logo

ҳуқуқ

ЗАРХАРИД ТИБҚИ ҚОНУН ҶАЗО МЕГИРАД

Дар ҷаласаи навбатии Маҷлиси намояндагони Маҷлиси Олӣ, ки таҳти раёсати Шукурҷон Зуҳуров, раиси Маҷлиси намояндагон, баргузор гардид, созишномаи грантӣ ба тасвиб расид. Ҳамчунин ба се қонуни Ҷумҳурии Тоҷикистон тағйиру иловаҳо ворид гардиданд.
 

Ваколатдор оид ба ҳуқуқи инсон қасам ёд кард
Дар оғози ҷаласа Фармони Президенти Ҷумҳурии Тоҷикистон таҳти рақами 205, аз 16 майи соли 2014, Дар бораи Ваколатдор оид ба ҳуқуқи инсон дар Ҷумҳурии Тоҷикистон ба муҳлати навбатӣ таъин намудани Ализода Зариф аз тарафи Ҷумъа Давлатов, ёрдамчии Президенти Ҷумҳурии Тоҷикистон оид ба сиёсати ҳуқуқӣ, ваколатдори Президенти Ҷумҳурии Тоҷикистон дар Маҷлиси миллӣ ва Маҷлиси  намояндагони Маҷлиси Олии Ҷумҳурии Тоҷикистон, хонда шуд.
Зикр гардид, ки таъини Ваколатдор оид ба ҳуқуқи инсон бо ризоияти Маҷлиси намояндагон сурат мегирад. Сипас Ализода Зариф дар назди вакилони Маҷлиси намояндагон савганд ёд кард, ки ҳуқуқу озодиҳои инсон ва шаҳрвандро ҳимоя намуда, уҳдадориҳои Ваколатдорро дар асоси Конститутсия ва қонунҳои ҷумҳурӣ содиқона ба ҷо меорад.

Созишномаи грантии «Дастрасӣ ба маблағгузории сабз» ба тасвиб расид
Ҷамолиддин Нуралиев, муовини аввали вазири молияи ҷумҳурӣ, зимни тасдиқи Созишномаи грантӣ (Амалиёти махсус) оид ба лоиҳаи «Дастрасӣ ба маблағгузории сабз» байни Ҷумҳурии Тоҷикистон ва Бонки Осиёии Рушд иброз дошт, ки он дар заминаи беҳтар намудани дастрасии маблағгузорӣ ба воситаи ба роҳ мондани роҳҳои алтернативии истифодаи таҷҳизоти каммасрафи барқӣ татбиқ мегардад. Яке аз масъалаҳои муҳиме, ки ба пуррагӣ ҳалли худро наёфтааст, ин таъмин намудани аҳолии кишвар бо қувваи мунтазами сифатноки барқ арзёбӣ мешавад.
Назар ба гуфтаи мавсуф, соли 2009 бо  ташаббуси Президенти мамлакат воридот ва истеҳсоли лампаҳои каммасраф дар қаламрави ҷумҳурӣ ба роҳ монда шуд. Барои мусоидат ва беҳтар намудани шароити зиндагии мардуми кишвар Ҳукумати ҷумҳурӣ чораҳои зарурӣ меандешад. Аз ҷумла,15 августи соли 2013 Созишномаи грантиро барои татбиқи лоиҳаи «Дастрасӣ ба маблағгузории сабз» дар шаҳри Душанбе ба имзо расонд. Ҳадафи лоиҳаи мазкур дастрас намудани дастгоҳҳои каммасраф ба аҳолӣ ва мустаҳкам намудани ташкилотҳои молиявии қарзии дохилӣ ва додани қарзҳои имтиёзнок мебошад.
Маблағи умумии лоиҳаи мазкур ба 11,87 миллион доллар мерасад.
Ба гуфтаи Ҷамолиддин Нуралиев, татбиқи лоиҳа ба коҳиш додани хароҷот барои сӯзишворӣ, аз байн бурдани харобкорӣ ва буридани ҷангалзор, фароҳам овардани шароити хуби таҳсил аз тариқи таъмини рушноӣ дар мактабҳо ва хонаҳо ҳангоми танқисӣ ба неруи барқ, дастрасӣ ба қарзҳои хурди имтиёзноки дарозмуддат, ҳавасмандии иқтисодии молиявии рушди бахши хусусӣ барои таъсиси ҷойҳои нави корӣ мусоидат мекунад.
Зикр гардид, ки қарзҳои хурд ба маблағи аз 200 то 5 ҳазор доллар  тавассути ташкилотҳои хурди қарзӣ ба аҳолӣ дода мешавад.

