатр

08.07.2019


Баррасии ҷараёни иҷрои Барномаи давлатии тарбияи ватандӯстӣ ва таҳкими ҳувияти миллии ҷавонон

"Душанбе - қалби Тоҷикистон"

Ҳамоиш оид ба таҳияи маҳсулоти сайёҳӣ

Россия нахусткайҳоннаварди арабро бо ғизои махсус таъмин месозад

Зиёни иқтисодии Гурҷистон аз коҳиши сайёҳони рус беш аз $700 миллион хоҳад шуд

Дар Қазоқистон то соли 2021 нияти ифтитоҳи 20 мактаби олӣ ва 180 коллеҷро доранд

СММ: "Қирғизистон нахустин кишварест, ки мушкили бешаҳрвандиро ҳал кард"

Зеленский пурра иҷро кардани созишномаи Минскро ваъда дод

Ҷаҳон дар як сатр

04.07.2019


Ҷаласаи Комиссияи муштараки ҳамкории иқтисодию тиҷоратии Тоҷикистону Покистон

Масъалаи татбиқи ҳамгироии сиёсати давлатии ҷавонон баррасӣ гардид

ФУТБОЛ. Чемпионати АФОМ дар Тоҷикистон мегузарад

Омӯзгоронро барои кор дар Тоҷикистон ва Қирғизистон интихоб менамоянд

Сарвазири Италия пазироии самимии Путинро ваъда кард

Дар Минск паради низомӣ бахшида ба Рӯзи Истиқлолияти Беларус доир гашт

Путин шартҳои муколамаи Москва ва Киевро ном бурд

Суд ба маъмурияти Трамп истифодаи маблағи Вазорати мудофиаро барои деворсозӣ манъ намуд

Ҷаҳон дар як сатр

02.07.2019


Тақвияти ҳамкориҳо бо БАТР

Мулоқоти Исматулло Насредин бо Умар Аюб Хон

Озмунҳои «Маҳаллаи беҳтарин» ва «Кӯчаи беҳтарин» баргузор мешаванд

Тоҷикистон. Барои табобати Осия Зулфонова аз Олмон табиб оварданд

То соли 2020 маҳсулоти муштараки ширии Тоҷикистону Беларус ба бозор мебарояд


Дар сомонаҳои дигари Тоҷикистон хонед