Ба кодекси ҷиноятӣ тағйиру илова ворид гардид
Абдуманнон Холиқов, муовини аввали вазири адлияи ҷумҳурӣ, зимни ба тасвиб расондани лоиҳаи Қонуни Ҷумҳурии Тоҷикистон «Дар бораи ворид намудани тағйиру иловаҳо ба Кодекси ҷиноятии Ҷумҳурии Тоҷикистон» гуфт, ки ҳадаф аз илова намудани моддаи 401, ҷалб ва иштироки ғайриқонунии шаҳрвандони Ҷумҳурии Тоҷикистон ва шахсони бешаҳрванд дар задухӯрди мусаллаҳона ё амалиёти ҷангӣ дар қаламрави дигар давлатҳоро пешбинӣ менамояд. Тибқи маълумоти мавҷуда дар давоми 7-8 соли охир ҳолати иштирок намудани шаҳрвандони Тоҷикистон дар амалиётҳои ҷангӣ дар давлатҳои дигар ба назар мерасад. Мувофиқи маълумоти ҷойдошта танҳо дар давоми соли 2013 аз ҷониби мақомоти дахлдори ҷумҳурӣ нисбат ба 6 нафар шаҳрванди Тоҷикистон барои иштирок дар амалиёти ҷангӣ дар дигар давлатҳо парвандаи ҷиноятӣ оғоз ёфта, 3 нафараш бо ҳукми суд маҳкум шуд. Дар соли 2014 низ нисбат ба якчанд нафар парвандаи ҷиноятӣ оғоз гардид.
Моддаи 401-и Кодекси ҷиноятӣ барои зархаридӣ ҷавобгарии ҷиноятӣ пешбинӣ менамояд.
Тибқи эзоҳи ин моддаи Кодекс шахсе зархарид эътироф карда мешавад, ки ба мақсади гирифтани подоши пулӣ дар амалиёти ҷангӣ ҷалб мегардад.
Мунаввари САФАР, «Ҷумҳурият»


Баёни ақида (0)    Санаи нашр: 23.05.2014    №: 97    Мутолиа карданд: 638

19.09.2018


ТОҶИКИСТОН ВА ӮЗБЕКИСТОН. Аввалин тамринҳои муштараки низомӣ

Таъсиси 57 корхонаи нав

Намоиши дастовардҳо ба муносибати Рӯзи шаҳри Хуҷанд

Зуҳро Саидова – соҳиби шоҳҷоиза

Таҳаммул аз амалҳои террористӣ норавост

Баргузории ҳамоиши маъмурони роҳи оҳани кишварҳои СҲШ дар Ӯзбекистон

Дар Ироқ 27 ҳазор нафар аз об заҳролуд гашт

Тӯли 40 соли ислоҳот дар Чин ҷои кор 346 дарсад афзуд

Остона ҳамоиши ҳаштуми глобалии туризми шаҳриро пазироӣ мекунад

Ҷаҳон дар як сатр

18.09.2018


САМБО. Дурахши варзишгари навраси тоҷик дар Аврупо

Иди асал дар Душанбе

КӮЛОБ. Боз ду меҳмонхонаи нав ба истифода дода шуд

Ҷаҳон дар як сатр

ӮЗБЕКИСТОН. Оғози машқҳои низомии муштарак

Теъдоди қурбонии тӯфони «Мангхут» аз 60 нафар гузашт

Дифои Вазорати ҳуқуқи инсони Покистон аз ҳуқуқи занҳо

Таҳсили фосилавӣ ба ҳар хонандаи ҷопонӣ дастрас шуд

Дар Остона ба хариди партов шурӯъ карданд

17.09.2018


НОҲИЯИ РӮШОН. Сарҳадбонон соҳиби бинои наву замонавӣ шуданд

Баргузории фестивали шаҳрии эҷодиёти кӯдакон

“КӮКНОР-2018”. Мусодираи беш аз 550 килограмм маводи нашъаовар дар Хатлон

ФУТБОЛ. "Хуҷанд" ба пеш баромад

11.09.2018


ДУШАНБЕ МИЗБОНИ СОҲИБКОРОНИ ҶАҲОН

ДЕВАШТИЧ. БУНЁДКОРИҲОИ НОҲИЯ НАМУНАИ ИБРАТАНД

МАРЗ. Боздошти қочоқбарон

КӮЛОБ. ИФТИТОҲИ БОҒЧАИ НАВ

05.09.2018


БӮСТОН. Бунёди чор иншооти нав

ФУТБОЛ. Дар Тоҷикистон мусобиқаҳои байналмилалӣ доир мегарданд

Ориф Алвӣ 13-умин президенти Покистон интихоб гашт

Дар Арабистони Саудӣ барои маводи тахрибӣ дар интернет зиндонӣ мекунанд

Дар Гуҷарат сохтмони баландтарин ҳайкали дунё анҷом меёбад

Ҳиндустон барномаи нави кайҳониро амалӣ месозад

04.09.2018


Боздиди Сарвазири мамлакат аз иншооти гармидиҳии шаҳри Душанбе


Дар сомонаҳои дигари Тоҷикистон хонед